日本料理「和亭」 (已結業)

深水埗區好的日食店不算多，某程度上，「和亭」已算是個不錯選擇。「和亭」的定價其實滿實際的，數十元起的飯類和烏冬，不比快餐集團貴多少，但出品比較穩定，是可以之選。壽喜燒已經賣了一段日子，基本定價48元，真是快餐價，為怕客人不會弄，餐牌上還有說明，依著做，總不會難吃到那。一份一爐，單人可玩，群燒亦可。食材品質不差，除了照片所見，其實還有一份不小的菜蔬，醬汁分為兩種，分為煎用和窩用，按指引用會更美味，牛肉雖然不算多，但外觀漂亮，具肉味，燒起來香氣十足，入口具油香，當鍋料配合甜甜的醬汁也很好吃。加錢可加烏冬和雞蛋，更飽滿，烏冬不算很好，但最少比超市最便宜那種質感粉粉的烏冬好吃一點，尚算彈牙，雞蛋蛋味濃，配合牛肉效果很好。菜蔬品質不差，豆腐配合醬汁更是軟滑好吃，可惜數量不多。快餐級火鍋價格，但最少座位舒適度就在快餐集團之上，這門東西，好吃不好吃，多少要看食客技術，但和亭提供的食材基本上不錯，以此定價，有得玩有得食，沒什麼好投訴。

當日去左深水埗電腦節, 個邊人唔多,但係攞住部22寸既MON 真係好吃力(雖然係鬆弛寶攞,唔係我) 又行左幾個鐘由於好累既關係,想搵間坐得舒服既餐廳 深水埗出名多好野食,但係環境就一般.最後決定黎和民同公司既 日本料理「和亭」去到門口 見到一張空既4人枱 唔理3 7 21 坐底左先.本MUEN好殘 唔係一本完整既MUEN想問個侍應野 一句落單自己寫啦...個問題係,我都唔係叫你幫我落單, 係問你野呀仲叫我等等, 佢答我依句既時候仲要攞個背隻對住我地講..有冇交錯先...你間野話晒都係和民屬下 比返D質數好WO食物有保證,唔會差 但係遇到咁服務 食左都唔會開心但係真係受唔到咁樣既態度 人小就請多幾個人搵個侍應都搵成幾分鐘先見到有人 深水埗雖然唔係咩高級地區 都唔好咁搞衰自己個名呀

食物水準一般,環境一般.主力講呢間餐廳既服務. 當日全餐廳幾十枱,只有3枱有食客,好靜,伙記共6人,咁既比例,應該服務週到啦,錯!本人食到一半時想叫客甜品,剛岩女服務員經過枱邊,當時那人跟本人只差2呎左右,本人舉手加發聲"唔該!唔該!!" 該人時運高,聽唔到睇唔到. 本人繼續舉手及不停叫"唔該,唔該"加企起身,該人由枱前繞到後足足180度都可以扮聽唔到睇唔到,好野!!!重有下文,朋友當然成個過程看在眼裡,我們正談論此事,有另一位伙記男"屈"著我朋友,他們互望足足一分鐘,看來那伙記男對我們很不滿((好像是否應調轉?))唉,香港的服務行業就係有呢班屋企無錢養唔起被逼唔做唔得亦無專業操守既一班人破壞哂啦.

之前試過屯門果間, 覺得好普通, D 野又細件, 今次來西九龍呢間試下~叫左三文魚魚生: 雖然不是厚切, 但有6-7塊一般SIZE, $42來計OK WOR, 亦新鮮~蟹籽 , 帶子SUSHI: OK, 但沒有驚喜, 都新鮮GE, D 飯好食過元氣~牛肉火鍋: 幾足料, 只嫌味太濃~

