日の苑西日式外賣專門店

營業中

休息中

間中便會幫襯的壽司店，起初因為這店的價格抵食常常幫襯，可惜現在加了價，可能因為來貨少了成本比以往高了，但食物的品質還是不錯的。很喜愛三文魚腩刺身，厚切的囗感配合十分香囗肥美的味道，入囗令人很滿足，是三文魚愛好者的不二之選！

走過花之苑，真係冇諗過簡簡單單嘅日式小食都可以咁過癮嘅。我哋試咗日式章魚小丸子，啖啖都是純淨既章魚味，外皮烤得啱啱好，脆口而且熱辣辣，真係令人一試難忘🐙！章魚肉好彈牙，每啖都有滿滿嘅滿足感。再嚟就係嗰塊三文魚，厚切得好過癮，口感軟滑而且新鮮到喺口裡化開嚟，食得我同姐姐倆都讚不絕口😌🍣！實唔使去到高級餐廳，喺屋企附近就可以食到咁質素嘅日本食物，真係太正啦！下次更加想試吓佢哋另外啲嘢，睇吓係咪都咁正。食咗之後感覺成個人都雀躍咗起嚟，口福嘅日子唔使彩排，每一餐都可以享受到滿滿嘅幸福感！😋💕

行過西營盤，呢間日式店咋樣都要幫下襯啦，因為上次食完佢個軟殼蟹卷，嗰種鬆脆得黎又唔油膩嘅感覺仲喺味蕾邊緣盪漾。今日一見到燒三文魚飯團，嗰個誘惑我就忍唔住啦，飯團香滑得嚟又厚道，啖啖三文魚配上彈牙蟹籽，簡直係飯團界嘅勁爆之選！🤤至於吞拿魚卷，真係肥美得不得了，件件都滿滿當當，唔需點豉油，沙律醬調得恰到好處，加埋啲玉子，甜甜地，食一件已經覺得好滿足。另外，響呢度見到豐滿嘅腐皮卷真係罕有，啖啖飯同豐富餡料，外皮脆卜卜，入口即化，豐滿得嚟又唔會覺得膩口。喺呢間，食物都真係份量足夠，食兩轉都無問題，每次來都有新驚喜，真係加多星⭐️的好去處！今次只係試左三樣，下次定必要再試過其他！👍🍣

呢一間日式外賣店坐落喺西營盤皇后大道西，附近食肆林立嘅惡劣競爭環境下，佢都可以保持一貫嘅客量，證明出品唔錯！夏日天口熱，加上食店喺公司附近，所以最近我成日落去買外賣壽司食，喺食過10次以上嘅經驗，我絕對有信心講佢嘅食物質素係穩定地好食！我多數買佢$30/ 6件加州卷，加州卷嚟講算大件，而且餡料有些少唔同，有玉子餡加州卷；有乳酪餡加州卷；亦有吞拿魚餡加州卷；而且佢仲有分有沙律醬同無沙律醬，真係十分細心！三款我都食過，當中最吸引嘅就係乳酪餡加州卷，畢竟呢個配搭較少見，而且佢隻乳酪係難得嘅好食，同加州卷意外地夾！另外，佢亦有手卷同其他丼飯可供選購，細細嘅鋪頭賣嘅野一啲都唔少，加上佢價錢唔貴，喺西營盤嘅地段嚟講算中等價格，所以呢間日式外賣店咁受歡迎係有佢嘅道理嘅！

係西營盤做完野，想食日本野，諗起之前係巴士站旁邊就有間“日の苑西日式外賣專門店” , 有魚生丼、咖哩飯、蛋包飯、日式便當樣樣都好想試添今次就叫左個雞扒蛋包飯，仲有得揀咖哩汁或茄汁，食日本野仲要係蛋包飯就梗係要配咖喱汁啦，係“電”律黎加麻🤣一打開個飯盒就俾塊好大既雞扒吸引住，雞扒皮脆肉滑，個蛋就只係一塊蛋皮，同我期望有出入，個飯就撈左d栗米入去多左一份甜味，咖哩汁唔多唔夠撈飯，如果可以杰d就更加好餸飯整體黎講都算唔錯，如果配埋野飲就更加好啦！#日之苑 #NINOEN西環西營盤皇后大道西270-280號得利大 廈地下6號舖

日の苑分店遍佈北角、上環、西營盤、香港大學站及佐敦。除了壽司、刺身，他們還有不同日式便當個咖喱飯，人均消費約$50-$80，較一般日式餐廳便宜。🔺 鰻魚半條-便當 ($68)便當含半條鰻魚，小份日式炒菜和半隻熟蛋，鰻魚汁分開上，可按個人口味決定較軟。鰻魚熱辣辣且碎骨不多，唯炒菜味道過於清淡，與鰻魚飯也不搭配。回頭率：🌕🌕🌕🌑🌑🔺 三文魚壽司8貫 ($65)壽司飯overcooked，還好三文魚刺身油脂分佈均勻，挽回不少分數。愛吃三文魚的話，還好別點壽司了，直接點三文魚刺身吧，$10一片，性價比更高更肥美。回頭率：🌕🌕🌕🌑🌑

