旺記冰室 (建利大廈)

營業中

休息中

星期日行街行到攰攰地，食個下午茶就啱數。下午茶餐有雞髀、脆豬、流心西多士之類之類的邪惡東西～先來奶醬脆豬，話明脆豬，脆是先決條件！個人來說係鐘意多醬，煉奶同埋花生醬都完完全全覆蓋，份量十足。如果喜歡，花生醬可以轉架央。跟住係流心芝士麥包西多士，炸到好吸引！一切開，果然流心！芝士有拉絲，𥚃面的芝士也緩緩地流出，好好味好邪惡！接住黎係旺記烘麥包三文治四重奏。有咸牛肉+鷄蛋+花生醬+生菜。厚厚的一份三文治，蛋不會太老，要mark到個口好大先食到一啖飲品加錢配雪糕紅豆冰，咁就非常滿足是也～搵日再試下佢地出名既炒滑蛋先～p.s.佢地係全用日本蛋的！

落單混亂，我地當天第一枱入座，叫了兩個叉燒滑蛋飯。大概等了十分鐘，鋪面開始多人，但我們的飯仍未做好，當初心想可能製作需時，便繼續等候。再過一會兒，其他客人都已經陸續上菜，但我們的仍未做好。於是我們便第一次追單，店員說會跟進。過了大概40分鐘，甚至其他和我們叫了一樣東西的客人都已經開始吃，但我們的還未有，他們還要繼續為其他人上菜。於是我們再次追單，他們才說因爲所有單都亂了。但我們第一枱入座，怎樣也應該先做給我們吧？極差劣的體驗。

過左lunch time...唔使等位..食個tea...叫左兩個餐..午餐肉蕃茄通..d午餐肉有煎過..認真製作..蕃茄味濃👍個麥包多士都同平時食既唔同..用左麥包感覺唔同d..值得一讚係個4.6牛乳炒蛋..比3.6還要滑..好味道👍另外果份紅豆麥包西多士都好特別.d紅豆夠淋..配埋西多士..係甜品既推介👍雖然甜左少少..但鐘意食紅豆既人就唔可以錯過..用麥包皮黎整西多士..好似仲比普通西多健康一點😂

上次試了早餐，有點失望。今次試試午餐，看看味道如何。星期六的中午來，剛好有最後二人位。叫了一份番茄午餐肉通粉，滑蛋，多士轉奶油多，熱奶茶。令一份是每天不同的飯類，鮮茄紅酒會牛脷飯，凍奶茶。通粉先上，湯底沒有勝香園的濃和杰，但感覺清新，而且午餐肉粒是有煎過的。奶油多很香脆，炒蛋質素正常。接着是牛脷飯，它的賣相更似是西餐廳的擺盤，牛脷每片都很大，也不像是其他茶餐廳一早和醬汁混和了一起，還有些蔬菜伴碟。毛利有口感，不沾醬汁味道也很不錯。下次或者會試每天都有的滑蛋飯。

灣仔的冰室/茶餐廳似乎特別多，老牌子新開的百花齊放，食客如我倒也樂得每一家都嘗嘗，恨不得把每一家招牌菜都吃遍。吃多也嘴刁了，其中滑蛋菜式是我的最愛，也是我在衆多茶餐廳菜式中最有要求的。同事介紹這家新開在灣仔沒多久的旺記冰室。聽説超受歡迎午市排隊得很誇張，我們一衆4人特地已經提早出去，來到的時候12：45 門口大排長龍，排了大約20分鐘終於進去了。大概是午市實在太滿座，這裏用餐時間有限時30分鐘，因此我們以閃電速度點了這裡馳名的滑蛋蝦仁飯，同事則點了她的最愛番茄湯底通粉加豬仔包。滑蛋入口滑嫰、保持著應有的水準；蝦仁爽口彈牙，配合青蔥，口感清新。最值得一讚的是那個醬汁，有點像甜醬油（好像也有一點蠔油），更加襯托出蝦仁鮮味，非常有意思！試了一下同事最愛的番茄通粉（其實她是想改米粉的，如果想轉可以跟店員說）。番茄湯底酸度適中，夏天吃這個倒也挺fresh!午餐來講，旺記是茶餐廳之中不錯的選擇，價錢適中、味道也非常好

旺記冰室係一間永遠都要等嘅餐廳，可見佢係幾好食每次lunch都會叫個蕃茄米粉跟豬仔包。如果你都係蕃茄控一定要食，佢唔會好酸，個蕃茄味好出！配麵其實最好食但肥，所以揀粉粉就冇事啦。另外，豬仔包跟餐加5蚊就有，好脆口同唔太甜！仲有勁多牛油好邪惡同事最中意佢嘅滑蛋叉燒飯，大大碟好抵食。蛋又好滑叉燒半肥瘦好正！佢嘅奶茶幾好飲，有茶味又唔會蓋到奶味，實在難得！有時我會叫茶走，佢都沖得幾好唔會好甜要留意佢係冇晚市嘅，想食要睇翻。

