昌哥粵菜館

營業中

休息中

🥰 話說早前去 “香港大學同學會” 食飯, 発現味道唔同咗, 原來大廚已經離開, 並自立門戶 “昌哥”. 昌哥曾任 “陸羽茶室” 主廚, 略具名氣, 今晚相約老友 “長介”, “村井”, “一清” 江湖飯局, 決戰 “昌哥”.🥢 餐廳走老飯店格局, 其實就係 “香港大學同學會” 咁嘅樣, 圓枱白枱布, 用餐當晚全院滿座, 我哋提早以訊息預訂菜式.雞子戈渣鳳尾蝦多士菜膽杏汁白肺湯燒雲腿鴿片古法鹽焗雞鴛鴦腸煎釀鯪魚蛋白杏仁露😱 雞子戈渣, $180. 服務員推介嘅, 口感煙靭, 本身冇乜味, 要加糖. 🦐 鳳尾蝦多士, $128. 今時今日競爭激烈, 呢個蝦多士做到基本要求, 但冇驚喜.🤗 菜膽杏汁白肺湯, $180. 材料十足, 夠唒熱喎, 杏汁味道非常平衡, 我鍾意!🕊️ 燒雲腿鴿片, $350. 其他地方食唔到嘅菜式, 鴿肉偏甜, 用嚟平衡雲腿嘅鹹味.🐥 古法鹽焗雞, $480. 皮脆肉嫩, 超水準了.🐟 鴛鴦腸煎釀鯪魚, $180. 手功菜式, 我第一次食. 部份鯪魚皮硬咗少少, 但整體出色, 人多值得一試.🍯 蛋白杏仁露, $38. “村井” 話太 “渴”, 我又覺得冇問題喎. 🤗

籃神長輩退役多年，竟然與相差半世紀嘅XO仔一見如故，好玩愛食，麻雀馬仔就連波波都答得上，話題不盡！得悉上月家中只剩大小雙肥天天獨對，即相約晚聚開P，介紹佢覺得2024年最有水準嘅新餐廳「昌哥粵菜館」！以「昌哥」起名都估到佢來頭唔野少！原來主廚兼老闆昌哥先喺名中菜館（別號「三個女人」）後喺某大學同學會作廚，廚功絕對唔講得笑，唔怪得知餐牌上好多菜式都似曾相識啦！年初開幕嘅中菜廳位於老蘭對落一幢商廈二樓，樓底較矮，滿座時難免會有啲嘈雜。店子面積雖小，但勝在五臟俱全，大堂有電視睇，另有一間可容納上十四人嘅私人廂房。房間私隱度高，晚市最低消費設於合理嘅HK$5,000，服務生好客落力，必需一提嘅就係開瓶費為$50/樽，堅抵玩！主人家早已訂下九大簋菜單，盛設得很！皮蛋子薑（$170/例）：如相所示，打響頭炮嘅皮蛋件件光滑流心，子薑食落仲要係零渣，超！鳳尾蝦多士（$128/半打）：懷舊粵菜酥化香脆兼彈牙，每件多士上都有隻連蝦尾嘅蝦蝦，蝦多士咬落熱辣之餘仲一啲都唔油膩，香口尤甚，送酒一流！腿茸鷓鴣羹（$220/四位）：鷓鴣羹質感軟綿細嫩，鮮香甜美，柔潤不溜滯，一人飲兩碗絕對冇難度！陳皮蒸牛肉餅（$16

聽過昌哥粵菜館的名，地點位置中環，位置方便，在一棟舊大廈的二樓，私房菜的感覺餐廳內裝修光猛新淨，位置寬敞，枱枱之間有空間，唔會有好逼夾嘅感覺腿茸鷓鴣羹比較少有的湯羹，裡面有很多鷓鴣肉，口感豐富棉密，但連脂肪都打入去，有點油膩感覺，但味道好鳳尾蝦多士熱辣辣的多士，但真心普通，不值呢個價錢菠蘿咕嚕骨 較甜的一道咕嚕骨，但勝在夠脆，但色素較多皮蛋咸蛋蒸水蛋三色蛋，蒸水蛋夠滑，但沒有蛋香，只有豉油味琵琶豆腐扒生菜 琵琶豆腐是鯪魚肉釀豆腐，幾特別的一道菜椒鹽炒鮮魷好差的炒鮮魷，魷魚肉少，但脆皮太厚八寶鴨有特色的手工菜，但肉已經炆到比較腍，裡面很豐富

