新記冰室 (已結業)

新記冰室好出名，搬左過黎就第一次試，地點好方便，係朗豪坊格離一條街。一入到去好有懷舊冰室既feel，有舊式裝修，但唔同既係有冷氣，舒服好多。芝士撈面好出名，但今日想食飯，就叫左自家蔥蒜豬扒飯，一見到大大兜，好多豬扒，豬扒都好入味，好香蔥味，飽肚之選。跟餐配奶茶紅豆冰，奶茶紅豆冰小見，都幾有特色，重點係都幾大杯，奶茶冇乜甜味，但配左甜甜既紅豆，balance 番就夠哂味。另一個好出名既就係瑞士汁，叫左個瑞士汁雞髀，見到咁大隻第一下有小小o咀，雞皮有瑞士汁味，入面啲肉好滑，一d都唔柴。最後叫埋個法蘭西厚多士，厚多士係真係厚個隻多士，入面包住厚厚既花生醬，加埋新鮮炸起，太邪惡了。所有食物既份量都多，價錢方面都幾抵食，又有懷舊冰室既感覺，地點又方便，行過可以試下。

新記芝士麵唔洗多介紹都知呢個係大熱人氣餐廳新記嘅招牌菜，佢哋喺公仔麵上面加咗你想要嘅餸，再淋上滿滿嘅芝士醬，芝士醬芝味十足之餘，咸香奶香味都好濃。將芝士醬拌勻於公仔麵，令每條麵條都被芝士醬包裹住，咁就更加美味，更加邪惡，口感亦都好Creamy。蜜汁龍鬚：除咗芝士麵之外，新記名物蜜汁龍鬚都唔可以錯過，龍鬚即係魷魚鬚，用咗好甜甜嘅蜜汁煮，口感彈牙爽口，味道香甜～～新記公司雜扒飯，但係CP值好高，入面有豬扒、雞扒、香腸、蛋等配料，佢哋仲有多款嘅醬汁可以選擇，原本只配茄汁，我哋呢次試咗佢哋嘅咖喱汁，佢哋嘅咖喱唔係港式嘅口味，用嘅係日式嘅咖喱，味道帶甜，有咖喱嘅香味，少咗咖喱嘅辣，但係可以迎合埋唔食辣嘅朋友。

新記芝士麵好出名呢，試下佢先叫咗1️⃣鴨胸+雞扒芝士麵2️⃣黑椒豬扒腸仔飯3️⃣奶油豬仔包-1️⃣鴨胸+雞扒芝士麵芝士麵發揮正常，但啲餸超鹹，最失望係雞扒竟然唔熟，而且好重雪味，雖然只係五十幾蚊，但咁既質素真係唔值2️⃣黑椒豬扒腸仔飯豬扒同上面雞扒一樣，都係好鹹腸仔都無佢咁鹹3️⃣奶油豬仔包三樣野最正常係呢個包-除咗食物質素唔好之外，職員服務都唔好，你有你叫佢落單，佢地有佢地傾計，可能唔至在生意吧衛生也是，不論餐具同枱都好污糟

喺OpenRice見到好多人推介🫣 得閒過嚟試吓😂 但的而且確有啲失望，未至於想像中咁好食。叫咗個芝士汁豬頸肉煎蛋撈公仔麵🍜，芝士汁雖然好多，但都冇乜味咁🫣 豬頸肉唔夠林唔夠香，好普通🫣 個煎蛋就真係好食啦，係最讚嘅嘢，煎得好有水準🥰 奶茶我就用茶餐廳嘅質素去評分，茶唔夠濃🫣 同未換茶底咁，好澀咁😅 識睇茶色嘅應該明我講乜😂唔知點解咁出名😅 仲等我特登過嚟食😅#芝士 #撈麵 #奶茶 #煎蛋 #豬頸肉 #新記 #旺角

