新記冰室

營業中

休息中

新記冰室好多款野食都唔錯，卜卜蜆烏冬(如果能夠轉稻庭烏冬就仲正)，芝士撈麵，川辣牛肉煎蛋乾撈麵等..上次點左川辣牛肉煎蛋乾撈麵覺得太鹹，因為本身撈麵夠味，再加埋川汁又鹹左少少，所以今日點左招牌豬頸肉煎蛋乾撈麵，煎蛋蛋汁配撈麵真係無得輸，鹹鹹中帶點蛋香！味道食落有點似印尼撈麵但又唔同，應該自己調配過！ 豬頸肉篇乾身，肥瘦適中，但略嫌淡口～仲叫左個常餐，沙嗲牛麵沙嗲汁濃郁，好多片牛肉，炒蛋又滑，仲配多士！

/🧀🍳豬頸肉煎蛋芝士撈丁（$59）果然係招牌菜啊！豬頸肉係半肥瘦醃得好入味 加上煎香左 入口有即溶感覺煎蛋睇相都知煎得好靚 撈埋濃而不膩芝士汁 絕配啊芝士汁撈埋蛋汁好掛麵 麵質彈牙煮得岩岩好汁嘅份量適中 岩岩好撈得哂 唔會剩低好多 又唔會唔夠.🍜卜卜蜆湯烏冬（$65）未食之前已經飽飽地 但估唔到飲左一啖湯就完全勾番起食慾湯底奶白色睇起黎好吸引 飲起黎有好濃既貝類鮮味 烏冬份量十足 蜆大約有10隻到 飽滿肥美 店員亦好細心比埋碗放蜆殼.🥤蜂蜜菊花露和凍檸茶水準同平時冰室/茶記飲到既類似 菊花露清甜解暑 透心涼既感覺.▫️順帶一提 餐廳大多數staff都係後生仔 好有禮貌 欣賞啊.新記冰室 📍荃灣海壩街83-93號荃好景大廈地下D舖#anygoodfood_hk#anygoodfood_tsuenwan

最近荃灣有個熱烘烘話題，當然心癢癢走訪👀一吓。但是先决條件都要醫吓五藏廟，正所謂民以食為先😆,荃灣海霸街一帶有很多食市任君選擇。走訪一間裝潢簡簡單單(新記冰室)地方寬敞坐得幾舒服，選擇了卡位坐😄店內員工驟眼都是年青的小伙子都好吸👀😆😆1.香濃沙爹牛肉撈烏冬配杏仁霜~擺放在枱上香噴噴沙爹香味撲入鼻裡，牛肉軟滑、烏冬掛滿沙爹醬汁再加上一段一段香葱，咬一口"爽”呀😆好“葱”者當然“爽”。不用擔心可以“走葱”，落單前講聲“走葱”杏仁霜帶濃郁杏仁香味，杯面上有一片白色杏仁薄沙，香滑順喉2.冰室雜扒飯(黑椒汁)~雞扒、豬扒、腸仔、火腿和太陽蛋跟飯材料都非常豐富，而且黑椒汁撈太陽蛋+飯“👍”，正所謂白飯撈汁都食你幾碗飯。🤣🤣🤣

作為芝士迷我竟然咁遲先食到呢個芝士麵🥹真係book mark咗好耐終於有機會食了💛下午茶時間黎食Menu真係太多選擇😹無論係下午茶, 小食, 自由揀嘅餸 都多到我選擇困難了本身真係好想食忌廉薯餅 可惜原來最近返唔到貨冇得食了😢下次要食到～！💛招牌豬頸肉煎蛋芝士汁烏冬 $58 (+$3 凍檸茶）一場嚟到一定要食芝士汁！感覺都係最襯食烏冬所以就叫咗烏冬～烏冬係港式烏冬嘅質地～比較圓身&爽口芝士汁冇我想像中咁膩 撈埋蛋汁真係💯🤎豬頸肉分量超多。。。 應該大約有7-8片雖然比較深色 但係唔會太咸 冇肥肉之餘又唔係靭or乾🥰好食！💛鹹牛肉蛋三文治全日嘅第一餐好過分咁樣叫多左份三文治🤣見到啲相見到咁厚嘅麵包真係好吸引果然嚟到真係好厚嘅麵包🤍餡料份量適中 唔怕食食吓跌晒出嚟～整體評分: 💛💛💛💛💛芝士汁烏冬係港式嘅味道🥰 三文治麵包好有驚喜😋下次你一定要試吓唔同嘅餸&小食！

