日滿屋 (已結業)

難得約到個fd行街, 決定去食下d好味又唔肥嘅嘢食, 最尾決定咗食刺身, 定咗黎呢間日滿屋.之前已經食過幾次. 環境唔錯, 食日本嘢我覺得feel都幾緊要. 我地叫咗好多刺身, 一個刺身船咁上黎,擺得好靚呀. 好豐富,決定俾相機食先. 刺身船有三文魚, 三文魚腩,帆立貝, 吞拿魚, 油甘魚, 八爪魚, 三文魚籽等等...講到刺身, 三文魚最為基本, 但唔代表可以求其. 呢間d三文魚唔會好瘦, 花紋勻稱, 食起身唔會感覺多筋, 好軟lumlum, 又唔會凍得離譜. 食完三文魚當然要試下三文魚腩啦. 三文魚腩好靚亦專業咁開曬格仔. 翻開睇到d白色肥嘅紋路較粗, 三文魚腩本身就要食偏肥嘅. 呢個肥瘦非常好. 大大舊我首先咬咗半舊食. 入口即溶. 好香好lum. 強烈推介. 另外帆立貝好新鮮,一d都唔黃, 甜! 我食曬d帆立貝.  吞拿魚賣相好新鮮, 色澤好紅, 食起身一d都唔會霉, 好驚喜, 另外叫咗一板海膽. 分量足夠, 兩個人叫真係好似有d多. 不過我地都係海膽愛好者. 迫不及待開始準備食. 食落口好新鮮,完全無腥味, 平時間唔中會食到d平價少少嘅海膽,食過嘅人都知道果d真係會腥.

陪朋友去完九龍城車房換零件, 跟住我話要食日本放題, 我朋友就話可以去試日滿屋. 一入到去, 有D好似去左日本既感覺, 裝修好有日本風味, D杯杯碟碟好靚, 一睇竟然有D係日本做, 除左張櫈幾舒服, 令外一張台同一張台之間又夠空間, 唔會覺得好逼甘, 提供各種生魚片拼盤, 烤魚, 燒雞串, 海蟹, 烤豬排, 天婦羅, 蕎麥麵, 壽司以及日式火鍋等, 食譜相當豐富。還提供各種啤酒, 日本清酒, 日本燒酒, 梅酒, 威士忌以及各種軟飲料等各種酒水飲料. 準備叫野食, 竟然有個靚仔WAITER招呼我地, 個樣仲好似日本明星甘..>3<… 好喇, 終於要開始叩野食喇, 開波緊係食刺身先啦. 點左個刺身拼盤, 真係應有盡有. 三文魚, 三文魚腩, 吞拿魚, 八爪魚, 帶子, 三文魚子. 甜蝦, 三文魚腩, 仲有我最中意既海膽 賣相相當吸引, 應該係經過精心擺設. 伴菜既雕花都配合得好好. 因為諗住放題應該係唔會有甘精心既上菜模式, 因為D人SUPPOSE會係甘叫刺身. 上刺身竟然無拖我地時間, 好快甘上菜. 三文魚腩又滑又有咬口, 真係接近完美, 吞拿魚魚腩都好正. 直情好似去左

一直覺得日本放題像叮噹的百寶袋～爬入奇妙口袋裡 你的希望必得到。而且叮噹咁大個口，感覺上都應該幾為食。在漫畫裡他只吃豆沙包太屈就他了。所以今天我就幻想著如果與叮噹吃飯，會吃甚麼的心情，來到這家店食放題。隨意門一打開，本少就投入角色當自己去了日本。「#%&~Easy媽些」隱約聽到這句日本歡迎句，但更聽得進耳的是廣東話。是的，我心目中的叮噹是說廣東話的。「大雄呀，我地今日食乜野呀？」那把聲音你懂的。而我幻想現在去的是日本遊客區。聽到中文是正常，沒有才怪。好，說回這間食店。聽說是新開店的。裝修有種新簇簇的乾淨感覺。而且老闆不是史提芬周，沒有把位置整到有咁逼得咁逼，足夠寬敞，整體而言坐落舒服。這對本少之後的用餐絕對有加分。說到食物，即使找個小學雞說食日本放題，都知道是要點三文魚刺身。所以本少不說也得說說，但我想說他的朋友～三文魚腩。誠然賣相可能不及三文魚好，但魚味絕對更勝一籌，肥美口感更是不同水平。喜歡吃魚、喜歡三文魚的朋友應該一試。我吃的時候想到的是，叮噹出廠多少有保留貓的設定，應該會喜歡。而說到刺身，花樣繁多各有所愛。我就喜歡這裡的蝦刺身。說實在我是被鄰枱的食客將它放在枱面所吸引到的。太精

