新贊記點心·小廚

營業中

休息中

為求飲到一碗靚例湯，揾食肥華誤信， 在youtube有飲食資訊頻道的k.o.L推薦，誤入咗一間位於，牛頭角得寶商埸，嘅人氣點心店，結果食到一肚氣，4月25日肥華痛定思痛，與靚媽到油麻地呢間，從未被肥華，失望過嘅點心專門店，食好嘢飲靚湯，一如以往此店出品依然保持高質，點心食品質素高過，得寶間人氣店幾條街，而個碗例湯更是天與地之分別，而今日肥華最驚喜係食到件，在盅煎旦牛肉飯内嘅，超級好味有A+++評分嘅牛肉餅，真係驚為天人，而今日呢餐食物，每款平均都有A級水準，食完唔俾讚佢，都對自己唔住💯👍👍👍

今日到油麻地的新贊記，叫樓面員工加點用，態度惡劣，黑口黑面，不知以為餐飯免費，出品又差，垃圾,之前光顧過旺角那店，班亞姐員工已經態度服務差，今日改去油麻地店，原來一樣，沒有最差只有更差

1月18日揾食肥華和靚媽，辦完公事途經油麻地，因天氣仍有寒意，令肥華有想飲碗好味嘅熱湯嘅念頭，在油麻地要飲碗靚湯此間點心專門店，係肥華嘅不二之選，而今日此店提供之例湯，更令肥華有意外驚喜，竟然係靚媽嫌功夫多而唔會煲俾肥華飲嘅至愛靚湯，就係金銀菜煲豬肺湯，呢餐真係令肥華喜出望外，其實此店除咗點心食品有一定水準之外，每日提供不同款式嘅例湯亦係高水準之作，以$11元價錢飲到一碗，份量材料都攞滿分嘅金銀菜豬肺湯，肥華要俾👍👍👍👍👍給此店

做運動附近嘅點心店， 見到好多好評所以嚟試下。 價錢抵食，茶位六蚊一個，兩人埋單$160 午餐嚟食等一兩張枱就到✌🏻🌟北菇棉花雞 $27佢嘅蒸雞唔係用滑雞片 係用雞件 雞肉都算新鮮 同出邊食嘅唔一樣見到好多人都會叫🌟鵪鶉蛋燒賣 $22我覺得好好食！ 而且呢個價錢好抵 粒粒都好飽滿 入面係豬肉🌟香茜牛肉腸 $24不過不失 下次唔會叫 腸粉皮比較厚🌟三色蒸餃 $25蝦餃 菜苗蝦餃 粉果 我唔太鍾意食粉果😂 但係蝦餃好好食 有兩隻大大隻嘅蝦🌟鹹菜豬肚 $24個湯超重胡椒味 豬肚都軟林林好新鮮 鹹菜都軟林林🥺無渣 值得叫🌟蝦餃皇 $31因為太好食所以追加 抵食！ 蝦好彈牙 好juicy 🌟鹹魚肉餅飯 $27好好味~~~ 梅香鹹魚 肉餅係冇馬蹄嘅 即叫即蒸 所以等得比較耐 見到勁多老人家都係食呢個飯 鹹魚好大嚿~~~座位比較迫所以坐得冇茶樓咁舒服 都比較嘈 但係食物質素比酒樓好好多 而且價錢又平 都見到有後生仔嚟食

10月14日揾食肥華心血來潮突然想飲番碗靚湯，但得兩個人飲，無謂要靚媽嘥功夫及嘥時間煲，在此食店曾經飲過佢地嘅是日例湯，感覺水準極高所以肥華决定舊店重遊 ，和靚媽到此店食點心午餐及飲靚湯，以此店嘅出品及口碑高朋滿座就梗㗎喇，幸好當日肥華運氣錯可以同靚媽獨佔一張小圓枱，不用與陌生人搭枱共食，而當日所點各款點心依然味美如昔，仍然保持此店開業時被肥華高度評價水準外，今日碗主角 蓮藕煲豬骨湯更是料足味濃，絕無令肥華及靚媽失望💯👍👍

