日本野 (銅鑼灣廣場二期) (已結業)

龍蝦海鮮蕃茄鍋，好足料，包括有龍蝦、大蜆、魷魚、冬菇、金菇、皇帝菜、豆腐；龍蝦肉質彈牙，味道鮮甜；蕃茄湯底味道酸甜；烏冬，口感爽滑，食落好入味。蒲燒鰻魚定食，蒲燒鰻魚份量多，肉質厚嫩、Q彈，味道咸鮮；飯粒口感軟硬適中，配以飯素、蒲燒醬汁食用，食落好香口；半熟蛋，蛋香味濃。刺身拼盤，包括有三文魚、八爪魚、北寄貝、甜蝦，口感嫩滑，食落鮮味十足。芝士年糕，口感外香脆內煙韌，芝士流心效果突出，味道咸香。2份蟹籽沙律，蟹籽、青瓜口感爽脆，蟹柳食落好Juicy，配以美乃滋食用，味道更佳 。凍咖啡，味道濃香，口感幼滑。凍檸檬茶，茶味濃厚，飲落好清爽。

見食評話呢間餐廳幾好，又話高質，又話抵食，今晚一試就發現好大出入。點咗吉列牛同普通牛兩款，吉列牛嘅size同相片都差得幾遠，薄切嘅程度約3~4mm，反而普通牛就幾大片吓再講食味，可能吉列牛實在太薄同細片，真心唔出有乜特別，普通牛就中規中矩。另外一碗丼就真差到無朋友，碗飯好似裝定喺個碗度再放返入雪櫃儲存一樣，啲飯係冰凍同乾嘅，塊紫蘇葉都起晒黑點唔新鮮， $150個丼set，面頭啲海鮮就不提也罷……整體真係試一次就夠，無回頭!

星期五銅鑼灣食飯前一日可以預約到都知道有啲冷門㗎啦。環境一般，服務一般，不過食物水準真係差。我一向唔係相機食先嘅人所以都唔影相。講返食物，沙律啲青瓜絲全部都係皮嚟㗎真係好有膳食纖維。牛柳粒冇味又鞋，海膽壽司D海瞻好水，大阪燒全部都係粉 第一啖好鹹然後第二三淡無味 唔知點解可以煮到咁。龍蝦海鮮番茄鍋， 龍蝦都預咗雪的應該冇乜龍蝦味，但係點解可以蕃茄湯都冇味。牛舌 燒魷魚筒 朋友話唔得我都唔想試了。柚子雞翼呢其實佢都比好多柚子醬 ，不過雞翼好鞋口又係。唉 好少食日本嘢食到食完好似冇食過飯咁😭😭

絕少有寫食評的習慣, 但為了這食店決定要破例一下！首先, 完全不明白為什麼會有這麼多的好評！抱歉沒有為食物拍什麼照片因為實在不好看亦不好味！日本野來講, 可以連帶子裙邊, 沙律都難食的, 相信這間叫自己做日本野的絕對難食第一名! 其他主食吉列牛, 燒牛舌, 柚子雞翼, 烏冬, 各款壽司等等, 和朋友們只是勉強吞下. 相信和同層兩間食店為同一集團, 真的沒有膽量再幫襯!這些日子難得和好友們僅有的見面飯聚, 選擇這食店的我相當後悔

💛#良心小店 💛🔥自己牛肉自己燒旺角💯人氣日本野係銅鑼灣都開左分店喇 餐廳非常闊落 枱與枱之間間距大Openrice book位有折•••••••••••••••••••••••••••••🥩石燒霜降牛小排 $158 (7.5/10)用上美國特級prime牛小排，油脂均勻，肉好嫩有肉汁～有一兩舊有筋，但都可接受嘅。有幾款調味醬汁俾大家沾，示乎大家既口味😋。晚餐定食會配日本米飯、🥚溏心蛋/溫泉蛋。 溫泉蛋送🍚飯一流!➕追加小食 《🥗和風炒野菜$48》～••••••••••••••••••••••••••••••🍱蔥吞拿魚碎三文魚籽丼 $128 (7.0/10)魚生份量多到滿瀉🤤幾乎啖啖飯都俾啲料覆蓋住 三文魚籽爆汁好juicy 略嫌吞拿魚味道偏淡 😗魚生丼CP值好高 如果唔係要求好高質素既話，呢個質素對得住佢既價位🤗••••••••••••••••••••••••••••••🍣火灸三文魚 $26三文魚火灸過表面好有魚脂香～🍢炭燒帆立具 $78大大隻帆立具 平時食帆立貝最怕食到痴牙 但係佢地整得爽口彈牙 無痴牙既問題😆😆

