新豐茶餐廳小廚 (已結業)

星期二的行程緊密，响旺角道做完嘢，求其搵間茶餐廳食午餐，同行朋友話新豐唔太多人，野食都OK喎，無所謂啦，入到去係一般茶記格局，有卡位坐 (茶記熟客讓出)Lucky!除了一般茶記食品，也有星期指定午餐。友人揀咗是日B餐，先來一碗例湯，材料有茨實、冬瓜、薏米、豬肉，俾咗我飲，唔錯喎，入口順喉無味精味，幾舒服。香芹魚柳炆米顏色唔太吸引，不過見朋友仔吃到照晒鏡，應該都幾唔錯啦。跟住到我嘅單點，菜遠排骨炒麵，因為想吃脆卜卜嘅麵底。上枱賣相吸引，麵底夠香脆，排骨有肉味唔韌，又無鬆肉粉的味道，好食喎，份量又多，加上足量的白菜，I like it!加上待應友善又熱情，下次經過可以試吓下午茶。