新羅寶韓國餐廳 (已結業)

返工前相約同事好友食機場呢間韓國菜🇰🇷，無訂位等餐廳開門，地方大，店員安排坐收銀處附近的四人枱，枱之間有活動間板相隔，先上茶及泡菜，茶應該係麥茶，夠熱加好香（喜歡呢種瓷茶壺）泡菜款式幾多，跟人數限制添食次數，蓮藕同魚蛋皮都比較少見的款式商務午餐選擇多軟滑豆腐煲套餐：最喜歡的韓食，濃湯微辣配嫩滑豆腐，豆腐及蔬菜入味，海鮮（八爪魚🐙、蜆）比較細碎！白飯鬆軟，鐵碗不方便攞起（辣手）不知是否韓國人不用攞起飯碗食🤔湯撈飯濕濕地好味！呢款等得最耐，應該係落單先整（我估）鐵板烤肉套餐：炆牛排骨套餐：店員勤快，不多說話，服務正常因不是我比錢，無收據

Check-in 完，因為唔想食飛機餐，所以去了二號大樓的新羅寶食番餐先上機。今日天氣很好，坐在窗口位，向外望感到很開揚，不過出面有很多工程做緊，相信不久的將來開揚的景觀會消失吧。前菜kimchi有很多碟，齋食呢幾碟都飽得幾成。主食叫咗一份【烤特級雪花牛肉】和一個【牛排骨湯麵】。爐火一開，便把預先醃過的雪花牛肉放進爐上烤，陣陣烤肉香氣隨即散發出來。牛肉很高質素，肉味香，有口感。【牛排骨湯麵】很大碗，不過湯底比較清淡。麵上只有三件牛排骨，很腍很入味。

I often to go there to have bbq and meals. The food is very very tasty, but their service is super poor!!! We were there many time, now we don’t expect anything from them. Because of distance, we were there. They don’t serve side sauces which is necessary when/after they serve meals. They don’t care about customer’s needs, plus they seem they don’t want to know. We ask some requests, we usually asked more times over and over. On the other hands,few weeks ago we visited Causeway branch, food

今日同一班同事去新羅寶聚餐，大年初一，T2好清静不用等位。点了幾個餐跟住有韓式小吃，泡菜不可缺，年藕和小魚淹好好味。韓色壽司韓式炒粉絲是最炒年糕太辣但好有趙口煎九菜餃子，脆口這個是1号餐有牛，豬，雞肉套餐，見到以為伏但味道還可。希望下次再点有改善。

由於在機場附近工作, 所以最近也積極探索機場周邊地區,看看有什麼好吃的。而最近網羅了這間新寶羅餐廳。先從餐廳環境說起:中午時候,已經看見長長的人龍在餐廳外, 所以本人也是抱有期待的。進入餐廳坐下後, 有一個感覺, 就是典型的韓式餐廳格局,偏冷調的, 但是餐廳播放著時下流行的西方POP MUSIC, 感覺頗有趣。桌上空間足夠,也乾淨的。員工服務: 也許人太多, 職員都面無表情了。食物質素: 在我們坐下的一刻, 員工已經遞上了泡菜, 漬物等等小菜。味道不錯, 據說,這些都是免費提供而且可以無限REFILL。正餐方面,我點了一個豬肉便當, 配上一個白飯。雖然餐單上顯示這個菜是十分SPICY的。但本人吃下也感覺還可以, 所以大家放心吃吧, 口味是適合香港人的。 味道也不錯!整體而言, 這家餐廳雖然員工沒有十分好的服務態度, 但食物方面是可以的, 我相信我會再來, 下一次要試試人參雞湯泡飯看!! 因為我同事吃得津津有味。推介大家來嚐試一下。

#MJ赤鱲角#MJ韓式🐟烤鰻魚套餐(🤤7/10)🔽一黎店員就已經放低5小碟既韓式開胃小食俾我地，有泡菜等既小食，味道不俗。個餐仲包埋一碗湯，應該係牛肉湯黎 味道清淡得黎都有啲牛肉既鮮甜味。雖然唔太明楚韓式既烤鰻魚係點 但一食落去既第一個感覺就係其實同日本餐廳食到既鰻魚係一樣味既，唔太知佢韓式左係邊度，不過以味道黎講幾好食既，鰻魚油份幾夠 食落油潤 幾重鰻魚味道。📍新羅寶韓國餐廳📍赤鱲角香港國際機場二號客運大樓翔天廊5樓#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#赤鱲角美食#食好西#新羅寶韓國餐廳#烤鰻魚套餐

