明記粉麵茶餐廳

營業中

休息中

本來今日打算去銀鳳街食「SO記」車仔麵，點知搵整都搵唔到，兜左兩個圈都一樣冇結果，真係鬼掩眼，最後唯有死死氣在附近搵下其他野食。行過見到呢間野成兩點半都仲幾多人客，咁就同啤梨入去，起初以為只有「牛什部」，點知原來仲有「茶餐廳部」。難得兩個人入到黎，不如就叫一中一西啦，我就叫「午餐」，啤梨就叫「腩河」，飲品叫左「凍奶茶」同「凍檸茶」。講左個「午餐」先，內容有「火腿+炒蛋+多士」、「沙爹牛意」、「凍奶茶」。「火腿+炒蛋+多士」都係一向大路茶餐廳質素，還好的就是「炒蛋」不是炒定，而係即炒。「沙爹牛意」真係唔多掂，沙爹汁冇沙爹味、牛肉比梳打粉奄到分解晒，已經唔可以用「肉」黎形容，意粉入面有幾條淋晒的生菜，還好意粉都係彈牙，唔係的話，呢碗野真係同食「糊仔」冇分別。「凍奶茶」冇茶味，D奶又唔香，唔似飲緊奶茶，似飲緊「奶水加冰」，唔掂。反而「牛腩」幾焾，味道可以，相信「牛什」先係呢間店的強項。服務方面OK，起碼有個婆婆要求杯滾水，阿姐都好有禮貌咁話冇問題，不過全店的伙記都全情投入「炒野」，炒乜野？知唔係今日又創新高的「股市」囉！！(唔知老板係未唔在場，定係同班伙記炒埋一份？)

明記最出名是牛雜,牛腩亦好味,但有時會俾啲好肥的牛腩,肥膏太多; 粉麵湯底濃,但頗多味精,會好口喝雲吞亦為不錯的選擇,可以買生雲吞返屋企自己煮晚上開始有粥賣,通常會食豬潤粥,豬潤夠多,淥得啱啱好,粥底又夠綿,冬天夜晚好多人企係門口等粥外賣而用來煮粥的不同生肉都放於門口的一個開口盤內,故夏天時我便很少食粥一到星期六,日假期,由早到午明記都爆棚,門口位亦坐滿

粉麵餐連奄列都係$17，加1蚊仲有凍鮮奶，去邊度搵？

呢間野真係要讚下佢～佢Ｄ牛腩到牛肚經常都係一Ｄ高質素既出品，牛腩可以達到小城知味既質素，甚至更高～真係幾好～肥瘦適中，又唸～正！十幾蚊真係去邊度搵丫～加五蚊仲可以要埋野飲或者沖菜。要求唔係咁高既朋友真係要試下～

the food and service also good but the place too dirty..but in sunday and saturday a lot of ppl go to eat 早餐the place become biggest now~

星期六、日上午一定人頭湧湧，因為個個都去個間食早餐．整體上都叫平、正，但係要小心，因為好多時碟奄列都有些黑點．原來黑點係來自廚房大佬口中所叼的香煙．． 招呼方面：你都係食完即刻走罷啦！