明珠閣 (已結業)

基本上餐廳裏面所有小炒都十分之出色但係叉燒王絕對係呢間餐廳嘅鎮店之寶叉燒燒得香之餘但唔會柴誇張少少講， 去到淨係食叉燒你都會覺得好滿足座位都幾寬闊， 侍應嘅反應都十分之快

今日2點半路經沙田新城巿廣場，飲茶的地方選擇不多，經過日式，西式，等位又人多，經過這間明珠閣，不是正式的「茶樓」，聽聞叉燒出名，開了多年，亦未試過，咁啱又不用等位。點心價格有點貴。推介籠仔金銀蒜海蝦蒸蝦好香蒜味，第一眼一望感覺以為是無味白飯，但食落飯又好香蒜味，飯未有蝦的香味，飯是淋咗d，蝦係彈牙，唔會霉，份量唔太細，合理的份量，夠三人份量剛好。叉燒刈包包質味道一般，叉燒汁唔夠香，感覺到豬肉味，整體不太差。豆沙熊仔包豆沙饀好香，好滑，不太甜，好好味，值得推介。 煎素腐皮好香脆，餡料夠豐富，即叫即煎。想問有叉燒點解無燒鵝ga?

之前係沙田閒逛時隨時搵一間食個下午茶就入左明珠閣，發現下午茶扺食又大份，今日趁住又去沙田行街就同老公二人決定試埋個晚試。位置方便，沙田火車站一出行幾分鐘就是。店入算坐得舒適。今次嗌左個例湯，籠仔金銀蒜海蝦蒸飯，珍珠賽螃蟹。嗌例湯時侍應已通知冇晒湯渣問我介唔介意，我平時都少食湯渣冇乜所謂啦，今日係青紅蘿蔔湯，都仲有兩舊蘿蔔可以食下。首先黎左個蝦飯先，老公勁讚，好香蒜味，就算冇其他餸就咁食都唔會覺得寡呀。飯唔會太淋，蝦係彈牙唔會霉，份量唔細，足夠二人食。珍珠賽螃蟹我好鐘意食賽螃蟹，食過咁多間呢間係其中一間好好食，足料，好香。兩個人埋單$391，打包左湯同賽螃蟹聽日帶番工lunch食，圍番唔貴啦！

今日有D忙，要找間快、靚、正食個快lunch。見到哩間「明珠閣」唔洗排隊便走入去了。入座後待應馬上奉上熱茶，對於忙到連水都冇飲既人，杯茶真係來得合時。接住睇睇個餐牌，便㸃了叉燒飯和海南雞飯，再加碟油菜。叉燒用梅頭肉醃製，肉質軟滑，肥瘦適中，再查上麥芽糖燒烤，令到叉燒加添不少甜香，配上熱騰騰嘅絲苗白飯，真係好好味😋海南雞飯D雞，皮薄多肉，唔肥又有雞味，如果可配上油飯，就更加好啦！油菜都只係加$15便有ㄧ碟芥蘭苗，又甜又嫩，正!!當食完ㄧ個有質素既午餐，真係充滿晒電😉叧外，餐廳有個二人套餐，我覺得好抵食 $228 有兩個點心、一碟炒粉麵、一個小食、一個白灼菜、仲有兩客湯，你話係咪好抵!!可惜我地冇時間慢慢食，下次ㄧ定來食。

家中食神一早已将此餐廳列入“2019香港必吃榜”之中。今天在飯點路過沙田新城市廣場，當然不能錯過這個天賜良機，趁住同行家人買東西的時候，他便只身一人前去排隊等位。叉燒皇名不虛傳，賣相吸睛，吃起來腍中帶脆，調味也恰到好處，有9️⃣分，扣1️⃣分是因為份量太少湯內加了羅漢果，所以很清甜，8️⃣分。建議先喝湯，再吃較濃味的叉燒。乳鴿皮脆，但肉不多，有7️⃣分。豆腐外皮酥脆，內𥚃香滑，有9️⃣分，只是豆味不够濃。蒸飯出色，有9️⃣分。首先米靚👍🏻，而汁唔會太咸，蝦新鮮，加上蒜蓉蒸，好香好惹味，唯一略油咗少少。收費有茶位和10%服務費，但湯是我們自己装的。顧客多，侍應少，冇乜服務。總體而言，可以再來。