又食壽司，揀番我近排比較鍾意食嘅日之苑 今次試咗鰻魚壽司同蟹棒壽司，鰻魚幾厚身，肉質彈牙另外，今次試埋蟹子沙律，勁大碗，好多青瓜絲同蟹籽，仲有跟埋芝麻醬同沙律醬，滿足唔同人需要小食帶子裙邊同樣咁好食，個醬汁幾惹味，辣辣地幾過癮

已經幫襯過多次，價錢優惠又好食！而且份量又足料！誠意推介！款式又多而且weekday 同weekend menu都唔同，唔怕悶，weekday個便當🍱份量非常大又有小食同湯！外賣送餐都仲熱嫁！

之前食過石塘咀分店，便當高質好味；今次經過西營盤分店，決定再次一試 😆由於今次比較趕時間，所以買咗壽司拼盤同飯團返屋企食❤️  <壽司拼盤> $45 壽司拼盤一啲都唔馬虎🔥雖然一件壽司只係$9，價錢平價，但係三文魚肥美魚香味四溢🤤；鰻魚啖啖肉，食落大滿足😍真係好抵食！  <三文魚飯團> $15 我仲以為同一般店舖售賣既飯團一樣，只係得內裏有餡料，但估唔到佢將蟹子同三文魚混合，所以每一啖都食到豐富嘅食材，口感相當豐富😋

上次食完日之苑之後，發覺性價比幾高，於是今次經過西營盤呢間日之苑😏，再入去試下，比我見到呢間分店居然仲有定食！所以就買左個豬軟骨便當😊，個豬軟骨超正，d汁加上珍珠米簡直就係絕配XD。跟套餐可以送兩款小食，另外加多個湯，小K要左一個蟹籽沙律同紫薯香芋丸，的確有咁上下水準。

多次回頭日之苑，今次趕時間就買放在雪櫃既壽司，價錢就冇同落order比較，不過好似同上次買加左少少價，食物款式都好多，有沙律、件裝壽司、刺身，連朱古力忌廉泡芙都有🤣四色珍味小食｜$53小食有中華沙律、芝麻八爪魚、辣味螺肉、帶子裙邊，份量都唔少，特別鍾意帶子裙邊🥰送酒一流炸蝦卷｜$306件都大大舊，有埋蟹柳同青瓜，炸卷仲係脆，仲有蟹籽，好食沙律｜$40揀左雞肉粟米青瓜沙律，入面有埋醬汁提供，份量超多，食得好飽

提起「日之苑」壽司，幫襯過一次，好咁多人排隊，又有熟食，任君選擇，壽司組合好多，開party一流!壽司拼盤選擇都幾多款，價錢先60幾，就可以試到唔同款。鰻魚等等壽司都合格，三文魚就一般啦，八爪魚好似係最好食，好飽肚，雖然味道最好食，但可以一次過試到好多壽司，性價比算係幾高。不得不介紹的是大家期待的魚生🐟選擇了三文魚小卷，價錢一如既往地便宜，入面都好多粒，大家可以開心share。味道唔錯！推介呢樣！

依家基本上都成日物色唔同既外賣店，之前食完個軟殼蟹卷，對呢間舖頭印象都好深，所以今日去西營盤見到又有分店就緊係幫襯下，夜晚又有著落Iu🤪。🐒燒三文魚飯團💰$13佢入面啲飯係已經有調味過，之後係同啲三文魚碎同蟹籽撈埋一齊，幾惹味，唔會好似出面個啲得中間有啲餡，其餘就白飯咁dry。🐒吞拿魚卷💰$30@6件有6件仲要件件大大件，我個人唔點豉油都好夠味，因為吞拿魚本身都已經有用沙律醬調味，加埋玉子食落甜甜地。🐒腐皮壽司💰$22@5件唔係到到地方都有腐皮壽司，所以一望到佢漲卜卜就好吸引🤤腐皮甜甜地同多汁，連埋啲飯一啖食好滿足。呢了我分兩餐食，因為佢真係件件都好足料，第二次幫襯都仲係覺得好驚喜，如果下次又係附近我都會繼續再買👍🏼

只做外賣的日式店，指定食堂。刺身、便當、滑蛋飯、壽司、蛋包飯、咖喱飯，能想到的全部都有，100蚊以下可以搞定。今次點的帆立貝滑蛋飯，帆立貝很大一顆，滑蛋配上洋蔥蘑菇更入味。

食晏就同朋友想食日本野，見佢都多分店一於試下！😋套餐都唔算太貴，又可以唔洗錢，或者加少少錢加配兩款小食！好多款式！同朋友揀佐個魚生飯，日之苑刺身飯，都係$138，有得食海膽，三文魚，帶子同蝦刺身！👏🏻👍🏻👍🏻超正！刺身好新鮮😋