日常小館

營業中

休息中

行過見到呢間門面好似唔錯，於是望下入面，疫情期間所以我對衛生要求好高，見到枱之間有膠板，入門口要探熱，野食黎之前唔俾除口罩，咁我已經好放心睇餐牌選擇好多，有貴有平有餐有單叫，我就試左個蛋包飯同個帶子Risotto野食味道都好有驚喜，飯黎講炸雞同咖喱都好好味，Risotto都好夾，份量啱啱好，以呢個價錢黎講超值店員服務態度好好，下次一定會再黎

見附近無咩西餐廳，又係小店咁就支持下啦~見個menu都貴貴地，叫左個$168 的10 安士紐西蘭西冷扒伴薯菜配蘑菇汁同$88吉烈炸蝦配茄汁，跟餐有沙律/湯，連飲品。沙律唔新鮮，有舊菠蘿叫做特式d，無咩好講。個粟米湯，朋友話係罐頭野，我就飲唔出係咪，但，就算你自己整都好，d粟米好老，飲到成口渣。唯一好味既係個包，真係外脆內軟，有少少香草味，好新鮮！我食炸蝦蛋包飯，普通飯粒，茄底正常，幾好餸飯。炸蝦係現成野，無蝦味。係d蛋我覺得唔錯既，裡面有少少芝士比你拉下絲，但無芝士味。個蛋雖然算厚身，但$88蚊，應該可以好d. 朋友食10安士紐西蘭西冷扒伴薯菜配蘑菇汁，要五成熟。佢食到檸晒頭，咁我叫佢切d比我試下喇，舊肉係有肉味既，但好乾身，有筋。配菜正常，露荀鮮甜。以$168 黎講，唔係一個好既回憶。餐飲無特別，凍飲加$4蚊，無影相。賣單$260, 無加一。坐得逼又唔好食，無再食既意欲。唯一係店員個個都招呼好，唔係hea做，心裡想問佢地有無食番自己店既野？性價比偏低了。

政府呼籲市民盡量避免去人多地方，又想食好野，同老公就留係自己小區揾野食，屋企附近呢間日常小館，因為座位唔多，平時都已經要等位，依家仲要座位保持1.5米距離，更加要等耐D，但佢嘅西餐真係好高質，等都值得😅我地要咗兩份晚餐，主菜連餐湯同飲品。野菌濃湯配香草多士，菇味香濃，菇粒又多，入口順滑😋吉列豬扒蛋包飯，吉列豬扒鬆脆，大大塊，金黄色，炸得又唔過火，肉質鬆軟，有肉汁，滑蛋又多，好滑😋10安士紐西蘭肉眼扒配薯菜，肉眼扒煎得剛剛好五成熟👍，既可以食到牛扒嘅原汁原味，肉質又唔韌，配菜BB露筍夠爽甜😋飲埋杯即磨咖啡同凍檸茶，好滿足呀🤩

因疫情影響，點了日常小館貼地價的滑蛋咖喱豬扒飯，滑蛋唔會過熟，剛剛好，豬扒外脆仲保持肉汁，唯獨是白飯份量比較少。價錢合理，午餐仲送熱飲，認為是小西灣最好食的西/日餐廳。希望午餐選擇會增加

今日同朋友黎到依間係小西灣既小店，因為小店關係，地方同座位都會比較少，建議晚市可早點到或訂立。裝修似普逍西餐廳，但食物卻絕不馬虎，而且絕非一般餐廳既菜式，非常有驚喜啊！非常驚喜之作，係一間地區小店入面食到仿如高級餐廳既菜式！剛上菜時，店員提醒煎pan非常熱要小心，絕對係即叫即焗制！酥皮香口而且非常脆，只有即叫即整先做到依個口感同味道。打開酥皮後，海鮮米形粉既香氣撲鼻而來，個汁非常香濃，整體好夾。不過入面既海鮮似乎調味不足，味道略淡。整體而言非常非常推薦。其賣相與餐牌上的相片有九成九相似，吞拿魚肉白裡透紅，魚肉咸香中帶有魚味，配上芝麻，既可口亦非常有特色。飯方面，忌廉好香，亦唔會覺得有油膩既感覺，食落舒服又唔會搶左主角吞拿魚既風頭，十分推薦

