明記甜品 (西灣河街)

營業中

休息中

夏日熱辣辣當然要食下冰消消暑！ 要數港島東區西灣河附近嘅老字號甜品鋪🧐🤔🤔🤔一定係明記一入夜永遠店門口企滿等位嘅客人同叫外賣嘅客人👭👬👫👬👫👫👬👬佢開到好夜， 就算夜晚十一二點都仲係好多等候嘅人👬👫👫👬👬👬👫👫👭👬平時我最常食香芒小丸子😎 但今次天氣太熱就揀咗綿花冰黎消消暑🤩 綿花冰本身就有好多味道選擇，配料同生果亦都係超多選擇😆綿花冰大大份！ 只係$45 😍今次係益力多綿花冰配芒果同芒果醬😍🤟🏻🤟🏻大大塊芒果加埋好多爆爆珠🤩🤩

同朋友食完晚飯，我地經常去明記甜品食甜品。餐牌款式多到食幾多次都試唔完，餐牌上的照片好真實，無違反商品說明條例。今次叫咗個榴槤河粉，個榴槤好大塊，深藏在甜品底部，一撈就有驚喜。整個甜品十分有榴蓮味。我一直欣賞明記甜品份量又大又性價比高，食到好飽好飽。

Everything was delicious! The mango was perfect. Please note the menu is not in English but the staff was very helpful nonetheless. It is a small establishment but was here late on a Saturday night and sat immediately. Overall, staff very friendly, helpful, and funny and the dessert delicious of course. Please spend all of your money here.

在中環晚飯後專登搭720過去西灣河食甜品，其實晚飯後就應該食細細份甜品就好了！不過我本身好喜歡甜品忍唔到口叫了大大份甜品！點了 朱古力窩夫 老闆說要等25分鐘，我都要等窩夫含有重量級朱古力味，暖暖的微脆外層食食吓覺得食緊朱古力布朗尼呢！淋上朱古力漿，配新鮮香蕉片減輕朱古力甜膩感覺，而朱古力雪糕呢！感覺雪得夠凍唔會一食就溶晒，雪糕本身亦沒有溶過翻雪有雪塊冰粒的感覺……之前有些甜品店可能雪糕賣得比較少連d雪糕硬塊都比客人食~要不得的行為。這裡可能流量大所以沒有這個問題。其實晚飯後已經好飽，再食這個仲飽！終於，食唔晒唔好浪費自備食物盒帶走窩夫。下次可以唔食晚飯，直接食這款當晚餐了！雜果楊枝上枱見到材料份量十足，比起好多之前其他店舖出咗名的楊枝金露（食過好幾間都覺得失望）~醬汁味道呢間店呢個價錢比足料個底生果份量十足唔會得幾粒，芒果漿有芒果味，花奶也比得份量夠，已很久很久沒有食到味道似返楊枝金露的甜品了就算係之前出名楊枝金露的店舖亦偷工減料了完全唔係當初的味道，希望店舖不受租金人工影響質量啦！多謝美味甜品呀！

柴灣冇咩糖水店，如果想食糖水，有時都會搭車出西灣河度食。西灣河「明記」係老字號，開咗好耐㗎啦，今晚就再番尋味。我哋去咗紅色招牌嘅呢間「明記」，聽講係舊址「明記」個仔開嘅，水準一流。超多款糖水揀，我就叫咗榴槤忘返，我老公就叫咗鮮雜果咋喳黑糯米。榴槤忘返有芒果、涼粉粒、西米、好大舊榴槤肉等等。仲有好多花奶 $44鮮雜果咋喳黑糯米有好多唔同生果組成，例如香蕉、哈密瓜、蜜瓜、西瓜、芒果、糯米珍珠和不同種類嘅豆，聽老闆講，啲珍珠係自己搓出嚟嘅，好用咬口。甜度啱啱好，唔會太甜，好多生果 $35值得推介！

