日本野 (銅鑼灣廣場二期) (已結業)

想食日本菜，又要滿足食到刺身、串燒嘅慾望，就要搵啲居酒屋之類之前食過呢度旁邊間西餐廳，記得呢度有間食日本嘢，餐廳原來就係叫「日本野」🤣其實我好鍾意食壽司，但係又唔想食飯，要戒澱粉質，所以就食刺身叫咗活赤背貝、八爪魚同北寄貝，夠鮮甜！壽司係老公的，佢話油甘魚同蟹肉蟹膏好好食牛舌好抵食$38 有兩串，性價比超高牛舌好香又唔un 主菜要石燒霜降牛小排先有舊牛肥膏先俾你搽一搽塊石牛小排肥瘦適中、雪花分布好靚食落非常之有牛味同夠淋，又唔會成口油訂座又有折！正

又到星期五！！！出去食嘢~ 今次試新野，日本野訂咗位；等~5分鐘就可以入座了咦？都差不多滿wor；咁應該d嘢食唔錯 （開始有期望）第一次去；試試定食啦；應該最穩陣要咗個石燒牛定食：配溫泉蛋，沙律，飯配套好厲害，有個石爐，仲有舊牛油（真係脂肪果種）俾我哋燒肉用；肉嘅分量都足夠嘅~咖喱牛肋條定食：配味噌湯，飯；中意濃味嘅人嘅選擇！牛肋條數量足夠 （~6大舊）超級惹味刺身拼盤：雖然d冰融融哋， 但其實d三文魚刺身都肥美~牛舌串：口痕，忍不住order；一人一串，剛剛燒起 好正！ 凍檸茶x2 （跟餐）：本身想叫酒嘅(come on, it's Friday night)...工作人員話餐廳唔賣酒；但我見周圍都有人飲酒；有興趣嘅人可以訂位時順便問問開瓶費/點樣可以叫酒？但大家要留意，一order d嘢就會極速上齊，由於要配合上菜速度（同埋空返d位出黎）；大家最好都係逐樣逐樣叫。。。if not 就會好似我同朋友咁；差不多半小時多d就已經由order 到食曬大部分嘢咁。。。真係幾趕雖然工作人員response 快，收碟快；但都真係及唔上佢哋上菜快。。。我哋坐二人檯；但真係空間有限；工作人員已經俾左

星期六冇嘢做，叫個朋友出嚟陪我食嘢行咗陣街喺OpenRice度搵咗間餐廳我覺得佢算係中價位嘅日本菜去到都幾多選擇，仲有好耐冇食過嘅大阪燒豚肉大阪燒 $88呢個大阪燒份量都幾大㗎而且仲非常之厚身好足料，菜同麵粉糊比例都多不過豚肉相對上就少啲啲可能係大阪燒一開四然後每一份真係只有有塊豚肉大阪燒味道都正常，應有嘅味道都有而且醬汁都齊石燒霜降牛小排 $148其實係因為我哋想食燒肉所以叫呢一個黎過吓癮牛肉說花紋都多雖然未去到入口即溶但係都未叫韌到完全咬唔到有得燒自己玩下都幾得意👸 燒牛舌 $38我自己最鍾意呢個調味好夠，肉質又彈牙唔會燒到乾柴柴整體來講食物質素中規中矩仲有叫咗牛油果加州卷上面嘅青瓜份量超級多火炙三文魚壽司不過不失感覺餐廳用大份做賣點呢個價錢可能會有更加多其他好嘅選擇

今日黎到"日本野" 主打日本多款式類型美食同日係Opening Rice Book左1945既位一上到6樓 招待既員工 己經問你有無Book位因為佢1層有3間食店 其中一間就係"日本野"唔知係咪有連結架呢 好快 唔使5分鐘己經坐左埋位當日人客數目唔算好多 可以因為係星期1打開Menu有多款既日本野食揀有刺身，壽司，仲有自選刺身飯，唔同既便當另外仲有唔同既燒物，大板燒，壽喜燒選擇都幾多元化 價錢黎講 我覺得屬於中等價錢同男朋友 最後係menu揀左5,6款野食店員都好有禮貌 叫野食既時候會覆單食飯送上既速度都好適中其實仲叫左燒栗米 忘記左怕低栗米原條上 比較無咁方便店員好窩心送上刀叉 不過真係切唔到原先店員想幫手切 不過最後都切唔到佢有問我地需唔需要手套 可以俾我地拎起食但係最後我地自己揾紙巾包住食雖然食得比較唔方便 但係店員服務好周到

