日牛涮涮鍋專門店

營業中

休息中

呢日行完杏花新城outlet,諗住求其喺附近食lunch,喺商場睇水牌有咩好食,屋企人見到日牛就話好耐無食火鍋放題咁就決定食呢間啦入座前職員叫我地揀咗食邊個餐同湯底先,我地揀咗最平嘅日牛$128/1人,湯底方面呢度係1人1鍋,我揀咗胡椒和牛清湯屋企人就揀咗生薑柚子雞湯☺️入座後就出去自助區攞野食,自助區有火鍋配料,醬汁,飲品同甜品我地個set係可以揀澳洲穀飼牛＋豬肩肉＋ 雞腿肉,我地打邊爐對雞肉麻麻地所以我地無叫到,我地主力食牛同豬,畢竟我地係叫最平嘅套餐所以牛嘅質素尚可接受,豬就比想像中好少少,胡椒和牛清湯有淡淡胡椒味,而生薑柚子雞湯亦只有淡淡柚子味食到飽飽地就食雪糕啦,我覺得成餐飯最好食就係佢地個雪糕😂有原味乳酪,富士蘋果味&混合可以揀…原味乳酪味道夠酸👍🏻👍🏻富士蘋果味仲正😍😍😍食落聞落都充滿香濃蘋果味

今晚想試試日式打邊爐shabu shabu ，去了杏花新城的日牛涮涮鍋 ，不用等位，可以直接進去，選了特選澳洲穀飼牛 ($208) ， 壽喜燒湯底會配上一個生鷄蛋 ， 牛肉很薄 ，還有牛舌，質素都好好 ，輕輕淥一淥就食得， 自助任食區有十多款的蔬菜、 瓜類、洋蔥、蘿蔔、芋頭 、蕃茄，豆腐、菇類、粟米 丸類、烏冬及拉麵...等。亦有汽水、乳酪雪糕 咖啡茶️等等任飲，我們追加了啤酒任飲，只需30元，埋單仲有九折，整體覺得90分鐘放題尚算抵食。

真係非常鐘意打邊爐, 周圍有好多食肆, 總之見到火鍋就想食!🤭食過好多日式火鍋放題, 呢間係一人一鍋, 壽喜燒湯底夠甜又夠濃, 係好食既!🤭 自助材料都好多款, 而且丸類比平時食既特別! 講完好既, 就到唔好喇!😅-飲品選擇少, 只有茶類同機斟既汽水! -叫左特選牛肉, 每片都好薄, 而且牛味唔濃, 好普通!整體感覺非常一般, 但未必會再去了!地址 : 日牛涮涮鍋專門店杏花邨盛泰道100號杏花新城2樓209號舖評分 : 6/10

星期六的下午同細囡兩個撐枱腳，近近地喺杏花新城食牛涮鍋，攞籌等了大約20分鐘才有位入座。我哋選擇了午市90分鐘放題大人$138，小童$108的套餐。週末每人加$10。另我有MTR優惠券，全單減$30。所以埋單連加一，只需$240，十分抵食。一人一鍋，叫了壽喜燒及骨膠原雞湯湯底。先上了2碟牛及1碟豚肉、鷄肉。出面有十多款的蔬菜🥬、丸類、面食等。亦有汽水🥤、雪糕🍦、咖啡☕️等等任取。牛肉切🔪得好薄，雖然是平價牛🐂，但口感不錯，值得一讚的是用QR code點餐，order後食物好快便送到，侍應服務態度亦非常好。整體用餐🍽體驗滿意👍👍

冇幫襯都要寫，關門時間係 22:30 ，Last order 係 22:15，我今晚 21:15 去到，鋪內一個客人都冇，有個平時態度都好差嘅侍應，喺度抹緊地，我叫咗佢一聲問佢係咪要閂門，佢「鞋」咗一嘢話唔係，跟住同另一個侍應對望，兩個嘅眼神完全係極度唔 like 我入去幫襯，跟住我話「咁算喇，你想閂就由佢喇」佢兩個完全冇留我重喺度互望笑騎騎，跟住我去咗第二間食，食完 21:55 特意上去睇吓，門未閂但望入去一個人都冇，連自助食物盆都收晒，咁唔想做索性唔好開夜市喇，我真心恭喜你老闆請到你哋依班極品返嚟，祝你如願以償晚晚有得早收！

午市$108 放題火鍋好似好抵一向對火鍋嘅牛肉要求唔高通常選最平款都無乜出過事今次呢度出晒事🤣d 牛肉白、鞋、韌、無味仲以為店員拎錯左豬肉比我問清楚話真係牛肉嚟湯底方面壽喜燒ok蕃茄湯同雞湯都係無味嘅應該唔可能有下次了🤣🤣🤣

職員態度超差，自己做錯事仲要覺得我玩佢仲要爆粗罵我同朋友，食物質素麻麻地但係至少好過啲職員嘅服務態度，唔會再去，佢哋仲要黑口黑面，唔知道嘅仲以為我哋欠咗佢幾千萬

今日好想好想食日式Bino，近近地去咗呢間。本身冇join呢間會員，問侍應點join同有咩折。點知佢話：有冇都差唔多，多個9折囉。問多聲至話：仲有咩我背唔到俾你聽嫁喎。咁咪同個侍應講唔緊要，俾張牌我睇就得。佢就話，不如你哋落左單先，依家計緊時嫁啦喎。可能因為佢全程勁自大既態度，我完全冇晒食慾。走咗。😔😔😔如果大家唔介意服務態度/想受一肚氣可以黎食😌。不過我建議去其他分店/呢個價位，可以試吓其他集團。呢間不了。