燒完野食口痕痕,朋友話筲箕灣有間糖水鋪好食,我響東區咁耐都未食過,係咪咁堅先?當我見到個menu,哇!都幾多選擇架wor~~仲有我最愛gei芋圓!!!!!我叫左個芋圓西米露~~D芋圓芋頭味好濃郁,開頭都擔心就咁會唔會無味,但椰汁甜味已經好足夠,加埋芋頭味,令西米露好豐富!!黑糖芋圓豆腐花賣相雖然唔係靚,但味道超夾,本來以為黑糖會好甜,但佢份量調教得剛剛好,所以唔會搶走豆腐花gei味道,豆腐花仲好滑,大豆味好突出~~喳咋可以講得上抵到爆!成碗D紅豆綠豆多到好似食飯咁~D豆煮得好透好容易入口,甜度適中,食完真係飽到好似食飯咁~~仲有個雪糕士多啤梨西米露~~雪糕係高級雪糕,所以味道特別濃郁~我要大讚係佢外賣gei貼心~~因為個雪糕球佢係特別獨立包裝,成功避免回家打開雪糕已經失蹤gei情況~~不過士多啤梨就酸左D~~

明記位於西灣河的分店有三間，我到訪就是在斜路的那一間。到訪當天，我所點的是士多啤梨木糠凍餅以及雪糕黑白小丸子。首先說說士多啤梨木糠凍餅，賣相精美，士多啤梨味十分出眾，而且甜度適中，餅底非常厚。雪糕黑白小丸子黑白是代表芝麻糊以及豆腐花，小丸子非常煙靭，而且十分有咬口，拼起雪糕是絕等的配搭呢! 這間糖水店只有地下和閣樓兩層，人流比較多，夜晚通常都擠得滿滿的，所以要預留時間排隊入座。這間糖水店的價錢相宜，雪花冰也是這間糖水店的另一個特色，希望下次可以再試試啦!

大年初三，搵食艱難，聽講明記嘅糖水好好食，又好彩呢日都有開門，就嚟試下。叫碗啱哂女仔食嘅桑奇生蓮子蛋茶，老公就叫碗鮮什果西米露，兩碗都比平時見到嘅大碗，又好夠熱。桑奇生嘅唔算好多蓮子，蓮子亦都冇去掉蓮子芯，但從味道可見佢落足料去煲，西米露就一睇就知好足料，茶記載魚蛋粉size嘅中大碗，滿滿嘅西米，仲有西瓜、火龍果、芒果、蜜瓜.....仲有大粒黑珍珠，食完真係超滿足!!仲有....新春期間都不收加一或加二服務費!

住係港島東區既人都知道，呢邊其實係冇咩出名既糖水舖，事實上係連糖水舖都好少，所以相信呢邊既人對明記都唔會陌生，因為講親要食糖水基本上都係明記⋯⋯環境：明記有三間舖，三間都係同一條街，但通常中間個間都會多人d，所以我都慣左會去另外個兩間。每間舖既位都唔多，睇相見到冇人，係因為今晚我地7點就黎，平時9、10點通常要預迫迫地坐同要塔枱坐。服務：唔係誇張，我去過幾次已經撞過兩次入面d員工當眾嗌交，所以入面d員工都唔係好好相遇，態度好一般般。衛生：衛生情況都一般般，皆因有次邊食邊聞到好大陣奶酥味，個人觀感唔多好。味道：雖然講到服務同環境都咁一般，但糖水的確係幾有水準既。呢個腐竹薏米雞蛋糖水，雖然唔見腐竹，但其實係因為已經溶晒係糖水當中，所以糖水好滑。原集雞蛋加上啖啖薏米可見用料算足。芋頭黑糯米，味道偏甜，但都係用料十足，啖啖黑糯米配大大粒芋頭，食完超飽。抵食：中色糖水黎講三四十蚊一碗，用料足而且咁大碗，所以都算抵食既。

係筲箕灣食完飯意猶未盡，決定行去西灣河食多碗糖水先散。坐低就立刻諗食咩，真係花多眼亂！芒果豆腐花$28我就揀左芒果豆腐花，雖然已經冬天，但呢度既芒果仍然好甜好好食！濃郁既芒果汁拌豆花，十分特別。而且豆花有柴火味，好香好滑。彩色芋圓西米涼粉$32芋圓有三隻色，分別係黃色、深紫色同淺紫色，味道一樣，口感有D粉粉地，唔知係未熟透還是呢道既特色呢。甜度適中，中和左帶微苦既涼粉味。西米亦煮得剛好！粒粒通透之餘不會溶到痴埋一舊。廿幾三十蚊一碗，真係好足料！

