其實寫呢個食評之前,我都幫襯過一次,主要都係睇左呢道其他食家食評先幫襯,但我第一次幫襯已經有不快經歷。呢個月頭我同女友行經呢間鋪,我同女友因之前食左,所以鋪前睇左一陣價格表,我倆決定買三隻鵝掌試味,我女友入內話買三隻$5-鵝掌,點知入面個阿姐不停重複話:『夠喇?三隻夠喇?夠唔夠食呀?』,仲係唔止哦左我女友呢句咁多添呀!我女友頂住度氣臨離開時,問佢拎多一包醬汁,學下面果位食家師兄話齋,入面果兩個切人(估計可能係老闆?!),即時兩個單哂眼用身體語言表示不滿。我女友行出鋪外即時向我投訴,我心諗...做旺都唔駛咁囂張丫嘛?[新順興]!唔係[新X興]咁惡丫嘛?返到屋企試下個鵝掌,公平講句,確係幾好味,滷水蜜糖味幾惹味確係,但做生意態度就真係要檢討下啦!今日,我向女友講未試過佢滷水豬耳,我叫女友不如去買半斤試下,去到唔駛排隊,我因揪住好多菜,所以又叫女友入去買,我女友話買半斤豬耳$21元+一隻$1鵝翼$10元,但唔知點解阿姐計數收我女友$32元???(應該係$31元)入面果兩個一向態度唔好斬料大叔,突然又用眼神及面部表情溝通,稍後又向收錢阿姐猛單眼,及用手住斬凈最後一件我買鵝翼,不停用眼神話俾阿姐知要收多我錢。阿姐收到呢兩個奸狡大叔眼神通知,好似習慣性收到訊息咁,即時向我及女友話:『唔好意思,件鵝翼係超大件,所以係$18元唔係$10元,要收多番$7元。』,因為我門口等我女友,最後俾錢時先入去唔知頭唔知路,所以我咪照俾多$7元囉!離去時我女友向我投訴,話呢個阿姐(唔係第一次買阿姐,呢個態度冇咩),頭先計數已經計左好多次唔同價,唔知識唔識計數咁話喎!女友仲同我講話斬料果兩個態度勁差唔憂做大叔,收左錢事後先話覺得件鵝翼大件收少錢,咁好似有心屈人客錢喎?!如果客人講明要$10元鵝翼,佢聽唔清楚斬錯俾客,係唔應該用老逢態度收多客錢,我覺得應該有禮貌地講:「例:→唔好意思,斬大件鵝翼,介唔介意俾多$7蚊丫?」冇理由人客話明要$10元鵝翼,佢夾硬整隻貴俾人丫嘛!而且如果我早知件鵝翼係$18元貨色,我就自己揀隻大件啦,駛鬼佢求其揀件大就當我超大計咩!做生意一次過冇意思,唔係好生意排長龍代表元朗變相有江湖地位,打開打口做生意亦唔係隻手遮天,我相信呢間鋪老闆可能並唔係地道元朗人,如果係話冇理由唔知元朗客好多都土生土長,同埋朋黨間關係好密切,做生意態度差好易得罪人,一傳十、十傳百,遲早影響鋪頭及生意。希望佢地明白呢個態度,人客買幾多錢都唔應該用咁惡劣態度及卑劣手法做生意,人客今次幫襯十零廿蚊,亦唔代表上次或下次冇幫襯更多生意。不過我經過呢兩次不快經歷,反而我決定一定要親自去幫襯多一次,睇下佢會唔會對我呢個麻甩佬用咁態度對我,如果佢再係咁對我做生意,我一定唔會好似我女友咁算數,我會佢鋪頭同佢討過公道,大不了咪報警求個公道。仲有,佢滷水豬耳勁鹹,如果唔怕有高血壓、心血管疾病或腎臟病,食多都唔怕。仲有,做得熟食都要小心,千祈唔好衛生做得唔好,如果食壞人客肚皮,算你唔憂做都唔代表有酌情權唔駛揹鑊。但公道再講句,鵝翼味道及口感都唔錯。
影片
