新記冰室

營業中

休息中

呢間新記冰室好似係最近新開，見到佢係旺店梗係需要支持下啦。慣咗每次試新餐廳都會睇吓其他人嘅推介，呢間個個都推介芝士煎蛋豬頸肉撈丁，咁就梗係一於要試吓啦。個撈丁上邊嗰層芝士非常之多，完全遮住晒下便嘅食物，用料絕對唔會孤寒，雞蛋應該係採用湖北蛋，所以蛋黃嘅顏色比較鮮橙。而豬頸肉就係用滷水嘅方法烹調，呢個食法都係第一次見，但估唔到出嚟嘅效果都幾好。另外仲叫咗個芝心丸，資深院上邊重鋪咗芝士醬同埋芝士粉，簡直就係三重芝士大合集。而且價錢好平好抵食。中秋節仲有自家製月餅🥮

路德圍不嬲都係覓食嘅好地方！今次我哋就冇掃街喇，而係走咗去外街嘅新記冰室試下佢個芝士麵🧀。入到去睇到Menu就已經覺得好邪惡喇，個個名都好似加咗芝士落去咁。諗唔到食乜，就試吓佢招牌推介嘅豬頸肉煎蛋芝士撈麵😋。一上碟嘅時候見到上面鋪咗厚厚嘅芝士，唔會話得少少汁嘅咁樣，煎蛋煎到脆口燶邊，仲有一個靚靚嘅蛋黃，成碗麵撈埋散發出濃濃嘅蛋香同芝士味。除咗芝士醬，豬頸肉亦分量十足，撈埋一齊好香口，唔會淋pat pat，比其他餐廳食過嘅芝士麵都好食好多🏠。另外仲有個鹹牛肉芝士流心牛角包🥐，都係一個賣相靚、食落又好味嘅下午茶之選，配埋冰室嘅凍奶茶已經飽到捧住個肚走喇，估唔到路德圍除咗掃街之外都仲有啲咁特別嘅冰室，如果對芝士有興趣嘅一定要嚟呢度試吓！喜愛程度：🧀🧀🧀🧀

今日去荃灣度行街，搵間野食晏，見到呢間都滿座喎😊所以簡食呢間😁入到去店鋪裝修好懷舊風👍🏼好似細個去冰室既感覺。見佢有個Menu係星級推介，於是叫咗兩份餐，一個係「公司炒出前一丁」，好多配料，有腸仔午餐肉同埋火腿洋蔥，炒埋一碟嘅香口，分量都幾大份，上面仲有一隻半熟蛋😋正喎👍🏼另一份係「招牌豬頸肉煎蛋飯」好多豬頸肉仲有菜！豬頸肉醃得好好食😋飯又夠多喎！爽口得來又唔會好肥膩😋最好食就係佢嘅薯條🍟我同我男朋友都覺得好似細個食嗰種口味，但個醬汁就好有新鮮感🤤不過就有啲邪惡咁🤫係芝士汁配黑松露醬😄好豐富嘅汁！整體食完真係幾飽下😆天氣咁熱最緊要飲返杯凍檸茶😁好解渴消暑價錢方面都幾抵食，荃灣黎講都唔貴。

朋友講荃灣有間食芝士撈麵好好味，所以今日去開荃灣就專登去試一試，去到見到選擇唔少，當然叫了撈麵再加小食和菜，加錢要了飲品，最後吃不完的雞翼拿走。來到撈麵樣子幾吸引不少芝士在蛋上面，一拿起麵芝士味飄出來堅濃，撈麵底夠乾身，豬頸肉差不多有10片，口感淋身入味，同蛋液一齊食好味道份量剛好，仲可加$10唐生菜。飲品加錢轉紅豆奶茶冇諗過咁大杯，啖啖紅豆，奶茶都幾香。小食叫瑞士雞翼大大隻，5隻勁抵食，雞翼好入味肉都幾嫩。

想同朋友食呢間好耐，見佢平時閒日下午茶都好多人，而且環境都好有經典冰室風格！於是就入去試下！同朋友嗌左個下午茶set! 再加個雙重芝士薯條🍟（$35），我食左個流心芝士鹹牛肉蛋包（$38）再加杯凍奶茶（+$3）！切開佢隻蛋依然係半生熟！下面就放左啲鹹牛肉～上面就放左好飽滿嘅芝士！咬落去啖啖芝士香味！而且隻蛋半生熟狀態！個包茶左牛油，連埋鹹牛肉食，真係好多餡料，層次感好多！而且食完啲芝士又唔會覺得好漏！食完下午茶唔洗驚食唔到晚飯！而杯凍奶茶嗌左少冰走甜！茶膽味反而比較濃～個人比較中意個茶香～有啲朋友唔中意茶太濃嘅可以同個staff講多奶！取返個平衡！另外同朋友嗌左個雙重芝士薯條！當然除左有頭先嘅流心芝士，仲有好多芝士粉，再配埋茄汁。不過個人覺得唔掂茄汁仲好！因為咁先突出到芝士嘅香味！另外，個朋友就食左個輕盈芝士雙拉麵（雞蛋+司華力腸）！佢都覺得幾好食，詳細係點就無問到了！So far, 中意食芝士嘅朋友一定要黎呢間！因為啲芝士唔會覺得好漏！而且落嘅份量都幾多！感覺滿載而歸！

