新羅寶韓國餐廳

營業中

休息中

跟好友共聚，相約在尖沙咀美麗華商場，4樓的新羅寶韓國料理，這是一間正宗的韓國餐廳，裝修都是傳統韓國風，環境闊落枱跟枱的間隔十足。食物選擇十分之豐富，當下單後店員便會送上前菜，包括有2款不同辣度的泡菜，西蘭花🥦、菠菜、芽菜同青瓜🥒，另外有個試食區可自行取泡菜味蘿蔔，款款都有水準。節瓜韮菜餅，韮菜本身都好香，加入節瓜麵粉一併煎，口感煙靭彈牙十分好！蒸雞蛋，蒸蛋脹卜卜，口感柔嫩軟綿綿，用上石鍋更令保持熱度，唔怕佢凍左，可慢慢享用。牛排骨湯麵，牛排骨堅得，好腍又入味，帶上少少肥肉好好食，麵條清爽滑口，湯清淡得黎都唔錯。石鍋雜錦拌飯，拌飯色彩繽紛配料豐富，有牛肉、雞蛋、紫菜、紅蘿蔔絲、菠菜同芽菜，加上辣醬更加惹味可口，食到最後仲有脆口飯焦添架。