日本野 (銅鑼灣廣場二期) (已結業)

冇得返鄉下，都要食好西！其實本身book咗上年去日本，而我嘅to eat list上面，係有吉列牛扒㗎。。。。。不過而家咁邊有得飛啫😔 好彩早幾日碌IG見到，原來香港都有得食 #吉列牛扒！ 仲係可以石燒添！即刻book位啦仲講！今次去 銅鑼灣 嘅 日本野 食日本野～ 入到門口已經好有日本feel~ 傳統嘅燈籠同埋木系嘅裝潢, 好似去咗溫泉旅館咁, 侍應安排我地坐响卡位~~ 好闊落呀menu選擇都唔小ga~ 我千挑萬選後就揀咗以下5樣野食~海葡萄角切魚生沙律和風雜海鮮炒烏冬 配 鹽燒原隻虎蝦石燒吉列牛小排炭燒京蔥脆味雞軟骨首先上枱嘅就係海葡萄角切魚生沙律~ 其實我都係第一次食海葡萄咋~ 原來同蟹籽一樣係脆卜卜, 咬開後好鮮~ 大家要試吓啊~~ 魚生份量都唔小啊~ 食完沙律都好滿足喇~~之後就到我最期待嘅石燒吉列牛小排就出場喇~ 望住個石燒爐已經好有feel喇~ 你會見到有舊牛脂肪, 一開波就放佢上去燒就啱喇~~ 咁樣一陣啲牛牛就唔會痴住塊石板喇~ 吉列牛小排只係炸到個衣痴實件牛, 牛牛仲未熟ga~ 自己燒到啱心水嘅熟度再食~ 記得點埋wasabi+鹽呀!!! 完全將味道提升到另一個層次~

鍾意周圍去食日本野，估唔到真係有間日本野係銅鑼灣😂😂😂真係笑咗出嚟訂位都好容易！我點咗：自選丼飯$138:可揀4款食材，我揀咗：北寄貝、甜蝦、蟹子、蟹棒，成碗丼都舖滿晒我最鍾意嘅食材，真係食得好開心😃，蟹棒有3條咁多，而且仲係大大條架😋😋😋我追加埋和風柚子雞翼$58，雞翼已經係好入味，面頭加埋柚子，令到雞翼有酸、甜、香、滑嘅多種層次👍🏻👍🏻龍蝦海鮮蕃茄湯鍋＋烏冬$218，好似價錢幾貴，但一翻開隻龍蝦，大隻之餘，見到滿滿都係紅色嘅膏，即刻😍😍😍，d膏好鮮甜甘香，龍蝦肉又好彈牙，食埋個番茄湯烏冬，完全係一個極品美食！非常抵食呢👏🏻再點：燒雞泡魚乾$38、燒魷魚串$38，可以慢慢食，慢慢傾！以間唔趕客架😘😘店員服務十分好，頻頻換碟，又俾咗我哋幾次濕紙巾！抵讚👍🏻

石燒吉列霜降牛小排 $188牛小排有輕輕炸過，吉列脆邊加上嫩滑牛肉，非常配合，最好既地方係有塊熱辣辣既鐵板，自己控制到生熟程度，牛味重之餘亦夠腍。自選丼飯 $138可以自己揀唔同配料，有三文魚、蟹棒、甜蝦、油甘魚，魚生好新鮮鮮甜，加埋壽司飯大大豌，非常抵食。脆味雞軟骨 $48剛剛炸起，又熱又脆，開胃小食一流，份量亦好多，配上芥末醬好惹味。豚肉大阪燒 $88正宗大阪燒味道，豚肉份量多，加上椰菜、木魚碎口應豐富，醬汁亦唔會好咸，煎得厚身但唔油膩。

