明記甜品 (西灣河街)

營業中

休息中

鄰近西灣河站文娛中心B出口一出過條馬路就到 就係西灣河街 "明記"原來"明記"有幾個舖位 但都係西灣河街有棉棉冰，傳統中式，西式糖水 任君選擇舖內亦有樓上 不斷有客人進出 生意好好上餐速度好高揀左西瓜蜜瓜涼粉$32好多西瓜同蜜瓜 大大粒好有口感 淡淡天然果糖味涼粉係爽口 唔會太稔 配上椰汁 就更傳統喳咋黑糯米$26大大碗 好多芋頭同黑糯米同豆夠濃稠 唔會水流流又唔會過份甜再佐以椰汁上菜值得推介同encore性價比高 翻兜率極高

最近搬回港島區，而需要每逢週五都要到西灣河，話這裏有好多好嘢食，在尋尋覓覓，在這傍晚像有神助一樣走入這家店，位置較偏僻，未入內之前，已在前一，兩條街有同名掛住同一招牌的甜品店，所以大家要小心不要行錯。內裏有許多選擇，例如 Apple Crumble, Souffle 等等，但要有耐性和時間去享受這裏的甜品。我第一次來，就先選了我一向喜愛的燉蛋。老闆話要等十分鐘，我覺得可以接受，但在等待的過程內，老闆也不時會提甜品可以了，也曾催促店內的同事夠時間，但都無人理他，所以我奇怪也提提同事們，但都沒有因客人的催促而端上枱來。他們曾一度也令我黑了面的堅持，到第一啖燉蛋送到嘴裏，我就明白了！感激從心而發，真係好耐，好耐，好耐無食過這樣美味的燉蛋了！那份堅持令我知道了，好食唔係將價錢，地利來將就，是品質，是心！好味道是在在於甜度完全適中，口感好滑，但不會削。我一定會再到來。好感激你們的用心。我們需要好的店。

同平時一樣，打完波就去搵野食，今晚大家都好乖，食左晚飯先黎打波，我地就一行人去食甜水好腳頭嘅我地等左幾分鐘就連續有2張枱食完起身出黎可能都夜喇，我想叫個2樣都賣晒，最後比我見到佢～朱古力梳乎厘！老闆話佢地啲梳乎厘要等20分鐘，大家都話okay慢慢食等埋我，雖然最後大家都係秒速食完，又再叫多樣其他野食正等到我就黎變長頸鹿之際，佢黎喇！熱辣辣！老闆話，梳乎厘一定要整好即刻食先好味，個啲酒店buffet放係光波爐度keep warm個啲，都唔係真係梳乎厘質地嘅。講返個梳乎厘先，見到個樣都已經值回票價，個匙羹一北落去，個頂係脆嘅，入面好鬆好軟，放入口好香朱古力味，又唔會好甜，老闆問我，做咩第1次唔試原味，佢咁講得...應該都唔野少，下次要試返先得，大家見到佢咁吸引，有幾個都試左啖，都覺得好正，不過咁，最後我地又秒速解決左佢，我就好似食左陣風咁，不過呢陣風，真係好好味，哈哈哈哈

筲箕灣同西灣河呢區黎講，明記甜品一定係一間最出名嘅甜品舖😎但係同一條街有兩間明記，唔知邊間先係原店lu🤔🤗今次食嘅係近太古個邊嘅明記🧐下次有機會食埋另一間🤔🤔作為芒果控，今次食左嘅香芒小丸子好滿足😍佢個芒果汁底勁好食，唔係就咁得芒果汁，feel到係芒果汁加沙冰，食落濃好多，好滿足🥰啲丸子嘅味就無咩特別，但唔會話煮到好淋，超煙韌，好好咬😆😆😆入面都有好多芒果肉，feel到佢真係落足料😌😬😈

好熱呀！夏天總會想食下凍冰冰晚糖水解下暑- 今日黎到西灣河明記明記都夠晒老字號 東區人實識我叫左芋圓紅豆豆腐花兩位朋友叫左榴連西米露 同紅豆小丸子豆腐花紅豆加豆腐花一直都係我暴愛加埋芋圓真心.... 好飽但係好食既！因為豆腐花夠晒滑溜，紅豆很香 芋圓都好足夠同時都偷食左榴連西米露有榴連肉架嘩❤️我真心鍾意榴連制成品呀小丸子我冇食佢，但朋友話係唔錯明記地方唔算大但勝在份量大有上層仲開到好晏大家可以去太安樓食完野再過去食番碗糖水 咁就真心好開心啦

同舊同學係旺角飯聚完，因為一d原因所以款咗過港島食糖水。今次嚟到「明記糖水」。同行十幾人都叫咗唔同嘅糖水，唔太好意思試晒十幾人嘅糖水，所以今次只記錄我自己叫嘅糖水就算了。彩色芋圓紅豆沙（凍，$29）食嘅過程中，唔覺得有彩色或彩虹嘅感覺，唔係味道嘅問題，而係視覺嘅問題，雖然有唔同味道（顏色）嘅芋圓，但同大角咀某店比起，人地嘅芋圓睇落更加富有彩色同埋彩虹嘅感覺。呢道嘅芋圓比較淡味，每一粒都一樣味道，就係無味道。口感都比較硬身，唔係想像中嘅綿同糯。紅豆沙甜度剛剛好，值得一讚嘅係有起沙，亦都足料。呢個價錢，得呢個水準我就覺得麻麻地。下再嚟試下其他出品。

