新香冰廳餅店

營業中

休息中

比起新式茶餐廳講gimmick搞fusion我更喜歡走走傳統街坊老茶室開了幾十年的老舖成了附近屋村公公婆婆們聚腳打躉之地店內的叔叔嬸嬸都好熱情好客親切店內真係樣樣都係古董舊式地磚、卡位、甚至用的杯碟都好懷舊廚房的焗爐都是超舊式的沒有溫度顯示😅這裡仍然自家製各式傳統港式麵包同撻更有我從未試見過像蜂巢一樣的蛋糕仔最受歡迎的當然係菠蘿包、蛋撻菠蘿包鬆軟但面頭的菠蘿皮唔夠脆蛋撻是我喜歡的酥皮 一層層鬆化脆感 好好食如果預啱新鮮出爐應該會更正雖然食物未必係最好食 亦唔會有什麼驚喜除咗傳統麵包同撻餅 當然少不了常餐特餐的沙爹牛肉麵火腿奄列多士連熱奶茶咁豐富都只係$36！實在抵食整體味道就一般般啦 唔好有太大期望但絕對係平食飽肚之選都是最傳統做了幾十年的味道但就是那份溫情人情味是獨有的 亦係最香港的味道

呢間冰室喺我細細個就已經係度，真係光陰似箭!!😫呢度的食物款式好簡單，只有早餐、特餐、奄列、炸脾、西多士等等，餐廳外會擺放一盤盤麵包、蛋糕，價錢親民！疫症期間，入去時要去收銀處探熱。今日叫下午茶，茄蛋冶望落去好整齊，雞蛋煎到正正方方同方包大小一樣，所以食既時候唔會只咬到方包；熱奶茶非常香滑，一d 苦澀味都無，好飲👍🏻

在這裏食物千篇一律，早餐是沙嗲牛肉麵，午餐可以是沙嗲牛肉飯，但是這裏的食物質素是會令人一吃再吃，這裏的沙嗲牛肉很濃郁牛肉很軟滑，再加上口感似出前一丁的公仔麵簡直是完美的香港配搭！這裏的奶茶也是公認的高水準！這裏也可以看到餐廳的員工和客人的互動就像認識很久的朋友一樣，無論廚房的員工，也可以隨時跟座上客閑談起來，這就是街坊餐廳的溫暖之處，除了主食還有包點蛋糕！維他奶也有樽裝的！

係石蔭呢d非城市大區搵到一間超50年歷史冰廳，中朝早7點已經人來人往，好多人都係一包一茶，19$就可以埋單，比著山下既荃灣連鎖式冰廳仲有邊到可以19$又可以食飽一個早餐。另外最多人點既相信係呢到既沙嗲牛肉面，好多上班族一坐低就是一個牛面餐，又有餐肉火腿太陽蛋搭配，再俾個餐包你夾住食，盛惠31$。所以呢兩日都係呢到幫襯佢地既早餐，仲有連小店都加入支付寶，好似我呢d唔鐘意帶cash係身既人簡直係貼心服務，希望呢種小店可以保持落去，唔好俾連鎖冰廳侵食。

現在香港有很多以懷舊冰室來招徠的餐廳，但比起那些製造出來的懷舊，本人還是喜歡這間餐室的「真懷舊」這裏的奶茶非常出色，食物方面款式不多但水準很高，相信這裏的王牌食物便是沙嗲牛肉，這裏的沙嗲牛肉吃完會令人有一種回味和想再來光顧的懷舊的感覺！

以往有親友在這兒附近居住，但是在樓下只會買蛋撻外賣，從來都好像沒有內進進食過，現在在「沒有茶餐廳冰室的地區」工作，就更加想念這種冰室。因為一早已經看了資料，這兒附近的應該只有幾間冰室，因此，一下車就直接內進。看看餐牌，又看看時鐘，都未到下午茶，不要理，因為趕時間，還是叫最穩陣的沙嗲牛肉麵，以及煎蛋、火腿、餐肉多士，然後喝了一杯鴛鴦走。鴛鴦走的味道，想不到竟然非常酸，如果鴛鴦走有酸味，大概都是茶餐廳咖啡的酸味吧，但是攪勻之後，卻覺得非常之香濃。因此分析如下：就是這間茶餐廳的咖啡比較酸，但是奶茶味非常香濃，再配合煉奶的甜度，味道也相當不錯。除了傳統的奶茶咖啡或是檸茶、檸水，它還顯得與時並進，新香除了普通的舊式飲品之外，還有提供一些新式飲料，例如是與越式滴滴的咖啡，又或是特濃咖啡等等。多士都切得夠厚，雖然牛油不算搽得很均勻，但是其中一邊牛油比較多，另一邊比較乾都沒所謂，最少夠厚，口感不會太差。火腿以及餐肉都比較細小，餐肉的切割的確利害，薄得教人吃驚。沙嗲牛肉麵，沙嗲醬雖亦稍冷，但未至於完全冷掉，應該都有稍微溫著。麵條還保留少許彈牙，嚼勁還好。就是在這種舊式茶餐廳，你才會發現，員工會和其他食客