日牛涮涮鍋，位於杏花村商場，區內少有火鍋放題。$188 特選肥牛餐，有牛肉，雞肉，豬肉放題，以此價錢來說，牛肉質素實在不能要求太高，有牛味，不選太肥，尚可。豬肉太乾，可能太薄切。自選配料選擇蔬菜算多，然而，調味料方面選擇偏少。追加一碟付費虎蝦都大隻，可以一試。

這家日式火鍋店我經常來，之前一直都是吃午餐，疫情過後第一次過來吃晚餐日式火鍋。沒想到他們六點半前入座居然可以打七折，這麼好的優惠當然要點最貴的海鮮牛舌和牛自助餐。原价折后連加一才286元算划算了。說實話自助餐吧大部分都是素菜沒什麼好吃的，都是蔬菜香菇金針菇蘿白等東西，跟其他日式自助火鍋相比有一段距離。飲品也祇有汽水和熱茶，甜品也祇有爆谷和軟雪糕，跟其他同類型的如牛牛日式火鍋相比差太遠了。慶幸他們的主菜如牛舌和，西班牙黑毛豬和日式和牛還算勉強可以。但醉翁之意不在酒，主角肯定是海鮮拼盤。海鮮包括生蠔青口扇貝海蝦和墨魚。說實話海鮮不算太新鮮 都是雪藏的。特別是生蠔拿出來都是冰硬的。其他其他海鮮還可以，特別是海蝦非常大，吃落還算爽口。這裏的服務 還可以，主要是吃性價比，如果想吃食物質素就不要來這裏了。

什麼叫賤物鬥窮人我終于明白。之前經常光顧這家店 的午市自助餐。以前最便宜的是108 包括豬牛雞和其他食物任吃，沒想到低處未算低, 現在更做到最便宜69任吃，豬或雞二選一只吃一碟，其它食物任吃。當然做到那麼便宜肯定有原因。其它食物當中以前的肉類包括丸類幾乎全部取消。剩下的九成是蔬菜類，還有所剩不多的芝士腸和魚餅有提供。但對於我這種現在喜歡多菜 少肉的人來說實在是天大喜訊。69元幾乎可以自製野菜自助鍋實在非常划算。我點了72元的豬牛雞三選二只吃一碟，湯底是胡椒雞湯。蔬菜類拿了三大盆包括菇類蔬菜豆芽白蘿蔔金針菇番茄蓮藕洋蔥烏冬脆肉瓜獅子狗魚餅等等。而且咖啡汽水西式茶任喝，還有泡芙和冰淇淋提供。這個價錢實在 無話可說。當然食物質素也不能要求太高，畢竟價錢擺在眼前。胡椒湯底稍為清淡一點，整體食物質素還是可以的。喜歡野菜鍋的絕對推薦。而且最重要是不限時間你喜歡從十一點吃到六點都可以😅

Summary: Good value but there is a better option (read on). OK but can be better for taste.The Goods: Cheapest (I think) all-you-can-eat shabu on HK island. One plate meat is available for lunch over weekend (most other ones doesn't have this on weekends). Individual pot for each person - good especially during COVID!The Bads: I think beef needs a bit more fat as it feels a bit "dry" for texture.  Soup base could be stronger. Also think they could have more sauce variety.Damage: We both ordered

抵食 尋日同朋友一齊嚟咗呢度打邊爐😘😋住港島東好少選擇，基本上近呢幾個禮拜開始我哋都有間唔中嚟呢度食晚飯。平日一至四1830前入坐，有7折優惠😍😋😋同埋杏花邨分店夠靜，無其他分店要等候時間咁長，我哋2個人叫咗極上set，海鮮拼盤喺仼叫，澳洲和牛都喺仼叫，真心好平，和牛喺入口即融⋯⋯ 😊😊😌無誇張到 😚😚😚同埋呢度上菜速度都喺2-3分鐘，得海鮮要等耐少少🤏大概6-10分鐘，海鮮喺新鮮做，服務員都好有禮貌，環境舒服，但冷氣有少少🤏大 下次會記得帶多件外套嚟🙈

經常有客人不戴口罩出來取食物，員工只顧各自工作，及與客人傾計，完全不會留意，感覺防疫意識低。其實食物不錯，環境亦清潔舒服，可惜就是員工防疫意識不夠。記得當時有位客人沒戴口罩在取食物區取食物，她每樣食物都用鼻靠近去聞，我們跟職員投訴，職員勸喻客人戴返口罩，但轉頭個女人又唔戴口罩出來取食物，之後亦陸續有客人唔戴口罩出來取食物，職員唔知係無留意到，定根本唔會去勸喻。我本人就覺得職員防疫意識不夠，唔會再去。

原本諗住家人慶生去食個火鍋雖然呢間嘢啲肉唔算好高級不過都冇所謂啦我地點左第二貴個款90分鐘任食叫加肉嘅時候 已經見到啲牛好明顯同一坐低上嘅第一批肉相比，明顯係次幾級🥵都已經嬲嬲地，明明只係第一次加肉都夠膽比啲差一級嘅肉我地。成餐其實都食得開開心心，點知一夠鐘就比幾個侍應係咁趕走😥我地又冇繼續出去攞野食，只係想坐多一兩分鐘講埋兩句，加上有老人家，佢慢慢起緊身走人啦，點知過左一分鐘都冇，啲侍應又行埋黎勁大聲咁話「真係夠鐘架啦」真係嬲到，咩態度依家？我唔會話我係客大哂，但係佢出面冇客，有半間餐廳都係空，而且我地都企哂起身準備走，係等緊老人家慢慢起身。點呀，驚死我地坐多半個鐘冇位比邊個坐呀？真係勁嬲，好聲好氣提示我地，我都冇所謂，因為始終真係夠鐘，但啲咁嘅態度真係😥😥啲野幾好食都冇用啦，何況仲要質素麻麻😰真係趕客...