之前上網睇過人介紹話好好食，咁岩經過就入去試吓😋😋當日我就夜晚去食，但餐廳就無乜人唔洗等位。佢有個餐牌可以自由配搭十分好😍😍唔想自己諗都可以揀佢set好左嘅餐😍最後我地揀左豬頸肉煎蛋芝士撈丁$59-佢隻蛋煎到好靚😍而豬頸肉煎到岩岩好食落唔好硬身仲好好咬口tim😋芝士撈公仔面都好夾雞扒司華力腸芝士撈烏冬$53-雞扒炸到個皮好脆肉就偏少少硬，司華力腸正常，估唔到芝士撈烏冬都可以好夾重點係佢呢隻芝士食得多係唔會好流同埋唔會食到滯，係可以成碗食哂都無問題生菜$10-正常

新記芝士麵一向都出名，今日同朋友決定發掘下其他野。卜卜蜆烏冬：個湯奶白色，一上台已經見到好多沙白。沙白滑得黎無咩沙，而且大大粒好鮮甜，而且個湯有巨量粟米同其他蔬菜煮成，非常真材實料，跟堆烏冬食成件事好有驚喜。朋友叫咗炸雞脾：雞脾生炸個外層十分脆口，一咬汁水流出黎，好有肉香。喺調味上個咸度岩岩好。炸薯條：份量十足，炸到卜卜脆，值得一讚既位係唔會油笠笠。另外點咗一杯外面少見既奶茶紅豆冰：奶茶好幼滑，茶味都好出，飲落茶味慢慢滲出黎。重點紅豆好棉，個量十足，一口接一口咁好滿足。好少可幾樣唔係招牌既，都十分出色。下次會再黎。

好耐之前已經好鍾意食新記嘅芝士撈丁，原來而家搬咗去荃灣一見到當然要即刻回味一下啦！豬頸肉蛋芝士撈丁 - 呢度嘅豬頸肉一定要推介！真係好好味！爽嫰又肥瘦平均，而且份量都算多，加埋太陽蛋真係不得了！芝士醬略嫌少咗啲，同埋可以再濃味少少。卜卜蜆烏冬 - 卜卜蜆又大又多鮮甜，完全冇沙！非常新鮮湯底一流，有酒香！但烏冬質地就偏硬，建議轉第二隻烏冬會好味好多。甘桔蜜 - 每次黎都係例牌飲呢杯，好濃味又解渴，冷熱都咁好飲！

噚日(3-4-2022 Sun)晏晝,見天氣好,同老公出去行吓海濱,咁食個晏先,我哋嚟到,啱啱剩返最後一張卡位,坐低睇完menu,決定要:2.  跟餐加$10.00嘅奶茶紅豆冰奶茶口感順滑,味道啱啱好;紅豆夠腍,又唔太甜,唔錯.味道:4分4. 跟餐飲品熱杏仁霜好耐冇飲,所以要叫,呢喥較得啱啱好,唔會太甜同杰身.味道:5分1. $50.00嘅自由之選要炸手指魚柳,煎蛋乾撈麵,原本想加$10.00要日式忌廉薯餅(小),但未有.炸手指魚柳,煎蛋都係有兩條同兩隻,老公食乾撈麵,係營多撈麵,辣嘅.煎蛋蛋黃好紅,有少少流心.味道:5分炸手指魚柳外脆,但有少少鯹,而且,點解唔主動俾少少沙律或千島醬?味道:2.8分3. $48.00嘅C全日早餐有漢堡扒,炒滑蛋,腸仔同奶油豬仔包奶油豬仔包夠脆,但鍊奶多咗啲.味道:4.5分炒滑蛋夠嫩滑.味道:5分漢堡扒同腸仔係來貨,唔評.5. $38.00嘅炸薯條配黑松露芝士醬呢個新鮮炸起好靚,冇過火,熱騰騰,我被燙親.佢外脆內軟,冇乜落鹽,黑松露芝士醬夠味亦唔太鹹,應該係自己加咗啲奶吧,而且唔會好杰身,好易蘸,好味.味道:5分抵食:2.7分上次食評係2021年1月24

荃灣新記冰室，自去2020年開張後我都未試過，不過見網上、報導一致好評在心中埋下種子。尖沙咀總店於2020年10月結業，在結業前也去吃過一次，還是很美味。隨著疫情緩和，今日帶著滿滿的期望來到荃灣分店吃招牌芝士麵和炭燒豬頸肉。一向都是點「終極芝士撈」，名字一樣，但上檯既樣貌及味道完全不一樣。失望極了，煎蛋變炒蛋，炒蛋雖然好滑，但已失去蛋的靈魂；豬頸肉完全沒有炭燒味、亦沒有蜜味，只有瑞士汁滷水汁咸味。紅腸又乾又薄全無口感；加多了一塊午餐肉，可能是附送的，卻變了雜扒⋯最後要說的是最重要的芝士醬，雖然不是差，但一切都不一樣了，顏色、味道。變了變了，不再是記憶中，豬頸肉又甜又有炭燒味、紅腸沒有脆卜卜、太陽蛋流心加上香滑芝士醬。隨著尖沙咀的結業記憶中的美味味道已變成回憶只能追憶了。

