方太糕品舖 (已搬遷) 新店位置

每次經過呢間糕點鋪都見到有人排隊，搞到自己都忍唔住想買見到鋪頭門口擺左tvb之前去呢到拍攝，好似幾出名咁買左紅豆糕，芝麻糕同埋椰汁綠茶糕，芝麻糕無咩芝麻味，綠茶糕都無咩綠茶味，惟一係紅豆糕有紅豆味，好似砵仔糕幾出名，不過無買到，下次有機會再試下

路過呢間出名嘅榚品點，緊梗係要買返幾件榚點$18/3，以價錢嚟講都算合理紅豆榚：粒粒紅豆係𥚃面，紅豆味真係好濃，十分足料，好食芝麻榚：芝麻味好重，食落陣陣芝麻香，唔錯紅豆椰汁：椰汁味唔夠濃，亦食唔到有紅豆味，相對較失色馬蹄榚：有粒粒馬蹄係內面，但係馬蹄味一般，唔算太甜都，幾好Overall 性價比都唔錯，而家中式糕點店買少見少，有好多已預先包裝嘅中式榚點味道唔得，所以想食榚點，方太榚品都係唔錯嘅

聽聞方太做的傳統糕點好好食，星期日專程揸車去買。買了差不多$90蚊，無一樣覺得出色。芝麻卷$38條：有少量芝麻在卷內，加少少分。芝麻卷唔香，好厚。出色嘅芝麻卷拆出來是薄薄一層，半透明的。呠仔糕（啡）：差過一般店舖馬豆糕：豆好少，只有幾粒在面，差。紅豆糕，綠豆糕，還有兩款間色的糕，全都超級普通，毫無香味。賣$18三件比一般貴，卻價不付實！

無記錯依間係第二次買，果時係完全唔洗排隊架🙈今次竟然要得半個鐘先買到，我地覺得可以加快個流程，就係邊收錢邊拎糕🤣今次唔係專登去買，只係專登去完食魚粥，見到蘋果新聞介紹，又見響附近就行去睇下啦排隊個位都有啲曬，等左成半個鐘...終於到我地啦每款都係$15/3件，所以我買左3件綠茶🍵糕、3件芝麻糕、3件桂花糕、3件馬蹄糕、2件馬豆糕同1件黃糖糕揀要快因為等咁耐已經有心水啦，買咁多有個盒裝住都算佢啦除左桂花糕外，其他都會想再買黎食呀因為食落口已經「嘩」咁好食嘅，仲要係清甜，唔係死甜，好清新，特別係芝麻糕、馬蹄糕同綠茶糕，個味都超級好食桂花糕就唔太食到桂花嘅清甜啦大家值得去買

這家店鋪經常吃 是香港舊式傳統糕品店堅持人手製作現在真的不多店鋪做到這樣 去到的時候很多人排隊我們也排了一陣子才買到 人流真的很多挻受歡迎吧~新年前來買糕點:是很多人 年糕也要預訂買不到😭店鋪位置不算太大位於上海街 工場與店鋪連在一起 若果有幸運地會看到新鮮出爐的糕點 味道會更加香·馬豆糕/紅豆糕 HKD$15/3件·芝麻卷 HKD$28/條很幸運地買到最後一條芝麻卷 這味道靜靜挻喜歡吃糕點味道也是依舊不變 下次經過會再買來吃才行

係柯士甸附近吃完午餐，沿佐敦行去旺角，經過上海街見到這間專買懷舊糕點的小店，仲有幾個人排隊買，好似好吸引喔！糕點選擇都幾多款式，有好少見到嘅綠豆糕同芝麻卷，不過我兩款都無試，因為見到紅豆糕入面勁多豆，又想試試白糖糕。整體糕點味道都幾好，甜度適中，吃落感覺都健康d，白糖糕無酸味，正！馬豆糕就有椰香味，不過口感一般。