閒日晚上八時許, 等了十分鐘入座, 雖然以前這裡是和民, 但改了為和亭之後裝潢似乎沒有分別, 格局依舊一樣想不到原來這裡的鍋物都不錯, 味道很好, 牛肉片的收量足夠, 而且味道完全超越了想像的水準, 真的不妨一試, 亦想不到竟然有兩隻雞蛋呢! 追加的烏冬亦很爽口, 絕對值得為似而加錢呢份量比想像中少, 碗較小型, 豬扒不太新鮮, 雖然是很脆炸, 但肉味真的有待改善, 此外, 咖喱汁竟然沒有咖喱味, 雖然不難吃, 但絕對跟快餐店的免治牛肉飯一模一樣, 裡面真的是有些肉粒呢!!!三文魚不過不失, 鰻魚欠甜味的鮮魚汁, 鱆魚軍艦還可以, 壽司似乎不是這店的首選呢....入口香濃, 令人吃完一件又一件!瘦得可憐的雞翼, 肉很少, 有點兒營養不良般, 幸好味道可以是晚服務可以, 職員有反應, 算是沒大問題的一頓!!

小朋友回歸校園後就無乜機會嚟食下午茶, 因為這時段(3pm)我要去接放學, 襯這天是尾二的暑假日, 我更加要去盡情享受今次試西九龍中心分店, 兩點四十五分左右去到已經企滿等位的食客, 幸好流動性算快到三時左右便有位入座, 不過安排的二人枱與旁邊的四人枱排得較擠, 算把啦~ 應該無位換！今次唔叫丼物, 要石燒ご飯及冷烏冬, 分別是冷烏冬餐$19, 石鍋蒜香牛肉飯$28, 石鍋泡菜牛肉飯$29, 此分店侍應生告訴我那冷烏冬餐是沒有跟麵豉湯的,噢~ 那我們今次只有三杯飲品及兩碗麵豉湯, 飲品依舊是柚子蜜梳打及凍奶茶。石鍋蒜香牛肉飯無論賣相、份量都是與和民的石鍋飯一樣, 石鍋是異常的熱因為就算食完碗飯那石鍋依然是暖的, 吃的時候記住要攪底, 因為好快會形成飯焦, 把炸蒜、牛肉片、飯焦與甜甜地的汁混合來吃就別有一番風味石鍋泡菜牛肉飯, 完全攪拌來吃, 比韓式食店更有風味惹味麵豉湯還不錯吧~忘記拍那冷烏冬的相片, 吃過那些熱氣的石鍋飯再吃這遲來的冷烏冬是最透心涼的事, 真是可以過冷河去浸到冷得來又不是冰的感覺, 讚！

平日夜晚黎食野,因友人想食日本野,就黎左和亭呢度食,其實西九真係好多經濟既選擇,而且好多都唔駛等位...因為我地人多坐大枱,就預左要等下啦...入到去坐低食野,主打都係叫飯同麵,冇嗌小食同壽司,因為友人話冇錢叫左個相僕火鍋,加烏冬,我覺得呢個最抵食呀! 唔夠食可以喪加鳥冬,一定食得飽!叫左和亭拉麵,拉麵好好味,湯底好味,用料都豐富! 仲有海鮮石鍋飯同泡菜牛肉石鍋飯,個鍋夠晒熱,撈兩撈就有飯焦,勁好食!!炸蝦天婦羅炸得好香脆! 食物好新鮮,服務都好好,員工好有禮貌! 抵食! 唔怪得之咁多人寧願係度等位,都唔去隔離果幾間啦!

果日同男朋友去完整身份證就去左西九龍中心入面間和亭食野,,d lunch set都係50幾蚊度,,有d平d就大約30-40蚊啦!我地就一人叫左一個魚生飯,,佢叫左個三文魚魚生飯,,我叫左個雜錦魚生飯,,(唔記得叫佢走wasabi,,因為我地2個都唔食,所以搞到個飯有陣味@@)首先個三文魚魚生飯先,,呢個就麻麻地,,好似唔係甘新鮮甘,,同埋三文魚得好少,得幾片,個size都夠1個女仔食既@@ 男仔就真係會嫌細左d所以之後我地都叫左個小食(炸雞翼),,之後就到我果個雜錦魚生飯,,其實呢個飯我唔係第1次食架啦,都幾好味, d料都幾多, 但係魚生唔太夠令(形狀),,似係d頭頭尾尾甘,不過整體黎講都okay既!!到最好味既炸雞翼啦!!!呢個真係一流!佢雖然係炸既,,但係炸得黎唔會覺得好"劉",,而且d粉又唔會好多,,仲有隻雞翼佢係剪開左架,,所以食起黎都好方便!個汁好好味!! 個價錢我唔記得左幾多錢,,不過如果佢可以多番1-2隻會抵d :-)整體黎講都可以一試既!如果當係一個日式lunch黎講,都okay抵既!佢係和民d朋友黎,,但係又抵食過和民,所以都okay既!