見平時下午排隊超長龍，今次一個人黎食以為會快d, 點知阿姐係寧願比排我前面或後面的3人，4個人什至5個人坐都唔比我坐等左30分鐘終於入到去，同另外10個人一檯的人搭檯。想問佢比個茶壺我倒茶，佢竟然大聲喝搭檯的10人同我share 一壺茶😱。但明明附近空檯有勁多茶壺。果10個人當中一個人問佢拎多個茶壺唔得嗎？個阿姐勁唔好老脾話「茶share 係沒問題的！ 」。 知道你地好忙，但唔代表要比差服務客人～ 前菜亦都沒左可以免費加

男友接收工為左獎勵佢，就帶左佢去食好野平時既我唔鐘意食韓國野，因為香港既韓國餐廳都一般般但新羅記唔同，好好味，而且又可以不停fill小食。我地食左個人參雞湯，好正宗，男友話同佢韓國食一樣咁高質，鹽都係自己加，入面仲有糯米飯，但我地太飽，食唔晒，所以打包左，可見佢地份量十足！！呢個價錢都值！仲叫左個牛仔骨，雖然有少少油，但好入味，如果鐘意食牛可以一叫。我地本來打算食燒肉，但因為我男友話唔想整到套衫有味就冇食到，下次真係想試下佢既燒肉呀！只係影左牛仔骨，唔記得左影人參雞！

一直覺得錯的韓國餐廳，今次卻被午市套餐內的這款牛肉湯飯$85,打了大大折扣不試也不會損失，其實係湯飯feel,熱辣辣上枱，才勉強加分，牛肉極小，味道怪怪，有強烈中伏感

👉🏻烤鰻魚套餐🍱💲95(機場員工優惠價)又係米芝蓮推介餐廳 又係令我再一次對米芝蓮餐廳感到極失望💩今次仲食到講晒粗口🤡明明張menu好靚仔架 真心一個套餐有好多配菜 但結果原來啲配菜係一早擺晒係枱 搞到勁似係平時餐廳啲19餐前小食(花生/酸菜)咁款😺雖然所有配菜都係凍食但張枱人都冇就擺好晒 我望到會覺得佢唔知擺咗幾耐好似鋪晒塵咁🌚仲要唔好食🤦🏻‍♀️其中一碟係紫菜 佢又油又冧一舊舊痴埋晒係想點🌚完全違反紫菜應該要脆嘅口感🌚主菜條鰻魚好薄又好普通 飯嘅份量男仔表示完全唔夠食🤷🏻‍♀️個湯飲咗一啖lur都lur唔切🤮勁大陣油抑味好似飲緊油溝水咁好嘔心🌚點解呢間嘢可以咁難食🌚重點係佢唔平 優惠折咗都要$90👹

這款韓式宮廷拌飯，曾經得獎。食材是以生牛肉做主打，再配生雞蛋和芽菜，红蘿蔔絲，白蘿蔔絲，翠肉瓜絲，東菇絲，菠菜，木耳絲，芝麻和韓式辣椒醬冷吃拌飯系列。非常適合在炎夏享用，非常醒口開胃。侍應亦同事奉上一碟韓式辣椒醬，和一壺熱茶,自斟自飲 。另外再送例湯一碗，和五小碟精緻好味韓式前菜。總括份量也超多，一個人食，真的卓卓有餘。而且位置在機場客運二号大樓，沒有像市區般的擠迫感和等位的不自在感，可以輕鬆自在地慢慢亨用。

