明星海鮮燒鵝專門店

營業中

休息中

今日去飲早茶，點知啲侍應原來無換枱布，搞到我成件衫同褲都係污漬，叫經理出嚟林住叫佢嗌啲人留意番，佢仲屈我話係食叉燒包啲汁，我都無食過叉燒包。都算，食食下有一大堆街外人係我地張大枱等位，明明出面大堂係有得禁飛等位，原來個啲係熟客，一有枱就可以坐唔洗禁飛，真係對出面遵守規則等位既人好唔公平咯

#荷葉臘味飯 ⭐️⭐️⭐️#燒汁釀茄子 ⭐️⭐️⭐️#炸薯蝦 ⭐️⭐️#馬拉糕 ⭐️⭐️#蝦餃 ⭐️⭐️位於市中心區既酒樓一般都要等好耐， 係呢間唔需要等太耐，所以方便來講都會去呢間飲下茶，食物唔會話好好味，不過優點就係唔係好需要等啦。⭕️燒茄子有驚喜，都幾好味，燒得幾香⭕️唔算等好耐位地方夠大，有2邊所以入得都好快下❌食物普通，但茶來講還可以既，飲茶來講有人覺得茶係比重要既。總括來說，如果唔想等位又想飲下茶可以選擇呢間既。

周末如常陪伴家人來此飲茶見有個超值午市套餐就點來試試心想酒樓以燒鵝專門店做名字作賣點應該所有燒鵝都有一定水準吧好可惜的是.首先是侍應又漏單漏單情況試過好多次所以我們亦等了很久然後「例牌」的份量蠻少的重點是....超級肥膩沒有太多肉,一口油似的真的人值這值錢下次不會再叫這個套餐了

以街坊商場而言去明星飲茶都算中價位偏高但陪家人飲茶係孝順仔女必做的事飲得貴點都無辦法見到有個鮑之選點菜紙呢個價錢當然唔會諗住真係食到大隻鮑魚紙上都寫著圖片只供參考不過鮑魚炆飯來到時真心笑了從未見過細到如此可愛的鮑魚而且鮑魚份量算好多，哈炆飯都幾好食好似食福建炒飯的味道但加了點鮑魚汁另外亦都叫了鮑魚粥粥內鮑魚size都算正常始終價錢咁平唔好有特別期望粥底夠甜又滑下次亦會再叫來吃

風暴過後，來個下午茶吧！下午茶時段前來等位，約10分鐘就有得入座。一張枱搭四批客人，幸好張枱夠大，不會太迫。今天貪心一點，點了四個點心，分別是叉燒瀨粉、特色蝦腸、蟹籽燒賣皇及綠豆沙。叉燒瀨粉，酒樓燒味有一定水準，叉燒肉質鮮嫰，配搭瀨粉，非常好吃！特色蝦腸，賣相精緻，每顆內裡都有蝦，吃起來很滿足。蟹籽燒賣皇，對我來說是必吃的。這裡的燒賣除了豬肉外，內裡還有冬菇，吃起來不會膩，誠意推介！綠豆沙，下午茶只需$10，是抵食之選！作為甜品，這個豆比較多一點，所以比較竭 (音︰傑) 身，很飽肚。下午茶還有很多甜品，另有$26抵食孖寶倘若人多的話，會有更多更多的選擇喔！

明星也是第一次來，估唔到幾多選擇，食物有水準，服務也好！！茶壼上面有茶名的，好好呀！！燒排骨，凍食，份量不少，肉不肉，但幾香同惹味。叉燒瀨粉，叉燒幾淋的，肥瘦適中，份量也正常，瀨粉ok煎蝦米腸粉，煎到金黃香脆，好味道，有d蝦米同葱花。鮮竹卷，係鮮腐竹做的，熱辣辣，腐竹好好味，好鮮甜，入面d料都好好味的，好清新。煎釀尖椒，有四件，好香呀，尖椒少少辣，好惹味！煎苦瓜蓮藕餅，好多料，好多苦瓜，淡淡都係。好味道！！粟米蝦球，好多粟米，蝦球幾爽，粟米好鮮甜薑汁糕四大件，好熱，薑味夠的，夠軟身！！大良燉鮮奶，夠熱，也夠滑，奶味夠，好味同感覺滋潤！！