週末放假，疫情未散，避免外出，屋苑有間區內略有名氣的餐廳日常小館，今日就去試下他的午餐。中午時間，餐廳已有不少食客等候座位，幸好我一位，剛好有單丁空位，等了五分鐘便可入座。小館雖小，但餐牌選擇頗多，點了吉列豬扒蛋包飯配白菌忌廉汁加$15升級配餐湯。吉列豬扒頗厚身，炸得香脆，滑蛋份量多，夠滑有蛋香，餐湯足料，菇香撲鼻，而香草多士再烘乾一點便更好。

人好茅盾，寫得佢好⋯怕第日要排隊😆點左份牛扒餐，一份雞扒餐，跟多份野菌濃湯（配埋包上）先上湯及包，湯少鹹，包帶香草味（正）牛扒good good good，以翠玉瓜、紅蘿蔔及薯條作配菜奶茶good味道good good good服務good good good整體good good good

星期日同朋友特登約係小西灣，試下呢間既黃又聽聞係好食嘅西餐小店。平日行過都見外面長期有條人龍，所以12點正就到餐廳睇下可唔可以趁佢剛營業有得即時入座，可惜已全滿😂 最後等左半個鐘。雖然店很小，只有十幾個位，但都坐得唔算好迫。我同朋友都各自加咗餐湯同野飲。佢哋上菜速度都幾快，可能因為外面有太多人等位吧😂 今日餐湯係甘荀忌廉湯，甘荀味夠特出，幾好飲，不過我更喜歡佢個麵包，香草味剛剛好🤤 如果個麵包係乾身啲嘅就完美了我嗌左南瓜蟹肉意大利飯，份量都唔細，我比較細食所以都食唔晒。佢啲食材都無hea客人，佢上面嘅芝士好啱我口味，蟹肉都唔少亦真係有蟹味😂 成個意大利飯都煮到夠入味亦唔會覺得膩，再加上價錢相宜，整體係真係性價比高！我朋友嗌左吉列豬扒蛋包飯拼白菌忌廉汁，忌廉汁唔會俾人膩嘅感覺，吉列豬扒都炸得幾好，但略嫌啲飯太硬。總括而言，呢間小店係小西灣來講絕對係高質。雖然預咗一定要排隊，但都值得再光顧👍🏻

日常小館 呢個鋪位係商場嘅大外檔，喺小西灣嘅邊疆，但係日日都排晒長龍，你就知道食物質素好高，小西灣人比較平實，性價比一定要好高，如果唔係都好難做得着好難捱得到。仲要Quotient Bistro係做西餐，通常啲區頂得最耐的都係茶記同埋麥記，竟然有一間喺度可以屹立幾年實屬難得。雖然店舖細細但係食物質素一啲都唔執輸。簡單食個fish and chipsBravo, definitely will encore!!!!

眾所周知色黃店係要排幾咁耐不過身為一個有良心嘅香港人係絕對唔介意排個少少時間但我最後決定都係嗌外賣啦嘻嘻嘻 因為病病地因為小妹我家下仲感冒緊 而加係用緊餘嘅味覺去寫一篇食評想同大家講如果一個感冒嘅人都覺得好食咁佢絕對好食有冇道理先啱唔啱先💕叫咗個巴拿火腿蘆筍意粉仔加埋個餐湯賣相都唔錯喎個湯杰到好似粥咁呀 足料到呢但可惜病病地唔係好聞倒不過男朋友就話好香菇味喇味道啱啱好 💕幾like·而個意粉就唔同喇！我鼻塞到咁都聞倒好香火腿味同蒜味西利西利 成個麵都好正 食得好爽😚😚😚😚不過黃店硬係貴啲 可能係小本經營啦大家要堅持呀✊🏻不黃不食✊🏻日日都要除非免費🤪

平日吉蒂於柴灣區工作，沒有工作要出餐廳時，只好在附近找吃…什麼工廈咖啡店，屋邨茶餐廳，街市大排檔，體育館內餐廳… 所有比較食得人的店都差不多試過了今天，為慶祝明天開始放6天長假，吉蒂決定走遠少少去小西灣 (雖然走到去已經汗流浹背🤣🤣)這間小店名為「日常小館」，英文名比較elegant 叫「Quotidian Bistro」位於小西灣富景商場地下，近巴士站位置 (相信住在附近的朋友仔應該好清楚)想不到一間不夠20個座位的小店會有咁多客人吉蒂約13:30到遲一位都要等上3張枱⋯不過，店員都算醒目，先下單讓吉蒂入坐後便可以立即享用美食了吉蒂最近盡量吃得清淡一點… 所以點了一份日式咖哩野菜蛋包飯+以半價$15多點一杯海塩焦糖牛奶咖啡 (Sea Salt Caramel Latte)說真的，如果與吉蒂平時吃的餐廳來說，這裡的食物水準不算是非常「WOW」的感覺…不過，如果以這區餐廳來說，可算是較好味的店子了 (沒有選擇下的好選擇)吉蒂欣賞它煮的蛋… 一刀切下真的像日本吃的蛋包飯般 ふわふわ (FUWA FUWA) 咖哩汁相對稀釋… 不過吉蒂反而喜歡這種質感的，不會杰撻撻野菜是一般的西蘭花，粟米仔，