.📍 日本野..⚪️ 石燒吉列霜降牛小排 - HK$188✏️ 牛小排嘅調味好唔平均，當中有幾塊肉本身已經好咸，唔洗點醬料都得🤔 其次嘅係一夾起啲牛肉，啲吉列脆皮就會甩晒，變咗做普通牛小排 🤣😅 不過牛小排嘅油脂分佈平均，肉質好嫩，燒熟之後好易咬開，牛味都好重😛 係三樣嘢食入面最好食🤣.⚪️ 龍蝦海鮮番茄鍋 - HK$208✏️ 個鍋一嚟到就聞到好香嘅蕃茄味，而且有唔少番茄粒，但飲落去蕃茄味唔算重，海鮮同配菜亦都冇咩蕃茄味 😔 個鍋睇落好似好滿，但其實配料唔多，只係有好多湯，未開火都已經就嚟滿瀉，店員一擺上枱已經要幫我哋抷走啲湯 🤣🤣 火鍋入面嘅海鮮有魷魚同蜆肉，味道正常 😯 龍蝦肉肉味算重，食落彈牙，幫個火鍋加翻啲分🤔.⚫️ 蔥三文魚三文魚籽丼 - HK$188✏️ 我對於呢個丼非常失望 ☹️ 初頭見到一個三文魚丼賣HK$188已經覺得貴，但見到餐牌張相個丼鋪滿三文魚同三文魚籽好吸引，決定試吓，點知個丼嚟到竟然❗❗❗圖不符實❗❗❗🤬 三文魚嘅數量比幅圖少好多，而且非常薄身，色澤亦都一般 😔 如果要比較嘅話，「活一鮮」嘅一碗三文魚親子飯平3倍，三文魚厚身，而且好食好多 😤..

🇯🇵解下單思病🇯🇵推介指數 ❤️❤️❤️❤️🤍疫情下，無論自己定身邊嘅人都大叫「好掛住日本呀！」相信大家為咗解一解單思病，瘋狂喪loop 以前去日本啲相、去google map 眼睛旅行、為下一次行程作準備，搵啲嘢做下！位於銅鑼灣嘅人氣餐廳「日本野」，睇個名都估到主打日本菜，刺身丼飯、壽司、卷物、烏冬、大阪燒等等！兩個人叫咗丼飯、定食、卷物同小食，飽飽之外都好滿意呀！🍚自選丼飯：海膽、牡丹蝦、帆立貝、溏心蛋，溫泉蛋✨外觀擺得幾好，海膽味濃郁，牡丹蝦鮮甜爽口，帆立貝新鮮，溏心蛋流心且入味，溫泉蛋熟成度剛好。整體刺生新鮮，以價錢來講如果份量多啲更好。🥩石燒霜降牛小排定食✨用上美國特級prime牛小排，睇落牛脂均勻，食落牛肉味濃嫩滑，自己燒更可以自己控制熟成度，更有幾款調味料調味！✨定食配有日本米飯，溏心蛋或溫泉蛋，份量男生都足夠！🥑牛油果軟殻蟹卷：面層鋪滿木魚碎，食落牛油果滑溜，軟殼蟹炸得酥脆可口。口感豐富，整體滿意！🐡雞泡魚乾：燒得脆卜卜又唔乾身，食落煙靭，相比起其他餐廳係好抵食，加分！.··餐廳：日本野 (銅鑼灣廣場) (銅鑼灣)地址：銅鑼灣駱克道463-483號銅鑼灣廣場2期6樓

最近好想瘋狂食日本野，所以就同朋友搵咗間日本野試試.一出lift職員已經好好招呼，服務周到，餐廳係行簡約木系風，環境舒適優美.望住個餐牌真係花多眼亂，好多野想食呀！🤩🤩.可能我哋早到，仲未有好多客，侍應仲特登溫馨提示我哋有dinner set.石燒吉列霜降牛小排（配飯，溫泉蛋/溏心蛋，餐湯/沙律，飲品）$188 .Dinner set仲可以追加小食，小食都好多選擇架，我哋就揀咗刺身拼盤 $88.壽司🍣： 帆立貝 $48火灸芝士三文魚 $28.厚燒鰻魚玉子 $68.炭燒牛舌串 $38.炭燒原條茄子🍆 $38.石燒吉列霜降牛小排，賣相唔錯，但有筋就美中不足，可能我哋技術唔好嘅關係，吉列好似比較難燒，有時燒完炸粉已經同肉分開了.刺身拼盤有三文魚、北寄貝、甜蝦、八爪魚，每款2件，三文魚係好厚身好有口感.茄子外層怖滿滿滿嘅炸蒜同木魚花，🍆煮得好淋，份量係超多，食極都仲有，鍾意清淡嘅，就咁食🍆已經好好味，清清地都唔錯.厚燒鰻魚玉子，估唔到係咁大份，每件都好厚身，食一舊已經飽，鰻魚份量如果多啲就好了.火灸芝士三文魚好好味，簡直係抵食之選！

