日常小館

營業中

休息中

呢間日常小館係區內少見的西餐廳，又係小店成日想幫趁，但因為座位少所以經常需要排隊今日咁啱見唔多人排就一個人入左去食叫左一個煎爐魚的set lunch賣相幾好喎爐魚的肉嫩，配合碎蕃茄醬酸酸地係炎熱的夏天十分開胃配菜係焗薯仔同蔬菜，加左簡單的調味，都好香口平時未必食配菜的我今日就清哂成隻碟食完好飽但係又幾健康湯同奶茶就一般，無乜值得評價覺得呢間雖然係小店，但係做出黎皂西餐水準好好選擇亦都好多，有機會想再黎試下其他的菜式

🎈呢間位處位小西灣嘅日常小館人流超旺，我地都等左接近10分鐘先有位，而食緊嘅時候出面係keep住有人等位架！勁！難怪我同事成日用🐼叫佢外賣😆🎈係等緊位嘅時候已經落埋單叫野食，所以一埋位就有野食喇；肥成叫左個西冷（跟餐加$15叫埋凱撒沙律）而我就叫左個all-day breakfast🍳 🎈西冷牛扒厚身，但肉味唔算好濃，個汁嘅味道反而好出，蓋過左牛扒嘅味，但個汁係好味嘅😛 凱撒沙律就正常，無咩特別😂🎈All-day breakfast 🍳 就係咩都有啲咁啦，但我最欣賞係個炒菇，炒到有啲焦香味（定係叫做炭火嘅香味❓）比較特別！而沙律菜個汁甜甜酸酸，都幾開胃👍🏻💵 All day breakfast $76💵 西冷牛扒伴薯菜 $72

呢間小西灣嘅黃店，喺港島東區嚟講都算幾出名💛 身邊有幾個朋友都有推薦呢間小店，所以今次我哋就特登去小西灣試吓！小店環境比較細，只係容納到十零個人，亦會坐得迫少少🤏，但食物嘅擺盤、質素都唔錯～住得近近哋嘅話，都值得試吓支持吓💛喺小西灣區呢個美食沙漠嚟講，算係幾好嘅選擇‼️▪️煙肉車打芝士牛肉漢堡配薯條(包前菜及熱飲) $128▪️個burger一上枱已經超吸引😍 材料都好豐富，有煙肉、芝士、牛肉漢堡、酸瓜、蕃茄、生菜等～嘴刁仔🙎🏻‍♂️都冇咁大個口食呀，要攞開小小配菜先咬到🤣，包嘅質感鬆軟，面嘅芝麻好香口，牛肉好厚身好重牛味同埋超多肉汁😍，芝士上枱時仲係半溶狀態，抵讚！薯條🍟係幼薯，新鮮炸起好脆好好食🤤前菜可以揀湯/沙律，我哋就揀咗湯🥣 當晚嘅蘑菇湯超香濃，仲食到少少蘑菇碎🤤▪️慢煮澳洲牛面頰肉薯蓉貝殼粉 $148▪️一上枱心諗咁細份嘅，我哋咁大食仲怕唔夠飽🤣 點知啲薯蓉貝殼粉(Gnocchi)真係超飽肚！垃圾口🙍🏻‍♀️覺得咬落係有少少煙韌咁幾得意，不過嘴刁仔🙍🏻‍♂️就話麻麻哋呢種質感🤪慢煮牛面頰煮得超淋😍，淋到係一叉已經分開到一半，而且超入味🤤 除咗牛面頰肉，仲有啲枝豆同牛肉條配埋一齊食，令整體感

很多朋友說 小西灣是 美食沙漠 而我住小西灣多年 亦發覺較難吃到 較高質嘅餐食 但沙漠當中 有時候會出現清泉 就好像 日常小館 這類主打西餐的小店 雖然價格比快餐店高 但食材質量及出品 可媲美高級餐廳 🍽🍽之前午市買過外賣 味道相當不俗 多次路過小店 亦發覺是客滿 都是街坊捧場客 也遇到過朋友在吃飯呢 🥡🥡今天正想外賣 於是就到小館 點了吉列豬扒蛋包飯 配磨菇忌廉汁 法國珍珠雞松子藜麥菠菜意大利飯 還有每日鮮製 不加味精餐湯 鮮粟米忌廉湯 加了香草的餐包 餐飲等 😋😋吉列猪扒蛋包飯 豬扒外脆內軟 很Juicy 蛋厚身香滑 配磨菇忌廉汁 美味 🐷🐷法國珍珠雞松子藜麥菠菜意大利飯 雞肉軟嫩 皮香骨少 意大利飯煮至軟順 口感香滑 很有驚喜 好吃到停不了 下次必點 🐔🐔在本區能有 這樣高質的西餐 絕對一點也不平凡 👍👍

