日本料理「和亭」 (已結業)

每年信用咭都有生日優惠券寄給我，由昔日的$100到現在$60都有使用。今晚在居食屋「和亭」點選牛肉鍋燒烏冬，它與居食屋「和民」有分別，「和亭」是給予小火煱自己煑熟吃，「和民」則煑好後用大湯碗奉上。視覺、感覺上「和亭」跑贏「和民」！！！魷魚燒御膳，魷魚燒不靭且很美味，有湯、開胃前菜、沙律、白飯，只欠甜品，否則是一份很完整的魷魚燒御膳套餐。賣相不俗的鐵板燒豚肉，已經香煎的薄燒豚肉，香脆中帶有腍滑，在鐵板上更顯出色！在鐵板燒豚肉淋下特製醬汁，氣氛立刻熱鬧起來了！牛油焗帶子是我每次必選，牛油香味混和灑上鮮檸檬汁的雪藏帶子，令雪藏帶子賦予新生命！每次賬目都很多加加減減，活像數字遊戲，無論如何，結果是最重要，顧客的要求都離不開美味、衛生、實惠！

又係有生日coupon先嚟食, 一如以往沒大喜, 而且發現menu入面越來越小嘢啱食, 所以唔係有coupon都唔會嚟食, 所以一年先嚟一次~  金鎗魚壽司估唔到係咁"大"件囉~ 而且又唔係太新鮮, 唔知係咪少人食, 所以差d? 天婦羅烏冬烏冬選擇太少, 而且得一啖, 雖然都叫做幾彈牙, 不過唔太抵食~都唔係天婦羅粉, 似普通炸漿, 炸出嚟雖然脆, 但口感不一樣, 而且佢呢度d炸物係差d, 太油~ 豚肉飯叫做"十勝名物", 但d豬肉肥到食, d汁又杰pet pet, 好似一大pet叉燒醬咁, 又甜到死, 好難食~

昨晚6：10去了第一城和亭，平時叫開火煱和今次叫了兩客定食，一個滑蛋豬扒鍋，鍋上枱時只見一鍋完全唔滑只見番叮老蛋加上幾件柴乾的豬扒，賣相完全唔開胃，味道得個甜字，另一客鯖魚定食，魚上枱覺得像木魚，硬實實，又是番叮的，真係唔會有下次幫襯，講到服務員，以前的舊員工已轉了一班新人，新的員工我只可以平一般。

一入到去叫野食時，帶有鄉音的女侍應過黎落單，我地先叫「半份凱薩沙拉」，佢負氣就話：「你要講number喎！你唔講我怕落錯單，你要講岩先得！」😡😡大佬，咩事呀？講半份凱薩沙拉你唔識聽？之後仲要話：「咁我搵另一位同事幫你地！」😡😡😡😡咩服務態度？？？？之後，冇食到就走！

每日lunch諗食乜真困難 第一城嘅餐廳都食過晒 經過見唔多人排隊就囉飛 等左幾分鐘就可以入坐 Menu改過下 應季節性我今次想食蒜香海鮮石窩飯 賣相ok夠熱 不過見無乜汁 但原來撈起d蒜蓉同海鮮試左口 竟然好夠味 跟餐有沙律 同面豉湯 還有無限添飲 $63 算合理同事每次必食窩燒牛肉烏冬 份量好似少左 d牛肉得三片 有蔬菜冬菇豆腐 連一隻生雞蛋喎 不過他就再追加新野 竟然有四款選擇只需$18 迷你窩蛋豬扒飯 他們覺得都唔錯 下次可以試埋其餘既三文魚Don, 天婦羅Don 或者牛肉飯添

