明苑粉麵茶餐廳 (已結業)

去neway city唱k之前, 同fd去o左明苑茶餐廳醫醫肚, 左揀右揀都係食碗粉算數, 就叫碗牛什米食, 好味程度都幾高! 牛肚已經煮到好林, 一咬就斷, 唔使點o趙, 牛腸都好味, 佢o既柱候味夠甜, 令到o的牛什好好食! 份量都唔少, 食完已經飽哂, 唔使再o係neway食, 可以專心唱k啦

新年前的一個星期, 天氣急降, 最好吃煲仔飯, 行街經過鼓油街, 見很多人在此等吃煲仔飯, 人多, 無理由太唔惦吧!! 但吃後我發現人多, 可能只是天時地理人和, 天氣配合, 地點方面. 難吃死了, 坐得又辛苦, 還收這麼貴, 腊味飯 - 腊味質素一個字"差", 雜貨店最平的貨式, 只吃到腊腸的肥肉, 飯還可以 - 頗乾身北菇蒸雞 - 餸還可以, 飯竟然同腊味飯相距那麼遠, 軟得成一團嘢, 不知如何形容

之前聽朋友話呢到d煲仔飯ok今日出開黎MK就試試叫左2個土魷肉餅 and 豉椒排骨+臘腸飯底好林..好水...d飯焦真係好"焦"...好鬼"膿"肉餅唔入味..土魷又小....no good排骨飯好小小..可能有個汁救命...臘腸好肥..同質素麻麻但個飯底都扣左60%既分啦下次唔會再去!

有時一個人吃晚飯也有其好處,就是不用等位去到邊攝到邊!行經旺角最方便就是去茶餐廳,貪呢間一次過可以滿足兩個願望.剩雲吞----一直都覺得這裏的雲吞不錯!有大大隻蝦,咬落幾爽!豬肉比例亦唔錯唔會咬到粒粒肥膏,最重要係無雪味!排骨雞煲仔飯----呢樣好睇彩數!人多落單就死梗,人小就可維持水準!雞同排骨都幾滑同入味,飯加豉油冚煲蓋焗一焗後亦都一粒粒分開,夠熱唔爛.凍檸茶----凍檸茶!環境擠迫,一枱搭枱有五個不相識.呢類食店建議最好入去前想清楚自己想食嘅嘢!一坐低就落柯打唔好諗!否則只會換來侍應使出火影忍者裏面寧次的絕技-----白眼!

天氣轉冷, 香港的冬天大槪都只可以這麼冷, 對我這個九龍人來說其實還不算甚麼, 不過, 既然難得天氣涼涼的, 最好就是吃一煲熱騰騰的煲仔飯~ 記得有人說過港島有好吃的, 但太懶, 還是想近近地, 數年前還會去廟街吃, 但印象中已經不太好吃, 所以想起這裡... 曾聽說不錯, 方便的地點, 就試試超級擠迫的地方, 客人卻越夜越多... 難怪室內的冷氣比天氣更凍, 分明就是要吹涼你的食物, 好讓你急急地吃, 快快離開~我倆每人一煲飯, 加炒菜一碟 蒜容白菜仔很多油的一碟菜! 但上枱時熱辣辣的, 對一個坐在風口下, 頭都快被吹傻的人來說, 這碟菜真好! 蒜味香, 而且菜也算嬾~ 我的窩蛋(梳打)牛肉飯那個蛋已經打在煲內, 有點失望..還是喜歡自己打蛋... 上枱時煲是當然熱, 而把豉油倒在飯內發出的吱吱聲叫人很期待, 可惜... 我一邊吃, 一邊說飯太濕了, 都不是煲仔飯的那種乾身飯.. 飯不合格至於牛肉, 一早已經預計是梳打牛, 所以與想像中一樣也不能叫失望... 不能吃罷這梳打牛叫我一整晚都口乾想喝水>< MP的梅菜肉餅飯當他在土魷及梅菜之間取決時我提議梅菜, 覺得會更

見到門口個煲仔飯檔忙過不停, 就吸引咗走入去食番個...梅菜肉餅飯 $35煲仔飯選擇不多.即叫即煑, 都要等一陣先有得食!梅菜肉餅, 份量幾足! 仲有條菜添!飯都唔錯喎! 粒粒分明, 都幾有口感!仲有幾多飯焦添呀! 又唔會太燶!好味道...