分享！💛💛💛💛小西灣日常小館其實佢啱啱開舖嗰陣已經食過，一路都想再食，上次一別，事隔幾年都咁好味😋上餐速度又快左👍🏾佢地個套餐仲包一杯野飲西冷牛扒牛扒好易咬又冇筋，加埋個汁好正！佢嘅配菜都唔馬虎㗎煎得又香又鮮甜😋芝士漢堡我最鐘意！好邪惡的多汁的漢堡，芝士好香👍🏾牛肉仲帶小小焦香，中間仲有層鮮味洋蔥醬，食完一啲都唔漏其實佢嘅蛋包飯都一樣咁好食😋😋

小西灣呢間本來看似不起眼的小餐館經常都有人在餐廳外等位或者等外賣，bookmark咗呢間一段時間，就趁一星期六要去藍灣半島DONKI 前試吓。大約一點到，咁啱有2個位，即入。餐廳室內真係蠻小的，約有16-18個位左右，裝修簡約。當日分別有周末單點及周末brunch。單點有意大利粉、意大利飯同蛋包飯，加$15升級有湯或沙律，另半價飲品。至於brunch有炸魚薯條、牛肉漢堡薯條同西冷牛扒等，加$15升級有湯或沙律，包一杯飲品。另一半話想食炸魚薯條，而我亦都邪惡地叫咗牛肉漢堡薯條，放假呀嘛😝先來飲品，我飲earl grey tea, 似係英國W某牌子的茶，不錯。而佢既即磨咖啡正正常常。主食的炸魚薯條上枱甚為分量十足，魚既脆漿不會太厚，魚肉都算厚生，薯條亦都係我地喜歡的粗薯，所有都係即炸👍而我的牛肉漢堡，包漲卜卜，有烘過，番茄生菜生鮮及有車打芝士做配料，主角牛肉有肉味，但略不夠juicy。呢間餐廳看得出是一間用心經營小店，性價比高，難怪咁多人支持。臨走前見到隔離嗰枱叫咗個豬扒蛋包飯，超吸引，值得回頭再試！

蛋包飯🍛上次行山行歌連臣角之前lunch去咗日常小館食蛋包飯距離行山起點只有5分鐘路程價錢亦幾親民 12點開門 由於星期日 我地預早15分鐘到入座後即刻滿座蛋包飯 意粉 全日早餐 牛肉漢堡 炸魚薯條 西冷種類多 部分跟飲品 / 半價加飲品.吉列炸蝦蛋包飯$54蛋包飯可以揀咖哩汁/意式茄蓉汁/白菌忌廉汁蛋加咗芝士 幾滑嘅 日式咖哩甜甜地炸炸一般 似係用現成吉列炸煎鱸魚柳配刁草忌廉汁伴薯菜 $76凍朱古力 凍飲加$4魚皮煎到超脆！ 魚肉嫰.

其實這間小店我都食過很多次，因為疫症關係及2人限聚令，我就只好外賣吉列炸蝦蛋包飯 $54升級+$15就可以有沙律或餐湯首先可選日式咖喱汁/意式茄蓉汁/白菌忌廉汁，當然我覺得蛋包飯要配日式咖喱汁先係最夾，味道唔辣，係日式甜咖喱，飯用上日本珍珠米，好煙韌，配搭得好好炸蝦不油膩，炸粉也不多，而且很香脆，不過就唔算大件，至於滑蛋很滑很厚，內裡加了芝士，不過其實這並不是蛋包飯，因為滑蛋並沒有包住飯，只是將滑蛋放左飯上面😆但仍然很好食。吉列豬扒蛋包飯 $54至於吉列豬扒蛋包飯，汁底同滑蛋同以上評語一樣，而豬扒大大塊，不會油膩，肉質鬆脆，又不會炸到乾身，整體來講都幾好🌟因為小店座位只有十多個位，所以中午食飯時間會比較人多，每一次都需要排隊，所以排隊時就睇吓食咩，再幫你落單，一坐低等一等就已經有得食

行完嗰山，真係好肚餓🙂 友人就提議不如去呢間食😜店舖唔係好大，得十幾個位，但好彩街坊們食完就走，所以唔洗等好耐☺️ 而且喺外賣等嘅時候，店員會先幫你落好order，咁樣你一坐到入去唔洗等好耐就有得食！今次揀咗lunch set嘅咖哩蛋包飯，飯量適中，而且咖哩唔辣☺️ 相當易入口😋 今次個蛋略有煮過龍，但連埋飯同咖哩一齊食，係一流😍 炸蝦就唔洗講，超正，超好味😜同埋加映呢杯cappuccino 🤪 好在我係中意玉桂粉嘅人 ，奶同咖啡嘅比例都剛好😇💛小店值得支持呀