呢間食點心真係搞笑～由入門口開始～心理準備就不要享受服務先！客人很多，店不算大，客滿😅掃完安心～問下邊度掃針咭？答：你坐低先一會過去同你掃🙄（無黎掃）埋位叫野食，食物水準算合格～整體都有65分，客人多貨源出出入入新鮮的道理😅茶壺想加水無～想加1位餐具（等）😅價錢算平～做街坊生意～離開時見到門口用送貨手推車送外賣😅放左一段時間呢間你想要咩？問3/4次啦！會有的！我本人就不會再來～特別貼士攞位前先數好人數～千期唔好諗住轉枱，可以試下要多張細枱🤣唔會有心情影相😅

在openrice看到這間高評價的小廚,因此,特意一早過來一試下。當日早上8時多滿心歡喜,好期待的準備入店時,看見店內人數不多,大約十人左右,卡位也有好幾位空置。當我做好安心出行,掃了針咭,全通過后,正想走去卡位座下時,立即被店員不太禮貌的語氣喝止,不能单人坐卡位,必須去其他卡位跟人搭枱。當時,我真的不明白,為何有幾張卡位都能单人坐,唯獨我進來必須要搭枱呢?當時,又不是多人,又有好幾張卡位空置,為何必須要我搭枱?我向店員要求想坐空置的卡位,但遭店員強烈的拒絕。那時,我只好無耐地離開小店。一个不愉快的經歷,即使小廚有幾超好吃都好,也使我再不敢再來光顧。希望貴店有待改善!即使食物有多好,服務態度不好的話,也令客人不想來光顧。完全是負分評價。

一星期緊有一日係附近上運動堂, 呢間點心鋪就係我落堂去坐車既必經之路攪到成日前功盡癈...今日又忍唔住入左來食..蝦蝦愛好者既我..今次食全蝦宴一個人, 叫唔得幾多個點心..我都算大食.. 叫左3個點心, 已經好飽好飽打頭陣既係蝦餃!!   大粒, 飽滿!!蝦肉好多!!!皮好薄, 晶瑩剔透點埋佢枱上面擺放既辣椒油(好香)!!!即刻再加左分..第2樣就係脆皮蝦腸好鍾意食腸粉既我, 最鍾意腸粉入面包住脆脆野~今次仲係蝦TIM~ 我冇投訴腸粉皮做得又係好岩我心水, 夠薄!最後就係腐皮蝦卷~~炸得好脆好香口~~~ 不過真係好油下但係好食既~~呢餐好熱氣呀~~次次都想唔好食咁煎炸, 次次都忍唔住口下次想試多D佢D蒸點心呢~

推住坐輪椅亞媽，諗住間野系地鋪，仲系佢門口研究緊好唔好入去飲茶，點知收錢條斜眼服務員開門，用好巴閉既語氣話： 輪椅沒位入，你落地行入來！ 跟住轉頭返去同另一個服務員買外賣，系門口等緊之際，條姐又問我做咩，比張單佢睇等緊外賣已經15分鐘，條姐仲話要等廿分鐘，你唔等就早打電話來外賣，頂你呀！ 我叉知一間甘既鋪仔，呢d 成日有客叫點心都要等甘耐呀，何況我一直等緊，系你見到部輪椅泊系門口覺得人地唔順眼你來盤我即，叫得一個燒賣春卷，芒果布甸，我都未詐型要等廿分鐘，你仲來話我唔打電話系要等，真系唔知咩得罪左呢條姐，呢間野價錢又唔算平，仲要請著d甘既門口狗，幾好食下次都唔會再幫襯

性價比超高嘅點心小店🥢8籠$200左右 ，所有點心都好高水準！Must try ✨核桃包其他點心店無點聽過有呢種核桃包，甜甜地，好似隱隱約約有朱古力味酥炸流心奶皇包外脆內軟，仲熱辣辣！📍 旺角深圳街8號

