早安越南 (已結業)

又到夜晚搵飯食，近排愛上食越南粉！紅磡，黃埔嘅越南嘢，選擇不多！之前食過一間，感覺麻麻！決定試吓黃埔哩間！之前經過，睇過餐牌！叫咗2款小食，個無骨鳳爪好味如果可以辣啲更好再嚟一個蒜蓉牛油雞翼，有啲油，都ok嘅叫咗一碗生牛肉河另一個春卷撈檬粉星期一至五飲品買一送一叫咗一個青檸薄荷冰同三色冰

食物都唔差, 只係服務係一般感覺像茶餐廳, 因為比飛我排隊但又比後來一對情侶先入位, 食物放枱就只堆滿在你面前沒有空間比你進食, 好在我係坐四人枱, 最後佔用埋才有空間😅

因為家住紅磡，常與家人幫襯此店。除咗食物唔錯之外，價錢亦很公道。座位也算舒適，最緊要係啲服務員態度殷勤。最初去咗兩次姐姐已經識得同我地打招呼。之後再去直頭記得你最喜歡食乜嘢、飲乜嘢。連我成日要攞多一碟如魚露佢都記得。依家香港好少有服務好嘅餐廳。餐廳1街都係，都係幫襯一間服務好嘅。仲有喎，一點前埋單有九折。自取外賣都好似有折，大家不妨自己check下。生牛肉河牛肉湯非常濃郁！蝦醬雞翼好好味。海南雞都唔錯，不過時常賣晒。要食就早啲去。

我覺得食物品質唔錯，各類食品包括湯粉，飯類，及小食都相當唔錯。最緊要係啲湯粉熱辣辣，份量又足夠。飲品方面的滴餾咖啡咖啡就最特別，另外椰青都好好飲。其實最吸引我嘅地方係服務員態度好好，實在很難得。

店員服務態度好似阿仔對阿媽……完全無服務……帶位吾清楚！錯仲吾認;經理口吻完全理會！當天還未到午市最繁忙時段;就以經咁態度！只會找籍口亂;當時店內人客只佔四份之一！

睇完侏羅紀呢套戲真係覺得劇情超緊張，仲估唔到恐龍片都可以有咁多淚點，好多恐龍迷都睇到非常感動。但當然睇完戲緊係要食飽飽啦，今次就去咗呢間越南餐廳講真味道真係唔錯。餐廳環境都幾有格調，門口仲可以買東南亞醬料。下午茶餐款式都幾多，而且價錢都幾抵。青木瓜沙律青木瓜爽脆多汁，加上酸酸甜甜嘅沙律汁相當醒胃。越式小食拼盤拼盤有雞翼、青卷等等，岩哂同朋友一邊再吹水、一邊慢慢食。熱龍眼水唔會太甜，而且底部仲有好多龍眼肉，非常滋潤。

今日出發去軒軒演唱會之前黎到黃埔覓食經過呢間早安越南🇻🇳覺得裝潢好有現代感就決定一試門口架小車好令我懷念胡志明市街邊既粉麵檔坐低見到由menu到牆上裝飾越南風味都好濃厚☺️見到呢間餐廳包括左Vietnam 唔同地區既特色食材 仲有肉骨茶 真係心情為之一振😝😝越式軟殼蟹米紙卷用料新鮮 配料十足😍米紙卷好薄 入口滿滿的材料 好中意檬粉彈牙的口感 😋炸札肉酸菜撈檬舊札肉炸得香脆而不乾身碗撈檬因爲有酸菜 同平時既味道有啲唔一樣無平時果啲咁濃味 我覺得好岩自己😂另外叫左牛油果沙冰回憶出哂黎 係越南每日必飲的味道 重現眼前而且係自動少糖版😂非常滿足本想試個二人套餐 但時間有啲緊迫 我地都係散叫左兩樣野食完就要走下次同大班朋友再黎試下套餐先😏

尋晚兩個人晚餐, 叫左生牛肉湯河, 無骨鳳爪, 蝦餅凍蒙生牛肉湯河賣相唔錯, 味道都好OK, 無骨鳳爪係我至愛, 辣度酸度都調得幾好, 而蝦餅凍蒙, 我就唔太鍾意個蝦餅, 口感好似有D骨咁, 差少少但大至上都OK的, 可能夜晚唔多人, 座得都舒服, 唔會太焗促

天氣熱爆，開左幾晚冷氣終於頂唔著病左，實在太好，可以請病假✌️✌️睇完醫生後當然係醫肚，行入早南越南，食野先。平身諗住食碗粉，但突然好想食炒金邊粉，點左越式炒金邊粉：金邊粉炒得條條分明，甜甜的，很香很開胃，而且兩隻鮮蝦都新鮮彈牙，係黃埔區少有出色的炒金粉。見到有蓮藕苗，第一次食，仲係用馬拉盞式去炒，少少辣好爽口，見到條條蓮藕鬚好療癒，好美味！加左杯薑茶驅寒暖胃先，真係見到片片生薑，辣中帶甜，又多大杯，好正！又一次病中作樂。

