早安越南 (已結業)

今晚早收工，唔想去太遠食晚飯，於是就去左黃埔美食坊食個快的晚餐，早點回家休息。好有特色嘅早安越南小車一如既往擺喺然後做生招牌，今晚時間較早，餐廳裏位置頗多，非常舒適。今日身體疲乏，加上秋風吹起，又係需要補補身嘅時候，於是點左一份肉骨茶。仲記得以前係英國讀書是身體有咩唔舒服，睇醫生又唔方便，朋友總會將佢家鄉嘅肉骨茶包煮嚟俾我食，今日再食真係滿滿回憶浮在腦海。呢份肉骨茶嘅中藥味很濃，茶渣女亦都可以行睇到滿滿嘅杞子等中藥材，連排骨都非常 濃味，但肉就有點硬，估計煲左好耐。飲完之後成個身暖返晒，好舒服好開胃。椰王海鮮焗飯: 平時都係食開都係用椰青來焗，椰王焗制而成嘅真係第一次食，開頭仲驚椰王細細個份量會唔會唔夠飽，但係一食之下發現材料非常豐富，飯嘅份量亦都不錯。返底係炒底每一粒都炒到金黃色，非常有蛋香，配上濃濃嘅忌廉汁，每一口都係creamy and yummy.青口、蝦、帶子、魷魚等海鮮嘅新鮮程度亦有意外驚喜，非常鮮甜，爽口彈牙，而且每樣都打孖上，分量十足。很滿意。

生菜包每個人都食過，都係為人食之動容嘅美食。一口辣肉配上清爽嘅生菜，有辣勁得嚟又唔會太嗆喉，無論食唔得得辣嘅人都喜歡食！呢度嘅生菜包幾特別，加多樣粉皮代替生菜嘅配搭，粉皮質感比平時食開嘅腸粉再煙韌少少，包上辣肉碎、洋蔥惹味配料，食落開胃又飽足！必點！再點蝦餅，大大塊好抵食！肉夠厚又香脆，不過肉感再鬆軟少少就更加好嘞！仲有呢確食越南菜必點嘅香茅豬扒湯濛，超大碗湯底合格夠濃唔咸，豬扒如香口，香茅味豐沃。唔夠飽可以掃多碗熟生肉湯河，牛肉片比平時食嘅厚同大片，喜歡邊樣質感就見仁見智了！

Went here for the avocado smoothie but they didn't have it.In the end just got three drinks, preserved prune soda, salty lemon soda and tri coloured coconut milk.The tri coloured drink looked really different to the menu.It was very sweet as well.The prune soda was quite nice with a subtle sweetness and preserved prune taste.It had a good deal of fizz when the soda was poured onto the preserved prunes so there must be quite a lot of chemical reactions going on between the preservatives and the s

今日接屋企人收工，然後就係附近食飯啦。之前經過已經覺得依間餐廳裝修好特別同細緻今日黎到食再睇d細位，真係幾有心思👍🏻平日7點到仲有位，但7點半左右就坐滿了新淨得黎又有懷舊既感覺。餐牌都好共產主義既感覺。依2隻醬既味道都唔錯👍🏻👍🏻每張台都有，好似仲有得買叫左2個主食同1個小食豬扒好鬆👍🏻蕃茄海鮮金邊粉，d海鮮好足料豬頸肉米紙卷，好足料，幾好味，清清地，但份量都多👍🏻👍🏻食到勁飽2人埋單230，份量多幾抵食👍🏻

自從屋企附近美食坊有了「早安越南」，沒有住家飯的日子就會去幫襯走型格style的「早安越南」燈光昏暗，食pho一樣要講情調裡面有大量越共風情的裝修，很有風味。加上開業不久，環境非常乾淨舒適。由於只有我一個人晚餐，就只點了一個手撕雞扎肉湯河及三色冰。餐廳定價算中等，在黃埔中已算為平價之選。三色冰非常足料，煙煙靭靱加上香濃椰汁的確美味！𥚃面有紅豆，馬豆及綠色啫喱，有得飲又有得食手撕雞扎肉湯河一樣頗有水準。愛葱的我表示大愛！先喝一口湯，的確很清甜。起碼證明不是味精湯！加上大量蔥加芫茜，湯頭更加惹味河粉則彈牙本身又吸味，吸收了湯精華後，令人欲罷不能扎肉亦擔當了不可多得的角色。「早安越南」的扎肉有別於外面的，口感很爽口彈牙，反而有種清新感。讚！

