日作食堂

營業中

休息中

餐廳位置係觀塘鴻圖道63-65號鴻運工業大廈地下A號舖，係地鐵站行過去好近，餐廳係以日本風格為主，主要係木系為主，好有style! 我同朋友都係幾鍾意呢一個日式嘅風格，坐落去亦都非常舒服，唔會有好迫嘅感覺，餐廳嘅空間感十足，唔似其他啲小型嘅cafe！午飯時間都幾多人，不過好彩都唔使等位！！首先推介嘅鹽燒安格斯牛扒定食，一嚟到份量都幾多，而且牛肉燒得非常靚，中間仲係鮮嫩嘅粉紅色，安格斯牛扒亦都油花平均，咬囉唔會有好肥嘅感覺，而且識落非常有肉味，配埋飯，再加佢嘅飯素食，簡直係一流 跟餐仲有一份薯仔沙律，同埋帶子裙邊，我就比較鍾意食佢嘅薯仔沙律，佢嘅調味做得非常唔錯，酸酸地非常好食，作為前菜非常開胃！帶子裙邊亦都煙煙韌韌咁，我都覺得唔錯！朋友就食咗另一個套餐，佢就比較鍾意食魚，所以叫咗一個比目魚定食，比目魚燒得好香，識落魚香味亦都十足！食得出餐廳淨係用嘅食材原料都唔錯，作為一間小店嚟講非常高質！最後我就飲咗柚子汽水，夏天熱辣辣飲，正！餐廳好新，店員都好friendly，有機會一定會再返嚟幫襯！

在(觀塘)日作食堂🌸開餐，裝潢好有日本style, 有部分學生時代枱櫈好懷念呀!還有懷舊一座鞍馬🥰食堂座位也很寬敞好relex♦️鹽燒安格斯小排定食 鹽燒過後，上方配上滿鹽 葱，肉質含細緻油花，柔嫩腴 香，醮上醬汁更添美味♦️日本🍚黏稠適中，較清爽，吃起來有嚼勁，不會太軟。♦️薯仔碎蛋沙律軟綿綿的薯仔蓉帶微粒，混上濃郁蛋香味，再加入酸酸甜甜沙律醬，開胃醒神♦️日式帶子裙邊鮮甜美味，爽口彈牙口感煙韌♦️麵豉湯材料好豐富，鮮甜花甲，滑溜溜豆腐……等，口感順滑喝汁濃郁♦️日作極上(刺生)丼❣️中拖羅神級美食，鮮味又帶油香❣️油甘魚腩肉厚滑，油花散佈均衡，入口即融❣️赤蝦甘甜粘糯，鮮味十足❣️北海道帶子厚身又細密，味道鮮甜濃郁❣️香葱吞拿魚蓉勁有魚油香味，伴飯一流👍👍❣️三文魚籽帶濃郁的醬油味帶有甜香，絕無腥味♦️蒲燒白鱔串無腥味，肥美豐富油脂，清香鮮甜，軟嫩滑順♦️酥炸吉列廣島蠔鬆化，蠔味頗鮮，口感嫩滑飽滿

新開的日本料理，性價比高的定食！環境是以日本課室做主題，有一時間去了旅行的感覺！前菜及麵豉湯好味，沒有味精，有誠意！主菜都好味，原隻魷魚是最吸晴，其他水準也很高，仲有茶是免費添飲

今日去咗觀塘攞貨，見到條街非常之養眼地開咗一間日式和風的餐廳，舖位都幾大，同觀塘的茶餐廳相映成趣，所以我們決定入去試吓。見到佢個Menu，都有好多款定食，又有飯又有麵豉湯又有漬物入面的裝修非常之特別，用上了以前舊式課堂的木凳，仲有梳化位，非常之舒適，下次我嚟觀塘攞貨等人的時候都可以入呢度坐下觀塘人多車多，最啱就係飲番支水果汽水解一解渴。蘋果味特別推介，因為10分清新，又不會太甜，而且非常有氣喺等緊定食上菜的時候，小食很快就到，這個脆炸廣島蠔不錯，是外面脆卜卜，入面的廣島蠔仍然非常多汁和鮮甜玉子燒的份量10分大，下次我來的時候可能就會叫這個，咁樣兩個人share一個定食都夠了，玉子燒口感豐富，因為又有濃郁的蟹子醬，又有章魚燒上面的木魚定食方面，我叫了西京燒比目魚，魚油非常高， 10分嫩滑伴碟的子薑也10分解油膩另一個定食是牛小排，燒得非常之香，口感非常之淋還有很足料的麵豉湯，每碗湯有兩隻蜆，又有紅蘿蔔又有白蘿蔔，仲有洋蔥和大蔥。

上個月開幕食過一次覺得普通, 今日再比多次機會佢啦裝修日式feel, 如果tea-time去都應該幾chill既。不過!!!!!!!!!!!!!叫左個厚切炸北海道吉列豬排肉眼排飯 (未加一價值HKD158)。上餐見到豬排唔厚切之外, 成塊吸油紙都油淋淋。試一啖感覺豬排無醃過, 淡而無味。隨餐附送既玉露煎茶都好淡!!同檯另外2位朋友都食剩一半。以呢個價真心失望之餘, 覺得好唔值。要食既朋友真係三思啊!