星期三難得放假,便跟妹妹一起到深水涉行街.原本一直想等一午茶,只是三點才開始下午茶,肚子實在捱不到.看過午市餐牌.價格也不算昂貴,還是放棄下午茶.入到去被安排坐在店中較入的位置.由於太肚餓,立刻叫食物.最後叫了一個什錦魚生壽司飯定身.包了一個沙律和麵鼓湯,還有飲品一杯.柚子梳打:無乜柚子味,只是像在喝水..沙律:有生菜和粟米,生菜一來到己經唔開胃,像隔夜的那樣,粟米罐頭貨色.麻醬又少,又唔夠凍,雖然是套餐送也不用這麼求其.麵鼓湯:雖然夠熱,只是實在太鹹,實在渴不下去.魚生飯:魚生有生文魚,吞拿魚,帶子,玉子等等….魚生尚算新鮮,飯也夠多,吃畢這個一定夠飽.總結:不知為何總覺得和亭的食物比和民緦是差一點呢??

不是太好，果d服務一般，食飯都要受氣，下次慍鬼食，我都唔想提on good..................no good...........服務人員好差。好心就改善一下，我只係食飯，不時食氣，好差勁

係門口等位,已經有問題.....個侍應小姐行到出嚟,同佢講幾多位,佢居然可以當聽唔倒...行番入去.....叫左個4人餐,野食麻麻....服務更麻麻.....呢個寿司啲蛋....黑色架!!!!問佢點解會咁.....佢入去問廚房.....回覆我....竟然.....係燶咗.....燶咗仲可以上枱嘅????有冇攪錯......啲寿司飯又冇味...個餐我覺得唔係好值.....食完仲要番屋企補飛一個丁先飽.....下次唔會再嚟.....趕住收工,野飲都未嚟就埋單....準時10點叫我地走....真係.....

這晚我相約了多年知己到西九搵食,我們2人都祟尚東洋風很久, 因此選擇了和民集團旗下既和亭來品嚐一餐~有何不同之處, 我們點了一個豪華二人套餐: 1~ 剌身2點盛 2~和亭前菜盛合 3~壽司盛合5款10件 4~雞肉網燒 5~蕃薯南瓜天婦羅 6~一品火鍋(豬骨湯) 7~追加烏冬200g及火鍋湯 8~石鍋海鮮雞坎 9~熱柚子蜜 10~涷檸檬茶,~我們都一致認為食物整體質素ok, 但食唔出應有既和風味道~同和民有段距離.

又係一日可以出街食飯既日子。同事話呢間野較貴,我諗......佢既然係和民集團,應該唔會難食得去邊啦。叫左個滑蛋豬扒飯。飯唔夠熱已經係一個大問題,更重要既係,點解D汁可以多到浸飯......?豬扒又唔算好腍/脆口。四十幾蚊呀,@公司可以買兩個正正常常既飯啦>.....<"

本來想去深水埗挑戰明將GE紅豆壽司同鹹魚壽司...不過等唔到位，唯有食和亭啦~見價錢都唔錯...野食整體上都冇咩驚喜,味道都重算合格的。雞軟骨都幾好食,不過19蚊得好少...坐落都舒服,因為個位都算闊價錢係幾抵,日本野黎講算值食不過俾我揀,都係和民好食得多...

每樣食物不過不失,刺身都算新鮮,壽司飯有點帶酸,比一般迴轉壽司不遜色,4個人埋單$8xx都算合理,等位等好耐,座位不太寬闊,服務員很忙沒有招呼的,普普通通一間日本料理,未考慮會再去!