明星海鮮酒家 (已結業)

自考完a-level後再冇黎呢到飲茶今日突然諗起呢間野同mama行黎呢到飲個茶食個飽比起以前少人左不過依然要排隊為了盡快醫肚拎張搭(木台)飛~10分鐘就有位~一黎就叫左個酸辣肉碎粉絲第一啖唔覺有酸辣..食多幾啖開始黎料wow~幾開胃~又抵~$9.8!!之後叫左個瑤柱蘿蔔糕似美心~但係當然唔及美心好啦~不過都算唔錯架喇~起碼唔會成口粉....!白灼菜心...呢碟野唔得唔得好唔得!!!食左幾塊菜就已經見到3條虫!!!好嘔心!!!同美心上次o既生菜有得fight!!到底有冇洗菜架!?!?!!??!好核突!!!!!以後唔黎呢到食菜!!!!!!!!!嘔......................仲要$10.8...唔掂!!!可能因為呢幾條虫o既關係所以食完碟菜就走左....多謝$43除左碟菜外...~其餘2樣都算唔錯!

今晚想去打邊爐，屯市附近無乜好選擇，於是求其去左明星。去到，可能時間尚早，方圓四枱（四四一十六）都係無人既。叫左個鍾情的豬骨煱底，好足料，啲豬骨好林。又叫左肥牛，蝦丸，油密菜，生蝦．．．當中肥牛，蝦丸，跟湯底蘿白，出奇地好味！！！可能因為湯底夠濃夠香，帶出鮮味。基本上不用點醬油，直接入口都好好味。另外有個阿姐的服務好好，主動加水，換碟，就連我叫埋單，佢都仍然幫我加茶加水。可以Encore !!!!

等左成半個鐘頭先等到位入去.我坐個張檯好似個雪櫃咁!勁凍..我既屋企人叫d waiters 拎張氈俾我但佢地好似扮聽唔到咁樣...叫左1碟龍鬚炒麵但係完全係無味,隻乳鴿又好咸wor.d春卷翻炸1 d 都唔脆. 碗鳳爪排骨飯勁細碗但係收我大點既價錢! 我唔識分邊支係豉油邊支係醋.完全無指引..都無乜野值得提.成餐最好食既係個碗南瓜西米露.好香好滑.. 3.8真係抵食!但係咁大間酒樓係咪得依樣野好食呢...五個人, $180埋單!

今晚一行四人去明星吃飯,點了魚(細鄰), 炒西蘭花,牛坑腩, 流沙蝦, 連白飯茶芥$260找數.除左d菜味道較咸外,其他都好滿意!

一家四口到明星吃晚飯, 看到餐\牌上的價錢不是28, 就是38, 超平, 想必不會太好吃, 或會細細碟, 於是叫了以下的食物：<br />1. 脆皮雞, 皮脆, 肉質無海霸(已結業)般嫩, 有一陣油味<br />2. 燒鵝, 份量足, 入味, 色香味都有齊<br />3. 蒜泥西蘭花, 可能夠鍋氣, 炒得好好食, 就連我媽o甘識煮食的人也有讚無嘆<br />4. 白雲鳳爪, 一般辣, 但無骨, 入味, 有時吃得太辣, 反而吃不出本身的味道<br />5. 咕嚕蝦球, 相比其他菜式, 就好似細碟o左, 但真是超爆好味, 記得趁熱吃<br />6. 豉油王海蝦, 無什麼特別, 勝在38元吃到海鮮<br />7. 桂花糕, 誠意推介, 落足料<br />4個人7款共280元, 仲有得打包!!!<br />總之, 一言蔽之: 平靚正, 一個人也可以去試下!