愈食愈入，話說今日探親，要同姨媽姑姐食個飯,長輩都係鐘意中式比較多。一行4、5人到就新明星海鮮酒家落腳。可能係周日關係，family多。場地光猛闊落，幾舒服既，最fit就係我座位薄對住電視，可以睇下。姨媽姑姐發板叫餸，我見到menu都幾吸引，有d仲係組合咁叫，相當經濟。首先要比好高分呢條大沙巴龍躉。成2斤咁大，心諗呀，魚太大條又唔係幾好肉質。但意外驚喜，火喉岩岩好，肉質岩岩好可以離骨，仲有鮮甜完，完全唔會腥👍👍沙疆雞就真係好耐冇食喇，因為要整到入味而肉唔鞋，真係好少有。呢到沙疆雞味道尚好，唯獨我真係好怕雞唔熟。夾開，仲見到好多血水呢....蒸多一兩分鐘就完美喇。好出色既片皮鴨，仲有d熱架，好香脆，而且片得每塊好均稱夾迷d青瓜點醬食真係可以食好多塊。蠔餅就不建議，炸粉用太多，只有粉，蠔肉相對較少，而且有腥味。至於龍蝦伊麵就相當划算，滿滿既汁，有份量既面，搭配一個大大龍蝦，真係相當興奮，食到lam lam脷。去到最後，叫左個糯米飯點綴下，真係好有誠意既糯米飯，雖然食得出唔係原籠蒸，但料好足，好香口，天氣凍少少食一流。至緊要長輩開心，下次再黎過。

有幾年時間無食片皮鴨了,路過明星酒家,88 蚊一隻,好底食,又好想食坐底點左三個餸,片皮鴨,清蒸成班又係88一條,重有加40蚊就有個鴨件炆苦瓜未食己經好吸引,加上青瓜條伴食條魚非常滑,加京葱絲好鮮鴨件炆苦瓜就太小苦瓜了飯後甜品紅豆沙和糕點經濟又好味

星期六同屋企人飲茶，諗住好好地食個早餐，點知食個排骨飯，不不下，有粒黑色野，原來有隻小強喺入面，好彩無大大啖食姐，救命，好嘔心，同個待應講，佢話:取消囉! 就行左去，之後又要叫第二個待應，佢先攞走兼取消，之後，就諗住入單叫返其他野食，點知等左成粒鐘，乜都無得食!!!!!問個待應，原來乜單都無落過，叫個經理黎，佢就話，而家落過，我已唔想食，埋單走人!!!又要你食小強排骨食，之後又唔比野你食!!!!太過分了!!!

明星燒鵝專門店，酒楼環境不錯，够光亮，點心不錯，晚飯不錯，尤其是白灼蝦，蒸魚，沙雞價錢便宜，斤量十足，服務也不錯。但可惜我去了多次都是關閉大電視，而令到整間酒楼失色不少，原因是坐在電視旁的食客要求關机，我曾問該酒楼經理可否開電視，他没有說話就走開，只可投訴一要關閉電視，但不可以投訴開電視，處理不公，我奇怪酒楼用了咁多錢去安裝一部對正門口近200吋大電視不用，却用來做佈景板，簡直浪費，亦失去酒楼當初安裝這部大電視原意，酒楼閂机決定，令酒楼失去了吸引，同時亦剝掉了顅客享受，這是本人對此建議，因這部大電視在屯門碼頭附近屋邨經己傳遍，特來觀看，如此浪費實在可惜……