端午節原本是假期，點知被安排開工，真係唔多開心。好彩我工作效率高，未夠四點就殺晒D嘢。拿拿臨同朋友匯合去食好嘢。去邊度食? 緊係去機場韓食啦。呢間嘢中高檔，車軚人都有推介，我都來過好多次，貪佢假期唔多人，唔使去佢哋嘅銅鑼灣或尖沙咀店同人逼。仲有係佢對住機場個停車場，景觀好開揚，天氣好嘅時候望住藍天白雲食嘢，真係幾唔錯架。人少少，靜靜地，歎番杯茶，心情都好D。點咗兩個鎮店之寶，分別係【烤特級牛排骨肉 $180】、【炆宮中牛排骨 $215】。如常地，餐廳會提供些 kimchi 作前菜，可以一邊食一邊等兩個鎮店之寶。如果嫌唔夠，可以要求職員追加，佢哋係好好人，絕對無問題。【炆宮中牛排骨 $215】呢個係得獎名菜，所以幾乎每次來我都會食。用韓式燒鍋來上，裡面有炆得好好味嘅好腍嘅大大件嘅牛掛骨，保證好食。仲有係豆腐、年糕、人蔘添。嗦埋啲湯汁來食，非常滋味。【烤特級牛排骨肉 $180】200 gram 靚牛肉，經特別醃過，所以非常美味。先放洋蔥和冬菇去個爐先，出出D 香味。然後就燒牛肉。牛肉薄，所以輕輕燒一燒就食得。加埋附送的洋蔥絲和秘製汁來食，又保證好好食。兩人埋單都只係四百幾，食米芝蓮喎，唔貴

中午時間同同事搵食！新羅寶一向好食，但遲少少嚟都要排隊，皆因好多旅行團會嚟食！今日星期五，一早12:15就到，要坐出面。其實呢度嘅韓燒同樣出色，但lunch食韓燒好似太超過！所以都係叫返set lunch! Set lunch好多選擇，有烤鰻、鐵板豬、bibimbap、人蔘雞，但我嘅至愛永遠係牛排骨湯飯！與同事一人一個叫了同一款，最勁試過一行十個同事但十個都叫呢個牛排骨湯飯！佢其實係一鍋炆牛排骨，入面仲有韓式年糕、蕃薯、蘿蔔，再另上飯，個湯甜甜地，炆到牛排骨同蕃薯好入味，但年糕唔知點解退步咗，同個湯格格不入，完全冇味。但淨係食牛排骨都夠，皆因大大舊啖啖肉。另設韓式前菜韮菜飯、泡菜、麻油芽菜任添，麥菜任斟。以前還有飯後生果，但今次來就沒有了。

餐廳非常光猛濶落，食客不多，私隱度極高，和友人飯局傾計，一流。餐前送上五小碟韓式小食，款款都非常好味，再送非常濃味的牛肉蘿蔔湯，真的令人食慾大增。餐牌中的石鍋雜錦飯和上枱的實物一模一樣，看見都食指大動，牛肉絲，菠菜，翠玉瓜絲，紅白蘿蔔絲，木耳絲，冬菇絲，再加一隻生雞蛋，熱辣辣，香噴噴，再配一碟韓國辣椒醬，和雜錦飯混在一起吃，簡直是絕配，食到最後，仍然熱辣辣飯已變成脆卜卜的飯焦,好味到不得了。而且有一大壺茶放在餐桌上，非常大方，讓食客自斟自飲。有機會和時間，一定再慢歎一次。

其實從來都唔打食評，但呢次真係奶野，點都要留返幾隻字。喺機場附近返工，lunch排左陣隊好快入到去食，有lunch set menu，價錢還可以接受。叫左個七號餐，炆牛排骨跟飯，好記得係七號，因為侍應阿姐上菜，喺嘈雜嘅環境問:”邊個2號？”、”邊個7號？”，唔係好聽得清楚佢講乜，即時亦反應唔切，兩秒思考時間都無，阿姐就開口大罵:”你地唔知自己叫乜咩？叫完又唔應，唔食呀嘛？”，然後發悔氣咁放低，口嗡嗡繼續鬧我地，態度非常惡劣。我頂唔住頸，就話返佢:”知你好忙好多野做，但你而家咩態度呀？我地黎食野，唔係俾你鬧”然後個阿姐再鬧，話:”我態度係咁架喇，邊個七號？”，我同另一個同事都舉手，然後佢拎左去俾另一個同事先，隔左陣先拎我嗰份黎。我心諗，係咪加我料呀？老實講，食物唔差，係ok，之後呢個阿姐都無出現，有另一個姐姐serve我地，有一份餐遲左上，另一個姐姐都好有禮貌，話唔好意思。之後返到office，隔左大半個鐘，就奶野喇，肚疴到七彩，唔排除係加左我料。