上次去過同層既西餐廳食野，見到隔離有間叫日本野既日本餐廳，個名改得咁得意，裝修都唔錯，所以又去試下～D位都闊落，裝修行和風路線，感覺都幾舒服除左單點都有晚餐揀喎，包湯或沙律再加飲品，日本野黎講都幾抵食！見好多人點石燒牛，好似幾吸引最後揀左兩個飯，然後再追加左d小食。呢個係蜂蜜牛油粟米，細細兜但好香牛油味好甜厚燒鰻魚玉子，呢個有三件，都好大件，中間有夾到鰻魚，點埋佢俾既芥末醬仲好食和風柚子雞翼，呢個係炸雞翼上面有柚子醬，味道酸酸甜甜，雞翼都唔會炸得太乾，都幾好刺身拼盤，有四款每款兩件，食落去都新鮮，不過係直接放喺冰上面，所以d冰開始融就連d wasabi都融埋要食快d呢個係晚餐入面既火灸蝶魚裙邊海膽丼，好味呀～好多蝶魚裙邊～仲要係火灸過更好食海膽都有兩大件另一個揀左蔥吞拿魚碎三文魚籽丼呢個都好大碗，蔥吞拿魚碎超級多，不過中間d飯有少少凍，如果熱番少少就更好啦！但都係成碗食晒兩個人食日本野食咁多野都係每人二百幾蚊，坐得舒服d野都幾好食，唔錯！

阿仔考完試去咗呢間日本餐廳食 lunch真係失望，失望＋失望牛肉飯啲牛肉硬到用刀都切唔開壽司set等咗45分鐘先出職員服務態度認真麻麻，叫極都唔應應該唔會再幫襯👋👋

可以說「差」叫既野，又黎少左，雖然有即刻補返，但係啲侍應嗰個真係唔知自己喺度做緊啲乜，又無禮貌，剛剛叫佢比果menu 想再叫野食，佢下一分鐘又過嚟收左，即係點…… 唔想我叫？ 出餐時間又耐，明明個時得幾枱客…… 食物賣相…可…以…既，起碼喺我哋面前係乾淨先🤫 佢哋放下餐飲時，又喺兩個人中間插入黎，又攞唔穩陣😵，放落去枱面果下，所有菜啊湯啊爭啲瀉晒出嚟🙈，真係冇眼睇，仲要「唔好意思！」都冇句，就行咗去。到我哋食到差不多，想話埋單之前，就有兩位服務員過嚟執枱，其中一個仲係我身後伸隻手出嚟執碟，😨大佬呀！比佢嚇到個心離一離…心諗無野呀… 明知唔夠位，一係就講句「唔該謝謝！」啦，唔係就咁新隻手落嚟囉！我同佢講：「不如你陣間先執啦…好唔好呀…唔該。」佢係即刻停咗手，之後轉身入廚房，但係佢入到廚房散碟區嘅時候，佢發脾氣會扔碗碟喎，超大聲囉！一定唔係聽錯咁簡單。👀本身間野除咗環境尚好，但食物麻麻啦……又唔係平過人、服務態度仲做到咁樣……唔使再去了。😮‍💨

可以用難食去形容，都算係我食過最差嘅日本店。首先講餐牌裏面石燒霜降小牛扒，根本就唔係相裏面嘅雪花牛，係一啲好韌仲有筋嘅牛肉，有違反商品說明條例嘅嫌疑😡，價錢雖然唔算貴，但係仲衰過茶餐廳質量嘅話我就覺得冇可能值$148。然後點左兩份午餐，一個係溫泉蛋牛肉丼，另外一個係咖喱牛肋條，冇牛味之餘又係韌到趙唔到，隻蛋唔係溫泉蛋，似係一隻生雞蛋打落去算數，真係請我都唔想食，人總會遇到啲錢嘅經歷，不過肯定唔會重複，所以唔使講，唔會有下次，只係希望其他食客唔好中伏。唯一可以讚嘅就係服務態度幾好，不過做得食店點都一定係食物質素行先。

今日係銅鑼灣行街，想食日本野上openrice一search就諗到呢間餐廳叫日本野岩哂！就決定去試下餐廳有齊我想食既日本野，壽司，刺身定食，咖哩石燒吉列霜降牛小排定食上枱哇左聲因為d牛勁靚！雪花分均好好燒完之後好肥美，油香出哂黎配合外層既酥皮完全係外脆內軟既口感葱吞拿魚碎三文魚籽丼滿滿既吞拿魚碎同三文魚籽將佢地同飯撈埋食好多層次既味道先有吞拿魚鮮味再咬開三文魚籽爆出魚油香成個口感太幸福啦實在食到完全停唔到口