食日本野好鍾意叫到成枱都係。和亭就係好好嘅飯堂。一般菜式呢間都有。當然，質素唔係最好，但係價錢超級親民，又唔駛點等位。閒日豪食都得！叫套餐有得免費任添。飲品種類都幾多。我唔鍾意飲有加糖嘅飲品，都仲有好多選擇，例如，咖啡，茶等等。主食就真係乜都有。呢個蛋豬扒煎都幾好食，熱住咁新鮮打隻蛋好好食。不過就真係比較細份。後面兩個石頭飯，平時韓國餐廳都要成70蚊一個啦。雞軟骨同沙律雞軟骨都係咁嘅啦，呢兩樣無咩特別。鍾意食年糕不能不點嘅芝士年糕！Tempura不過不失壽司唔好食，同和民一樣，壽司唔掂。魚生飯都係一般。呢條燒魚好好食！啲肉夠嫩，好多平價日式料理啲燒魚都燒過頭（如板長啲燒三文魚頭，燒到成舊炭咁）但係呢條啱啱好個火鍋就幾好呀，乜都有，最後填飽個肚同食下菜。總括黎講，一大班人想平食日本野，又嘈得，又多款，和亭係不錯哪選擇！

一年一度的生日$60優惠券，下午5:00後適用，前天晚上到和亭又吃了第二次，使用生日$60優惠券的簡單晚餐。每次都點選的牛油焗帶子，牛油的甘香令雪藏的帶子吃得滋味起來！芝士焗年糕，芝士和年糕的煙靱口感相當配合，別小覷那小點點蔥花和紫菜絲，能帶起香的嗅覺和脆口感。牛肉烏冬，清爽的湯烏冬最啱我。豚肉湯拉麵，不是我碗麵噢！皮邊爽脆，肉腍的燒魷魚，味道適中，很不錯！簡單的晚餐，會員有九五折，兩位承惠$175

每次帶女朋友黎日本料理（和亭），莪都會點佢最中意食嘅金針菇肥牛卷，每次見到佢食的好開心，莪個心都會有種美滋滋感覺。金針菇肥牛卷：嗜油的金針菇能充分地吸收肥牛的油膩，牛肉味道鮮美，金針菇清甜滑溜，經過烤制後又有點脆的口感，再加啲沙律異常鮮美。

我又收到一年一度的生日優惠券，下午5:00後適用，每次使用一張$60優惠券昨天晚上到和亭吃了簡單晚餐。每次都點選的牛油焗帶子，牛油的甘香令雪藏的帶子吃得滋味起來！芝士焗年糕，芝士和年糕的煙靱口感相當配合，別小覷那小點點蔥花和紫菜絲，能帶起香的嗅覺和脆口感。海老蔬菜天婦羅烏冬，清爽的湯烏冬，海老、紅椒、矮瓜...青青爽爽披上脆卜卜的炸漿，一凹一凸互相配合起來。芒果大福，糯米粉造成的薄薄煙靱粉皮，包裹著又凍又硬的雪糕，伴芒果和芒果汁吃，不錯罷！晚飯其$158.8，使用一張$60優惠券，承惠$98.8！

為咗用埋最後一張coupon, 是晚獨自去食晚飯, 叫咗1個烏冬1個小食, 埋單都係$9, 超抵~  濃汁烏冬(配日本蕃薯南瓜)其實呢款烏冬好耐之前食過一次,印象麻麻, 但又好想食炸嘢, 唯有叫呢個, 味道比之前的好, 個湯又冇咁杰身, 不過如果d炸嘢分開上會好d, 咁就唔會浸林, 我為咗唔想佢林, 選擇食哂佢先, 然後先食烏冬, 好彩個烏冬有d菜同雞肉, 都冇咁dry~  薯仔年糕餅熱辣辣好好味, 外皮脆脆地, 內裡又烟un, 可惜我怕肥, 所以冇塗果舊仔牛油, 如果塗咗會仲香~都未試過$10都唔駛, 可以食到咁飽, 仲要係日本餐廳~

見仲有d生日coupon未用哂, 又差不多到期, 於時走去食個T, 用埋佢~由於個coupon有個限制, 就係要五點後入座先可以用, 唯有等到五點先入, 呢個時間絕對係清閒的, 但唔知點解d食物都要等咁耐先上, 尤其是個魷魚筒, 食哂全部嘢再坐多十分鐘先嚟, 唔知係咪未解凍?  三色刺身盛合  三文魚 -> 三薄片, 所以食唔到有味  帶子 -> 顏色唔靚, 有d黑, 但食落冇變味  北寄貝 -> 三樣入面最好食的  燒鱆魚餅鱆魚碎濕濕, 見到深紫色的應該係鱆魚, 不過碎到完全冇咬口, 而且唔夠爽口  燒魷魚筒等咗好耐的魷魚筒, 仲以為會熱辣辣的, 點知都只係暖, 麻麻地  日式甜蕃薯南瓜天婦羅呢度d炸嘢永遠都係咁油, 不過d炸漿幾好, 幾脆口, 而且d蕃薯同南瓜都好甜

