明星海鮮酒家

營業中

休息中

这家店在港大附近，是当地亲戚带着来的，这家店开了有十几二十年了，店面很大，设置了很多桌，任何时候来基本都有座。亲戚点的这些餐品都是他之前经常吃且觉得好吃的，我和我同学都觉得没有一个踩雷且体验非常好，之后路过还会考虑再来的，虾是吃了一大半才拍的，其实量很大。

一家人(4個)打算趁疫情好少少岀去食餐飯，咁岩見佢有晚飯優惠就試吓。點菜時因為未齊人所以打算點左餐先之後叫起啦。個經理過嚟點餐時我哋都未點完就走去做其他野，一次都算連續幾次都係咁，點一次菜要分開幾次落order😰真係好無癮囉，睇到佢唔夠人我心諗都算啦，做人要包容啲而家可能經濟唔好啦。到差唔多齊人時經理話之前點果個白灼蝦（98蚊）賣晒，建議我哋轉蒜蓉開邊蝦（118蚊）😰又算。因為我細佬遲放工咁賣晒就無都明嘅。但食飯全程食完又無人收碟，最後有個好人啲嘅阿姐比啲乾淨碟我地自己換。但最嬲嘅係啲野食完全唔好食，最離譜係碟蒜蓉開邊蝦，收人$118，夠膽死比六隻蝦你，半斤都冇。仲要啲腸都未有處理過就咁上比客。條魚又蒸到熟得滯，無曬魚味。最後叫咗個果醋黑豚肉炸到濃曬，又苦又得炸粉。總之未試過咁勞氣，有圖有真相😡

十年冇去呢度飲茶，竟然食物有驚喜環境坐行都開，始終地方大，感覺都開陽😄傢俬雖然冇崩冇爛，但張枱係斜(但又唔係搖)。算啦~一分價錢分貨，唔好噤多要求😞食物好食，有驚喜。叉燒腸多料，料平均，皮唔係薄，但就好滑👍🏻 蘿蔔鹹水角，外型精致，估唔到老牌酒樓都玩呢啲。勁脆口，好食😋不過比我留意到佢係中點，唔係正常小點😏魚翅灌湯餃, 個湯沒有好甜，但就好足料，佢寫住足一両翅($40) ，底玩吖！另外叫多咗個鳳爪排骨飯。四樣163 for 2pax星期日已經係貴咗~

今日父親節所以同家人一起去食飯酒樓都好醒目轉晒做父親節價目,即係加價啦潮州蒸粉果熱辣辣都ok鹵水鵝掌翼-都算幾好食,不過貴左dxo醬炒腸粉-好香口唔錯xo醬生蝦伊麵-好一般,蝦都唔算太實肉鹹魚肉餅飯-料就真係唔多夠喇煎堆-推車仔出黎漲卜卜咁幾好食

眾人皆知明星係一間街坊飯店，不論精美小菜、還是麻雀飯局，都甚受歡迎，就算二人同行都可以食得好豐富，我同阿sir 最鍾意嚟食片皮鴨，然後再加一個餸，埋單都只係二百幾，真係抵食到喊😂片皮鴨 $98🧡🧡🧡🧡我哋假日食比較貴少少，但仍然覺得物超所值，鴨係一隻份量，雖然片得比較唔專業同參差，但肉質算嫩滑油脂香，而皮亦不失香脆，最令我欣賞反而係薄餅皮做得超超超薄而且煙韌，半圓份量係世間少見，起碼唔會令人覺得食皮都飽芝士海蝦伊麵 $118🧡🧡🧡🧡伊麵非常大碟，兩個人食會超級飽，中蝦約有7-8隻，略煎炸令蝦變惹味，阿sir變態到連殼都食埋😅，伊麵做得剛好爽身，配上creamy嘅奶香芝士，令人一碗接一碗食唔停，推介👍🏻西瓜(free)飯後甜品送上清熱西瓜，估唔到香甜兼起沙，如果多送一碟就會非常圓滿😁二人共消費：$270