小編第一次去到小西灣覓食，嚟到呢間日常小館，發現假期啲餐都幾抵食！😋 吉列炸蝦蛋包飯 $54蛋包飯有三款醬揀，包括日式咖喱汁、意式茄蓉汁周埋白菌忌廉汁，但都係覺得蛋包飯要配咖喱汁先正宗😝 嚴格嚟講應該係蛋蓋飯，唔係蛋包飯。個滑蛋好厚身同好滑，加咗芝士喺入面，所以食到一半已經飽飽地😂 吉列炸蝦好脆，但都幾普通，無乜特別～😋 餐包+南瓜忌廉湯 +$15包嘅香草味好濃好香！南瓜忌廉湯杰身啲，唔太濃味幾開胃😗

見到咁多好評，去開柴灣就順便入小西灣試呢間，星期六一點到大約等15分鐘，叫咗個炸蝦蛋包飯配茄蓉汁，加餐湯（粟米湯）。可能我期望過高，我真係覺得個蛋包飯非常一般，首先蛋包飯個蛋係冇乜味，個蛋輕輕切一切冇蛋汁流落黎，同埋嗰三條炸蝦實在太幼（睇menu相以為有吉x屋炸蝦嘅size）個茄蓉汁其實好似平時街買嗰啲一樽樽蕃茄意粉醬嘅醬囉。反而我覺得個粟米湯(+15)仲好，唔係味精粉開水，真係有好多粟米衣。As a yellow dim, ok. 同埋以小西灣來講係好㗎啦，不過唔好期望過高啦。

小西灣區好多連鎖店，好少良心店，有都唔太平呢間Cafe好家庭式，同平時啲文青咖啡店相似但食物同餐飲管理都好有水準，周末平均60蚊一個餐，最貴都係76蚊北歐風設計裝潢有幾分歐陸感，食物選擇同Cafe差唔多e.g.不敗嘅鮮蝦牛油果忌廉意粉、巴馬火腿芝麻菜扁意粉文青咖啡店必備嘅All Day Breakfast、香口惹味嘅英式Fish and Chips鋸扒必食嘅香煎西冷牛扒配燒汁伴薯菜，仲有今次食嘅日式芝士流心蛋包飯份量十足，都係平食之選最值得讚唔係食物，係餐飲管理上面空間有限，得十零個座位，衛生方面都做足抗疫措施人流絡繹不絕，樓面有兩個人，廚房有三個人，以小店嚟講人手幾充足由排隊到入座，上菜到離座，無論時間控制、人流控制食物細節、上菜速度定店員服務方面，流程交接非常順利全日早餐 $60，包含多士、香草腸、煙肉、炒蛋、蕃茄、野菌、焗豆份量唔算多，表面灑上香草點綴廚師採用德國腸，而唔會用廚師腸煙肉煎得香脆，有微微焦香感，但唔會太乾麵包輕輕烘過，表面輕脆，內裏仍然鬆軟而焗豆亦翻熱過，入口暖笠笠炒蛋好滑溜，蛋香味十足最值得一讚係冬菇粒，簡單易整，炒香一堆再輕輕烘焗表面好似好乾，但咬落仍然有濕潤感

晚市食加洲鱸魚配阿根廷青醬，非常好味👍🏻 魚好大條，熟得啱啱好，魚皮脆，啖啖肉，加埋個醬好清爽好夾！呢個價錢食到咁高質👍🏻 $168抵食又好食👍🏻 特登入小西灣食

食佐兩次都覺得好好食，老闆又勁好人勁nice，收工去食同fd傾計老闆又唔趕人，推薦蟹肉拌飯真係啖啖都係蟹肉味，鵝肝意粉超好味😋，魚會幫你起佐條骨勁窩心總之食完好難忘

一路都有久仰此店大名，今日專程黎到懲罰黃店🥳此店晚餐大致有扒類🥩、意粉類🍝同蛋包飯類🍳今次小編試左西冷牛扒，百幾蚊包湯/沙律加野飲，性價比不錯🤔 甘筍湯🥕味道香甜，唔會有膩既感覺🤩配特製麵包，小編相信係用羅勒葉等香料焗製，確實不錯👍 不過唔知係咪期待值太高，個人對西冷牛扒有點失望🥺 牛扒份量好足，非常厚實🤔 只可惜西冷肉質沒有想像中細嫩，亦煎得較乾🤨 牛味亦不是十分足，反而配菜薯仔不錯🤔 小店人流絡繹不絕，所以有時等候時間會較長，想去既朋友可能要揀番非繁忙時間試或者叫外賣🤨