星期六同姊姊去呢間茶樓搵位比家人飲茶, 見到有聽房, 有燈而且有waitress, 正想入去座底，個侍應操大陸口音大聲喝我地:出邊無位咩, 你地仲咩要入黎!!<br />嘩, 嚇死人, 我咪即刻走人出去搵位, 飲餐\茶無謂一大清早嘈, 我姊姊行番轉頭, 想叫佢\搵個位比我地, 話晒佢\都係一位侍應, 點知個侍應黑口黑面, 即刻關燈關門, 我地唯有死死氣自己搵位, 其仔侍應見到當睇唔到, 成餐\茶大家都唔高興。<br />但當d侍應見到我父母黎就笑晒口扮熟叫我地買糕,呢間野d侍應好恐怖。<br />d野幾好食都無用。

尋晚我同男友＆佢friend一行三人黎酒樓晚鈙，有ｄpackage幾吸引，有湯加幾餸，唔同價錢，我地揀咗個HK$260既package，有一條清蒸石斑，燉湯一盅，小菜三個．知客小姐同我地講：＜唔好意思三位，我地今晚ｄ湯已經賣晒，換一個粟米魚肚羹或者換一個HK$58既小菜俾你地啊！＞經我地三位既商議，都係要個小菜會好ｄ：－一．檸檬芝麻蝦：酸酸地，好鬼正，ｄ蝦又爽口喎．二．炒雜菌：三．雪菜翠瓜海蝦：翠玉瓜，好味，蝦有ｄ爤；湯煮，賣相唔吸引．乾炒會好ｄ．四．乳豬拼盤：乳豬，海哲，油雞，燒鵝，潮式鴨翼，不過不失．五．清蒸石斑：好大條啊！蒸熟咗ｄ，好清甜．食晒枱面既食物之後，送上幾件西瓜，唔甜既．加埋ｄ前菜，茶芥，埋單HK$325．

今晚(5/11)去到諗著食晚飯, 七點鍾都未夠, 如常地同門口既知客拎位, 拎位時講左兩次話唔食煙, 等左幾分鍾, 個知客話有檯, 我地行入去, 發覺個位係吸煙區, 於是就同入面另一個知客投訴, 個知客就話門口果位俾錯左, 仲叫門口位知客補臺俾我地.去到門口, 個知客好似唔多順氣, 又問:\"先生你之前有無講話非吸煙?\" 我地拎位時已經講左兩次話唔食煙, 咁當然答有啦, 咁佢\就補過張飛俾我地, 叫我地再等, 我地都覺得奇怪, 當時間茶樓都唔多人, d檯好多都係空既, 照計佢\應該即刻補檯俾我地, 我地等下等下就半個鍾, 果時亦開始多人, 於是我地就問個知客, 係咪唔記得補檯俾我地, 佢\居然答, 你無訂檯, 我要俾晒位訂左檯既, 我先會俾檯你, 要等幾耐, 答唔到你.咁都得, 個知客好明顯係唔順氣, 特登玩我地! 但無乜所謂, 我地去左第二間食, 人地禮貌好過佢\, 環境同食物都好過佢\, 全世界唔只得你一間食肆架, 而我地係等位既期間, 亦見到唔少人都有投訴同不滿, 咁既服務質素, 真係無下次.

好多酒樓都冇位，好似稻香，海壩都爆到阿媽都唔認得，唯有幫襯佢．明知係唔方好食，大時大節都預左，但係無諗過咁差，好似係飯堂食咁，叫左１０餸１湯，除左乳豬ｏｋ之外，其他都吾好食，隻雞肥到死，陣皮厚過我塊面，魚香煲又成煲爛晒，成ｐａｔ嘢咁.