小弟又係喺旺角打躉,簡單咁食左一餐茶餐廳整左一碗牛什米同一杯凍檸茶,佢地個牛什米都幾好食,湯式幾有味,而且辣椒油都ok辣,我特別鍾意佢個豬肺,因為咸咸地而且無臭味,金錢肚爽口,豬腸都唔污糟,其實成碗牛什米都幾有水準,都有d出乎意料之外,因為仲諗住咁旺既地段食店通常只有兩個字:"貴","差"!但係似乎以後都唔可以帶有色眼鏡!

昨晚跟我的哥哥以及我男友逛完街後，肚子很餓﹗就尋找地方用膳，看見明苑人山人海，心想這裡的食物應該很出色才會吸引這麼多人﹗在這個情景之下當然選擇這一間。進去後，侍應給了我們一張卡位，很順手地便遞出三杯茶在臺上，我們開始看看有什麼好吃的，決定了點三個小菜一起吃，看起來蠻化算的﹗點了椒鹽鮮魷，北菇蒸滑雞，菜心炒牛肉三個小菜，侍應的樣子簡直是等不來的樣子，急不及待走去服務另一臺。我知道侍應忙碌是情有可願，這裡也不是我要說的地方。我拿起三對筷子放在茶裡清洗，我不小心打翻了茶杯，問侍應有沒有布，豈料他的反應惡劣得很。一開口就說：有無攪錯牙？你咁樣擺梗係倒卸啦大姐。他還用一種很仇視我的眼神看著我。說畢，我覺得那一刻就好像殺了他全家一樣，我只不過是打翻了一杯茶而已，我相信任何一間餐廳都會有這種情況吧？得到這種服務態度，我相信任何一個顧客都不會接受到吧？食物不在話下，就算再好吃的食物都會由好味變到難吃。吃完這一餐，我跟我自己說，得到這種服務態度，以後都不會再光顧這一間。那道氣真的令人難以消化﹗

好耐之前同友人去食呢間友人想食煲仔飯..俾佢門口咁多煲仔飯吸引左入黎..我不喜食煲仔飯..所以冇叫到..友人叫了窩旦牛肉煲仔飯..黎到既時候..叫到一隻生雞蛋在面頭..我覺得咁樣照顧唔到某d食客既需要..因為真係生..雖然飯係熱可以整到隻蛋少少熟..一翻之下..見到個底焦晒..全部變左飯焦咁..好大陣燒焦左既味..呢d係特色?!定係失誤?!

未試過食煲仔飯，但食過小菜....*椒鹽骨*味道不俗，炒得夠香口，唔太咸唔太油唔太辣。*蒸肉餅*好味！雖然塊肉餅同其他普遍賣相一樣都係薄薄既，但佢比其他多少少肉汁，而且幾大份。*方魚雜菜炒豬頸肉*味道唔同平時個d雜菜炒豬頸肉，可能係方魚作怪？﹗味道絕對唔清，好好味﹗平時少食菜既男士都喜歡。*砂鍋雲吞雞*唔可以話好好味，但三十幾蚊有半隻雞、好幾粒雲吞、幾舊菜、一碗飯及例湯，算係咁啦~~其他食物、飲品印象唔深，响旺角食野呢個質素都算唔錯，d侍應心情好個陣會一路做野一路唱歌，歌喉唔會倒胃，但接唔接受一路食野一路有人唱歌比你聽就見人見智喇~