橫街內街的糕品店平常幾乎都唔會過黎行街既,只係今日食完飯,機緣之下路過見到個招牌叫方太糕品,好似係邊度見過有人介紹咁就留意下有咩賣啦家庭式經營小店,有白糖糕,原條黑芝麻卷(菲林),好多懷舊糕點用料睇落好足,有新派有原味,共11款都係$15就有三件,價錢十分吸引忍不住就買了一份來試紅豆糕,第一啖食入口就覺得偏淡味,但無個種人工甜味慢慢食,咀嚼下,紅豆既自然甜味會慢慢散出黎,食落會越食越有味紅豆無預先用糖煮到入味,所以無咁糖,相對自然味道又健康D專登搵把尺度,有2CM厚一件下次會專登黎買糕品再試過,亦幾推薦地址：佐敦上海街196號地下電話：98216598營業時間：10:00 – 00:00#方太糕品店 #方太糕品舖 #港式美食 #港式滋味 #港式糕點 #紅豆糕 #年糕 #新年糕品

今日走到佐敦上海街，見方太糕品舖人龍唔太長(平時都會大排長龍），就跟住排隊等買糕😋佢有成廿款傳統糕品，全部自家製，真係會有選擇困難😅，當然白糖糕係必食嘅👍🏻👍🏻👍🏻，清甜唔會酸，真係搵唔到第二間更好食😋另外，仲要咗椰汁紅豆糕(無粒粒紅豆，會少咗口感，有d美中不足)、椰汁綠茶糕(椰汁清香加上綠茶味清新👍🏻)、紅豆糕(有粒粒紅豆，但又冇咗椰汁味）、芝麻糕、馬豆糕同桂花糕，佢嘅糕品少糖，健康得嚟唔會太甜👍🏻$15有三件，抵食夾大件，真係平靚正👍🏻😆

今日行經廟街，經過呢間舖，突然心郁想食甜品，雖然店面比較陳舊，但見平時都有不少人幫襯，心諗應該係好嘢，同埋舖面有一對年老夫婦跟一個年輕人在工作，感覺很好，所以就決定買幾種甜品返屋企孝敬埋屋企人。我叫了四個砵仔糕，兩件椰汁馬豆糕同一件桂花糕。買嗰時見D砵仔糕面得好少紅豆，於是跟前台的方太說可唔可以比D多豆嘅我。點知佢好冷淡咁答：「點樣多D豆呀?我唔識睇呀。你自己睇啦，我唔知點睇。」跟住佢就做其他嘢了。我即刻為之愕然準備離開... 跟住有個企喺方太後面做緊嘢嘅後生仔就擰轉頭同我講話：「個個差唔多㗎，D豆有時喺中間或者喺底。」咁好喇，聽完之後我就決定買了。返到屋企首先食砵仔糕，老實講，係好失望嘅... 首先，真係極少豆，豆亦冇口感（可能浸得太淋)，甜度又太甜，好似食緊一舊齋黃糖糕，極度失望，我仲買咗四個... 另外桂花糕整體ok, 椰汁馬豆糕又係太甜，感覺好唔健康...本來諗住同屋企人開開心心食甜品，點知購買時已經要受氣，而食物質素亦中下水平，冇下次了...

之前同事曾經外買過方太嘅芝麻卷返去公司，上次食完芝麻卷真係覺得好香好好食，又唔會好甜。今次路過佐敦，特登行去上海街嘅方太想再試佢嘅芝麻卷，去到鋪頭嘅時候，已經淨返最後兩條黑芝麻卷，即刻買晒佢😂，再加一條白芝麻卷，鋪頭仲有得俾你揀剪開幾多份。買咗三條已經滿滿一大盒，黑芝麻卷好滑，食完齒頰留香，入面仲加咗一粒粒白芝麻，味道亦唔會太甜。另外買咗白芝麻卷試食，白芝麻卷入面都好多白芝麻，不過就冇黑芝麻卷咁香。其實香港地少人多，鋪租貴，而家手製糕點小食店買少見少。呢間小食店算係幾出名，無綫電視都採訪過，有機會要多多支持下！😬希望呢啲手製糕點就唔會失傳。

十一點幾喺附近食完糖水之後順便去試吓方太因為得自己一個人食所以就只買了半條芝麻卷芝麻味都幾濃而且唔會太甜 口感爽滑 入面還撒了些白芝麻增加口感 另外仲買咗一件綠茶椰汁糕買完之後喺巴士打開諗住試一啖一打開就見到有兩隻蚊子 依附再糕體上面還是活生生的！ 仲識郁結果我沒有吃便扔了真是10分可惜我唔知道店員係夾嘅時候見唔見到但希望店方要多加注意衛生注意存放糕點的方法！