🔹️開心聚餐選來中環 “昌哥粤菜館” 午饍🥢 菜館地方不大,食物有水準🤗 服務稱心👨‍💼👩🏻‍💼🔸️八寶冬瓜盅🧶很喜歡這個八寶冬瓜盅, 材料豐富、份量滿滿, 味道甘甜滋味(需預訂)🔸️蝦子柚皮🧆以鹹香蝦子和甘甜柚皮, 味道濃郁入味, 質感海綿般似的😊🔸️鳳尾蝦多士🦐鮮蝦彈牙爽口, 味道酥脆鮮甜不油膩👍🔸️盬焗雞🐔肉質鮮嫩幼滑, 味道鹹香鮮甜🤤🔸️菜遠生魚片🐟生魚片鮮嫩、爽口彈牙, 菜心鮮嫩爽脆😋🔸️黑醋蜜棧一字骨🐖味道酸酸甜甜啖啖肉,十分開胃👍🔸️蝦醬啫啫唐生菜鮮魷煲🦑🥬生菜爽嫩, 鮮魷彈牙入味, 鹹香撲鼻🤗🔸️甜品🥣點了招牌蛋白杏仁露和生磨合桃露, 質感綿滑、味道濃郁香甜, 十分滋潤💞

Heard great things about Cheong Gor and was excited to try. 皮蛋子薑鳳尾蝦多士. 菜瞻杏汁白肺湯 hearty and perfect for the weather. Didn’t take photo though.椒鹽炒鮮魷 Fresh and loved the salt and peppery flavour. 古法鹽焗雞 Highlight of the meal. Crispy skin and very succulent meat. A must order. 菠蘿咕嚕肉 Nicely done. 老少平安 Professional Athlete requested it. Very homey dish.雜菜煲蝦子柚皮蛋白杏仁露Overall a nice restaurant for some easy home cooked dishes at reasonable price point that one would revisit.

好果想食好食嘅傳統粵菜，呢間粵菜餐館唔會令你失望。預訂咗個杏汁白肺湯，杏汁的香味配上豬肺，一邊飲一邊就覺得好滋潤，豬肺夠晒淋，而且又非常入味。另外仲預訂咗鹽焗雞，又係一絕，隻雞夠晒嫩滑，非常入味，感覺上連D骨都有鹽焗嘅味道，火喉控制得十分好，連平時唔食雞皮的我都忍唔住食咗幾塊，真係好掂。第三個預訂嘅菜式就係家鄉釀鯪魚，都算係功夫菜，鯪魚先起肉，然後攪碎佢，再釀返入個鯪魚身入面，為嘅就係可以啖啖肉咁食。話雖如此，我個人仍建議食嘅時候都要小心D，因為都有機會有D碎骨嘅。最後一個餸無預訂嘅，就係柚皮菜芯，印象中衣家唔係好多地方可以食到柚皮，呢度嘅柚皮又真係炆得幾好，扣返個汁，味道特別好。