日本野 (銅鑼灣廣場) (銅鑼灣).次次我哋都係去幫襯旺角嗰間，今次見到銅鑼灣都有，唔肯定係咪新開，不過銅鑼灣對於我哋工作而言方便太多，所以今次就揀喺銅鑼灣食！.🔹和牛壽喜燒配烏冬🔹.一上枱見到三舊又靚又大片嘅牛肉已經捲埋咁放咗喺個鍋上面，入面再配埋一啲娃娃菜，菇，豆腐等等壽喜燒嘅配料，而且個湯係非常之濃郁，好好好好食.🔹追加刺身拼盤以及和風炒野菜🔹.已叫咗呢一個套餐係配飲品，仲可以追加下面嘅嘢食，當中我哋追加左一個小小嘅刺身拼盤同埋和風炒野菜，刺身拼盤雖然係追加但係我個人覺得份量都唔少，$88嘅刺身拼盤有八爪魚三文魚北寄貝以及大蝦，每樣各兩片，性價比其實非常之高另外問一問原來仲可以繼續追加，咁我哋當然要追加我哋之前都有食開嘅炒野菜，個人覺得銅鑼灣嘅水準比起旺角更加高，因為佢個野菜炒得好入味，份量又夠多，同埋就算我哋食好晒所有嘢再繼續食個菜都係繼續好熱.🔹牛油果加州卷🔹.呢一個我哋上一次都已經有介紹過，叫呢一個加州卷更加係附送大量嘅蟹子沙律俾你，青瓜絲鋪滿晒喺個加州卷上面成座山咁高，重點係青瓜絲好新鮮，呢個真係好抵食.🔹雞泡魚乾🔹.雞泡魚乾又係勁平，$38咋，是一啲全消譜嘅餐廳或者其他

狂加優惠小食@日本野日本野 (銅鑼灣廣場)網址: 地址: 銅鑼灣駱克道463-483號銅鑼灣廣場2期6樓電話: 26820622二個人出街拍拖，要搵節目同餐廳都是件幾頭痛的事情，一星期見兩至三日，就要挑3間餐廳。海鮮刺身類迎合男朋友口味，問朋友推薦了呢間，多種日本料理都食到，有熟有$58和風炒野菜，又搵菜打底, 免得太夜又餓, 食多了難消化又易肥啦 （跟餐跟加只係$48,店員講可以用優惠價無限追加小食）$58 唐揚炸雞唔油膩,炸起熱呼呼！炸野出街盡情食$48 脆味雞軟骨，一粒粒咬下爽口，感覺暢快$38牛舌有股炭燒香氣 $18燒紫薯就粉糯qq 自選井飯$138 起油甘魚刺身2片，三文魚籽（+12）八爪魚2片，活赤貝2片（+18），一大盤端上來吸眼球！滿滿的比起點刺身更實在，又有麵豉湯同飲品附送。刺身新鮮度十足，魚籽爆汁$38追加厚燒鰻魚玉子，柴魚碎好香，雞蛋好滑，我這個蛋控後悔為何不點全份。基本上食完都填滿了大半肚子, 空虛感一掃全消人均二百蚊左右#日本野 #日本餐廳 #日式刺身#石燒牛#大阪燒 #芝士煎餃子 #極上七品刺身 #水信玄餅

之前喺旺角店幫襯過，覺得質素都okay ，可以返兜，但係排隊就免問嗰種。最近見喺銅鑼灣開咗分店，於是嚟食吉列牛。上菜就好快，侍應一擺低個碟我就忍唔住「下？！」咗聲。吉列牛同我之前喺旺角店食嘅爭幾遠下，外邊層炸衣同舊牛肉分開晒，碎濕濕咁，同菜單上面張相相差一個維港咁遠。我心諗個廚師都好意攞出嚟畀個客食，佢對自己嘅要求都幾低，中間嗰幾舊牛肉中心係未解凍的。我覺得$158食呢份嘢好貴，價錢質素唔成正比。初頭以為新開可能手勢未咁好，再睇前少少食評，起碼2月份開咗，過咗2個月都係畀客彈，我之後應該唔會再嚟。讚嘅係牛有牛肉味，不過份嘢整到咁，不如食牛小排算。對比圖：舊年食嗰份- 張相影得唔好，但都睇得出炸衣同牛肉係冇分開。

係銅鑼灣諗緊食咩好嘅時候👀 俾我發現到呢間👉🏻 日本野 👈🏻見到午餐都幾抵食，就去試下先➰..👀餐廳嘅空間感足夠，裝修用淺木色為主調，有多個卡位，座位闊落，幾好㗎。..“溫泉蛋牛肉丼”(HK$68) 上面舖滿咗牛肉，加上一粒邪惡嘅「溫泉蛋」，入口肉鮮嫩，醬汁味道適中，不會太濃味，配上溫泉蛋拌飯，好好食呀👅..“特選壽司拼盤定食”(HK$88) 上台見到好豐富，壽司包括三文魚、油甘魚、北極貝、八爪魚、玉子、加洲卷... 再配上豬骨湯烏冬、溫泉蛋同味增湯🍲 個人推介油甘魚壽司，油分非常充實，唔錯‼️