中午過後，來到黃埔美食坊，大部分食肆都已經出現人龍，只有這間早安越南就不用等，有點猶豫，反正我不太抗拒越南菜，人少一點都好。簡單的點了生牛肉湯河，越式春卷湯河，青木瓜沙律和炸蝦餅。生牛肉湯河是越南街頭食物，據說是越南早期在法國統治下，受法國菜的影響的一種食物，主要是一種有肉、菜和香料的菜式，但材料雖然來來去去都是幾樣，但每家食店在處理每種食材的方式，正正就是味道的高下之分！這裡的牛肉湯底味清甜，加了大量的金不換和各種香料，層次豐富越式春捲湯河，春捲分上，味道不過不失！炸蝦餅，蝦餅壓得平平，炸得香脆酥化，但略嫌乾了點，和泰式的蝦餅有一段距離！青木瓜沙律，清爽怡人、開胃好味！可作前菜或餐後清清口腔之物。越南菜勝在能將簡單的食材，轉化為美味的佳餚！

I've been here for a few times and I really like their food. Reasonably priced food, nice environment, respected food, and patient waiters are what foodies are after. This viet restaurant definitely does their best. I have recommended this to a few friends and they all love it. I ordered a platter, garlic toast, rice roll, diced beef. All are my favourite viet food. All I can say is, I really love this place. No other comments hahahahaha

好少踏足黄埔，今日放工陪朋友過黎黃埔某大商場睇傢私，睇完係附近搵食。成層都係餐廳，我朋友好鐘意食越南野，所以諗都唔諗揀咗早安黄埔，睇見個名特別醒神😅我地兩個揀咗個$348二人餐，有青咖哩蟹，肉骨茶，無骨鳳爪，蒜茸包，加$10要埋個馬拉盞炒通菜。肉骨茶，甜甜地，有好多料👍🏻青咖哩蟹，青咖哩好好味，好想撈白飯食😂不過我地揀唔蒜茸包，蟹又多炸得又香，不過我覺得青咖哩汁勝過蟹🙈蒜茸包，黎到嘩咗聲，好多蒜茸包，比平時餐廳二人餐廳份量多好多😋多蒜而且都係新鮮整起，呢個堅好味無骨鳳爪，呢個我最愛，好入味，又係好多馬拉盞炒通菜，炒得有鑊氣，不過係咸咗少少（不過馬拉盞炒都係貪佢重口味😂）呢個$348二人餐仲包飲品，唔係普通咖啡奶茶，係咸檸七/ 珍多冰個啲，價錢唔係特別平，不過食物好食，而且份量多，我覺得三人食都夠食，三人食二人餐就抵啦👍🏻

今日約左老友食午飯，老友在紅磡上班，她專登帶我來食早安越南，她第一次λ來，燈光太暗，可能想營造浪漫之感，服務員带我坐下，我見menu 已放在枱上，整齊清潔，menu 印得佷簡單，令客人一目了然。我叫左咖喱牛腩湯粉，都好大碗下，價格合理，填滿到我的肚子。牛腩味道一般，偏多油，咖喱湯底偏淡，咖喱味不濃烈了。而青檸梳打酸酸甜甜，幾好飲，好開胃，適合現在炎熱的天氣，簡直係開胃之物。下次，我可以邀請朋友光顧其他時段，試下其他食品先。

傻下傻下，揀錯戲院都唔知，俾曬錢先發現原來要去紅磡嘉禾🤦🏻‍♀️入場之前當然要醫肚啦，環顧四周，我們就選了這家門庭若市的早安越南。即時門外等位的食客也不少，但餐廳安排非常緊湊，很快就可以入座。餐廳格局四正，裝潢別具特色，座位寬敞舒適。餐牌在設計上也花了一番心思。大熱天時，眞的要order一個椰青方可一解暑氣。椰青夠冰凍，椰青水夠清甜不會臭青味；但椰肉略粗糙了一點。餐前小食最適合來一個冷盤了，鳳爪、扎肉是我最愛，味道也不錯；燻蹄爽脆還帶點椒香；牛𦟌略韌了一點。份量適中，當下酒菜也是個不錯的選擇👍🏼食越南菜怎可不吃火車頭湯河！越簡單，才能見真章。湯清但味濃夠曬熱，牛丸爽彈，百葉爽脆，生牛肉片厚薄適中有牛味，牛筋腍滑帶膠質，略嫌牛腩肉「孩」咗少少。黃金蝦食得多，但黃金軟殼蟹就少d啦。可能期望比較高，所以對出品略感失望。主要是蛋黃醬比較少，口感略乾，調味略鹹了一點。但份量不少，軟殼蟹的火候把握不錯，整體還可以。扎肉與凍檬都是我愛的，不得不強調，份量真的很大！到最後還是沒有吃完......乾蒜片好香，但是我不喜歡那堆蔥油。加了魚露拌勻，非常惹味，青瓜絲，甘筍絲，雞絲，口感豐富。炎炎夏日，來一客清爽