💚綠豆糕/ 椰汁芋頭南瓜/ 椰汁綠茶糕($15*3)🔻推薦指數:🌕🌕🌕🌑🌑甜度:中等🌕🌕🌑🌑🌑質地:滑溜 爽彈 顆粒餡🔺買左椰汁南瓜芋頭糕，味道偏淡，但勝在低糖健康😂食佢個質地，彈性不粘牙，椰汁層有芋頭粒，芋頭粉糯，但沒有什麼芋香🙈最好食綠茶椰汁糕，食到有少少甘甘茶香，不算濃但以製作於糕點上味道也可以~沒有顆粒混雜，更專注吃到糕體的質地😋綠豆糕比紅豆糕少見，所以就揀左佢，入面好多好密集嘅豆，食到粉粉的顆粒，甜度比椰汁兩件高一點，這個飽滿感強d 連吃三件也可以🤭整體真係幾厚片大件，價格偏平民👌🖤黑芝麻卷($13ᴴᴬᴸᶠ)🔻推薦指數:🌕🌕🌕🌖🌑甜度:適中🌕🌗🌑🌑🌑質地:滑溜 爽彈🔺懷舊菲林筒，黑卒卒，但好好食😭🖤🖤🖤滑嘟嘟嘅外皮，不失嚼勁又煙韌爽彈，淡淡嘅黑芝麻香，不會太重，中間還卷有芝麻粒👍增加口感和更香口。食芝麻卷識食係要碌開食🤪成舊咬無咁正，碌開一大片食，又有碌嘅快感 耐吃薄片口感😏依到仲有賣比較少見嘅白芝麻卷，不過當日就無售。

之前光顧幾次，甜品是低糖，質素不錯。今日排隊光顧時，我們依照排隊線購買，當輪到我購買時，突然附近有女人插入來話我唔排隊，佢自己企埋另一邊，又不是形成一條排隊龍，我覺得佢見太多人排隊，唔想排隊，尼女人以為惡就大曬，之後讓佢先，方太見情況，問我要嘜，態度好串。雖然生意好，態度應該好，經過今日佢態度，以後唔會光顧，食得不開心。

星期六收工走左去佐敦周圍行，行行下發現有間糕品店有人排隊，又見佢post某個節目中播出，心諗應該好野先有人排。因為當日都快6點，好多糕品都已經沽清所以買了一條芝麻卷，一條黃色的（好似馬蹄卷），兩件 眉豆糕同1件紅豆糕。我地一致應為芝麻卷最好食。©芝麻卷好香黑芝麻味，好似食左好多芝麻落肚，口，感煙煙靭靭，唔甜，老人家應該會喜歡。®相反黃色的（好似馬蹄卷）同芝麻卷相比食唔出係什麼味道，只有甜味同煙煙靭靭口感，比芝麻卷甜了 一點點我個仔比軟喜歡紅豆糕，因為d豆比較沐淋同有起沙，眉豆比較硬了少少，眉豆糕有少少是爽口感。其實這間糕點d糕應該唔會太甜，同埋口感是煙煙靭靭，唔會係好爽口或是好似啫喱的口感。下次經過可以再買一d比 爺爺嫲嫲去試。*佢可以打電話預訂糕點

行過見到咁多人排隊，見到係傳統糕點，口痕就跟埋去排下買返件當下午茶款式選擇有好多，而且價錢唔貴，好多款都係$15有三舊。而個糕點質感似Jelly膠質，而唔係煙煙靭靭個種，味道唔會好甜，相對較健康。見佢一盤盤咁係入面拎出黎放涼，好新鮮。芝麻糕 - 芝麻味濃，相信真材實料，而且，唔會好甜，食多舊都唔會覺得膩。椰汁千層糕 - 椰汁味濃，整到好靚同埋真係見到有千層咁，微微甜味。椰汁紅豆糕 - 椰汁味少，紅豆味多，微甜。椰汁綠茶糕 - 椰汁味少，綠茶味多又香，苦苦地咁，好好味。