我地叫左二人套餐(≧ω≦)/，湯上先，青紅蘿蔔湯，味道似味精好重手下， XO醬炒翠玉瓜魷魚太濕上碟唔夠熱ヾ(￣▽￣)Bye~Bye~; 再上叉燒鐵板上，叉燒枉叫叉燒皇😔，暗啞冇鮮肉味，似湯渣級數ヾ(￣▽￣)Bye~Bye~; 唯一店員落力推介嘅咕嚕肉好少少。之前食過佢D叉燒，確實係好食好多，以前有一味魚露汁柚子手撕雞外脆內軟多汁好味道，但係非常失落地從menu上消失左 😫😢。咁嘅價錢好多選擇，希望有所改善。

午巿去到兩點半，見幾有人氣，環境幾舒服，侍應幾有禮貌，就坐低試吓。兩個人嗌左一個擔擔麵，一個香蔥雞絲湯河。份量少但貴，午巿58蚊一個麵，但係下午茶餐份量。飲品都冇得揀，得普通茶水。食物賣相與相片有嚴重出入，相中雞絲一堆變三條。雞絲湯河湯底尚可，底層河粉好碎。擔擔面光速索水，5分鐘之內湯淨返半碗都冇。食完唔知自己食咗乜嘢，冇飽足感。廚房有一邊有玻璃，見着入邊有人食煙。價錢唔係俾唔起，但真心唔值得，食到嬲。可能主打係點心，但都唔會再嚟試。

早前在新開業的「明珠閣」吃過其叉燒後，一直念念不忘，上周又再去吃過一次。這裏的叉燒用的是脢頭肉，肉質軟腍入口鬆化，輕輕的蜜味又不會蓋過肉味，燶邊位夠香口，吃時還滲出淡淡的玫瑰露香。最重要是叉燒厚切有口感，上枱時還是熱辣辣，絕對是令人喜歡的重要因素。老實說，這裏的叉燒比很多有名的燒臘店出品更出色，難怪店方稱這裏的叉燒為「冠軍叉燒王」。「金蒜海中蝦蒸飯」最得我心，以原個籠仔蒸飯上枱，賣相甚有霸氣，用料十足。游水中蝦肉爽鮮甜，配上炸蒜蓉一起吃更為惹味。蒸飯還有荷葉墊底，盡吸海蝦的鮮味的同時，也滲出陣陣荷香，絕對是色香味俱全。點心也不錯，蝦餃皮薄，爽彈鮮甜的蝦肉現筍絲，非常足料。馬拉糕鬆軟可口，吃到的是黑糖香味，又不太甜。 沙田有這高質素的中式餐廳，難得價錢亦夠大眾化，實在是給「沙田友」的一大喜訊。

呢度定位都幾方便打電話就有得訂，之前試過同朋友嚟食，食物都OK架，今次係同同事食，farewell lunch先講食物瑤柱扒西蘭花：瑤柱汁太鹹，可以改善叉燒包就冇乜特別小籠包都幾好，汁鮮美菠菜餃我最鍾意食其他食物不過不失我哋五個叫咗五個盅頭飯，但侍應話已經賣晒，所以我哋改了叫瑤柱蛋白炒飯我哋掛住傾計都冇留意帳單，離開後先知道收咗我哋兩個盅頭飯（原盅蒸飯－北菇滑雞）的錢，好奇怪，都唔知有心定無意，或者忙中出錯，但係對於食客來講反感，希望可以改善！其他食客要小心對帳單了，一時大意就招致損失！新年流流，無人想甘嘛！