舊同學由外地返港聚會，相約於西邊街明星酒樓，唔知係咪長假期關係，晚飯時間都唔算多人。人多食圍餐唔駛煩又實際，仲係全包埋宴，幾多錢一眼睇晒。乳豬，大家都覺得唔似全體，香脆可口，味道OK嘅天婦羅蝦炸得香脆不過蝦就無咩鮮味嘞。甜豆炒花姿片雖然菜單係寫鳳片，但係就唔見有雞肉，反而有螺片喎。味道唔錯幾好食係有啲油咁囉。金菇瑤柱燴小棠菜/娃娃菜清清哋，夠味又唔油見到幾條鮑參幼絲嘅，千零蚊全包宴算係咁龍躉頭腩滑溜鮮味枝竹雲耳吸收咗精華好好味。西蘭花炒龍躉球顏色幾靚，夠鑊氣，上枱時陣陣香氣飄來，魚肉彈牙有魚鮮味燒雞皮脆肉嫩又唔太咸荷葉飯好香，自己無食到。桃包是一般，好處是不過甜。最後有一碟西瓜都好甜。整體都幾好唔錯，幾抵食。

農曆新年和長輩飲茶，人多而且擠迫，環境不是太舒適。第一碟腸粉送來時侍應帶著聽不明的鄉音說了一堆類似祝福的說話，但是完全沒有人聽得明是甚麼，只知道侍應不願離開，親戚便知道是來討利是的。蟹籽帶子炒飯難吃！飯很乾，是硬的，感覺似煮好再翻炒加熱。👎🏻平時在其他分店也有叫這款炒飯，但是未曾見過這麼深色的和這麼硬。翠玉蝦餃餃皮很削，一夾即爛👎🏻忘記了這款是什麼蝦餃，皮一樣非常削，很黏。鵪鶉蛋燒賣這個正常，算是最好的了。

今日去咗間酒樓試食咗個芝士焗海蝦伊面。首先不得不承認碟野嘅賣相其實係唔太好嘅，睇落去只係一堆汁淋係伊面上面，不過食物賣相呢點我一向都唔太介意，未到先係重點啊~味道方面，嗰芝士汁有好濃嘅芝士味，食之前將汁同埋伊面撈勻，伊面食落去都啖啖芝士味，個人係幾鍾意嘅！但係口味清淡嘅人可能就未必會喜歡啦，因為成碟野係偏鹹的，食耐左仲會有少少口乾。蝦就有大概五六隻，份量唔算太多，亦都唔算大隻，不過味道都算過得去啦，想既朋友可以去試吓！芝士焗海蝦伊面HKD$78

今日堂大佬結婚，佢係附近既教堂行禮，去之前輕輕鬆鬆係附近明星酒家飲茶，入左門口之後，仲要搭電梯上一層先到鋪頭有部分位置裝修緊，所以都充滿住天拿水、油漆味。點心款類都好多選擇。一黎就叫左配正宗燒鵝瀨粉$34.8燒鵝雖然有d油，但好香，肥瘦適中，肉質都好嫰滑。家鄉煎簿撐粉醬太厚，又唔香口，而且超級油，食既時候係一”pat pat”，確實有點兒難吃黑椒牛肚比較值得一讚既黑椒牛肚，全碟都係牛肚，沒有白蘿蔔，非常足料，而且好入味😋

本來想去同區既點心店，但係果間座位唔舒適，帶住太小既小朋友唔方便，所以黎左呢間飲茶。由於到達時間已經過左兩點，可以飲下午茶。但星期日既點心都唔係特別平。可能有幾間酒店響附近既關係。未坐低已經聽到無豬手、無燒腩仔。果下都已經打折扣。坐低叫野食，又發覺無埋牛柏葉，牛柏葉好多酒樓都無做，食唔到真係有d 失望。乳鴿$30幾蚊，特價$26 諗住叫一隻，又係無。最終叫左流沙包、瓜粒湯飯、長春卷、紅油抄手、鮑魚燒賣、蝦餃、蘿蔔糕、炸兩。流沙包都放到凍左d 先食，仲有小小流沙，而且咸蛋蓉味重瓜粒湯飯好多飯，仲有蝦同菇，但唔夠湯呢度差D.長春卷好夠脆。紅油抄手唔夠辣。鮑魚燒賣隻鮑魚都有燒賣面咁大，而且有咬口。燒賣仲有原隻蝦響鮑魚底，豬肉有肉汁。蝦餃比較細粒，但就有五粒。蘿蔔糕有四塊，雖然偏細，但就有蘿蔔粒，唔係凈係粉。炸兩出黎仲脆既。小左麻醬風味就差d 喇。或者要食午市先至可以食到佢既特價正菜。