人氣芝士麵🧀️🍜有日早放工 趕得切6點前趁下午茶時間去朝聖😛據說佢哋嘅芝士汁用咗多種芝士混合而成🧀️入口首先食到嘅係好濃嘅車打芝士味 鹹香十足🤓公仔麵條嘅軟硬適中 保持到適當嘅濕潤 唔會乾爭爭或者黐埋咗做一餅嘢😌撈埋芝士汁同蛋汁食十分濃香😛豬頸肉帶微甜 軟腍入味👍🏻成個配搭好和諧 難怪咁出名😌呢個就係茶記下午茶嘅正常發揮🤣不過不失 雞翼調味ok 惟略嫌炸得乾身咗少少🤏🏻份量都可接受👌🏻．環境方面 新裝修唔係好耐 都幾乾淨企理👍🏻

最推介：泰式甜酸汁雞扒飯 $52 雞扒煎到好香脆，加埋啲泰式甜酸汁，係會令到你胃口大開，係會想食到一滴不留！🤤同埋份量都幾多～👍🏻招牌豬頸肉煎蛋飯 $53 隻蛋係流心蛋，篤爆佢撈飯（飯本身會落咗甜鼓油），個飯底超正，不過豬頸肉就輸啲～比較乾身搞到食落有啲割喉😢常餐 $49 Errr正常水準～😙———————————————————————————價錢：🎖🎖🎖食物：🎖🎖🎖 *5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角 #是但求其荃灣

呢間啲芝士撈麵大家都知好出色~不過之前一直怕肥ಠ_ಠ所以都冇專登去試😂 今次經過旺角又唔知食咩好決定去試一試🤙🏽叫咗兩樣嘢.🌸芝士汁豬頸肉撈公仔麵 ($56)啲豬頸肉好淋好食！配埋個芝士同生蛋 撈埋一齊簡直係好邪惡(´･_･`)哈 食一次半次唔緊要嘅(⁎⁍̴̛ᴗ⁍̴̛⁎).🌸法蘭西厚多士($28)兩個人食兩樣嘢已經好飽😂應該係呢兩樣嘢都太濟😂食完感覺好肥ಠ_ಠ不過好滿足！(´▽｀).📍新記冰室 (旺角)旺角砵蘭街185號地舖

由於朋友極力推介，所以嚟咗試佢個芝士撈丁，估唔到真係幾好食。😍芝士汁豬頸肉煎蛋撈公仔麵佢個撈丁最特別嘅地方係上面有隻煎蛋，將佢撈埋落啲芝士汁，非常夾，而且芝士汁好足料，聞落好香，食落芝士味咸香，再加埋塊軟熟、調味恰當嘅豬頸肉，原來芝士撈丁可以咁好食。我諗新記嘅撈丁，真係我人生食過，真心覺得好食嘅撈丁。😍佢好似仲有其他小食，下次旺角行開街會黎再試！

超邪惡芝士撈丁 食左先有力減肥系列勁濃厚既芝士!!!!!!!!芝士控既你 真係唔可以錯過🥰芝士汁🧀豬頸肉煎蛋撈公仔麵份量十足 特別係芝士醬 真係好無敵佢果種金黃色既芝士 覆蓋住成個麵每條麵條會包住滿滿濃郁既芝士醬除左果芝士醬正之外果豬頸肉片都好好食佢應該係用左滷水醃過少少甜 食落軟淋唔過硬 同埋芝士撈丁一齊食 正🤤除左好味之外佢既賣相都好好打卡面頭放左隻太陽蛋 個人覺得篤穿個蛋黃再等蛋黃汁慢慢流落去好療癒😗佢撈埋d芝士一齊 果味道更加豐富☺️佢杯熱飲都好可愛🥰有隻貓貓造型既匙羹可以掛係杯邊☺️ 好得意

✨芝士汁豬頸肉煎蛋撈公仔麵芝士汁香濃 偏稠身 好易掛上公仔麵豬頸肉 蜜味香 帶微甜 有油脂香薄切 口感微爽 但略嫌切得太薄 公仔麵 口感尚算爽彈 唔會過腍 但我個人覺得可以再硬少少煎蛋正常 撈埋個蛋黃會更香食物唔錯 份量偏少男士應該未必夠食環境服務正常 價錢可以

