新豐茶餐廳小廚 (已結業)

意外驚喜永遠叫人將喜悅加倍。例如只叫一個餐但店員見你兩個人，主動送上多一個湯，花的可能只是十元八塊，但卻令食客留下良好印象，想著下次回頭再幫襯。今天的餐廳便是如此。坦白說它的菜式偏咸，而且價錢也不平，但勝在店員服務貼心。客人未開口他們已經主動提供，令人非常窩心。無怪乎店內人頭湧湧。I saw many people having hot pot as well. I think this will be great as you can enjoy your dishes as long as it takes with such great services provided by their caring staff members. Gotta try next time. 

星期二的行程緊密，响旺角道做完嘢，求其搵間茶餐廳食午餐，同行朋友話新豐唔太多人，野食都OK喎，無所謂啦，入到去係一般茶記格局，有卡位坐 (茶記熟客讓出)Lucky!除了一般茶記食品，也有星期指定午餐。友人揀咗是日B餐，先來一碗例湯，材料有茨實、冬瓜、薏米、豬肉，俾咗我飲，唔錯喎，入口順喉無味精味，幾舒服。香芹魚柳炆米顏色唔太吸引，不過見朋友仔吃到照晒鏡，應該都幾唔錯啦。跟住到我嘅單點，菜遠排骨炒麵，因為想吃脆卜卜嘅麵底。上枱賣相吸引，麵底夠香脆，排骨有肉味唔韌，又無鬆肉粉的味道，好食喎，份量又多，加上足量的白菜，I like it!加上待應友善又熱情，下次經過可以試吓下午茶。

趕住去睇戲, 叫左個公司治外賣, 竟然索價48蚊!! 入面有蕃茄, 蛋, 火腿, 我記得好似多一層餐肉, 正常SIZE,正常質素,  其實已經2點幾, 照計應該是TEA TIME了, 呢個價錢唔係好抵 LAW

今天來食下午茶，叫左個雞扒包薯條下午茶餐$32。由於餐牌無講size, 點知來到，係超迷你版的，有被騙感覺。我覺得如果係咁用心良苦整到咁細個，就寫明係迷你，真的落差太大了。呢間餐廳大部分都係附近的師傅來食，份量不小，點解票整個咁細的茶餐呢，唔怪得無人點呢個。然後再加左個芝士扒治$28，呢個味道幾好，方包烘到好脆。芝士都好足，仲有紅豆冰或涼粉冰選擇。店主自己把它定為金牌，真的只有這個值。總括來講，不過不失。

今天在旺角道口的新豐茶餐廳午餐，幸好還剩有一個卡位；已經全店滿座。云云多款食品當中，選了鹽焗雞飯及菜遠排骨炒河。每次晚上來光顧，都是全男班招呼：原來中午來光顧，差不多是全女班招呼的；失覺哂！先上桌的是鹽焗雞飯、有白飯、小碟菜、有例湯及咖啡/茶選擇。鹽焗雞鹹淡適中，看似冷冰冰的菜原來是熱的，也算是意料之外，我怕例湯或有味精，所以只叫了檸檬茶。菜遠排骨炒河，排骨十分好，肉質嫩滑，沾上欠汁好味，河粉則有些失望。茶餐廳質素，係咁算啦！

每日都有不同快餐今日揀蒸排骨嘩!外觀好靚(排骨新鲜(肉嫩)，蒸排骨的汁好鮮味，撈飯一流)飯口感佳(不會太濕)扒餐揀吉列豬扒(雖然豬扒不算鮮嫩，吉列炸得好靚)火腿，餐肉煎得不夠香口(失望)黑椒汁(唔辣條紋薯條微暖，已經唔熱唔脆(失望)]餐多士(好多牛油，烘得好香脆)]快餐有驚喜!

地點就腳，好食。。。旺角區中價錢合理。奶油多麵包夠厚多牛油，好味。出前一丁湯粉麻油另上，一定係真一丁麵。紅豆冰都好正，不過忘了影相。男人都係愛食茶仔，好食啊，正！

係旺角買完餸，所以黎左附近的新豐茶餐廳食下午茶。我地叫左個欖菜肉鬆炒飯，d飯炒得粒粒分明，間唔中仲哎到d肉鬆，唔錯另外叫個星洲炒飯，夠wok氣，仲要d蝦大粒到個5蚊銀咁大，驚喜👍🏻野飲叫左夏天最愛既紅豆冰，豆同奶既比率調校出既味道不錯。另外叫左杯凍奶茶，無咩特別都唔會失準，所以水準平均😁總括依間茶餐廳唔差，如果經過都可以黎試下～