竟然係觀塘搵到間咁清新既餐廳🤩裝修好靚之餘啲野都好好食！餐廳還在試業期間～～🍴厚切吉列豬扒定食 $148同樣都係配上日本米，一大碗白飯既米香真係抗拒唔到🥹🥹 豬扒大塊同厚得誇張lols 外皮唔會好厚，但咬落去依然有滿滿的肉汁💦 呢間價錢都幾抵食！🍴汁煮豬軟骨定食 $138豬軟骨好軟身好入味，好出色～ 豬軟骨仲加左白蘿蔔、甘荀、靈芝菇，全部配菜加埋個汁都好夾好好食！米係用上北海道產日本米，軟硬剛好呢，令人忍唔住成碗食曬lols

𝘕𝘦𝘸 𝘊𝘢𝘧𝘦 𝘪𝘯 𝘒𝘸𝘶𝘯𝘛𝘰𝘯𝘨觀塘最新日式和風食堂用巨大來形容這裡就最好不過好多座位適合不同人數組合木系設計與古道具暫時飲品不多選擇定價有點進取遲些會有更多款式食物、甜品與飲品

同幾位同事去食，一共叫左八個餐，每個餐嘅白飯都係好粘，魚生飯D飯甚至未煮熟，起骨。之後跟餐嘅咖啡夠膽死直上齋啡唔比奶同糖。直上齋啡唔係問題，但好似廿四味咁得D苦味仲完全唔香！收得咁進取嘅價錢(人均150)，仲要加一，但食落簡直茶記都不如！完全不推薦！

在觀塘工廠區有這一間外面睇落好似幾高個級的日式餐廳係。10年都唔去觀塘工廠區一次，今日週末見到入去試吓。進入餐廳發覺餐廳內裝潢沒有想像的高級。音樂有啲嘈。兩個人叫了兩個set，汁煮豬軟骨同京蔥汁煮封門柳兩個餐。味道一般到不得了！可以話近乎不好食。個封門柳冇乜味。豬軟骨都係如此。食完完全沒有回味的感覺。好似食咗個大快活好多汁嘅飯盒嘅感覺。兩個人落樓$306。性價比很低。我相信我哋唔會再嚟第二次。一次夠晒！

最鍾意試新嘢的我，今天因工作關係路經觀塘，在鴻圖道過馬路時被這間白色牆身日系風格商店吸引住，原來是新餐廳，肚餓的我馬上決定要試這裏的午餐 我點了汁煮豬軟骨定食，$138 包括主菜、白飯、兩碟漬物、麵豉湯和茶，份量適中，豬軟骨炆得好入味，軟骨部份好好，但豬肉部份有點粗糙。漬物方面，個人比較欣賞炆筍。整個定食我最喜歡是麵豉湯，非常足料，有兩隻大蜆，味道鮮甜唔會好鹹。這間餐廳的氛圍令人非常舒服，喜歡這種和風清新木系傢俬和餐具，雖然只是一牆之隔，但進入餐廳後令人完全忘記外面世界的繁囂，可以寧靜地享用美味的食物，讓自己喘息一下，真是非常難得。在收銀處附近還有飾櫃，放了一些陶瓷作品，這裏除了是一間餐廳，也可以作為忙碌都市人的心靈綠洲。

如果一間餐廳未預備好，就唔好開張。入到去見到啲木遁已經扣分，用咗以前學生坐既木櫈。張枱偏矮，食飯嘅時候唔係咁舒服。喺觀塘價錢偏貴餐廳剩係得熱茶同凍茶，仲有其他汽水嘅（又要額外加錢）但係餐牌上面呢個價錢，連咖啡都沒有。最基本吉列豬扒都整得唔好食，睇落去好似好大份，但係三份一都係肥膏都不在話下，仲要啲肉好乾，又大雨陣雪藏味，重點係呢個價錢真係唔抵食。設計啲二人枱嘅尺寸唔係應該會多好賣夠唔夠貨嘢食嘅咩？ 有咩理由放完啲嘢食之後連個職員都唔知點擺杯野飲😅😅應該唔會再嚟第二次🙄🙄