之前同事請食呢度出爐嘅朱古力曲奇，已經覺得好好食！決定自己去買。$11有3塊，每塊有2片曲奇，中間同外面有一半浸有係濃濃朱古力真係好好食，鍾意食黑朱古力嘅人一定鍾意，曲奇本身都好脆口！推推推

呢間茶餐廳就係我屋企樓下，平時朝早會係到買麵包做早餐。今日下午就來食外賣下午茶。食物選擇不多，侍應伯伯見我望來望去，就建議我叫叉燒意粉，我猶豫左一陣，佢又建議我叫特餐，於是最後叫左雪菜肉絲麵+煎蛋+餐肉+華田+多士外賣來到，見袋入面冇多士，就問個侍應，點知原來外賣係冇多士的﹗下﹖原來係咁﹗其實之前我都買過一次外賣，都係冇多士，我仲以為係漏左tim﹗講番d食物，全部正常野，係有d咸。另，侍應伯伯都幾細心，除左有耐性地建議地我食d咩，又會問我華田使唔使加糖(不過都係好甜)，臨走俾外賣我又會分check下有冇漏餐具，抵讚。

誤打誤撞來左呢間冰室, D 地板, 出面麵包櫃, 同放汽水雪櫃都好舊式啊, 幾得意WOR!佢地GE 餐, 基本上係無咩選擇, 都是最典型A/B/C 但都是一樣的餐.... 點左個特餐配公仔麵, 同一個營養餐(即是TEA SET), 本來晚市無營養餐, 但伯伯話做埋俾我, 但我又話想食奄列,佢就話咁變做奄列LA, 單叫唔抵, 幫你變做餐, 哈, 好相予啊~太陽蛋, 火腿, 腸仔: 基本上係好油, 好油同好油....舊式做法是這樣的嗎...我就頂唔順喇....火腿奄列: 好多火腿絲,份量多, 但好多油!!! 睇到成層油在面架, 佢係咪炒完再淋左油上去....沙嗲牛肉公仔麵: 呢樣反而清淡, 梗係LA, 全都唔使煮, 用罐頭肉+公仔麵JA MA多士: 無食,但茶左好多牛油, not my cup of tea.. 不過幾大件

比起現在時下越來越多偽冰室，我更喜歡這間貨真價實的舊式冰室。環境雖舊，卻很乾淨光猛，侍應手腳快，而且友善。點了個常餐，雪菜米，火腿餐肉蛋轉了煎雙蛋，跟一件牛油多士。多士剛烘起，很香口。在蛋上加點鹽，篤穿蛋黃，用麵包沾著吃，一絕！這裡的雪菜很夠味，不如其他茶餐廳般淡口。$34的茶餐，吃的除了是食物的味道，還有一種舒適自在，現在很多為了做多幾枱客而趕客走的食肆，無論它味道多好 食物多特別也好，我還是傾心於這些碩果僅存的舊式冰室，簡單卻自在。

週六上班前要好好充電，就去了我最近愛上的冰室。這家間冰室仍保留前舖賣麵包的營運方式。行入去看到的是那種小時候茶餐廳的格局，很有親切感。早餐的選擇不多，特餐有4款面食，跟火腿、午餐肉、煎蛋、包，配熱飲，盛惠$25。我點了沙爹牛面、轉炒蛋、跟餐包、飲熱奶茶。油餐包中間夾了牛油，軟硬適中。炒蛋只是普通把蛋打均煎，略油。沙爹牛面是精髓所在。撈均湯面時，眼見清湯變成沙爹湯，湯有濃郁的沙爹味帶輕輕的辣。牛肉算是嫩口。奶茶柔滑順口，撞得很均勻，口中沒有留下茶粗糙的餘韻。貼士: 建議轉火腿炒蛋 (但會沒了午餐肉)