我成日覺得山珍海錯整得好食係理所當然，因為材料本身往往已經贏在起跑線，而且一般嚟講靚嘅材料都唔會交畀啲廚藝普普通通嘅廚師處理，所以我自己認為越簡單嘅菜式就越能夠顯出師傅嘅功架，就好似呢一間粵菜館咁樣。叫咗四個好普通嘅餸，四個都非常出色。椒鹽鮮魷：魷魚新鮮肉質彈牙，炸粉漿厚薄適中，椒鹽份量啱啱好。子薑菠蘿咕嚕肉：肉質新鮮，食落去覺得師傅似乎用傳統嘅山楂去做個汁，所以個酸甜味係令人有一種好舒服嘅感覺，d子薑令到碟咕嚕肉生色不少。涼瓜炒蛋：呢個最有驚喜，好少食到涼瓜炒蛋可以有咁滑嘅蛋。南乳粗齋煲一啲都唔粗，南乳味比較溫和，當然入面嘅材料都好新鮮啦。

呢間中菜餐館的大廚功夫了得，煮出美味的舊式粵菜，實在難得。佢嘅八寶鴨非常精彩，味道掌握得非常好，我好怕太甜嘅八寶鴨。佢炆燉嘅功夫都非常高，因為八寶鴨入面讓咗嘅材料如果唔夠火候就會太硬，始終包咗喺起咗肉嘅鴨皮入面係男掌呃啲，但係呢度嘅師傅就做得好好，提提大家呢個餸係要預訂嘅。第二精彩一定係呢個咕嚕肉，好耐冇食，真係用山楂汁做嘅咕嚕肉汁。 涼瓜炒蛋呢啲咁簡單嘅餸都做得好好食，涼瓜爽脆，炒蛋又夠嫩滑，而且蛋味好香。呢碟甜梅菜蒸菜心又係好出色，梅菜嘅味道雖然重，但係又冇搶走菜心嘅鮮味，又係掌握得好好。椒鹽鮮魷冇得彈，炸嘢冇乜油真心佩服，炸粉唔會太厚，啱啱包住魷魚，魷魚新鮮彈牙。呢個莧菜又係好好食，好嫩好新鮮。

古法鹽焗雞一隻，雞皮焗到好香，雞肉做到恰到好處夠嫩滑，師傅控制火候控制得非常好。煎釀鯪魚呢啲功夫菜唔係周圍食得到，佢嘅鯪魚皮好薄，所以養返啲鯪魚肉入去再榨取佢真係考功夫嘅，呢條魚鮮味非常。西洋菜生魚湯真係真材神料，睇吓碟湯渣就知道，個湯先甜美味，最勁係竟然可以冇乜油。豉油王蝦碌加煎米粉底果汁做得非常好，啲客嘅size揀得幾好，如果再大隻啲啲肉會偏鞋，如果細隻啲就嘥晒啲汁，可惜個粘米粉厚咗少少所以唔夠脆。薑蔥蠔煲雖然啲蠔就細隻咗啲，不過做到好鮮嫩好Juicy，啲薑同埋蔥超好食。

朋友推介這家專門做懷舊粵菜的小型中菜館，由味道、食物質素，以致服務和裝修都不錯，值得推薦。當中最有驚喜就是咕嚕肉，真的很久沒有吃到用山楂做醬汁的咕嚕肉，感覺很好，因為用山楂去做汁就不會有用醋或者其他替代品的焯喉嚨的酸。涼瓜牛肉和啫啫生菜煲味道也不錯，沒有味精，涼瓜、牛肉和生菜的食物質素也很好，很多時候簡單的菜式更能看到一家餐廳的誠意。另外我也很喜歡他們的南乳粗齋煲，南乳味剛剛好，不會因為太濃而滲出一陣酒味。甜品方面我們一齊選了蛋白杏仁茶，這個真的做得非常出色，杏仁夠香，而且最重要是沒有化學物質的味道，真正真材實料。

好好食的粵菜琴晚一家8口去左昌哥度食晚餐，叫了6餸1湯再加炒飯同甜品，其中最精彩既就係炸乳鴿、酥炸生蠔，仲有蝦多士。蝦多士真係好鬆脆，一啲都唔油膩，大人細路都好鍾意，下次去一定要再食！