好耐冇食壽司🍣，心思思想食🤤就落咗去銅鑼灣廣場二期嘅日本野開餐🍽。店員見到我有小朋友主動問我要唔要High Chair，服務好細心💕，餐廳和風裝修幾有日本feel，好似飛咗去日本咁。.🍚自選丼飯丼飯係俾瑩瑩食嘅，可以自己揀熟食🥚食材。唔洗驚瑩瑩冇野岩食😂。🐤和風柚子雞翼雞翼金黃香脆加埋柚子嘅酸甜好開胃，食到舔舔脷😋。🐮炭燒牛舌串牛舌又爽又腍，炭燒火喉掌控得好好，燒得剛好唔會過老，肉汁鎖住但唔油膩。🦐火焰玻璃蝦玻璃蝦鮮甜味美又大隻👍。🐟火灸芝士三文魚三文魚加芝士入口即溶，啖啖鮮味。🍡章魚小丸子小丸子外脆內軟，加埋醬汁味道岩岩好，入面嘅章魚大粒又彈牙。🍍菠蘿雪葩菠蘿味香甜，味道適中唔會太甜或太酸，入口即溶超級凍冰冰，食完透心涼。.食物水準高，價錢又唔貴，搵日約朋友再嚟食過先😋。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 日本野 (銅鑼灣廣場) (銅鑼灣)📍銅鑼灣駱克道463-483號銅鑼灣廣場2期6樓

今日同女朋友行完街🥰🥰🥰好想食日本野就黎左呢間到食日本野🙌🏻🙌🏻🙌🏻🙌🏻🙌🏻地方環境乾淨👍🏻👍🏻👍🏻食物種類多👍🏻👍🏻👍🏻👍🏻價錢便宜👍🏻👍🏻👍🏻👍🏻食物黎得好快👍🏻👍🏻熱辣辣______________________________叫左三個定食🤤🤤🤤好好食！ 值得一食！🙌🏻🙌🏻🙌🏻

銅鑼灣的食店正在新舊交替，這一家主打燒肉的日本野正好開在核心地段。兩人叫了一個石燒牛肉加定食set. 另一個就試壽司定食。先講石燒牛肉再最要的是牛肉的質素，先上石鍋已經有點期待，牛肉看來脂肪比例很好，再加上共有十塊，這已經是worth the money. 它附上了芝麻燒肉汁，另有鹽，mustard 及一個似炸蒜的料調味。一口咬落肉很juicy. 雖沒有入口即溶的口感，但亦不遠矣。壽司定食卻一般，三文魚，加州卷等比較普通。另有一豬骨湯烏冬比較咸了。兩個餐也有加上一隻溫泉蛋，吃得不亦樂乎。

午餐想食日本野，原來銅鑼灣廣場開左間日本野真係叫「日本野」，午餐仲要好抵食，$100樓下都有好多選擇，仲要免加一。特選刺身拼盤定食（$108）有厚切三文魚、油甘魚、北寄貝、甜蝦，除左壽司飯仲有配味噌湯、溫泉蛋。魚生厚切真係啖啖滋味。溫泉蛋蛋黃漿住嘅感覺，一啖食超爽。咖哩牛肋條配烏冬（$78）朋友嘅牛肋條幾大條，份量多，個咖喱簡直係最啱大眾口味嘅甜甜地又平和嘅日式咖哩汁，配烏冬非常夾。跟餐仲有飲品，我地揀左汽水同奶茶，呢度嘅奶茶有茶記水準，我鍾意！

旺角日式料理餐廳「日本野」最近係銅鑼灣擴張，一樣主打日式料理，場地好大，裝修以淺木色為主調，設有多個卡座，坐得舒服晚餐可配有定食，以熟食為主，仲有和牛壽喜燒、刺身、卷物等等，價錢唔算貴，最近仲有優惠做緊，可留意餐廳社交平台厚燒鰻魚玉子 $38鰻魚炒飯 $128飯炒得幾香，粒粒乾身同分明和風炒野菜 $482人份量，上面加左和風醬汁同木魚，味道帶甜，幾好食龍蝦海鮮番茄鍋 $208份量好足料！大大隻龍蝦，鍋差d放唔哂，蜆大隻冇沙，仲有金菇同其他蔬菜，可配飯或烏冬

旺角人氣「日本野」開到尼銅鑼灣啦🇯🇵.和牛壽喜燒🍲和牛牛味重🐄油脂分布平均👍🏻另外有蔬菜🥒雜菌🍄鳴門卷🍥豆腐、雞蛋🥚最後放埋烏冬落去煮就剛好🍜配上嘅蟹籽沙律好清新🥗.炭燒原條茄子🍆表面放上木魚絲同辣蒜🌶🧄配埋醬汁，非常惹味😋.芝士年糕🧀外脆內煙韌😆芝士邪惡又唔膩😉.蟹膏蟹肉壽司🦀鮮甜味美🤤.八爪魚壽司🐙新鮮彈牙😬.蟹籽壽司🍣非常飽滿☺️.墨魚壽司🦑白滑有咬口😙.蜜桃雪葩🍑清甜可口，冰涼透心🧊.咖啡☕️偏苦帶酸