做左成日嘢就係想食翻啲邪惡既嘢慰藉心靈🤤為左個燒豬頸肉同埋芝士麵而黎新記食，加埋杯凍奶茶，好爽😌1⃣️元祖終極芝士麵（$64）極度邪惡😈除左滿滿既芝士汁之外，入面既配料有炒蛋、餐肉、紅腸同埋豬頸肉。芝士汁好夠，碗麵黎到既時候啲芝士汁多到直頭睇唔到入面啲料🙈芝士控一定超鍾意😍豬頸肉燒得夠香口，油脂感逼曬出黎，而且唔會好乾，份量都有好多片。食完成個麵感覺即刻肥左，但係絕對肥得值得👍  2⃣️芝士汁豬頸肉煎蛋撈公仔麵（$58）呢款就冇咁多配料，有燒豬頸肉同埋太陽蛋😋豬頸肉有蜜香唔乾，加埋芝士汁食好正。而且勁鍾意個太陽蛋，啲蛋汁加埋芝士汁撈公仔麵食真係無敵🤤呢度既芝士汁好似係用左三款唔同芝士整成，包括卡夫芝士、車打芝士同埋莫札瑞拉芝士，芝士味好香而且唔會太稠，用黎撈公仔麵食真係好正。

去食好好味既邪惡food 今日趁爸爸放假就去 #新記冰室 食👧🏻👦🏻最期待食嘅芝士撈麵今次order豬頸肉煎蛋芝士撈麵 $58蛋煎到脆邊 蛋黃仲有少少流出來豬頸肉爽口又夠入味芝士醬份量超足 足以撈哂成碗麵卜卜蜆湯烏冬 $65卜卜蜆隻隻都好肥美 好鮮甜湯底好濃郁海鮮味 不過烏冬好短好碎 😅 秘製芝心丸 $32芝士丸浸响芝士漿裡面 外外裡裡都好芝士 大支嘢熱狗 $35真係好大支嘢 🤣 熱狗配埋生菜絲、蕃茄片、熱狗包一齊食 好鬼好食😋滑蛋黑松露多士 $40一上枱就聞到好香好濃嘅黑松露滑蛋份量超多厚多士已分開4份 上枱後自己切開啲蛋就食得七喜 +$3椰汁紅荳冰 +$13紅荳冰好大杯 又多起沙紅荳 而且好椰汁🥥係椰漿先啱 所以好勁椰子味 好好飲新記冰室 (荃灣)📍荃灣海壩街83-93號荃好景大廈地下D舖今次👨🏻👩🏻👦🏻👧🏻 2大2小 $252

每次想食good food但諗唔到去邊，就會理所當然咁去路德圍覓食👀新記冰室lunch hour都幾多人排隊，雖然芝士麵最出名但我試過覺得太漏，所以就叫咗呢個太陽蛋豬頸肉炒公仔麵，非常邪惡嘅卡路里超標組合😈隻太陽蛋煎得好靚，流心又燶邊，撈埋落公仔麵好juicy🍳其實呢個配搭都幾難會難食，豬頸肉有好多塊，燶咗嘅位記得咬走佢🤣不過食耐咗成兜嘢會覺得太濃味太heavy🤧

🐷🎈荃灣TW💛愈邪惡愈滿足嘅茶記芝士撈公仔麵🧀🤤好食指數：🐷🐷🐷/5回頭率：🐷🐷🐷/5💥芝士麵餐(豬頸肉+太陽蛋) $50💥芝士麵餐(雞扒+火腿) $50芝士同公仔麵完全係邪惡同肥嘅代名詞😆 平時都勁鍾意芝士嘅我，緊係要去試下呢個主打芝士醬重手嘅撈丁啦！1。芝士味真係好重好濃，而且超多醬🧀 芝士多到蓋過哂啲餸，隻煎蛋放喺上面超吸引咁，好想淋啲豉油撈飯食🤤 2。豬頸肉同雞扒唔算大份量，只係得兩塊左右，不過夠厚，而且調味適中，連埋芝士醬食都唔會話好咸3。成個麵整體黎講味道ok，不過食到最後未至於好飽但已經濟濟地//Deliciousness: 🐷🐷🐷/5Willingness to return: 🐷🐷🐷/5💥Cheese Instant Noodles Set Meal (Pork Jowl + Fried Egg) $50💥Cheese Instant Noodles Set Meal (Chicken Fillet + Ham) $50//🎈新記冰室荃灣海壩街83-93號荃好景大廈地下D舖#美食日記#香港美食#豬的生活#foodislife#piglife#hkfoodie#food