现场等2人台等左1个钟，前得2台有人。3-4人台有人就入度。订台来左就入度，可以理解。但麻烦考虑下点样改进个排队系统可以对walk in 客fair D。D waitress 唔识变通，麻烦排队系统也考虑下客人的等待时间，如果3-4人台入左5-6围，可不可以下面留给等待时间过长的2人客？如果一直都是咁样唔科学的做法，街客新客walkin客会慢慢流失。今次的排队体验让人十分失望，呢次是我第二次来，等唔度入座我走左。唔会再来光顾。建议walk in 就唔要去呢间，真是要去，就早D book台。

今朝10點半和爸爸出發去沙田市中心辦年貨，之後去咗沙田新城市廣場一期地下「明珠閣」食午餐，我哋之前只係幫襯過幾次，印象不深刻，所以沒有經常幫襯，今日行攰左唔想去大家樂食自助快餐，又唔想去美心酒樓等位，今日在沒有計劃之下點了炸乳鴿$58一隻&南瓜海鮮焗飯，埋單$260，反而食得好開心同覺得好好食。餐廳每人派了一對包裝得很精緻給迷你的膠手套用來手撕乳鴿食，另外有一個底部放左牛油紙的鐵桶俾我哋裝乳鴿的骨頭；南瓜海鮮焗飯$168淨係個南瓜最少都要蒸半小時，還要將它切開及挖去核襄，啲蝦同帶子都好多，嗰個芝士汁沒有牛油，阿爸居然食到，成個焗飯焗出嚟熱辣辣，伴菜還有很多炸的粗薯條和很多西蘭花👍👍👍👍，好過嗰啲蛋白菜粒炒飯，咁易做不如喺屋企整，讚！

很久以前去過，喜歡他家的叉燒。昨天去午餐，太失望😞叉燒味道還可以，但看上去就沒有胃口，暗色又大件色香味沒了一大半。例湯覺得加了水，冇味道，加上服務太差，或者講根本沒有服務可言。總之，最後一次了。

9點之後想找地方吃飯，選了這家餐廳，但因為不餓，3個人叫了2人套餐再加個蔬菜，最後最好味的竟然是清炒西蘭花跟叉燒，主菜的雞煲真的又鹹又硬，真的不知道是不是廚師下班了，反應之後，也只說喔，不好意思，完全沒有反省的意思，比街邊的茶餐廳還差，環境服務是可以，但真的東西不夠格，還要這個價位...

今日約咗同學一齊參觀書畫展，但先祭祭五臟廟，最近沙田大會堂就是「明珠閣」。打開午市餐牌發覺很多款午餐都啱食，而且不貴添！我們要咗$28的鳳爪排骨盅頭飯，都唔錯！$58蝦子雲吞麵，有四大顆雲吞和爽滑彈牙幼麵！$36三個不同款手工包，分別有豆沙、奶黃和朱古力醬，熱騰騰的豬仔包又唔會太甜，一次過試整三個味道，又幾爽！每$5茶費，當然不會是名茶，但都OK啦！餐館一邊透入太陽光，感覺環境開揚，遇上漂亮友善女侍應，吃起來倍感舒暢！

媽媽正日生日，選一間可能預約的餐廳唔洗等位，平時最怕等位!呢間第二次食，上次係父親節食都但係預約不用等位!不過今次食物令我地有少少失望，唔知係咪同我地無點套餐有關，總覺得附近枱的食物較熱較大碟!今次食左蛋白炒飯，炸豆腐，炸魚塊，啫啫芥蘭，排骨，菠蘿海南雞，燉椰皇，中式糕點!蛋的炒飯味道不差但唔算熱，炸魚塊的魚一夾就散開而且無味，排骨睇圖片好深色，但出黎好淡，肉好厚好“鞋“，菠蘿海南雞的雞係幾好味，但份量有點細，啫啫芥蘭味道不差但不夠乾不夠熱，椰皇味道不錯但唔算滑，中間好多汽泡，中式糕點不過不失!今次有點失望，但服務幾好!