係黄埔見呢間餐廳裝飾幾別緻，門口都聞到好香越南湯味，見咁多人排隊，應該都唔會太差。可能係星期六晚去食，兩個人都要等20分鐘左右，都ok啦，起碼有二人枱坐得幾舒服見menu有幾多款式，前菜同小食睇圖都覺得幾吸引，就試左個札肉蒸餃嘅野，其他地方好似唔覺有，食落又幾特別，札肉好香好有肉味，加上個餃皮又好滑，沾佢配嘅越式醬汁，估唔到咁好味。另外亦叫咗碗生牛肉湯濛，睇落好似好細碗，但食完都好飽。湯底味道適中，都幾香，又唔算太咸，而濛粉就無乜特別，係普通透明嗰種濛。食完就只係會覺得無乜特別，純粹係普普通通嘅一碗越式湯粉。價錢方面都算係合理，如果唔洗等位都幾值得再食。

黃埔眾所皆知呢度多野食選擇，咩類型既菜式都應有儘有同朋友今次就選擇左呢間 '早安越南'， 本身對佢都無咩期待，不過見佢裝飾好特別， 竟然行型格路線，食晏同朋友傾下計，呢度都坐得舒服，又唔洗同人迫佢既lunch set 價錢都好合理， 大概60-70左右，包一杯野飲，仲可以選擇特色野飲佢所提供既醬料都好齊野食黎到喇， 雖然lunch 時段都多人，但黎野食既速度都好快手，我嗌左個豬扒湯濛粉， 豬扒熱辣辣，份量正常， 而麵湯底有傳統越南粉麵香香草葉味👍🏻

在黃埔美食坊內有少數食店經常都有長長的人龍取票等位, 早安越南便是其中之一, 其人龍只有毗鄰的茶木台式食店可作比擬，入座後當然會 order 我最喜歡的馬拉盞炒通菜, 另加白飯一碗, 由於通菜非常惹味, 要吃下白飯一碗簡直是小菜一碟, 飲品方面我點了鹹檸可樂, 配合惹味通菜，簡直是最佳食品和飲品組合! 其他同事分別點了茄汁牛腩湯河，越式炒金邊粉，及咖哩牛腩飯等, 飲品大多為珍多冰和三色冰!  大家對食物味道還算満意, 所以我們久不久就來說聲早安!越南!

難得同好朋友都早收，本來大家都約咗一齊在紅磡（就我公司附近）食飯，既然佢比預期時間早左到，我都一收工就即刻行過去會合佢，今次嚟咗我最喜愛的越南餐廳：早安越南 ，食晚飯。同呢位朋友係第一次來，坦白同佢講我都幾欣賞呢間越南餐廳，做越南菜的餐廳好少裝修得咁有主題，連隻碟啲公仔都係跟住個主題，好有特色！食物質素亦不錯，價錢好公道，座位都好舒適，有朋友約我在附近食飯，我都認為早安越南係不錯的選擇。叫咗越式炒飯，分量比想像之中大，炒飯之上，有兩隻又爽又彈牙的蝦肉坐陣，飯的蛋香撲鼻，可是油氣略重，其中嘅雞肉炒過，亦都保持嫩滑，不錯👍兩個人食飯，叫個小食拼盤剛剛好，最鍾意就係小食拼盤之中嘅雞翼，皮脆肉香，上面嘅蒜片更加令佢生色不少，而且仲有蔥粒，咬雞翼嘅時候添份蔥嘅香味，真係唔係幾多個頂得順我呢種重口味的食雞翼形式。食香口嘢配個椰青，係最幸福的！

一直都想試呢間餐廳，今日終於等到好姐妹生日有機會係度同佢慶祝生日食飯好鐘意餐廳的裝潢設計，新派得來又保留了越南茶的文化風味柚子大蝦沙律$73甜酸合宜，帶有微微的辣，很開胃！柚子鮮甜，大蝦爽口，味道不錯👍原隻燒魷魚筒焗飯$113魷魚經過醃製，味道濃郁，魷魚筒係焗飯，菜式略咸豬頸肉米紙卷$73米紙卷係我最受的菜式，加埋香嫩惹味的豬頸肉食，一次過滿足左我兩個喜好，好味！而且份量足夠，兩個人叫三個菜加飲品，岩岩好！下次多d人來食可以再試多幾款