見新開就試,中伏了一座底有盤剌身送,都ok之後寫紙完全唔得,同頭先送個盤，完全兩樣野,差九級, 三文魚唔新鮮,其他都是燒蝦,霉燒牛舌,乾到牛肉乾帶子鵝干壽司,食一囗就吐番出黎牛柳粒 無牛味甜品只有雪mini雪米糍旺角是旦找間都好食過佢我三人食左$710永無下次

一個人行行吓旺角，覺得肚餓，行咗去女人街食"雷"拉麵。 一個人最好就係食拉麵，自己選擇自己鐘意食嘅餸，湯底，醬油都幾自在。入到去拉麵店真有身在日本嘅感覺，一個人嘅坐位，就好似係東京街頭食熱騰騰嘅拉麵，都幾寫意。"雷"有四款拉麵，我當然食我最愛嘅黑虎。墨魚汁豚骨湯，叉燒，溏必玉子，蟹籽，鮮蟹肉。 可以自己選擇麵底，有直麵，有太麵，仲可以就你喜愛麵嘅軟硬度煮，醬油亦可以按你口味調談至濃，又可選擇蔥多與少，仲可以加辛辣醬，真係窩心。麵一到，聞到濃例嘅墨魚香味，仲有豚肉湯味道襯托，真係令我口水流，胃口大開。 再加上買相非常吸引，一大塊紫菜，粟米，木耳絲，荀干，溏心玉子，叉燒，蟹籽，鮮蟹肉......先飲一啖濃濃嘅湯，幾層味道係口裡面，第一層豬骨湯，慢慢滲出墨魚汁鮮味，湯底適中，不太濃，不太醎，唔會令你飲完好口渴。 😜😜麵質係我喜歡嘅軟，泡得啱啱好，又唔會太軟好似公仔麵咁軟軟。👍👍👍紫菜唔會太簿，太細塊，鐘意食紫菜嘅人一定滿足。 😃😃木耳絲加蔥一齊食，口感非常好，好爽嘅木耳絲加青蔥，將平時冇味嘅木耳帶出青新鲜甜味😉😉😉新鮮蟹肉，充滿海水鮮甜，再加上蟹籽真係要大讚yummy yummy👍👍👍仲有拉

我成日去九龍城食野，但都唔知九龍城廣場有間食日式放題既 '日滿屋', 所以當然要試下 。晚上食都幾多人，雖然要排隊但等左唔算耐。間鋪地方好大幾舒服，D staff 幾nice, 牆上有好多D明星來食過的相，都好似幾受歡迎。放題既menu選擇當然多，有數十多個choice ，應有盡有。來食日本野必定食刺身，一來到就即刻送左碟刺身來，有魚生，蝦，海膽，樣樣都有D，very nice ！ 見到咁吸引就等唔切食左先，相都唔記得影 haha。 另外都叫左多D刺身來試。帶子鮮甜肥美，北寄貝幾爽口，希靈魚好味，全部都幾新鮮同唔腥。 壽司食左吞拿魚沙津軍艦，火灸芝士蝦和芝士三文魚，芝士既份量比例啱啱好，唔會太heavy 。 燒物方面叫左個燒魚，肉質唔錯，好香口好食。 個芝士年糕等左有D耐，不過值得既。年糕好有口感, 呢個小食整得好食真係唔易，而佢D炸粉唔厚一D都唔油膩，正。加埋個蜜燒菠蘿又香又甜就啱啱好。整體來講呢間餐廳既食物味道唔錯 ，環境好。今次我唔太肚餓所以叫左唔多食物，但 $2xx 食放題都真係幾抵食，加上食物係即叫即整熱辣辣，唔會好似其他鋪咁擺左好耐，真係值得一試! 

