新記冰室

營業中

休息中

荃灣真係有好多餐廳可以選擇，今次比「新記冰室」既餐牌吸引左入去試。豬頸肉煎蛋芝士撈丁 $59好邪惡呀，勁多勁多芝士醬😍豬頸肉嘅份量好多，醃得入味，肥瘦適中，厚度切得剛剛好。將芝士醬和雞蛋撈埋一齊食，好味道好滿足🥰流心芝士鹹牛肉蛋包 $38真係好邪惡呀！好足料，勁多芝士醬和鹹牛肉，重有流心蛋。雙拼厚多士 $15，有牛油/煉奶/花生醬/果占選擇。緊係要簡煉奶同花生醬啦，麵包很厚，烤得很脆，而且煉奶和花生醬都好多。叫左杯柚子蜜和檸檬利賓納。

新記冰室💛自由之選 (炸手指魚柳 太陽蛋 公仔麵) $50配芝士汁 +$3雜果沙律(小) $10阿華田 +$0瑞士雞髀皇 $30秘製芝心丸 $32蠔油西生菜 $25-炸手指魚柳 太陽蛋 公仔麵 配芝士汁啲芝士汁好似水浸咁我本身仲以為係只係面頭有點知成個面都係🤣啲面硬度適中建議唔好將個炸魚柳撈埋入去食個皮會冧咗🥺不過整體好好味😋．秘製芝心丸熱辣辣就算出面嘅醬汁都係芝士😚😚😚芝士控必食👻．其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-經典茶記/冰室嘅佈置😍題外經歷個日兩個人食夜晚要搭枱之後有個唔知係咪熟客嘅人入咗嚟 就好快嗌左嘢食之後佢再望一望菜單就問啱啱嘅嘢食整咗未未嘅話 唔好整住之後由接待嗰度開始傳話12號枱唔好整住傳咗幾個人 好似回音咁 好搞笑🥸之後最後嗰個人再嗌左啲嘢食廚房傳番出嚟問尼次係咪真㗎Sls🤣🤣🤣-10/9 eat唔寫得好詳細㗎啦💁🏻‍♀️潛咗水咁耐 咩都唔係好記得啦🙈Ig 頹到呢… …-好味程度：🌕🌕🌕🌕🌑抵嘅程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌕🌑👆🏽雜果沙律(小) 👆🏽阿華田 👆🏽瑞士雞髀皇👆🏽蠔油西

平時都成日去荃灣間新記食，唔係食常餐就係食佢嘅撈麵haha 今次遇上呢個晚市禁堂食，諗唔到食乜而又見其他餐廳都好多人排隊，跟住就買咗新記嘅撈麵嚟食啦今次都係叫平時食開、質素保持穩定嘅豬頸肉煎蛋乾撈麵好鍾意佢嘅乾撈麵調味，佢並唔係普通芝士汁或者豉油汁，而係秘製嘅調味汁，酸酸甜甜而且又辣辣地，勁惹味加埋大大隻嘅太陽蛋，同埋份量10分足夠而有煎得嫩滑入味嘅豬頸肉，真係會好滿足之後再配多杯解渴嘅凍檸水，就最Perfect啦

平日下午，鍾意搵好嘢食嘅👧🏻👧🏻帶咗我嚟位於路德圍嘅新記冰室。地方唔算大，舖頭可以容納大概20-30人。因為閒日所以比較少人，有卡位坐😛Menu真係花多眼亂，超多選擇揀好多都好吸引想試，一場嚟到當然要試吓最出名嘅豬頸肉芝士撈丁啦🤤🤤 個豬頸肉好香，芝士唔會太流，但份量又夠多，食完覺得好滿足！👧🏻👧🏻嗰碗叉燒滑蛋飯都好震撼，又係好大碗，建議胃口比較細嘅女仔要嗌少飯。叉燒肥瘦適中，滑蛋都係中上水平👍🏻p.s. 要讚下呢度杯奶茶，好香好滑~