原本想去Mini Friday，同樣是在銅鑼灣廣場，上到6/F見到同層仲有間日本餐廳和泰國餐廳，睇過午餐Menu之後決定轉軚揀日本餐廳，應該是同一個集團經營，所以都係同一位服務員帶入去坐。午餐價錢真係好鬼平，尤其在銅鑼灣區極為罕見。$58~咖哩雞扒烏冬，雞扒厚肉但冇味，烏冬又粗又硬，似係即席烏冬，唔啱我口味。$88~特選壽司拼盤定食，壽司冇嘜味，飯團大大嚿，一堆不知是什麼菜的沙律菜，和暖的湯烏冬又粗又硬，上面有兩片非常粉質的日式魚旦。最終兩份午餐我們都係食咗一半，冇嘜胃口。

上次和朋友來銅鑼灣廣場食好西，在同一樓層發現依間日本野，好啦今次過來食先～餐廳裝橫好日式好光鮮，此刻食客不多，我地要求想坐四人卡位都安排到，爽呀～美食都幾多元化，各種日式料理、刺身、熱石燒、鍋物都有。見小食都多選擇，今次就放棄叫套餐，主攻下小食，價錢都貼地的，不經不覺就叫多左，飽到呢～雞泡魚乾 $38口感煙韌，沾沙律醬美味，作為小食唔錯。炭燒鱿魚串 $38鱿魚淋身好易嚼，醬油甚少，近味原味直出。炭燒京蔥 $18京蔥夠晒粗身，口感爽脆甜美。炭燒大啡菇 $36原隻大啡菇一開二呈上，口感彈牙出晒汁，撒了椒鹽份外惹味。厚燒鰻魚玉子 $68玉子卷厚身軟彈口感，夾住邪惡嘅芝士和鰻魚好足料，仲有粒粒蟹籽口感豐富。配以黑松露沙律醬非常美味。炭燒茄子 $38茄子肉好淋入口即融，佈滿木魚花和炸蒜，一點也不油膩，醬汁自行添加啱晒口味。牛油果軟殼蟹卷 $88好多件，面層有木魚花和入口即溶的牛油果再加美味的沙律醬，再以脆炸的軟殼蟹作餡料，外軟內脆口感豐富。海鮮大阪燒  $98大阪燒相當厚身，熱辣辣可以欣賞到木魚花起舞一幕，餡料有大量蔬菜、蝦肉和魷魚粒，粉唔算好多，淋左燒汁和沙律醬美味，食完超飽。

約左朋友去食dinner, 又冇話想食咩野， 上網見到openrice可以訂位就book jor先算。我地叫幾個都係熟食， 上網見d人話吉列牛式者刺甜麻麻地， 因為朋友唔食牛肉， 我又冇特別想食刺生，我地全部叫熟食。炒雜菜：係用燒汁炒， 少少偏咸， 特別係底個d菜，浸住左d汁。牛油果鰻魚燒：份量都幾大有8件，d飯唔會過軟或者硬，牛油果每1件都有2，3塊。算係高水準鰻魚蛋卷：鰻魚份量偏少，我要係到中間個件先有少少鰻魚，但蛋卷蛋部分係勁大舊，但感覺每1啖都係食緊蛋串燒：燒茄子感覺唔到係燒過，似係水煮京蔥唔錯，係燒到有生味出黎。燒魷魚都幾大隻 ok有88折，我地2個人食左150蚊， dinner黎講係差唔多， 但未必話好出色或者好難食。 上菜速度係快， 快到有d懷疑係咪整好晒d野食

今日經過，見到門面唔錯就坐底，叫了一個$138 自選4餸丼飯（三文魚，吞拿魚蓉+12，魚子+16，海膽+22） 加起來呢碗飯就要$188，心諗，冇所謂啦，最緊要食得滿足。丼飯來到後真的很失望，個人期望餸會多一點，望住碗飯，真係好無言😂如圖中所見，三文魚非常薄（味道還是不錯的）海膽得一督仔，仲要味道非常一般，這是我加了$22換番來的啊！😭如果再揀我一定叫番唔洗加錢既餸！其他味道可以，壽司飯非常一般（爭鮮的質素）我心裡不平衡的就係我加左$50的餸，但係餸真係少的可憐啊！😭PS 張相係我攞開左舊蛋，蒽絲同姜影的，真實賣相俾相中的不一樣