早幾日去開九龍城，老公突然話想食放題咁啱見到商場有塊大型招牌，於是就去試下嗱！坐低咗之後先識睇open rice發現原來呢見野只係開咗幾個月，而且食評麻麻，不過當時已經叫晒野食由於仲係新，所以一黎就送盤海膽、螺、蟹、蝦都幾新鮮，起碼啲海膽唔臭，食得入口不過之後盤剌身就真食係中伏嗱，雖然大大舊絕不欺場，但味道就⋯我寧願佢細細舊好彩我地兩公婆都唔太好剌身壽司都幾好味，除咗果啲創新系列，太創新了，味道好怪其他就食都ok不過甜品就係粒裝雪糕，味道一般值得一讚係飲品有可口可樂

是日晚餐由於被臨時甩底, 所以唯有孤軍作戰, 但係九龍城人生路不熟, 唔知食咩, 行行下見到商場有間裝潢幾"試正"既日本餐廳, 就膽粗粗一個人貢入去試下坐低無耐, 就有個好好笑容既姐姐埋黎招呼我, 原來一入座就會有刺身拼盤送, 入面有海膽, 有螺, 有蝦雖然係送既, 但絕不敷衍, 唔錯唔錯一個人的晚餐, 又係任食, 點菜無咩難度, 所以一口氣我就點晒要既野食溫泉玉子無用過咸既豉油浸住, 淡淡既醬油伴送滑溜玉子滑入口既感覺果然係"賣飛佛"冷烏冬冷烏冬只以紫菜伴住上, 夠寡, 非常好! 叫得冷烏冬就係想清清地, 最驚出面有D鋪頭, 整多舊魚蟹粥綿綿既粥底, 無潮州粥既硬, 但又未去到廣東粥既幼滑, "不"起身時稍微黏住匙羹, 唔錯!加上足料蟹底同栗米粒, 有驚喜個人刺身特盛餐牌無架....個人嘛~噓! 點左三文魚, 希靈魚, 油甘魚....三文魚不過不失, 反而係油甘魚同希靈魚比較特出, 魚油味好重, 食落口有種食肉類脂肪既感覺之後仲ENCORE左多一次TIM串燒日本蕃薯外觀好趣緻, 細細粒, 一粒一啖, 熱辣辣甜甜地, 幾得意台灣荔枝味特飲一如其名, 就係荔枝味特飲!!

今日去左九龍城廣場日滿屋食午市放題,一行7人12點到達,之後入座一入到去已經覺得人手不足,間鋪12點開,入座時只有一名職員,不過幾分鐘後有多幾個職員咁到叫野食,款式少,製作時間長,而且會CUT份量!!一行7人,有幾次串燒比唔出7串,導致唔夠分!!咁都算可以再叫...至於刺身方面,一開始等左20分鐘都未有,咁我地叫黑衫職員跟跟,佢當時回答我幫你地跟跟..再過十分鐘..都未有..咁我地再問另一個職員..佢話無我地張單!!!咁之前個黑衫職員點解無同我地講..咁都算..刺身質素差,唔太新鮮,三文魚,劍魚腩等叫完一次已經唔會再叫咁壽司方面,我地分別叫左鰻魚壽司,帶子壽司..一黎到我地發現鰻魚壽司無落鰻魚汁...咁佢加番之後再望下...帶子壽司令人大為失望..完全唔新鮮,而且好難食炸物,款式少,味道一般再失望係我地叫左炸蝦反卷...佢比左個加洲卷我地..咁我地同一名黑衫講..佢望一下後話"呢個咪炸蝦反卷"..但事實上係加洲卷!咁我再問"隻蝦係邊?"佢扮聽唔到走左!!!咁我再問另一名職員係咩..佢話加洲卷,咁最後佢換番比我地除左一名年青男職員比較有禮貌同飲品都OK,其他野無一滿意!!!!!!一定唔會

其實我好耐冇寫食評，但今餐堅係忍唔住！唔想有人同我一樣中伏！！ 今個星期日，阿姨生日飯聚.. 最近見九龍城廣場新開左間放題，打開open rice ，食評話咩地下寶藏，咩飯聚好去處甘,d相都好似幾好幾吸引甘… …就算佢比平時出面d 放題價錢貴少少……都打算試下…因為近屋企ma…滿心歡喜地book 抬！ 七點半去到，已經好多人食緊，環境都算幾寛敞…唔似平時個d 甘迫… 滿心喜悅甘諗住今次應該冇揀錯la…坐低之後，佢地送上一盆刺身恲盤……(入座後送的)有海膽，帶子，大大隻甜蝦……等，好新鮮好鮮甜！ 大家一致讚好!然後即刻開始畫刺身，壽司，燒物,熟食……(食物款式唔多！算小！心諗只要貴精不貴多，nevermind la,好味就得！)刺身到la....食物上枱，排得好靚！一食落囗！ 就知出事！！D 三文魚勁唔新鮮，口感極差，顏色好淡！冇三文魚味！同頭先送個盤，差好遠law,完全兩回事！！ ……其他刺身一樣，食左一件就唔想食la!燒物方面，師傅燒得幾好，明顯好有心機，但味道唔夠……款式太少……壽司:兩個字，難食 D 飯冇口感，太硬！上面塊刺身唔新鮮！尤其係帶子……口感奇怪