一家性價比不錯的點心店。其實離家特別近，居然現在才去。中午生意不錯，要排隊。環境不算逼仄。上菜較慢，因為是現點現蒸。幾個菜都不錯，沒有踩雷的。蝦餃，燒賣，鮮蝦腸粉都很實在。燒汁茄子很香脆，幾個飯也不錯。鰻魚味道可以，量不大，畢竟一份才40。價格合理，滿滿一桌只花200多。

假日同屋企人出佐敦食點心，店舖光猛，左右邊都有卡位，位置闊落，人流都幾旺。點心款式挺多，同埋會好似茶樓咁有孖寶點心，港式蒸飯！⭐️木魚燒汁鑲茄子 🍆 茄子鑲入彈牙蝦肉，表面淋咗平時章魚丸嘅燒汁食落甜甜地，大件夾抵食！⭐️香煎魚肉尖椒 😋😋必食~魚肉鮮嫰，煎到香口！⭐️松子菜苗蝦餃餡料十足，只係蒸過頭令外皮變得軟身，一夾就穿皮！⭐️鵪鶉蛋燒賣⭐️藥膳雞腳 懷舊點心～而家唔係間間茶樓都有！必食😋😋

第一次黎，入到去問我飲咩茶，諗左好耐，之後服務員建議我飲五花茶，飲左一半想加茶，結果服務員話係一杯一杯計🤯，無得加茶🤷🏻‍♂️，寫名係茶位，但係又無得加茶，要續杯計🤯，然後服務員又不停送錯野食上檯🤯。唉。講明係茶位，但又無得加水，真係好難理解，香港飲左就快40年茶，呢間就係第一☝🏻間。叫加茶要另外比錢先有得加🤷🏻‍♂️。唉😮‍💨

openrice見到好多食評諗住一試，每次都見到好多人今次見到仲有位就入嚟啦！但係一入到嚟係冇招呼嘅，咁都算喇！點咗啲嘢食先，結果收單都好耐，問完要咩茶結果等咗十分鐘又係冇人理。最終左望右望先有人問番我要咩茶。 其實真心食嘢係其次，一入到嚟你冇態度真係唔會有再下一次，我寧願去隔離嗰間啲人話唔好食嗰間，至少嗰間總會有位、有人彩吓你…… 點咗啲嘢食不會寫食評，今po只係純粹講下佢哋啲態度🤬

見有 YouTuber 介紹哩間點心，話好抵食 📺趁今日早收工就過驗證吓啦 😌8 點 3 嚟到，鋪內 9 成滿，幫襯既都係附近街坊同返工人士 🧓🏻驟眼睇，幾乎每一枱都係嗌蒸飯套餐套餐包一份蒸魚/肉餅，一碗白飯同一碗例湯 🍚有十多款選擇，平均 $44 就有交易，相信係晚市既主打至於點心，選擇都幾多，蒸、炸、飯類、甜品樣樣齊 價錢比其他點心鋪平，大部份都係 $20 出頭 🥢🔻👍🏻 明火例湯 （$10）老黃瓜煲豬骨 🐷，賣相同味道都有家既感覺 🏠 份量裝滿一個中式粉麵碗，碗底搵得返豬骨，黃瓜皮同大量豆 味道純正且真材實料，絕對唔係一般茶記既例水，左溝右溝 🔻松子菜苗蝦餃 （$25) 一籠三粒，每隻餃都圓碌碌，可以清楚見到入面既餡好豐滿 🥟餡料除蝦仁 🦐 同松子，仲有切成粗粒嘅荀同菜頭，食落爽脆不過整體味道偏淡，餃皮有少少淋，勝在有口感搭救 🐒🔻蠔皇鮮竹卷 （$20）唔係一般汁多到瀉既鮮竹卷，食落唔乾，腐皮仍然煙韌 餡料以蔬菜為主 🥬，口感比較鬆散，蔬菜甜味重過肉味 🥩雖然賣相唔算吸引，但味道同口感都合格，發揮正常以上點心連 $6 茶錢，埋單 $61 💵整體嚟講十分抵食，份量同質素絕對