#荃灣 #新記冰室 #常餐B 同#常餐C 味道偏咸，裝修有特色，有摺凳坐，牆上面又有啲以前冰室綠框窗嘅裝修，侍應哥哥都幾有禮貌🤭常餐B有#沙嗲牛肉湯麵 配火腿雙蛋同牛油多士，我地轉咗炒蛋，正👍#沙嗲牛 幾好食喎，牛肉都嫩，唔會有筋👍麵底應該係公仔麵，容易腍😂常餐C有漢堡扒，腸仔，牛乳炒滑蛋拼#奶油豬 呢個炒蛋勁咸，廚師哥哥應該唔小心倒瀉咗鹽……奶油豬雖然烘燶咗啲，不過佢唔係平時好硬嗰啲豬仔包，又有煉奶係上面，令個包係有咬口，唔係硬身👍其他嗰啲都好咸#茶走 好飲，茶底夠濃，但唔澀，煉奶都好夠🤤味道: 6/10味精: 6/10價錢: 7/10環境: 7/10服務: 8/10#vinaintusenwan #vinafood #sunkeecafe #hkcafe #hkfood #hkstylefood #hkcuisine #常餐 #scrambleegg #setmenu #hkalldaybreakfast #sataybeefnoodles #milkteaincondesedmilk #廣東話 #foodporn #foodiehk #likesforlike #f4follow

聽朋友講呢間芝士麵好出色，特登由大埔慕名而來，真係冇介紹錯，成個Menu都係芝士，有唔同嘅配搭任君選擇嘩，一黎到啲芝士多到好似唔駛錢咁😂認真邪惡，我都唔知自己食緊麵定係食緊芝士🤣芝士味都幾濃郁，下次想增肥嘅時候會再嚟😅

芝士控既我又點會唔冒名而來一試，極度邪惡既芝士撈麵呢？ 仲要咁「黃」～ 雞扒司華力腸芝士撈公仔麵 - 佢好有心咁將芝士煮溶左，滿滿的再淋上去，而唔係求其俾包芝士粉，而且完全唔漏，咸度亦適中。而司黃力腸就有3片，雞扒size正常，味道正常。 常餐中既火腿炒蛋 配多士 - 不得不特別 highlight 個炒蛋，好滑，完全係我鍾意食既炒蛋！ 叉燒湯通粉 - 呢個就稍為遜色少少，無乜特別，不過都幾多叉燒 (配無坑通粉)，而叉燒味道偏甜。

公仔麵+芝士汁一向是漏+肥到爆組合，但新記的出品食完完全冇漏滯感，所以每次一經過我就會去食😍😍❣️是日餐單🍜芝士汁豬頸肉煎蛋撈公仔麵🍖🧀新記的芝士汁香濃之餘又不太咸，撈公仔麵食會食多左😍😍拌埋蛋汁一齊食令口感味道層次提升🥰🥰豬頸肉醃得好入味，但稍嫌太濃味，煎蛋🍳有助中和味道。☕️港式奶茶🥛熱奶茶尚算香滑好飲，合格中上之作。整體性價比與味道評分也很高，是一間可一再光顧的街坊冰室👍🏻

長期都門口都有人排緊隊，今次終於食到。🍜豬扒腸仔芝士麵芝士汁cover晒成碗麵，撈完碗麵，每條麵都被俾芝士汁包住。豬扒好香口，肉質好嫩又唔會成口都係鬆肉粉味。

新記冰室嘅芝士麵好出名，今次我都係因為芝士麵而嚟～ 都無令我失望！好多人都讚豬頸肉芝士麵好正，不過我想試下其他，所以叫咗豬扒同煙鴨胸，仲有好耐無飲嘅紅豆冰😍•🥢 芝士麵餐 配豬扒&煙鴨胸 $50芝士汁嘅份量超多，足夠撈晒成個麵嚟食🤩 芝士汁偏竭身，芝士味都算濃，但唔會太鹹，味道啱啱好，不過食到最尾都係會有啲膩🙈 豬扒幾juicy，最驚喜嘅係煙鴨胸，煙鴨胸煎到有少少燶邊，令到煙鴨胸本身嘅油份更加香🤤•🥢 蔥油雞肶飯 $55雞肶係瑞士汁雞肶，雞肶好入味，雞肉幾嫩，唔會好嚡，食落覺得整體有少少鹹，不過加埋白飯一齊食都ok～但蔥油太少喇，令到成個飯似係瑞士汁雞肶飯多啲。•🥢 懷舊紅豆冰 +$10 紅豆冰好大杯！入面紅豆份量都幾多🤩 紅豆幾大粒，又唔會煮到淋晒，仲有啲咬口👍🏻 飲落奶味幾濃～ 另外仲有奶茶同咖啡紅豆冰，都幾特別，下次再試下先！