今次食呢間係新記喺旺角地鐵站雅蘭中心出口附近👍🏻成條砵蘭街好多茶餐廳最後揀依家🍹係因為俾佢裏面嘅卡位同埋懷舊簡約裝修吸引咗餐牌攝晒喺餐桌嘅玻璃底下面 一目了然👀清楚睇到晒 唔使逐下逐下揭餐牌👏🏻坐低嗌左個自選配搭蕃茄汁配豬扒熟蛋飯🍅🍅🍅首先佢嘅蕃茄汁唔係剩係得紅色嘅醬汁而係真係有鮮蕃茄 顏色都算新鮮蕃茄汁酸酸甜甜幾開胃 之後仲帶咗個瑞士汁雞翼 總共有五隻大大隻呢個就正正常常 餐飲叫咗兩杯 一杯係菜菊蜜另一杯係凍利賓納 太口喝😹鍾意坐卡位嘅朋友唔好錯過裏面好多卡位 間隔做得好好卡位之間有一塊白色嘅版 衛生意識幾好另外裏面有好多Mirror嘅主題poster🤣👀播嘅音樂多數都係香港音樂 欣賞！👏🏻

芝士麵，一定稔起新記。去開旺角食個快餐係一個好選擇。旺角站行唔洗5分鐘就到。menu 其實唔洗點睇，都係叫芝士麵嘅多。唔食芝士就唔好入黎。openrice 見到好多人推介魚手指芝士麵餐+炸魚手指+太陽蛋蛋汁同芝士嘅化學作用，難以形容。兩個字，好食。魚手指就ok,唔算太驚喜。招牌豬頸肉$52見都幾出名，所以口左份試份量幾多，不過重口味。唔算太厚，厚d 會再有多d 口感。懷舊紅豆冰$12好大杯，味道唔算太甜，足料。

疫情下，冇得出去晚市堂食，唯有買外賣返屋企食。經過見到新記冰室，令我諗起以前尖沙咀人氣芝士豬頸肉撈麵，我決定就算肥都要再試下。芝士豬頸肉煎蛋撈公仔麵👍🏻， $56 ，返屋企一打開，嘩！啲芝士多到呢，半生熟太陽蛋，用嚟一齊撈麵，夠晒過癮。豬頸肉邊位有啲太窿，大致上都香口多汁。每一條面都掛起芝士汁，又邪惡，又滿足。******************************👍🏻好食 | 👌🏻可以 | 😔 難食評分 : 6/10簡評 : 邪惡得黎又幾好食

叫左芝士豬頸肉煎蛋公仔麵，估唔到成個面都係濃濃嘅芝士汁，撈埋啲麵食好夾好好食，雖然好多芝士，但又唔會太膩，再撈埋蛋黃汁，一試難忘，豬頸肉肥瘦都啱啱好，個麵食完都好夠飽

是咁的夜晚六七點左右喺朗豪坊揀緊食乜嘢就諗起有一排冇食新記嘅芝士麵咁就不如去食下啦都食過新記三四次最鍾意食嘅就係佢個芝士汁豬頸肉煎蛋撈公仔麵呢個亦都係佢嘅招牌菜式相信最多人會食落完單好快就已經黎到喺茶餐廳黎講佢嘅外貌都算唔錯成碗都係芝士汁連個麵都完全睇唔到啲餸都係勉勉強強先見到就知佢嘅芝士汁真係一啲都唔孤寒絕對唔需要擔心唔夠撈而佢嘅芝士汁嘅味亦都幾好正而入邊亦都有兩樣餸就係豬頸肉同埋煎蛋但兩樣都唔係hea 嘢蛋係流心嘅會爆漿而豬頸肉亦都係有再煎過嘅更加惹味埋單$60左右呢啲咁邪惡嘅嘢得閒記得要食下