今晚約咗閨蜜食飯兼吹水，就揀咗呢一間大家都未去過嘅日本野嘗試緬懷返喺日本食嘅吉列牛。餐廳環境都算寬躺，我哋坐卡位亦都相當舒服，嘢食方面第一件事就叫咗吉列石燒牛小排，雖然唔應該同日本比較，但係坦白講真係差好遠，牛肉本身牛味唔夠，質地還算可以。燒牛舌串，呢個認真麻麻，基本上係唔係好咬得開，最後要成舊吞落去。牛油果軟殼蟹壽司卷，味道還可以，不過中間嘅軟殼蟹餡料比較少。芝士煎餃子，普普通通，冇特別食出芝士味。最後甜品叫咗個水信玄餅，我本人覺得麻麻。另外叫咗一jar 水果茶，亦都係好一般。因為有堂食散叫88 折，所以最後平均$150一個人。價錢上喺銅鑼灣咁樣食日本嘢係平嘅，所以連帶嘢食嘅水準都係一般。冇咩嘅，我都係去第二間搵啲好嘢食先

我要去旅行 我要去日本呀當然依家仲未可以去日本所以只好去食日本野 食店本身就係食日本野無論居酒屋小食 定係魚生飯 定係sukiyaki呢度都有得食 而種類亦都相當多小食 - 雞泡魚乾每次去居酒屋都必定要食既小食如果送酒既話真係一流不過今晚走健康路線 😁魚生飯 - 優選刺身丼非常足料 大大大啖既海膽 三文魚子配合赤貝 凡立貝 大蝦係日本大海既味道呀 當然仲有最愛最歡迎既三文魚全部都幾新鮮鍋物 - 和牛壽喜燒（配烏冬）和牛非常高質 肉同脂肪比例剛剛好不過都要留意唔好令到佢變全熟呀豆腐 香菇 等等必備既配料個鍋都有齊湯底甜甜 配合烏冬食 包你唔會失望丫

重點1: 午市喺銅鑼灣嘅日本野選擇銅鑼灣有好多食肆，但要又唔貴又大份又有位嘅 「日本嘢」真係好好吧選擇！ 即日打去book都有位，因為佢地方闊落，唔係因為冇人食😂 坐得都算鬆動！重點2: 食物份量好足價錢唔算貴，大概$68就有set lunch，又湯又湯律。我叫咗個豪華少少嘅set lunch，連埋壽司🍣烏冬都係$138，爭啲食唔哂😂啲壽司好新鮮，淨係食完壽司其實都已經好飽。 不過一場嚟到，都打算試埋個烏冬！ 烏冬唔算出色，正正常常， 成個餐都對得住價錢😬餐廳其實上菜同收碟都好快，喺我岩岩食完最後一啖就已經有人嚟收碟😂所以如果收碟嘅速度可以慢少少，會令成餐飯再完整啲。😬

預祝朋友生日， 朋友中意食日本野，於是選了一間名叫"日本野"既餐廳......🤣朋友: 我生日，我地食咩野呀？😍我: 食日本野呀🤔朋友:好呀～食邊一間🤩我:食日本野😋朋友: 我知食日本野，咁食邊一間既日本野呢？🙄我:果間餐廳叫"日本野"🤭朋友:.......😱蟹籽沙律沙律醬裹滿了每一條青瓜絲，但一點也不膩，配合蟹柳和蟹籽一齊食，相當開胃牛油果軟殼蟹卷份量十足，有8件咁多，面層有木魚絲和切左片既牛油果，牛油果軟身，口感綿滑，壽司里面卷住軟殼蟹，香脆可口，整個一齊食，外軟內脆，口感相當豐富赤貝1隻雖然有少少肉赤，只有2小片，但食落好鮮甜，爽口........炭燒牛舌串牛舌好爽口彈牙，多汁，好好味，值得一試龍蝦海鮮番茄鍋配烏冬材料好豐富，有半隻龍蝦、魷魚、蛤蜊、蝦仁、娃娃菜、皇帝菜、金針菇，鮮冬菇和豆腐.....所有食材都好新鮮，蝦仁同魷魚爽口彈牙。個湯底除左有好濃既蕃茄味，仲有海鮮既甜味，將個烏冬倒賣落去一齊煮，完全吸收所有精華，好好味。