自和亭出左壽喜燒之後，其實成日都想去試下食今次終於係入去食左，原本以為應該都會幾貴，不過點知價錢都幾實惠，配料，牛肉，等等上菜既時候霸左成半張枱壽喜燒牛肉自己燒，可以自己控制生熟程度，不過佢d牛肉都唔錯，幾滑幾好味，配上燒汁更是味美另外，叫餐仲有得無限添飲

又到第一城吃午餐，今次選在和亭。我在接近上班族的午飯時間到達，要拿號碼籌等待，幸而剛好有人結帳，所以等得不算久。店裏頗擠迫，桌子之間距離很窄，環境一般。我吃了石鍋黑椒牛肉飯($48)。石鍋熱騰騰，香氣撲鼻，令我食指大動。把飯拌勻後，牛肉亦熟了，每片都薄薄的，很嫩和惹味。黑椒味不強，個人覺得可以辣一些會更棒，但調味已很香濃，令飯變得很醒胃，有些飯更燒成飯焦，香脆好味道！隨飯送上的沙律不過不失，但份量少。麵豉湯只屬普通貨色，略嫌淡，不夠熱。朋友吃了牛舌燒定食($58)。賣相不錯，同時要佔用桌面不少空間，事關牛舌要自行燒熟。當我們加了蔥油去平底鑊時，不時被油濺中，於是決定一次過燒熟所有牛舌，順便請侍應把石油氣爐收走，騰出空間慢慢吃飯。這些牛舌有少許黑椒調味，實在鮮嫩可口，好！ 隨定食附送的是薯仔沙律，感覺清新。凡點購定食，都會附上飲品，最吸引我的當然是「無限添加」喇！ 除了有百事、七喜、橙汁、檸檬茶外，更有薑味汽水、芒果糖漿、提子糖漿等，選擇足夠。我初時只斟了一杯凍檸樂，之後朋友再沖製了兩杯特飲，賣相不錯。我一直以為小食也是可以添的，所以吃光了朋友的炒牛蒡後想叫侍應添，幸好細心的朋友再看

其實之前都話過呢間又等得耐又唔好食, 但今次唔係為咗用佢果個生日coupon, 真係唔會返頭食, 等位已經等咗半粒鐘, 入到去又係大把枱, 不過冇人執, 就算執完都唔得閒叫人入, 所以唔好睇佢門口好多人等, 其實係入面有位都冇人叫入啫~  炸鱆魚餅都叫做有d鱆魚肉, 同埋都幾爽, 但油咗d  炸雞軟骨  非常之油, 見到佢墊底果間吸油紙, 剛上枱已經油哂, 真係想叫佢比多幾張吸油紙吸吸先, 除咗油之外, d粉仲好厚, 咪以為好大粒, 其實大半粒都係粉  牛肉湯烏冬牛肉好肥, 差不多大半係肥膏, 少半先係肉, 個烏冬一定要快食, 因為好快浸林, 好彩開頭還算有少少彈牙, 個湯底就唔太濃  明太子滑蛋烏冬  得一少pat明太子, 撈勻之後都唔知去咗邊lu~~ 變咗成碗滑蛋撈烏冬, 夠哂飽肚我估下次幫襯都係出年, 如果仲有生日coupon寄比我的話~ 

雖然是和朋友吃，但對於獨個兒吃壽喜燒，上桌時所有碗碗碟碟都霸佔了四分一張桌。實在有點誇張。整個套餐包括有沙拉菜，湯，壽喜燒(有蔬菜，肥牛，蛋)和一碗飯。整體不錯。但略嫌鍋不算清潔得太乾淨，因還剩了些黑色燒焦物。而且一開初鍋內太多油，其實牛肉堆裏可找到一小塒肥膏，用它作油已不錯。而肥牛的份量也適中，但也是真的太過肥，沒有肉可吃了。值得一讚是菜類算多。如果沒有那麼多油，絕對是健康次選。