上一次來旺記，門口大排長龍，結果外賣了薑汁奶茶。有不少留言大讚薑汁奶茶，但我就覺得怪怪的，薑汁同奶也不能完全混合，變成一點點的浮游。今次來吃早餐，點了比較少人提及的四料三文治。材料似是中環裕記的翻版。由於一直沒有機會吃裕記，所以這次很期待。餐飲都係穩穩陣陣，點了熱奶茶。奶茶先上，很香滑！等了十分鐘，三文治到了。麥包看上去沒有牛油金黃的烘色，好像很乾身，一摸之下，原來只是輕輕烘過。材料味道是不錯的，可惜比較濕，麵包㡳都濕了⋯⋯只可說是緊緊合格。看見隔離枱食的通粉和炒蛋都很吸引，下次還是點比較受歡迎的主流食品- 4.3牛奶炒滑蛋。

有朋友想開飲食店要我給意見惟有陪她到處食說到做到唯有灣仔是我 熟悉的地方謝斐道的旺記便宜冰室相宜而不低檔生意興隆其實只售幾樣茶餐真正專業一個炒蛋飯：甜豉油、甜叉燒、三四只中蝦仁；連白飯都好吃😋知易行難看看簡單要去做不簡單而且僅僅夠不會太飽太多就不好吃了貴貴地一凍飲地道的忌廉+鮮奶維記奶自己溝愈表演愈覺自己是食家特別在灣仔溝鮮奶的色調情緒都極灣仔朋友問到底如何做茶餐廳成功率如何？我只管坦然現在租金貴人工有至低工資能站得住腳的如柯士甸道阿芳雲吞因業主收樓不租4 月已悄悄告別做到出色價錢合理也許要一命二運才成旺記是一很強的成功經驗5:45pm員工可以收工天天收六點即是夠生意不用擔心這是做到客人喜愛貨如輪轉典型的中國人茶餐廳-茶壺文化/😌摸杯底 可傾偈！國焠文明。是行內做到頭頭是道的榜樣⋯⋯

I love this cafe, it was recommended by some expats who eat local food.It has some dishes that are similar to other places such as the peanut butter egg sandwich but it needed more peanut butter.The tomato broth with pasta was as good as this famous joint in Central but the if they used instant noodles it would have been the same.I loved the cubes of luncheon ham because they were big and chunky.

成間餐廳個menu好簡單，不過貴精不貴多，好食既賣幾樣都好夠啦！今次試左午餐6，忌廉雞湯鮑魚火腿絲通粉，配炒蛋麥包多士！簡單一個餐，但真心唔hea底，終於食到有忌廉雞湯味既湯底，而唔係得層油，係真係有忌廉雞湯既香味，鮑魚絲火腿絲亦唔係Hea hea的幼絲幾條，而係粗粗既一堆😌炒蛋滑得黎又濃蛋味，再加上唔係普通既白麵包蛋士，用左厚身麥包做多士！成件事即刻又唔同晒，最愛麥包既紮實口感，好好食！餐飲仲可以揀返杯柚子蜜添呀！不得了😍😍😍😍

星期六要返工真是令人頹，所以一放工即刻去尋找我的comfort food。我的comfort food 除了雲吞麵就是茶餐廳。今天選了後者，因為中午一杯救命茶對我相當重要。靈機一閃突然間記起灣仔有一間茶餐廳叫做「旺記茶室」有棉花一樣的炒蛋，於是要抱住去排隊的心態去試試。今日真係好好彩，零人龍可以直入。茶餐廳面積好細，坐得有啲迫夾，每人限是用餐30分鐘。我個人覺得冇問題因為食完就走冇必要喺度Hea咁耐，又阻住人哋做生意。餐廳只有早餐、午餐和茶餐。於是我點了一個午餐，有番茄湯午餐肉通粉， 3.6牛乳炒蛋和香麥厚多士。茶餐廳最犀利係乜，梗係效率夠快啦，我個炒蛋唔使3分鐘即到。炒蛋份量大約有一個拳頭大，睇落炒得多好夠滑。我將炒蛋切開一半見到時半凝固的狀態，再將它放在搽滿牛油的厚多士上，濃郁、滑溜的炒蛋和香脆的多士結合，就是最好味又令人滿足的貼地美食。吃到一半「番茄湯午餐肉通粉」亦送到我面前，番茄湯的顏色紅噹噹10分鮮艷，而且質感濃稠，相信加左唔少茄膏烹煮而成，但湯底唔覺有加入新鮮蕃茄，幸好味道還算香濃，沒有太人工化的蕃茄味道，午餐肉大大粒亦唔算好肥，連我這個挑食、怕肥的人亦接受到，但嫌通粉略欠