昨晚去食晚飯,點好菜後,基本上大部份菜都上得好快,但我地點了"片皮鴨-兩食(涼瓜炆鴨件)", 佢地竟然可以上左涼瓜炆鴨先,而個片皮鴨遲遲都未上,我地問部長啦!佢話係拎左其他人一食的鴨殼來煮,所以先上涼瓜炆鴨,但過左好耐,基本上大部菜都已經食完,片皮鴨都未來,再追問部長啦!佢只係好敷衍話"o黎緊o架喇!",結果又係遲遲都未來,其間見這位部長"懶"係忙咁四周滕,見到有人叫佢又扮忙睇唔到,借d意行左去,我地亦催了好幾次單,這位部長都好似唔願做咁,同佢講o野話仲未o黎,佢竟然扮聽唔到走o左去,非常離譜!到我地個片皮鴨o黎喇,有位傳菜亞姐拿了蒸皮來,這位部長剛剛替我地拿走茶壺去沖水,佢竟然見到阿姐係度都唔幫阿姐上菜就走左去,佢真係好似時運高咁睇唔到,閃得好快呀!連阿姐都忍唔住向我地嘆氣話佢呀!這位部長咁o既態度竟然可以做到部長,淨係識得點人做,自己就淨係扮忙!佢係駐守係正門的另一邊最入的龍鳳禮堂o架!下次食飯都唔會揀個邊坐呀!幸好個邊都有一位好殷勤o既梁姓女待應,我地多次催單及其他服務都係佢幫我地跟進,這位女侍應服務就真係好好喇!真係唔該阿"徐昆明"部長學下這位女侍應的服務態度啦!!

星期六放左工同家人去呢間酒樓食飯. 都等左好耐先有位. 不過算啦去到大班檔位置叫由魚鬚同多春魚, 因為多野, 所以拎個盤啦, 嘩..個盤個個都咁dirty. 又油. 不過冇辦法, 拎完洗手就算. 好啦, 叫左阿姐要由魚鬚同多春魚, 個阿姐夾d由魚鬚時, 一路夾, 一路用佢自己隻手整番好碟野先俾我. 有點兒想嘔. 但又整唔好就放落好dirty既盤到. 我話呢d仲使食既, 佢竟然話個d唔好食囉. =_="之後仲叫左d點心, d x燒飽都個飽, 一細細塊x燒就算, 好難食. 鯪魚球又有泥味...嘔~~之後叫左碗x燒"奶", d x燒好難食算啦, 叫左個waitress埋單, 埋左好耐都未搞點, 咁我去收銀到問下張單點, 個收銀話: 出左張單ga la, 不過冇人拎出去je.咁既態度點得ga. 雖然係平, 但下次俾我都唔會再去

服務勁差, 叫一條煎倉魚, 黎左條蒸, 都唔緊要, 個部長仲要話"唔岩食咩?" 跟住就走左去, 隔左十分鐘走埋黎, 粒聲都唔出攞走碟魚, 再隔二十分鐘攞返果條已蒸既魚番炸上枱, 有冇搞錯呀~~~~(都算啦, 所有野都食晒, 又好夜)最後走既時間叫上果盤, 三趨四請都唔攞黎, 同個經理講, 果部長行埋黎好惡咁話"好忙嘛", 又走左去(嘩....咩態度呀)以後都唔去, 請都唔去呀

上星期一晚幫襯叫了套餐，248元。另叫一個湯，五個人吃，埋單要494元，加埋貼士共500元。菜式一般，白切雞油咗少少，多寶魚新鮮，蚌炒時蔬好味少油，大蝦芝士伊麵入味。綜觀來講，都值得幫襯。

晚飯好多小菜餚18,$28,$38,但又唔會細細碟wo推介:芝士琵琶豆腐,芝士焗龍蝦(因芝士出奇地好食)南爪芋頭煲.........不推介:蝦米節瓜粉絲煲<--超咸呀同樣,d staff服務差,唔夠人手,等位也耐

早兩個星期一班朋友約埋食餐便飯, 有人揀左呢度. 事發係星期日, 有人六點幾去霸位, 都要等左幾個字先入到. 我地七點去到已經見到成二三十人響門口, 多人到唔駛錢咁.十個人點左十一、二個小菜, 因為碟頭唔算大, 味道亦普通, 記得炸乳鴿好油、白汁焗雜菌幾好味、鹽焗雞好細隻、沙爹粉絲牛肉煲食極都仲有.侍應態度唔差, 但始終人多既關係, 等人黎serve同等菜上都要預番咁上下. 檯擺得非常迫, 坐得唔算舒服.開左幾枝啤酒, 埋單每位$70, 酒樓黎講算抵食掛......