一放假就會忍唔住黎到明記甜品買個糖水返屋企，呢間明記開多年入面既員工同價錢一樣咁親民！我今日就買左呢個「雜果西米露加珍珠」大大碗水果多，有芒果、哈密瓜、西瓜、香蕉樣樣都好足料架，咋加珍珠珍珠超有咬口好好食，椰香味濃西米夠煙銀，呢間真係咁多年都咁好食！

2019年2月14日星期四同老婆喺西灣河食完夜晚飯，意猶未盡想食返個糖水。西灣河其中一間最好食嘅糖水舖都非明記莫屬。餐牌有超多選擇差唔多你想食啲咩都應該有。老婆揀咗多芒小丸子。糖水分量十足，落重材料。小丸子質感唔錯咬下好亦都幾好。芒果舊舊都好甜。呢個糖水值得推介

尋日同朋友食完晚餐，見時間尚未太晚，心郁郁想去食下甜品咁，咦！一講起甜品大家都諗到西灣河呢間明記，就即刻沖去食啦。店內就已經冇晒位啦，唯有坐出面食，但係坐出面食都別有一番風味。本來想叫朱古力梳乎厘食…點知佢冇晒焗嘅甜品，就叫咗個朱古力凍餅，我個朋友就食黑芝麻糊。凍餅上面灑咗朱古力粉，中間夾咗相信係Oreo粉同鬆餅。好食就真係幾好食嘅，但係食完真係成個人凍晒，而且好濟。

西灣河一間老字號甜品店 聽講都多人食ga 多人到要坐門口 係東大街個邊都開左一間分店 食物選擇都多元化 有懷舊中式糖水 亦都有新式嘅綿綿冰之類先講個綿綿冰 可以自己選擇味道 配料 醬 自由配搭 我揀左芒果冰+士多啤梨+藍莓醬 食落味道都夾 唔會太甜 不過坐係出面食真係愈食愈凍另外仲有叫左個腰果糊 呢個就好差 一嚟到先係唔夠熱 然後叫佢拎番入去整熱 食落完全無腰果味 得個甜字 仲甜過個綿綿冰 下次唔會再試呢個 最後個牛奶蛋白 不過不失 味道唔係好突出 但都可以接受嘅

迎接新一年的到來，當然要先吃個甜品啦！選擇了明記甜品，門口人頭湧湧，看來大家都想在新一年先吃甜品吧！雖然門口的人很多，但排隊的時間不算太長，很快就有座位了。明記甜品的甜品選擇也算很多，在心大心細的情況下，我最後選擇了雪糕雲石小丸子-當中有雲呢拿味雪糕、芝麻糊、豆腐花、小丸子。甜品的份量也蠻大的，吃下去的味道不算太甜，剛剛好，雲呢嗱雪糕的香味，小丸子的咬口，味道和口感都配合得很好，真心喜歡這個組合的甜品！而且價錢非常合理，只是$38，就能吃到大大碗，而且材料非常豐富的甜品啦！朋友都一致讚好呢！

糖水平時就食得多，要幾花巧都食過，但好多時我覺得好多糖水鋪連最基本食開既糖水都未做得好，哩間明記我就一直有食開，有幾好食我就唔敢講，但誠意就一定十足每次食親都大大碗，一定夠食外賣粒雪糕仲係獨立包裝，怕妳拎到返去熔左，仲可以係邊度搵。。筲箕灣新開果間就真係唔會食第二次。。

好耐無黎呢個舖食，天氣凍無乜人，可能啲人去晒新舖🤷🏻‍♀️凍就唔食凍野，叫中式糖水真係人都癲，叫左個唔平既合桃糊，我都有合理既期望但真係呢⋯⋯碗野細無問題，杰都唔係問題，啲粉一舊舊仲有啲依咁個樣似綠豆沙多啲🙄都算喇，喂呀食左一啖，仲要唔係大啖係片片下咁一小口，甜到我吖😩仲甜過生吞糖漿🤦🏻‍♀️我好耐無試過食一啖就覺得食唔落去，如果唔係我旨在同朋友吹水而且間野唔多過三枱，我唔會食落去⋯⋯我用左成個鐘仲係咁飲水先食到半碗呀姐姐呀，其實又無客，上菜前試下個滾左好耐既糖水先啦，加啲水煮一煮熱俾我成件事就唔係咁啦，而家好難唔負皮你🤦🏻‍♀️

呢間店好細個已經喺西灣河有好多粉絲，記得當時排好長隊先至可以買到，因為佢係價錢好平，份量好多，味道係唔錯嘅！我已經好多年冇幫襯啦，今日經過西灣河再次試吓昔日令人懷念嘅感覺，味道果然沒有太大轉變啊，只係價錢加多左，麥嘉通脹冇辦法啦，但係佢嘅份量同埋價錢係性價比高！這個楊枝甘露$34，大大碗的，西柚一絲一絲，沒有任何的苦澀味，芒果味好香，味道亦都唔會太甜，剛剛好，推薦這個！另外一個雜果西米露$35 ，分量一樣好多，我記得以前好似沒有珍珠，多了些口感，亦都唔錯，生果好新鮮，亦都唔會好甜，正!

天氣炎熱唔想食熱嘢又想飽肚，最好就係去糖水舖食甜品，嚟到西灣河當然要去呢度好出名嘅明記甜品啦，店舖小小但甜品種類繁多，點咗一款芋圓黑糖豆腐花，大大粒芋圓煙煙韌韌而且加埋黑糖襯托幼滑豆腐花，再配合埋大大粒香甜紅豆令到豆腐花口感層次提升唔少，推！