初開張時，同朋友試過呢度嘅lunch set，性價比高，今次再帶另一位朋友嚟食dinner，食到飽飽~龍蝦海鮮番茄鍋 $208好耐無打邊爐，見到晚餐有呢個鍋物，即刻要試！可揀飯或烏冬，除咗半邊龍蝦外，仲有蜆、墨魚仔、蝦，同埋津白、本菇、金菇、蕃茄粒、豆腐等等…如果蕃茄湯底再濃啲就更好。龍蝦拑嘅殼本身有拍過，算係易拆肉，店員好細心，主動提供刀叉比我哋用，加分！自選丼飯 $138自選四款剌身，甜蝦丶油甘魚丶三文魚丶海膽 (+$22)，當中以油甘魚比較理想牛油果軟殻蟹卷 $88上次喺旺角店試過呢款卷物，覺得幾好，今次試新店，都保持到水準，份量亦一樣，軟殻蟹香脆，大量木魚絲！ 凍檸茶每次嚟都想飲

呢間位於銅鑼灣餐廳，叫得做「日本野」，提供各式各樣嘅日本野，丼飯、壽司、鍋物、石燒都有都應有盡有，款式都係香港人常叫嘅款式，所以揀野食嘅時候有啲選擇困難😂宜家唔係好多日本餐廳會咁做，通常都係主打一兩種👍 🔔餐廳抽氣有待改善，食完飯會有油煙味 石燒吉列霜降牛小排($188)💕一個爐、一份吉列牛、一個飯、一隻糖心蛋、3格調味料、一支燒肉鉗，一下子張枱滿哂😆牛小排都算大塊🥩燒之前用牛脂肪幫石板加油，燒一燒油脂出哂黎。牛小排有牛味，雖然咁大塊，都唔會好韌，加埋調味醬汁就好夠味👍唯一美中不足係所有人燒到一半個火都熄咗，要店員加火先可以繼續燒😂 和牛壽喜燒 ($198)好大個鍋🥘好大個爐，份量都算大，味道正常，但冇乜大驚喜，但都做到壽喜燒嘅味道同感覺 牛油果軟殼蟹卷 ($88)正正常常，但唔算係突出嘅菜式，不過價錢唔算貴又大大件，都抵食嘅 自選丼飯($138)丼飯嘅玉子印有香港兩個字💛份量唔係好大，而且朋友話刺身質素只係一般🥲好味指數 🌕🌕🌕🌕🌑抵食指數 🌕🌕🌕🌑🌑打卡指數 🌕🌕🌕🌕🌑

今日同女友去完誠品睇書，之後就去左揾野食。今次第一次食這間日本野，餐廳名都叫日本野，幾得意的名蟹子炒律味道都還可以，唔算好有特色，跟平日在街外食到的都差不多，不過做前菜都可以。日式炒牛柳粒味道比想像中好味，佢有少少咬口，但又唔會太硬，至於調味方面佢唔係太重味，所以都食到有牛味，所以最適合我，而且份量都幾多下，可以一試。厚燒玉子鰻魚跟餐加$38就可以有鰻魚食，當然要試試，個玉子都可以，但如果鰻魚可以大塊D就好啦。不過味道都還可以。唐揚炸雞定食女友選的主食，驚喜之一，比想像中好食好多，炸雞個份量都幾多，而且好好味，佢唔會太乾身，但又會脆口，最重要係佢一D都唔貴，如果下次再食一定會再點。咖哩牛肋丼個咖哩好好味，但唔知係咪因為有咖哩混飯去食，我的飯好快就食晒，如果可以多少少飯會更好，個咖哩唔係好辣的咖哩，非常適合我，而且我覺得似我去日本食咖哩飯的味道。不過個牛肋骨就有少少硬