今日舊同學生日食飯慶祝,我地大家一致讚同重回舊地,黎度九龍城尋覓~九龍城廣場真係變左好多~D食鋪全部吾同晒,我地揀左一間環境寬敞又吸引既日式放題作今晚既用膳地方!黎度既放題選擇比起其他餐廳真係多好多選擇又創新新穎,睇落用料質素應該幾高,仲加埋有韓式料理選擇,例如:泡菜醬炒蟹,韓醬炒年糕,蜜糖燒菠蘿,黑虎蒿麥麵~又有邊爐打!GOOD GOOD~~~一坐得落,個間調幾好~黎度好似仲做D包場活動添,因見到D汽球佈置~好呢!!!即刻點野食,黎度既點餐紙足足有十二張,超瘋狂!我地當然又沙律小食一路食落去,黎個海藻沙律真係好足料.D菜又新鮮,食落口又脆~野飲黎嚕~我嗌左個凍荔枝蜂蜜.不過就甜左D,所以我接受吾到..今日真係好事連連,因未嗌剌身時,已經上送一盆額外剌身拼盆!! [ 因不同人數,不同數量 ]黎個拼盆真係超級超級足料~~一大盒既海膽..長腳蟹~甜蝦~嘩嘩嘩!好鮮甜!好肥味~YUMMYYUMMY!仲有個溫泉蛋,蛋黃好香~~黎呢黎呢~~我既至愛..天婦羅!真係炸得好甘香,D粉好薄身.吾會好似出面甘厚厚粉!中途有好多都忘了影相 = = ‘’’ ‘ ‘’ ‘’ ‘最後黎度尾升 - 甜品~綠茶麻糬

一向都鐘意係九龍城行街嘅我 今日同屋企人行完街咁岩見到九龍城廣場開左間新野叫做日滿屋 仲要食放題 對於大愛食放題的我當然九秒九衝入去啦😍入到去，個地方好大啲位都好闊敞所以坐得好舒適。有驚喜嘅係個侍應話我地有5個人 所以會送一大碟的海鮮刺身，個海鮮刺身有大大碟海膽，大蝦，帶子片，蟹挾，翡翠螺同青口。全部海鮮都好新鮮，無霉嘅味道同埋全部都好有海鮮味，唔係果啲好淡味嘅海鮮。而我覺得最正嘅係唔腥無啲霉嘅感覺仲要好香口嘅海膽，完全唔臭，蟹肉多又實身到令到個蟹挾滿滿，仲有就係帶子，有鮮味加上雪得涼浸浸更加加分。食完呢個，就開始我地嘅放題之旅。刺身：三文魚、帶子片、甜蝦夠厚身，鮮甜同爽口，劍魚腩入口即溶，肥厚，正！其他都是我屋企人清曬所以趕唔切影相。壽司: 點了三文魚、玉子、吉列蠔、鰻魚、鵝肝帶子。壽司都幾大件，啲壽司飯唔算太多仲好實啲壽司又夠大塊！大讚吉列蠔，炸粉唔太厚身，外脆肉軟和熱辣辣，個蠔新鮮同大隻！鵝肝帶子亦都好正！一品料理：大讚！好多菜餚都係我最愛的，點了蒜片牛柳粒、蟹王粥、韓醬炒年糕同辣湯煮蜆。蒜片牛柳粒的牛柳好爽口、火候岩岩好，蟹王粥好綿、裏面有一兩隻蟹仔到、好香蟹味嘅粥，韓醬炒年糕