@sunkeecafe #新記冰室 好彩比預期早左少少到，唔使等好耐就入到😙😙之後就見到要等位😳一坐低就必食芝士麵，唔使諗～揀雞翼/豬頸肉都得，煎得好香脆🥰面頭既蛋更係錦上添花，令到成件事仲香滑🍜芝士汁真係多到瀉出黎，好正🤩我知道係勁度邪惡，不過真心推介😄😄另外驚芝士膩既話既朋友就可能試其他款式野食啦😉其他茶餐都睇落唔錯😄可再戰📍 新記冰室 (荃灣)荃灣海壩街83-93號荃好景大廈地下D舖

嚟到 #荃灣 #路德圍 食啲咩野好？！緊係去 #懲罰 啦🤣芝士撈就唔駛我講都知架啦～今次介紹吓其他😎#下午茶 1430-1800#雞翼煎蛋撈麵 （小）$42睇吓隻 #荷包蛋 成隻點咁大 下面隱藏咗啲雞中翼 個撈公仔麵唔會太乾 又話係小份 但點解都咁大碟？ 咁正常size 會有幾多🤯#黑椒牛肉炒烏冬 （小）$42又係咁大碟🤦🏻‍♀️ 呢碟真係夠哂鑊氣味道👍🏻牛肉份量都唔少 呢個推🙌🏼推🙌🏼推🙌🏼#常餐 #沙嗲牛肉公仔麵 配 #炒蛋火腿 #厚多士塊多士烘得夠脆 牛油味足👍🏻唔係hea底多士#沙嗲牛肉 夠濃味 #奶茶 #咖啡 都沖得唔錯

懷舊冰室，室內裝修偏向舊香港冰室，充滿回憶例如有舊招牌，當年的舊poster，令人想念當初的香港情景😌門面簡單易認，但店內座位唔算太多餐牌全部都係茶餐廳必食系列😆簡單得嚟充滿香港味道香濃沙嗲牛肉撈烏冬沙嗲味十分重👍🏻夠濃重口味加入洋蔥🧅葱炒，令牛肉更香🤤牛肉好冧，容易入口十分惹味，滿滿的鑊氣🤩而且牛肉份量亦不少將牛肉的醬撈入烏冬，好食😋不過烏冬係平價版，較冧如果有得加錢食急凍硬身少少烏冬會更好🙁唔好曬咗個牛肉嘅岀色賣相色水都唔錯，夠老抽公司炒岀前一丁即係乜都有，包括蛋、午餐肉、腸仔、洋蔥🧅葱將蛋黃醬撈入麵食😆流心嘅蛋好正這個十分邪惡，麵條炒得好香，不錯重點推介：紅豆冰十分多紅豆😍

好耐之前去過尖沙咀食芝士撈丁甘啱得知原來係荃灣路德圍開左間甘就緊係要懷緬下餐廳設計走懷舊路線🍽豬頸肉芝士煎蛋撈丁💰$59店家一d都唔客氣,成碗麵鋪滿芝士汁好邪惡既芝士撈丁,但身為芝士愛好者,真係毫無抵抗力芝士汁濃郁,但身為芝士迷再濃d都唔區撈丁個麵都好緊要, 呢個麵就煮得剛好熟透但仲有咬口,唔會淋曬👍🏻豬頸肉醃得幾好味, 煎得夠香口分量都幾多, 每塊豬頸肉都好大塊,有成5-6塊特別要讚一讚隻蛋🥚由於我唔食太生既蛋, 所以要求熟蛋好多時叫熟蛋都預左係熟透個種, 係唔好食但總好過系生既但呢度既熟蛋令我有驚喜佢既熟係剛剛好,糖心蛋甘, 比個like☺️🍽蔥蒜豬排飯豬扒腌得好入味, 加埋蔥蒜係幾野味豬扒係淋身唔黏牙🍽蠔油西生菜💰10出街食飯好少食菜,加💰10有碟菜幾好🍽餐飲凍檸茶有♥️既餐廳,學生有9折優惠💁🏻‍♀️Overall # 製作有誠意既茶餐廳 # 侍應服務態度十分好 # 值得再幫襯既餐廳