今日同朋友去黃埔花園行街，上左樓上既美食廣場搵食。發覺自己太耐冇去，原來上面依家好多新餐廳！行過見到依間越南野門口好似好有特色，門口嗰架人力車整得好精緻，再加上有好香嘅香茅味，所以就決定入去試下！入到去坐低發覺一邊嘅裝修同門口一樣都係好有特色，好多越南嘅元素係入邊仲要新潮！啲座位都坐得幾舒適。 事不宜遲即刻睇吓餐牌先。食物種類都算好多仲要價錢好親民！馬上叫幾樣野試試！第一味肉骨茶肉骨茶藥材味好濃，但都唔會蓋過肉嘅鮮味，飲落去個湯好厚身，啖啖濃郁。飲得出係熬左好耐嘅湯底！個湯仲配埋依個炸油條。呢個炸油條唔係一般嘅油炸鬼，佢存夠都係硬身等你浸落個肉骨茶一邊吸收晒湯嘅鮮味，一邊自己調個口感軟硬。第二味，扎肉手撕雞湯河($58)呢個湯河就不過不失湯底味道都算濃，手撕雞都唔會好老，扎肉彈牙有口感。飲落個湯都唔會覺得好重味精👍🏻第三味越式炸春卷春卷皮溥夠趣，食落唔會油淋淋。再加埋佢有生菜去中和春卷嘅油分。好食！個生菜令成件事錦上添花！下次去依個一定會再食！最後叫多碟馬拉盞炒通菜個菜食落好香好爽口，完全唔會覺得老。調味亦調得好好！有馬拉盞味又有少少辣。份量又咁大碟！最好係佢唔會好多湯汁浸住啲菜搞到淋

今日想食d簡簡單單又好味ge野，一諗就諗到越南菜，於是就兩姊妹二人同行去左早安越南食晚餐！香茅豬扒湯河 ($58)：我點左香茅豬扒湯河，河粉順滑，熱熱騰騰飲番啖清湯好暖胃！豬扒份量都唔少，肉質唔會太硬，唔錯！扎肉手撕雞湯河 ($58)：賣相都唔錯，清清地幾好，下次可以一試！炸蝦餅 ($64): 一人一碗河粉，再開心share一份小食，滿足！我地點左炸蝦餅，係我最鍾意ge越式小食之一！蝦餅外層香脆，口感彈牙，而且唔會好油膩，滋味無窮，下次黎應該都會想食多次呢個蝦餅！

睇完戲肚餓去搵食，落到去見到呢間門面幾靚就入試一試!越式軟殼蟹米紙卷 — $88白米紙卷做外皮，入面包裹著：生菜、粉絲、紅蘿蔔絲、軟殼蟹等等，份量十足，配上甜酸醬吃時，非常醒胃。馬拉盞炒通菜 — $64即叫即炒，味道偏重，少少辣。菠蘿海鮮炒飯 — $103同樣是即叫即炒的。本身以為是原隻菠蘿上的，點知原來是場美麗的誤會。菠蘿炒飯很足料，海鮮配料有蝦、魷魚、以及蜆。份量很大，兩個女生吃起來有點吃力。青檸可樂 — $28一整罐可口可樂原罐上，而且斟完一杯都仲有剩!!!鮮士多啤梨沙冰 — $34友人叫的，她覺得沙冰酸酸甜甜的，味道不錯!

收工去黃埔睇戲，朋友們習慣睇戲前食飯先，於是上網搵間就近嘅，越南嘢，都好吖！去到8：30左右，餐廳內都坐滿食客，我們被安排坐在角落位，睇咗一陣餐牌，決定叫套餐，唔洗煩！由於差唔多夠鐘，所以食哂就埋單走人！全餐最好味係生蝦同肉骨茶。。。但呢兩樣都係越南菜咩，不解！不過有機會都會再嚟嘅。

呢排喺社交平台見到好多朋友去左越南旅行，繼續要翻工既我唯有留喺香港食住越南菜止下癮先啦。嚟左黃埔既早安越南，見到裝修都好新朝，出面呢架車仔仲有出售越式調味料同飲品。食物方面，二話不說點左個Pho，今次要左香茅豬頸肉河。由於同行朋友唔食芫茜蔥，所以先全走，但個湯底清得黎都好夠味，而且碗粉好大，一個人食哂都幾飽肚。至於豬頸肉完全唔油膩，外層好香脆，份量好多，但都通通食得哂！朋友就要左海南雞飯，呢度冇得一set咁叫，要單叫例牌海南雞另外再加飯。先講海南雞，雞肉好嫩滑，雞皮好爽，完全唔油，加上三寶，黑豉油薑蓉同埋辣醬，正！至於另外叫嘅飯，可以要白飯或者荷葉蒸雞油飯，食海南雞當然要油飯啦，但老實講呢度既油飯令我有少少失望， 份量好細唔太足夠，而且唔夠雞油香味，下次都係普通白飯就得。最後我哋仲要左一碟馬拉盞炒通菜，夠晒鑊氣而且好多馬拉盞，加埋炸蒜片，好香，值得一食。呢度上菜好快，而且服務態度都好好。而且食越南野有時好怕食完之後好口乾，但係呢度冇，證明唔會太重調味/加左味精。

大家決定黃昏前一定要下班相約在大家工作的中間點食個飯生牛肉湯河是最快來到的先喝一口湯很清不含大量味精湯很熱所以牛肉很快熟大約有6片牛肉軟軟的非常鮮味之後來了流心蝦丸比我吃過的size較細蝦丸比較勒芝士慢慢的流出來比起芳間死實實的已經好很多了發現枱上有2枝醬一紅一綠的就試試用來點蝦丸吧個人覺得紅色的較好吃因為綠色的多了一位酸味眼看只餘下軟殻蟹米紙卷未到會不夠飽嗎？還是多叫一碟泰式炒金邊粉吧軟殻蟹米紙卷來了1整隻軟殻蟹比晒你包著軟身的米紙雙重口感你以為可以一口把他吃掉？你就大錯特錯了一碟6件件件都大大舊原來係好飽肚架但又叫左泰式炒金邊粉一大碟我地每人3碗先食得完幸好金邊粉不辣而且炒得很乾身帶點甜酸但真係太飽了