荃灣嘅路德圍一向出名多好嘢食，朋友介紹我嚟呢間新記冰室食下港式冰室嘅名物。首先是咗佢嘅雞髀同埋西多士。西多士好厚，金黃色嘅外表見到都垂涎三尺，入邊嘅花生餡都好足夠。而佢嘅雞髀size都夠大，外表好脆，啖啖肉。唔夠飽叫多咗個豬頸肉撈丁，豬頸肉識落肉質嫩滑，仲有少少肉汁，出前一丁炒得好夠火喉。總括嚟講，餐廳走懷舊風格，有好多舊式冰室有嘅食物，令人懷念。而餐廳食物質素都唔錯，值得推介。另外飲品方面，推介呢度嘅奶茶夠凍得來茶底又夠厚夠濃。

新記冰室（8.5/10）-川辣牛肉煎蛋飯（9/10)私心推介hehe 第二次食呢個飯 都仲係覺得好好食🥺啲牛肉質地好好 係我鐘意食既滑牛😙 個汁係甜甜地辣辣地咁 好開胃 夾埋啲蛋汁 送飯簡直一絕 唯一缺點係啲汁唔夠多 唔夠撈晒啲飯！-芝士汁雞翼芝心丸撈丁 （8/10）芝士汁非常濃郁 芝味十足 撈起黎啖啖都有芝士 但係啲餸感覺有啲少 芝心丸得兩粒 如果多一粒會更好 雞翼可以再脆啲 但整體上非常好味 解芝士癮一流🥳

黎到好多好嘢食嘅荃灣路德圍，云云餐廳之中比呢間懷舊裝修嘅新記冰室吸引咗。餐牌選擇豐富,適合唔同口味嘅人士選擇。黎到懷舊冰室點可以唔試吓佢呢度啲西多士。呢度出名嘅仲要係黃到金西多士，外皮炸到脆卜卜，果然真係好鬼厚，而且花生餡都一樣多。炸雞脾外脆內嫩，而且好大隻，抵食！除此之外，仲叫咗公司炒出前一丁，睇得出佢用嘅雞蛋係靚嘢，而且炒得好有獲氣，仲配埋火腿香腸呢啲配料，無得輸！最後嘆番杯冰凍嘅奶茶，仲要係用呢銀製杯裝住，夠晒凍！

冰室選擇之一新記冰室，有最邪惡的自常組合，我選了一個豬頸肉煎蛋芝士撈丁，吃上來份量剛剛好，芝士配搭煎太陽蛋的蛋黃，橙色的蛋黃挖開半流心的樣子，可以與鹹鹹的芝士汁互補不足。豬頸肉沒有炸到變豬肉乾。同行朋友選了元祖級芝士撈丁組合，多了餐肉、炒蛋及紅腸，其實相差5元左右，份量較多，適合食量較高的人士。不過我認為紅腸味濃，但是炒蛋都相對大塊份量多，蛋味不會被芝士醬的味道蓋過原有的味道，麵質亦不會煮得過龍，不會變粉。凍檸茶紅茶味濃相當不俗，但少冰不夠少…

有得揀先至係老闆，咁當然係揀自由之選（$50）啦。A 豬扒 + B 煙肉 + 芝士撈丁（+$4）豬扒香煎微脆厚身有咬口。煙肉大大片唔肥。芝士杰身香濃重口味，但再濃啲會更好。撈埋丁麵，卡路里爆哂表。邪惡嘅嘢永遠都係最好食。

荃灣多嘢食就係人都知架啦，今日特別想食啲邪惡啲嘅嘢🥳 於是入咗嚟新記冰室食佢嘅芝士撈丁今日食咗佢嘅自由之選，挑選左炸手指魚柳、司華力腸，額外仲加咗$4要芝士撈丁🤤想講佢嘅芝士汁好濃郁，唔會好似其他茶餐廳咁水👍另外佢嘅炸手指魚柳亦唔會有好重嘅雪櫃味。份量來講都幾足料， $54 連一杯熱飲都真係算係咁啦☺️ CP值高！！食物足料又好食，侍應哥哥態度又好，環境又寬躺，一間冰室來講真係好高分👍 10分推薦大家嚟食呀💖