荃灣既新記冰室，都開左一段時間一路都想試但未有時間，今日見有時間，就黎食個下午茶，下午茶有唔同既set，但黎新記就緊係要食芝士撈麵！！今次就黎食咗雞扒煙鴨胸芝士撈丁，一上枱就見到成碗滿滿嘅芝士汁，金黃色嘅芝士汁，完全蓋過雞扒，分量一啲都唔吝嗇！先講雞扒，雞扒煎得剛剛好，好嫩滑，而且好大塊 ，鴨胸煎得好香，有好濃嘅煙熏味，而芝士配公仔麵簡直係絕配，芝士汁好濃而且好多，每條面都可以掛住芝士汁，但稍嫌差少少鹹味～另外仲叫咗個常餐$48，叉燒通心粉，叉燒味道都唔錯，多士配煎雙蛋火腿，煎蛋係燶邊架，火候剛剛好！滷水雞髀，超正，醃得好入味！熱杏霜～呢間杏霜嘅係我飲過最好飲的，平時飲既係溝水比較多，但呢杯岩岩好！

豬頸肉煎蛋芝士撈丁 ($59)好邪惡嘅撈麵😛 用咗3種不同嘅芝士整出嚟好香濃 而且口感好滑🤩芝士味唔會太鹹😋同微甜 焦香嘅豬頸肉好夾🥰奶油豬仔包跟餐只係需要加$10 係好抵食 牛油揸得好均勻 食落甜甜的但個豬仔包唔係烘得好香脆😅

今日放假想食個常餐，就諗住食呢間荃灣嘅新記冰室😆之前食過芝士麵，常餐就真係第一次食～常餐$48～我個餐係懷舊叉燒通粉同埋火腿炒蛋，仲加咗$5奶油豬仔包添😋叉燒偏瘦，但我又幾鍾意食瘦叉🤣通粉個湯好濃，好飲，唔係味精湯👍🏻佢個炒蛋係半生熟，個底有啲煎蛋feel，好香，而上面又有蛋汁～令我最驚喜係奶油豬呀！😍我食哂所有嘢最後先食，估唔到佢仲係好脆，而且牛油同煉奶都好重手，好滿足🤤男朋友就叫咗香濃沙爹牛肉米粉，腸仔炒蛋同多士～個沙牛都真係幾濃味，肉質唔係乸到好淋嗰款，而係有啲咬口～多士啲牛油都係一樣唔孤寒😚飲品都係一個常餐嘅靈魂～我叫咗好少見嘅兒童鴛鴦～阿華田味偏重😆男朋友杯茶走都真係有煉奶香，唔係間間茶記做到～假日經過呢度，食個常餐/芝士麵都係個好選擇，仲有好多我個年代嘅廣東話歌聽😌

難得平日放假訓到好晏先起身 2點幾去左新記食tea之前聽朋友講話好好食 今日決定去試下但呢個時間竟然都要等一陣先有位證明真係好食入到去發現坐位唔算多但位同位中間都有啲距離傳統嘅茶餐廳裝修食嘢別有一番風味必叫芝士撈丁 揀左豬頸肉煎蛋芝士撈丁$59芝士非常濃郁 蓋滿左整個表面唔會過咸或膩 撈出前一丁勁好食豬頸肉大塊鮮嫩 煎蛋煎得剛好 有少少流心果然係招牌 大家嚟到都要試下再叫左黑椒牛肉炒烏冬$55炒得好香 好有穫氣 份量都唔少 牛肉同樣大塊嫩滑烏冬彈牙 每一條都吸收咗醬汁食落香氣同味道都非常足加咗$10要咗個蠔油西生菜（小）生菜鮮嫩 $10都幾抵食跟餐飲品要咗熱奶茶茶同奶嘅比例適中 茶味香濃 飲落唔會澀凍咖啡加$3朋友話飲落都好香正呀！