話說屯門明星酒家就一定諗起市中心柏麗個邊，極少去的，可能佢開左太多年，負評多多。而蝴蝶邨呢間新開，第一次食。因為係家姐老爺個邊吹雞兩家人食飯。一行10大3小，佢地應該係叫左套餐，好似去飲咁一味味餸送上。 呢個燒味併盤不過不失，酒樓要有既水準 第二道是脆肉瓜由魚，略硬了點個瓜，再煮軟一點就好了，不過只有歲半的囡囡都食到既。 呢樣就正到爆！即炸！色水好靚，外面脆脆的薄薄一層，唔會搶左蝦既味道。 呢碗就咸左點，清淡點會加分！但都好足料的！呢條魚就蒸得唔錯，魚質鮮甜呢個我冇食，因為睇落去太咸唔想食，佢地就話一般呢個冬菇鮑魚就好味喇！汁不太濃岩哂我同兩粒b. 呢個荷葉飯真係要推介！真心好好食，其實已經好飽但我都食左兩碗！做咩要到最尾先整出來喎小食糕點，千層薑汁，即蒸，熱騰騰的！正忘了這個，冇食。因為太飽了。 見到最後食哂應該都係好味的。總結，請不要連結柏麗那間明星，要分開獨立來看。媽咪話下次都會再來食晚飯！因為水準真係唔錯！推介！

明星響蝴蝶廣場新開，親戚提議黎呢度食，訂左一個5688嘅套餐加隻帝皇蟹，其實明明有冬至套餐平d，而且菜式唔係少d，但偏偏要個貴d嘅餐，其實有d唔明親戚諗乜，不過又我唔係搞手就默然接受，牢騷發完就開始食評，因為係新開嘅酒樓，裝潢束新，燈光光猛，感覺乾淨，燒乳豬脂肪偏多，層脂肪有d厚，燒得唔太夠令外皮仍有油份所以唔太脆，感覺唔太好帝皇蟹size好大，分開左蟹腳，蟹蓋上碟，蟹蓋內有好多汁，充滿海水味，拌以當中清清蛋白，十分相配蟹腳大小都好大，而且每隻腳嘅瞉都好易剝開，食用方便，蟹肉鬆軟多汁，少少增鹹嘅調味主要食海鮮鮮味都已足夠八寶菜娃娃菜，小甜粟，草菇，冬菇，小棠菜，菜芯，西蘭花，唐生菜走油勾芡嘅菜，味道香口鮮嫩，雖然論成本價比較低，不過味道十分新鮮吸引龍躉入口魚肉嫩滑，烹調生熟程度得宜，雖然豉油味道偏鹹，食魚鐘意清淡嘅未必適合，不過仍無礙我對食魚嘅愛燒鵝同上乳豬有同一弊病：燒唔夠皮肉之間脂肪仍然好厚，外皮亦唔脆，好在味道上都夠鹹，肉質亦唔韌，不過始終唔太好魚翅（詳細名稱冇記低）味道主鹹帶乾貨海味嘅味，魚翅微微爽口，羹都做得稠身，係一道冇犯錯嘅菜式臘味糯米飯端近鼻子時糯米甜味陣陣湧入，飯粒軟

今朝一早揍咗百厭仔返學, 兩公婆去咗上個月新開嘅明星試下.之前行過好多人架, 可能今日早啦, 又唔使等位喎.仲有早茶優惠添excited皮蛋瘦肉粥--粥底杰度剛好, 略嫌咸了一點. upset煎芋頭糕--頗咸sick上湯鮮竹卷--幾好味 餡料並不是坊間的全齋, 都頗多肉碎yummy臘味糯米飯--糯米飯軟硬適中, 味道唔錯smile茶芥$7.00一位 埋單$71.50

今日終於去左蝴蝶村新酒樓明星飲茶。屋企人等左成個鐘等4人位終於有位。入到去位置都叫大同舒服吾太迫。最後$210結帳還合理價錢。隻杯細到2口冇晒，但每個茶都清楚寫明。點心紙一張過冇圖就比較難找。一張大和一張細紙為主。到2點另有一張細下午茶紙。燉奶：味道偏淡，奶味比較少，但幸好夠滑。腸粉：偏厚身都叫滑。份量都多，但豉油加左水吾咸。流沙奶皇包，菜肉包，排骨，鳳爪，燒賣，粉果...：整體味道正常普通，但份量偏少籠又大，放吾到好多點心。流沙奶皇包意外好味堅流心。燒賣太硬。粉果一口一粒比較細。