記得上一次係佢度食煲仔飯應該係7、8年前o既事, 食完之後一直有唔好印象所以無再返轉頭, 原因事隔太耐唔記得係咩, 不過我估尋晚俾我搵返個原因.食飯時間環境嘈同迫絕對可以理解, 差極都係3分最不應該o既係俾說話食客聽、充耳不聞及不願提供協助. 呢個係任何時間都唔應該發生o既cs問題, 無奈一個weekend我可以係上至深水灣遊艇會下至老旺茶餐廳都遇上, 真係香港搵食人o既不幸. 係明苑, 轉位時因為無拎埋張單, 所以阿伙記就單單打打, 煲飯到, 我要求佢成煲擺低等我可以淋完豉油再焗一陣, 但佢一於小理, 拋下一句不負責之類o既說話就將個蓋拎走左.講返煲飯, 由於係我個人喜好, 唔同意大可不理. 食煲仔飯要有四樣野, 一要面層飯乾身, 粒粒識企係身; 二係豉油, 唔係單單老抽, 要經店方再調味, 通常比教"杰"同帶甜味; 要有飯焦但唔可以"痴"底, 4先再講配料質素., 四樣野, 一做唔到, 二唔掂, 三同四就ok, 不過無驚喜. 感覺上大快活o既比較好味及多料.會去明苑, 係因為睇完上期飲食男女, 早幾日已試左廣華街"明園", 一心想試出邊間段數夠高兩間相比, 開蓋濕水程度差不多

一向立場，茶記既咖啡奶茶若掌拿不住，好極有限，除非有其他主打吸引力的主菜。是日一早已來到旺角，因想要杯鴛鴦就到茶餐廳來份西式早餐；人站在豉油街，這裡應該是個快趣方便的選擇。被一墨魚扒早餐吸引了，就以沙嗲牛米加杯鴛鴦來這份早餐。全部是預制品，二分鐘不到已經全部上檯；沙嗲牛沒什沙嗲香味、牛味欠奉及死鹹，是過份的那種；墨魚扒其實是扒狀的墨魚丸，又是偏鹹，沒鮮味，因煎制問題，碟底還佔上煎制的油，血管閉塞的助手；最後那杯鴛鴦，味淡，沒舍奶味，差到有點過份，原本沒飲這杯鴛鴦仍覺不過不失，但一啖進口，這裡的食評就萬劫不復。雖然寫食評時仍是難以平伏，但看到電視裡面Healing Hands的張嘉輝，原來十年前已經有這樣超正的演技，開心返！

粉面+ 2種丸或牛腩+ 茶/啡= $22 算係平價~ 都唔錯~不過丸只有2粒將就o下, 男士未必夠食~另外每日碟頭飯+ 茶/啡= $30,見人地食都是幾大碟, 味道唔知~不過找位請早, lunch time 必爆~唯一要改善是阿姐有時出菜會唔知lor 去邊度, 有d亂, 視乎你好唔好彩la~一讚是辣椒油好掂, 落少少都好勁!

9點幾同d朋友去食野,朋友上次食過話都ok所以黎食。我要左個魚旦米,朋友要焗海鮮飯,牛脯米,牛巾河,重要多碟壕油菜心同腐乳通菜。d粉麵冇咩特別,唔算難食,但有菜真係算唔話得,但我朋友碗牛巾河出現了菜虫,好彩唔係小強= =而個焗海鮮飯唔係好多,但係都幾好味,佢上面有d芝士粉,d芝好正,d飯用蛋炒過,加埋1齊真係唔錯。而碟壕油菜心同腐乳通菜都係冇咩特別。食完出到門口,好香,d煲仔飯好香,下次要試試。後黎知道我地個粉麵餐每個比人計多左成6,7蚊= =

尋晚兩口子MK想搵野食, 但係呢頭唔係多人呢就樣野我唔想食, 行來行去都係想食茶餐廳, 於是記得呢度d野都好好味, 咪黎呢度食野囉!入到黎坐低, d招呼都幾得意, 茶餐廳d伙計唔會好有禮貌, 但佢地又唔會衰喎, 都幾輕鬆呀, 咁我叫左個豉椒牛肉飯而友人叫左個香茅豬扒公仔麵餐! 豉椒牛肉飯好香, 牛肉好鬆好入味, 個汁好正, 撈飯一流, 再加d辣椒油撈埋黎食, 仲好味, 而且仲好大碟, 我都食唔晒呀, 起初我仲以為d辣椒油冇料到, 係咁落, 結果辣到我生蝦咁跳, 不過真係好正; 而香茅豬扒公仔麵d香茅豬扒都好味, 好鬆不過就多左d油, 個麵就唔知, 不過見到友人食到津津有味, 我諗都唔差啦! 杯熱檸茶都幾好, 茶味夠, 加左檸檬同埋糖, 好, 正呀!埋單直頭平靚正, $50兩位, 你仲想點先架? 我覺得咁價錢, 咁質素絕對係冇得彈!