今日同前日都黎左lei到食特餐,都係要牛麵,要包, hot mlk tea多milk~2011年早餐加左$1前日ge包係迷你餐包仔,遲黎我一部ge人就是提子包.......我本人like食提子包多d~而今日ge包係鹹豬仔包~可是我見早黎過我ge人係提子包,而遲過我ge人都係提子包,唯獨得我一個係豬仔包囉.....我本人不嬲都係鐘食提子包ge...所以今日同前日都係依得有點不快樂......一餐之最在於晨嫁ma,次次都唔係我有提子包......ps: 其實我同d waiter 講過可唔以簡要提子包,佢話廚房俾咩包就係咩包,冇得要求~ 唉.......仲有我覺得d茶味唔夠金多寶好,我係金多寶要杯hot milk tae多milk而d茶咪都好多同夠滑~

今日1點靚去左食佢地ge特餐,特餐如下:a.有4款麵簡1b.牛油多士/包c.餐肉火腿煎蛋d.熱飲(凍ge + $1)11點前就$22,之後就$25~簡左沙嗲牛麵 都ok ge),煎蛋轉炒蛋,仲有件餐肉,不過冇左塊火腿.......唔知係咪轉炒蛋ge關係,所以唔俾火腿.......炒蛋:原來係將隻egg打暈之後,再煎囉,所以煎到隻egg薄曬,同我想像中ge炒蛋不同,我覺得炒蛋係真係要將隻egg打暈之後,再係獲炒幾下,會好囉.....(ps:金椰林同新香一樣囉d炒蛋,而金和林同金多寶ge炒蛋會似係炒蛋,只少人地真係有係獲到炒幾下,有番d口感),餐肉:都係平時果d咁ge味,熱奶茶:我覺得唔夠茶味......簡左包:係提子小麥包,個包加左牛油ge,而個包入面有好多提子tim,同埋都ok,唯一我覺得個包係我會欣賞ge~remark : 我覺得沙嗲牛麵d沙嗲有少少辣會好d,如果係lei頭淨計沙嗲牛麵,"金多寶"個沙嗲牛麵會好d,因為有少少辣味),但環境就冇咁好~

2010年1月3日 ( 1 ) 早餐新香冰廳：一間座落於葵涌石石蔭路的舊餐廳，雖然在家門附近也未曾幫襯過，今天我們經過這裡，便走進試了第一次。我們吃了兩個特餐，每個24元，我揀選沙嗲牛肉公仔麵，太太選了雪菜肉絲米，每個餐另有午餐肉一片、火腿一片、雞蛋一隻、油包一件及熱飲一杯。沙嗲牛肉公仔麵：沙嗲牛肉醃得唔錯，好味道，公仔麵烹調得幾好，不太腍，口感唔錯。雪菜肉絲米：一般的雪菜，肉絲也不少，味道普通。午餐肉、火腿、雞蛋、質量一般，味道普通好吃。油包：麵包很軟熟，味道可以。熱奶茶：雙喜淡奶，茶味不濃不澀，也很幼滑順喉，味道ok了。熱杏霜：沖得夠濃，杏仁味夠香，好飲。這裡客人也不少，我們要搭枱才有位，環境普通，食物也可以。

成條街越開越多食肆但對呢間茶記似乎無乜影響，依舊咁多人，非繁忙時間都係啱啱有個卡位。望吓餐牌發現食物品種唔多，以燴意粉及湯麵為主，早餐幾乎無得揀而中午快餐都係得3款，但係門口賣麵包個度反而好多款式，可能以賣麵包為主。無乜選擇之下要咗個好多人讚嘅特餐，有餐肉炒旦、多士、沙嗲牛麵同檸茶($23)。餐肉炒旦同多士嚟到係微熱，唔係即做，沙嗲牛個汁好濃而D牛肉就唔錯無梳打味，麵就就OK喇，而杯茶比較淡無茶味。見到有新鮮蛋撻出爐又要番個，蛋槳唔係好甜但D酥皮都幾好，不過要成$3.5又似乎貴咗D。整体OK而巳無D老友講得咁好食，但係D街坊始終都係鍾情於茶餐廳，所以仍有生存空間。