延續1998年新記的老店品牌，人氣知名芝士撈麵。當年好可惜嘅係小編入世未深😂 未曾試過尖沙咀老店的芝士原味，到現今荃灣及旺角兩間分店的出現終於一試佢嘅真身。還原傳統茶記冰室的格局格仔地磚，再加上當鋪招牌燈的香港回憶裝修，一個芝士撈麵+細細過開始食嘅茶記沙律，再加埋杯冰凍紅豆冰，基本上係冰室中的至寶。豬頸肉煎蛋芝士撈丁$59推介:⭐️⭐️⭐️⭐️⭐️招牌芝士麵上檯令人難免會攞起手機先打個卡，麵上的芝士醬原來大有來頭，呈米白色以卡夫芝士、巴馬臣芝士及忌廉芝士製成，味道香濃。色澤嫩黃，未食都比佢嘅滑身質感所征服。三重芝士鹹香濃郁，配埋帶微甜且已焦香的燒豬頸肉，豬頸肉先會以椰糖、花奶、老抽醃製超過一日，再用生燒烹調方法，將豬頸肉由生肉燒至熟透，入口帶份焦香，令肉邊脆身內身肉質保持嫩滑。最吸睛的配角還有煎雙蛋的流心蛋汁😋Mix埋熱溶芝士記得要趁熱食!套餐迫加小食+$10 雜果沙律(小)+$10 升級做咖啡紅豆冰👏 超級實惠😋👍👅美味: 9️⃣ 😮驚喜: 8️⃣✨環境: 8️⃣ 💆‍♂️服務: 8️⃣💡性價: 9️⃣ 🐽飽肚: 🔟💫回頭: 8️⃣ 👍推薦: 9️⃣

荃灣有好多好嘢食，果然名不虛傳，今晚嚟咗路德圍，咁啱俾我見到有間冰室，個人都幾鍾意食茶餐廳同冰室嘅食物，一來有懷舊感，二來啲嘢快靚正！食物價錢同出邊嘅冰室差唔多，但食物種類都幾多款。叫咗杯奶茶紅豆冰，佢嘅份量真係好大杯，跟餐都係加多$10 ，奶茶濃郁，紅豆好大粒，每一啖都充斥着紅豆蓉。叫咗一份雜扒飯配粟米汁，雜扒飯入邊有豬扒、雞扒、腸仔、火腿同埋兩隻太陽蛋，雞扒同豬扒好軟熟，煎得好香口，另外太陽蛋煎得好靚，蛋黃流入飯入邊食，好友罪惡感，另外個粟米汁真係冇得彈，佢個粟米汁又偏向少少芝士味，食入口又係好濃郁，配飯食一流。另外叫咗個芝士豬頸肉撈出前一丁，呢個係燒豬頸肉，入口好軟身，同埋味道好濃郁，都係一樣配左兩隻太陽蛋，出前一丁撈埋粟米汁同埋太陽蛋一齊食，超級好味。

呢間新記冰室同其他茶餐廳類型嘅有啲唔同，佢個餐牌選擇比較少唔會有其他茶餐廳有嘅嘢。但係佢嘅定位做得幾好，佢係主打滷水豬頸肉滷水雞髀同埋芝士。叫咗個鹹牛肉炒蛋芝士潛艇堡，芝士多度見唔到入邊嘅餡，用料非常之梳爽，絕不吝嗇，鹹牛肉同炒蛋嘅味道都唔錯，食完一個包已經好似食咗成個飯咁飽。另外仲叫咗個滷水雞髀，店員表示係即叫即整所以等候時間比較長，雞髀色澤均勻，顏色非常之靚而且外型好飽滿，絕對唔係嗰啲浸左成日嘅雞髀，肉質亦都好嫩滑。滷水豬頸肉都做得好出色，喺出邊比較少見嘅做法。