平時一至五要喺灣仔搵個位食飯都難。呢間茶餐廳成日都見好多人，今日難得星期六都要嚟灣仔搞啲嘢，但又想食嗰快飯，所以就嚟咗呢度食。 一開頭以為佢係華星冰室啲friend，但原來食嗰啲嘢又唔係話真係好似喎。 有滑蛋叉燒飯，豬潤通粉等等嘅選擇。我自己叫咗個豬潤通粉，將多士轉咗做奶油脆豬，再佩咸檸七。 呢個配搭真係冇得輸！食完到飽到行唔郁。個人覺得佢豬潤仲好食過深水埗維記。 雖然上碟嗰陣見到佢紅紅紫紫咁以為佢未熟，但食落真係好滑咬落又好粉，完全做到豬潤嘅最高境界 薑汁配雞湯亦都好夾呢個奶油脆豬加5蚊絕對加得過！勁好食！！！本身就咁一個奶油脆豬餐都要賣30蚊！唔只個包好脆，好香！熱辣辣咁上碟，上面嘅牛油亦都揸得好均勻！煉奶嘅份量啱啱好，唔會太多太少 完全係之後會令人掛住嘅食物 蛋亦都炒得好滑，雖然味道唔係3.6牛乳嗰種，但係都好香。朋友叫嘅呢個午餐肉蕃茄通粉亦都好濃味！最鍾意就係個湯唔會好“希”。 完全feel到個蕃茄湯好多番茄！果然係真材實料！ 午餐肉有煎左先至落，切粒令到個肉更加有咬口個朋友試咗個特式薑汁奶茶，薑味超級濃！個人覺得幾好飲，不過就真係要睇下你鍾唔鍾意薑嘅嘢啦。埋單每位六十蚊都唔使

阿媽教落睇人龍就知道嗰間食店好唔好味， 我和朋友剛剛在灣仔買完電腦， 正正是中午時分要醫肚 的 時候， 遠遠見到謝斐道有一大群人 龍， 當然越過去了解下情況啦原來呢間係叫做旺記冰室食 ，已經係攞到第10 籌， 等咗 十幾分鐘 好快就有位雖然爆棚， 餐牌非常簡潔只有七款午餐當然一定要試下呢個日本滑蛋叉燒蝦仁雙拼飯啦 最怕啲人滑蛋炒到死實實， 滑蛋炒得滑溜溜加上蔥花 ，雞蛋炒到半熟有蛋漿 流出， 蛋味香濃 大大隻蝦仁絕不欺場， 加上半肥瘦嘅叉燒 淋上 秘製甜豉油， 撈飯食一流， 加五蚊 可升級大杯裝凍飲我朋友選擇咗特濃蕃茄湯午餐肉通粉 配以先牛油麥包多士4.3牛奶炒日本滑蛋 蕃茄湯底非常濃郁 酸酸甜甜 非常美味， 大大粒嘅午餐肉粒， 午餐肉 粒煎得非常香口，牛奶炒滑蛋 炒得嫩滑非常 咁樣就享受咗一頓又快捷又美味又有營養嘅午餐呀埋單都唔使一百二十蚊 超抵

今日跟同事到會展參觀展覽會，因要避開人潮，我地到兩點才敢出去塭食！灣仔最多就係茶記，要選一家比較好的，除看門面外是否光猛外，還看看多不多人食，最後見到呢間旺記，雖然已經過了午飯時間，但餐廳裡還是坐無虛席，仲有人在等位的，有信心一試了！😌💃🏻👍🏻等了5分鐘入座，餐牌非常簡單清晰，午餐就只有六至七個選擇，看到這裡出名的是日本炒滑蛋！我們當然就叫了名菜🇯🇵🥚🍤🥓🍳🍚「日本滑蛋雙併飯（叉燒＆蝦仁）」！呢個一上枱，賣相已經勁靚，睇得出滑蛋很嫰滑，蝦仁大大隻🦐🦐，很新鮮樣子！食落去果然爽口有蝦味，叉燒唔係隔夜死實實的那種，滑蛋很嫰滑🥚🍳，加上秘製豉油及䓤花，果然係絕配！好味！🤤🤤😋😋我唔冼10分鐘就清個成碟了！👍🏻👍🏻😌😌跟住配上茶記好少有的咸檸七，都係跟餐加$4，大大杯，絕對係超值！😋😌🍹🍹跟住友人叫了茄湯午餐肉出前一丁餐🍜，包括牛油麥包配炒滑蛋，熱柚子蜜！她説茄湯非常濃郁，看得出係新鮮蕃茄做的，午餐肉大大粒，外皮酥脆！炒滑蛋一樣係日本蛋，夠香滑。😌😋我倆很滿足地離開呢間茶記，估唔到茶記都可以食到有質素嘅炒滑蛋！呢個應該就係長期排長龍嘅原因！👍🏻👍🏻😌😌

雖然我好港女，但有時都會陪男友食茶記冰室ge今日佢帶我食呢間旺記冰室，位於灣仔都幾易去午餐都幾多野食 我選了午5係特濃蕃茄湯配午餐肉粒通粉加4蚊配了薑汁奶茶仲跟多士同炒蛋個湯底真係極濃好香的蕃茄味帶有少少酸，食得出係真蕃茄湯底咁正，真係逼我飲曬佢通粉唔會話太硬太霖午餐肉大大粒幾香配埋真係一流仲有個薑汁奶茶，茶好香，奶好滑薑汁唔會話太辣反而有陣陣的香味成個奶茶好香好特別，我自己就好鍾意喇呢餐唔算貴，好味的野食配飲品真心大滿足我估我之後都會試吓唔同ge冰室！