好日唔來呢間飲茶，結果係D野食水準好唔掂，但服務好添茶快都係扣晒分! 叫咗兩碟炸點，炸春卷，凍D，唔係熱辣辣，有油益味，D皮開始腍，入面D料唔好食，煎埋也有油益味呀，個皮好柴皮，凍食真好難頂! 㸃心只係奶店皇包比較好味，起碼係熱，奶皇OK無死甜! 炒野叫左碟牛柳絲炒麵 ，麵底夠脆，但係好咸呀D獻汁，D牛柳唔新鮮，肉質麻麻，太多咸獻汁，食到想死了! 芝士蝦伊麵，啲芝土汁又係好咸，蝦又霉，都唔知廚師係咪大整古，重有D伊麵煮得太生，索唔到汁，食到乾哽哽，呢餐飯食到叫救命，集團式食物真要改善下啦!

今日去開西營盤開會，開完都已經夜晚八點，我就同戰友們去左附近的明星酒家食中菜，吹吹水，交換下情報。我地叫左隻片皮鴨，而且二食。片皮鴨價錢公道，而且質素可以。每件鴨肉都切得大大件，嗒嗒大滿足。其實片皮鴨係要切個皮，唔洗連肉，但算吧，做人有時不要太講究，好食就可以了。鴨殼煮左一道菜，涼瓜炒，好好食，而且估唔到鴨殼還有很多肉，沒有偷工減料。燒味好味，當中我最鍾意食乳豬。條魚就差啲，唔夠熟，肉唔離骨。最後叫左荷葉飯，大大籠，食左飽飽。整體而言，片皮鴨值得一試再試，價錢平，鴨又大件。好抵！

一家人冬至飯，選了在這間明星，當天是正日，人甚多，但安排也好，等了十五分鐘左右就可以入內。我很久都沒有到過這裏，今天吃了一個套餐，每人二百多，吃得好像去飲一樣，非常滿意。乳豬燒得甚好，皮很脆，而且切得很深，所以也可以吃到肉。炒豆花枝及蚌我也很滿意。蒸魚就一般，但每人二百多我絕對沒有甚麼要求。這味冬菇用來應節一流，鮑魚也有味，再加上生菜，很好的配搭。湯羹則很齊料。燒雞也是高水準，中式酒家叫燒雞沒有錯。由於是套餐關係，還有壽飽，真是完美。

Happy Friday成班同事揀左去飲茶 西環比較平靚正既就係明星啦六個人叫左13樣野 都唔算多呀 1）叉燒腸粉- 好好味呀 腸粉入面有菜 好香叉燒味 腸粉皮不算厚 不錯2）豉汁鳳爪- 好大籠 食落去都好入味 但係比較林 都岩老人食3）生菜/菜心- 正常烚菜 生菜比較碎4）牛肉球- 比出面茶樓既細粒 冇咩特別5）蒜香雞翼- 有六隻 岩岩好每人一隻 好香炸蒜味 中意食蒜既我連炸蒜都就咁食落口 冇放過 而雞翼就大大隻 脹卜卜 好香口 好好味6）蒸豆腐- 比較淡，食落去冇咩味7）奶皇飽- 一分開兩邊 啲奶皇流哂出黎再放入口 啲奶皇溶哂入口 一個字8）珍珠雞- 都冇咩特別 同其他茶樓都一樣9）滑雞粥- 好鮮甜好軟綿綿，一窩有5-6碗 岩岩好10）薄餅- 比較厚粉 個人覺得麻麻最後埋單先399，每人都係66，真係平既飲茶點

我的包丢在这里了，护照钱包电脑全在里面，可是店家帮我收起来了等我来拿，特别好！本来都已经打算放弃了因为本来也不太肯定是不是一定就是忘在店里，等了一个多小时才回去找，还是晚上9点多！这里的菜还蛮不错的，就是要提前打过来定位子，否则有时候会要等位，分量还不错不会太多也不会太少，我住在这个附近，基本上和别人一起喝早茶或者吃晚饭都到这里，性价比很高，不会太贵，而且请别人吃感觉也很有礼貌不丢人，因为菜式做的好