🥂餐前小食🍻🐟鹹魚茸煎肉餅🐷表面冇油膩 十分乾身鹹魚同豬肉嘅味做得好平衡🐷蝦醬 骨🍖蝦醬味剛剛好排骨香脆唔油膩🎊正餐 🎊🦐蝦多士🍞 ，🦑椒鹽鮮魷🫑🌶～蝦多士 啲蝦 好鮮外層 十分鬆脆～鮮魷 肉質嫩滑炸漿 好出色 鬆脆唔硬🥒蘆筍炒帶子 火喉剛剛好食得出蘆筍新鮮嘅味道😍十分欣賞 食材處理 好仔細蘆筍硬嘅部分 完全去除🐷🍖雲腿蝦球🦐雲腿 處理過後依然保留 淡淡的 鹹香又薄又脆嘅 雲腿 加埋草菇蝦球一齊食口感同味道好豐富🥒秋葵炒蛋🍳上台即食 蛋香 嫩滑秋葵保留到 脆口 口感(餐牌冇 但店員推介秋葵新鮮 所以試下🤭)🍄雜菌炒粟米芯🌽無多餘嘅調味吃得出 食材嘅新鮮跟住到 全晚最期待嘅一味功夫菜🐔國色天香雞🦐👴真係一味老少咸宜嘅菜式👵👶因為 已經去除所有 雞骨 蝦殼可以好暢快大大啖咁食 味道清清嘅佢加上一小 塊 蟹黃味道又會去到 另外一個層次🤤(不過建議 依度菜最好放 最前食之前 飲啖 香片/水仙 味道可能 更美滿🤭)🐷黑醋蜜餞一字骨🍖酸甜味不太酸 不太甜 好平衡好入味 肉質鬆 嫩🦆八寶鴨🌰🍄鴨肉 軟熟 餡料十足 味道濃鬱

在中環返工，試新餐廳。－肚氣所以沒有影菜式。商務餐兩餸不包白飯，菜式非常普遍，多菜少肉。份量不合理地少，每一個餸份量比前菜還少。以一個中環女OL應該要order兩個餐才夠飽。味道非常一般，魚有腥味。職員一直趕客，坐多一會就叫你加餸。未食完就收碟。食完坐一陣再返公司又催你加甜品。勸大家不用試，浪費金錢。其實午市，主要做公司生意，份量吾多，味道又吾出色，服務又差，性價比低。就算公司約客人商務午餐也非常失禮。食了45分鐘走人。

食物（主菜和甜品） 6.5/10 ，合格但不是impressive。環境，6.5/10。 服務，0/10。 全晚服務本來合格冇問題。但埋單就出錯，單上冇茶錢，但卻有一項開瓶費$450，我哋都冇開瓶。之後把開瓶費改返茶錢$108。 收多成三百幾，好彩有睇單。埋單之後，朋友突然醒起去旅行買了一盒朱古力請大家食，每人都係食一粒。個疑似部長/經理嘅人就行埋黎同我哋講唔食得外面的食物。真係小家到呢。我哋甜品都差唔多$400 ，亦已埋咗單，食多一粒自攜朱古力唔會影響你食店收入，又冇要任何餐具，消費$2800 食一粒手信朱古力都唔得？ 就係因為呢啲唔人性化服務態度，香港人咪北上消費囉。服務員本身都唔係特別殷勤，做返本份都ok 啦，但個疑似部長/經理就真係唔鬆化。不會再去。

昌哥粵菜館在2024 年一月初開張。與他們的經理及厨師認識多年。現在原班人馬大展鴻圖，所以昨晚去支持一下。與家人慶生及團年。去到時，埸內早已食客高朋滿座十分熱鬧。我預訂了一間房及菜單。價格合情合理。特別他們的招牌菜：雲腿鵲鴣羮，燒雲腿鴿片，玫瑰豉油雞，及合桃露。還有好多出色的。不能在些盡提及。上菜有條理，服務又好。食物不失水準。每碟菜都合口味，食得開心。－定再去捧場。－間地方細細的食肆，但能夠坐得舒服，態度又好，菜色又最適合小型派對。值得推薦的食肆。不會令人失望。