放假成班friend想一齊食餐飯，一係就唱k一係就食放題架喇，食放題唔使就住就住，食都食得開心d啦。講番正題，係openrice見到呢間日滿屋，睇落又唔錯，決定就黎呢間試一試先，話說我都係第一次黎九龍城廣場，地方都幾靚下。入到去鋪頭即刻就見到好多名人黎食既相，我地張枱隔離就痴住細細粒…幅相，牆上仲有好多日本風味裝飾，其中一個就係呢幅七福神畫喇，畫得好得意呀d公仔 （左邊有細細粒呀）放題梗係要多d唔同既野食先正架啦，呢間日滿屋點野食既紙由A排到L，我個人黎講就覺得幾足夠喇。一坐得嗌番杯野飲消下暑先，我就嗌左杯綠茶消下脂先，都幾大杯下，我成餐都淨係嗌左一杯，不過好彩杯茶唔太甜，唔會確喉。有個friend就嗌左啤酒，我就唔飲既，不過見個樣幾靚影番幅相，餐廳用個杯咁裝住靚係靚既，不過當成枱都係野食既時候都幾阻著下。餐廳仲有另一隻啤酒，個friend就話呢隻就好飲過日本果隻飲飲下刺身就黎lu～有海膽，青口，蝦，帶子，螺同蟹，蝦呢就有熟蝦同牡丹蝦，牡丹蝦好鮮甜，我一個人食左兩隻，帶子大大粒，食落口果下超滿足，海膽睇個樣都幾靚，食落去咸咸地甜甜地，好濃郁。呢個燒牛舌真係不得不提，有牛味，咬落去係唔u

本人對放題都一般的，但4個麻甩，其中一個想咬日本野，但咬好野就會好貴，有個話去食放題。我即O左咀。不過幾條麻甩無所謂啦。其中一個話九龍城廣場有間新野（當時我們已到左九龍城了）試下囉！一個囉字成班人便跑去了。去到間野，環境很闊大設計簡潔，樓底很高，不太嘈吵，相當不錯。馬上搵位叫野食。枱上有不同顏色的餐紙，很容易分別是什麼食品。放便得很。其中一個麻甩在我們不知不覺幫我們點了菜，我地都係諗緊飲咩BEER好。刺身帶子：味道鮮甜，夠晒大隻赤蝦：充滿水分，鮮味夠，肉質嫩滑彈牙，大大隻，蝦頭膏味亦相關濃赤貝：味道清甜爽口，十分新鮮美味三文魚：色澤光亮，而且份量十足吞拿魚：亦非常新鮮，夠肥美希靈魚：味道相當不錯，沒有可怕的腥味串燒最重要的是新鮮燒，每次來到都很熱辣辣，很香日本珍蕃薯：一口一粒，好甜好好咬牛肉粒：牛肉粒好有牛肉味，燒起邊位脆口，香味突出雞軟骨：相當香脆，都不知吃了多少串牛舌：厚身有咬口，加上醬汁，佐酒一流燒波蘿：最開心又香又甜，吃了解了不小油膩天婦羅：一點也不馬虎，熱辣辣的，炸粉厚度剛好，不論吃多少也不會有油膩粉感，吃菜蔬更多精彩，醬油內加上蘿白容，再點天婦羅，會更好煮物：泡菜醬炒蟹：大

向來最愛到九龍城吃飯，早午晚餐、平價貴價、泰國菜打邊爐西餐，每當跟男友想不到地方吃飯自然就會想到去九龍城，總會有意想不到的驚喜。這天兩口子又到九龍城覓食，走了一圈後走到九龍城廣場看到商場外牆的廣告牌，裡面有新開的日本料理店，於是跟男友走進去打探一下。看到有不少套餐，都有數款心水定食，於是跟男友決定試試看。 被安排到裡面近窗口的位置，對著一大片草地，綠油油的感覺不像在香港( 雖然細心看，遠處仍有高樓大廈)，加上當天的天氣不錯，有太陽照耀下，感覺加倍悠閒。 侍應遞上餐牌，選擇恐懼症突襲，原來除之前看到的定食套餐，還有其他選擇，最吸引眼球的是至尊套餐。男友見我左想右想，最後幫我決定，說既然剛出糧，就豪一豪吃至尊套餐。 這個套餐有刺身壽司炸物及和食，一次過滿足了心多的我… 波蘿特飲少少甜，啖啖菠蘿肉再加黑珍珠，有「口趙」口，而且感覺很夏日清新消暑，很好的開始。 刺身拼盤有三文魚腩，拖羅，帶子，海膽，三文魚子，牡丹蝦。全部都很新鮮很甜，三文魚腩很肥美，帶子超大片，海膽也很甜而不腥色澤很好，牡丹蝦很肥也不錯~ 然後來的是壽司，放在一個精緻的架上，有點像平時high tea會用上的架，上面放著兩款火