今日搵到間新餐廳，Lunch時段嚟試一試。餐廳裝潢好🇯🇵日本feel, 夠哂寬敞。午餐都幾多選擇，揀咗「特選刺身拼盤定食」🍱超厚切三文魚，甜蝦好鮮甜，配埋味噌湯，珍珠米上仲滿佈飯素，加埋半熟雞蛋一齊食，yummy😋「咖哩牛肋條配烏東」日式咖哩汁香甜而不辣，面層添上木魚，配烏東好夾，牛肋條，條條都厚切，有口感，牛味濃👍🏻份量一d都唔少。lunch set跟埋沙律同餐飲，確係抵食🤗讚👍🏻

之前Wfh嘅我，呢個星期終於要返工了，雖然公司落咗order輪流返工，我今個月都只係返一星期，都珍惜下好似以前咁，可以同同事一齊上班下班，就算唔可以gathering，都二三位食個lunch，聯誼下冇咁悶😄今日食銅鑼灣日本野，之前食過呢間嘅晚餐，覺得質素高！原來午餐好抵食，送埋蟹子沙律、飲品，而且一如既往嘅高質素，刺身新鮮，壽司好明顯係師傅手握嘅，唔係用機整，睇得出係心機之作👍份量好豐富添❤️✨特選刺身拼盤定食～油甘魚、甜蝦、北寄貝、三文魚各二片，配味增湯、溫泉蛋、白飯一碗✨特選壽司拼盤定食三文魚壽司、油甘魚壽司北寄貝壽司、八爪魚壽司玉子壽司各一件，加州卷三件配味增湯、溫泉蛋、豬骨湯烏冬加埋一，人均消費只係約100蚊，CP值高👍👍

又到週末搵食嘅時間啦，仔仔今日一早嚷着要去銅鑼灣食麵及日本嘢。太太本來打算翻兜利舞台間日本嘢食，但我男性貪新鮮嘅本性發作，最後只好難為太太上OpenRice搵新餐廳，無意中搵到呢間新開既「日本野」。做咗父母後，明白到搵一間適合家庭嘅餐廳真係唔容易，所以我嘅食評都會列出一些親子嘅配套，俾其他父母或者將要相手父母朋友聚餐既朋友仔參考。（1）食物質素：通常一間新餐廳，都會好用心省靚個招牌，呢間亦都唔例外。材料新鮮，食物美味。最主要係我發現佢有我久違三年有多既石版燒料理。我們還是兩口子既時候就成日去元朗一間後街日本餐廳食石板燒配大板風味飯。不過有了孩子後，因為該餐廳地方不大（只有4張枱）及太近火爐對坐唔定既孩子構成危險，所以我倆很久都無再吃這料理。「日本野」餐廳地方夠闊落，而且孩子亦都有自己嘅位置，所以我就可以安心在嚐這一道美食我們兩大一小，太太點了一個「溫泉蛋牛肉飯井午餐」（實物跟圖片一樣分量），我就當然單點了「石板燒廂牛小排」（其實可以加十幾廿蚊跟餐，不過我倆有時要食埋仔仔食剩嗰份，所以都係睇定啲先），而我們幫仔仔點了個「壽司拼盤定食午餐」及一串「燒紫薯」（正如開頭講，仔仔今日堅持要食麵，

日本🇯🇵就係有一種東瀛魅力😄，隔一段時間唔去就周身唔舒服！有排都未開關，食日本野解下我思鄉之情❤️✨石燒霜降牛小排～好耐之前喺旺角分店食過石燒牛小排，念念不忘😆！Toby姐姐仲記得，話可以自己煎牛扒（細過8歲嘅小朋友唔好學呀），塊石板係非常非常之熱架，Heby妹妹只可以等食🤣！今次食銅鑼灣分店，一樣高質，入口Juicy，推介👍👍✨厚燒鰻魚玉子～配上黑松露醬+蛋黃醬，食到內餡除咗鰻魚，仲有Cheese添😍為玉子增加了嫩滑嘅口感✨甜蝦五件～凍冰冰特別開胃，目測隻隻甜蝦都有10cm長，好正，過足口癮✨菠蘿雪葩✨蜜桃雪葩～一個鍾意食菠蘿，一個鍾意食桃，媽媽我梗係要滿足晒二寶嘅願望😆，賣相已經夠吸引，而且清新解渴，又唔會太甜，食落感覺都幾低卡，作為飯後甜品一流✨