尋晚食完飯就落街食個甜品，其實之前一路都想食，但上次嚟呢度食完個窩夫之後就飽左，但上次來呢度食完個窩夫之後就飽咗，今次就特登過嚟食呢個棉花糖燉蛋之前黎食嘅時候見到隔離枱叫，已經好想試㗎啦，今次終於有機會試到原來個職員同我講話個燉蛋係凍嘅，我一路都以為係熱嘅，唔緊要就照等啦，同埋佢話要等20分鐘左右。。。因為一心想食所以都無理到個時間。。見到個賣相已經好想食啦，但唔知係咪抱大大期望，食落口又覺得一般，燉蛋唔算好甜因為棉花糖嘅甜味中和左，整體來講冇乜特別。但都係一個新嘅嘗試，下次會再過嚟試其他嘢

之前search過屋企附近睇吓有啲咩糖水食，呢間都幾特別，尋晚就特登過去食個糖水先再返屋企，開頭去到鋪頭門口，見到啲人食完嘅杯碟都放咗喺門口啲筒度，真心覺得好似個衛生有啲麻麻哋，因為任何人出入都一定要經過嗰個門口。入到去唔係好多台，我自己就坐埋一邊，鋪頭唔算好大，但裝修的而且確比較殘舊，我自己比較鍾意食啲特別嘅糖水多啲，如果中式嘅我見隔離枱食嗰個樣就麻麻地喇所以我都係點講比較穩陣啲呢個窩夫，佢哋仲有得俾我揀雪糕嘅口味，不過佢哋本身話製作需時要等20分鐘左右，最後我都係等左10分鐘就有得食啦，我又覺得唔太差喎，個窩夫食上去都比較脆價錢OK，可以試吓

同幾個fd喺北角食完晚飯就返嚟西灣河食糖水~之前食啲新興甜品店三四十蚊得少少, 食到好唔自在。返嚟街坊店就可以放心揀嘢食~好快整好~好大份~~唔會好快溶, 水份應該唔過多~~味道唔假, 但就唔好期望有好香鮮果味喇~但士多啤梨冰少過芒果好多配料有西瓜,啫喱同爆珠。其實好多架,只係匿埋晒喺冰底...影出嚟失色咗唔少...同一個價食綿綿冰可以有更重料嘅選擇。明記都係雪糕小丸子比較抵食好食~但真係坐好耐都唔怕人趕~食糖水都係想傾耐啲, 偏偏而家啲糖水舖就又迫又趕人走。明記自在得多。等下次再約啦~

如果食比較冇甘中式既糖水，一定推薦呢間！事日學完yoga 就放縱自己去食咖啡木槺凍餅（$38）。佢比一般既木槺布甸口感硬，而帶出既咖啡味亦都係好濃好香，再鋪少少oreo曲奇碎，真係超正。抵食過lady x呢d啦我亦都帶偷食男朋友叫既芋圓糖水。芋圓都係好煙un，而且食得出芋頭等既味道

以前都有去過明記，覺得好似松記咁上下，已經好幾年無去，但因為食左一次之後發覺完全中伏，迫住要去食多兩次先用得晒啲券，第一次去食芒果撈珠$42算一啲都唔凍，室溫既溫度請問食乜嘢凍甜品呢？服務態度已經麻麻地，冷漠趕客無表情無反應第二次怕左佢地就叫外賣，叫左價值$32芒果西米露，嘩！正呀！竟然只有芒果肉加椰汁西米露，唔好玩啦！去其他記$29都已經有芒果汁底西米露啦！最後一次夜晚要用晒$150券，入到去疑似老闆既即刻問我用幾多張，我只係攞住個menu兩分鐘啫，之後我仲諗緊食咩，佢居然掟個計數機係台面話俾我計得清楚啲，使唔使串我用券串兩次，你唔鐘意人用券咪唔好放上網賣囉！我叫野食，無芒果無士多啤梨，無芒果汁無朱古力木糠布甸！係你地呢樣無果度無，仲嫌我諗得慢叫個伙記走開去做其他野！老闆大晒咩，態度真係衰到係趕客架喎！咁最後叫左棉花冰草莓底草莓汁配西瓜$48，九唔搭八唔好食囉！原味木糠布甸$40超硬味道怪朱古力心太軟$58就比較好其實價錢一啲都唔平民同連鎖店差不多，而且無服務無品質老闆寫完張單係掟落黎張台度，我叫左$146，豪$4俾佢地，最後我地都食唔晒就走，個環境好唔舒服，唔明白點解仲有人會去，去