第二次黎呢度食水準保持住非一般既高係小西灣要食西餐真係好難但呢間唔單止好食、抵食環境舒適得黎重有音樂好享受~~~😍😍黎到一定要飲佢地個湯今日個甘筍忌廉湯好香、好濃配埋個香草包真係冇得輸👍🏻呢個火腿蘆筍意粉雖然$60比起出面個d百幾蚊既重好食個份量多到我食唔哂男仔既話可能先食得哂~~~食食下發現原來今日4點就落場我3點50幾分入到去老闆重好好禮貌咁歡迎我叫我唔洗急、慢慢食嘩...好warm呀！😍點可以唔返黎幫襯呀！

法式油封鴨腿義大利飯@日常小館Risotto with Duck Leg Confit @ Quotidian Bistro味道Taste：5/5鴨腿外皮香脆，義大利飯軟硬適中，調味亦剛剛好，飯入面有好多鴨肉，足料又好味！環境Location：3.5/5座落港島最東面小西灣，無地鐵但都唔少巴士到，位置略逼但勝在簡單企理服務Service：5/5老闆係性情中人，一個人打理整個樓面都井井有條價格Price：3.5/5 $148 - 小區黎講略貴，但味道值回票價整體Overall：4.5/5 – 試過其他菜式味道都keep到水準，值得推薦！日常小館地址: 柴灣小西灣道18號富景商場地下3號

很多時也會覺得屋村就只剩下商場的連鎖式餐廳，但其實不盡然！就好像這家 Bistro Quotidien 日常小館​  便是其中之一囉星期六的午餐時間過來是需要等位的喔～若12點半前到來大約等5分鐘便有位。由12:00 - 16:00 有週末精選和早午餐~兩個餐牌可以選擇。+$15能升級自選日常沙律或是餐湯！選了餐湯 - 甘荀忌廉湯 ～濃稠得來有甜甜的味道另外還配了一鬆軟的香草麵包 🍞我點的是 - D. 香煎西冷牛扒配燒汁伴薯菜 ($66)外層煎得有點焦焦的，吃落有種焦香和脆身內層不是全熟，仍有少許粉嫩～肉貿很嫩口，而且還保留了肉汁。加上燒汁更為惹味，但如果薯菜不是有翠玉瓜就好 (x另外的是 - 吉列豬扒蛋包飯 ($52)有三種汁可選～吃這個當然要配日式咖喱汁吧！但汁可以再多一點就好 ... 因為飯的份量頗多，不夠呢蓋在飯面上的蛋很滑嫩且有吃到 🧀 芝士耶切件的炸豬扒亦很大的一塊，吃起來也不會乾柴柴的很不錯。若點週末早午餐的話，隨餐奉送指定熱飲一杯！我飲的是 - 蜂蜜花梨 (+$9) 由於不是指定的，所以以半價享用。很濃的一杯，但超熱～花了點時間才喝完呢 

煎封鵝肝伴野菌忌廉意大利粉 $128 鵝肝大舊仲入口即溶 意粉係滿滿既野菌味 份量足而且吾漏😎咖喱豬扒蛋包飯套餐 $88 咖喱吾辣送飯好味😋 不過如果要撈飯就吾係好夠 蛋包好滑 切開仲有半熟蛋醬流出黎 好香蛋味 我甚少係街食豬扒 怕好un同鞋 呢款炸豬扒炸得岩岩好 整體顏色好似係動畫先會見到既感🤣每個套餐配餐湯/沙律 及飲品 當日既餐湯係煙肉薯蓉湯 煙肉味滲曬入湯 有薯仔🥔蓉 沙律係蜜瓜野菜沙律 大碗之餘有一大舊蜜瓜 足料呀🤤屋企人話檸檬批🍋好好食 不過今次賣曬要下次啦😫