明記腸粉 (已結業)

明記結業光顧了外賣三式腸粉加底，一向外賣醬料都是由老闆落在腸粉內，而堂食的是自助落醬。今次落單後，見老闆加豉油後同佢講要”多醬”，老闆向切腸粉向玻璃窗細聲講左句說話，之後向逐隻字同我講”自己落呀，廣東話識唔識聽呀”，我回應”平時外賣唔係自己落醬，所以唔知頭先你叫我自己落”，老闆就話”平時呀嘛，今日唔係平時，我唔玩啦，留比你哋自己慢慢玩”，店員隨即同我講由今星期開始比顧客自己落醬。明記腸粉由白頭佬年代買起，到未宣布結業消息都偶爾幫襯。於網上不時看見買腸粉時都被老闆不禮貌待遇，直至今天親自第一次遇上。如老闆決定在結業前加了規定，是否應在舖內加上告示，而非這樣對待食客。即使腸粉的質素再好，遇上不禮貌的老闆亦不需可惜。

之前我冇留意呢間餐廳.話佢將會結業,我就去試吓. 叫左豬皮,魚蛋,腸粉. 腸粉ok,唔會好驚歎. 我覺得麻醬既味幾好. 冇見過出面有斑蘭薏米水.都叫黎試吓. 完全冇斑蘭味,薏米水亦好淡. 好似$16,以呢個價錢黎講,就唔係好抵.

位於上水的明記腸粉，是很值得一試的小食店。這裡最受歡迎的菜式當然是粥和腸粉，尤其是混了大量醬的腸粉，吃起來十分香滑。除了腸粉外，他的豉油王炒麵，麵條煮得恰到好處，加上豉油王的獨特風味，非常美味。另外，斑蘭薏仁露也是一道非常值得推薦的飲品，口感清涼，帶有淡淡的甜味，喝後感到十分舒適。店家在製作時不會加太多糖分，輕盈的口感讓人在享受完濃味的腸粉後，也不會感到過於沉重。整體而言，明記腸粉提供的食品質素極高，價格也相當合理。加上店員服務友善、價錢實惠，是一家適合吃點小食充飢的好選擇。可惜的是，明記將於4月9日就結業，上水又少了一個好選擇#上水美食 #明記腸粉#混醬腸粉 #豉油王炒麵#友善服務

食呢D街邊Feel腸粉最緊要就係個醬，無咗D醬，成件事就錯晒，所以呢間腸粉店可以自己落醬真係真心掂。呢個就係自助落醬Corner，記得以前係一兜兜然後有膠羹自由畢，不過可能因為疫情原故所以upgrade了自己泵。叫了三式餐加一罐Zero，三式餐入面有腸粉、魚蛋同埋豬皮，三樣都好食，豬皮好爽，魚蛋夠彈牙，腸粉都幾滑。

三式餐一次過滿足三個願望所講的三色餐就係由腸粉魚蛋同豬皮所組成的套餐，盛惠$22，真係抵食到無朋友。老老實賁呢度雖然仲有燒賣同腸仔(脆皮腸)，不過個人認為呢兩樣都只屬一般水準，如果有quota都建議用埋喺腸粉魚蛋同豬皮度。腸粉夠滑又唔會一pat pat咁黐埋一舊咁，魚蛋係細細粒的陳皮魚蛋，豬皮就爽口彈牙，跟住就係靈魂所在嘅甜醬麻醬仲有芝麻粒，呢D全部自己落，可以就住自己喜好狂落(當然唔好嘥人地D野啦)。呢間又係一間老店，值得支持。

外邊粥店粥店食唔到嘅，綿綿口感米香老火粥，雖然粥款式只有白粥和皮蛋瘦肉粥。好耐未食過咁正嘅皮蛋瘦肉粥。腸粉好食，醬料自己加，醬料係自家製。麻醬超香，令人回味的老店家。

出咗個腸粉story 無諗過會比你地炸爆inbox😂 即刻嗱嗱淋打個post一次過答哂大家先 (你地嘅inbox我全部有睇架 不過未覆得似咋🥲)-上水名物之一 明記腸粉明記係區內出名嘅名物👍🏻腸粉滑溜😉食開腸粉嘅都知道 醬料係靈魂😋呢度嘅花生醬幼滑 微微花生香🤩溝埋大量芝麻超正 最最最開心嘅係可以自己落醬倒到滿滿都仲得(見我落咗大量芝麻) ‼️當然啦倒還倒 食得晒先好倒 唔好浪費小店嘅心機.#hkfunfoodrecord窮遊香港#hkfunfoodrecord_上水.#明記腸粉 (上水)地址：上水新康街11號地下.⭐️評分：味道：4.5/5環境：2.5/5服務：2.5/5抵食：2.5/5.鐘意睇野食既朋友仔 記住幫手like分享 同撳埋右上鐘仔超感謝 你既支持🙏🏻一齊見證 我脂肪既成長.

今日返上水食兒時的味道開咗明記腸粉呢度十年如一日，間隔都冇咩變過連啲餐具器皿都係最重要係味道都冇變叫咗腸粉燒賣豬皮要燒賣的話係冇套餐嘅即係分開散叫唔緊要，呢三樣嘢都係我最鍾意食嘅燒賣煙煙韌韌，有少少魚味，唔會蒸過龍，仲有少少大牙，一啲都唔腥豬皮冇意味，爽口淋滑主角腸粉滑嘟嘟，又簿，吸晒啲醬汁好好味最重要係呢度堂食係自己落醬汁，每款醬汁都應該係老細調個味，同出邊嗰啲唔同配埋啡癡，咁香嘅cold blew一流

我很喜歡食腸粉，深水埗那著名的一家我是常去的，上水這一家腸粉名店我是第一次光顧。這天點了三式，即腸粉加魚蛋加豬皮，滿滿的一碟，只需$21 ，單看份量已經是超值的了。先說腸粉，很滑，有彈性，沾上豉油、甜醬、麻醬和辣醬，很好吃。魚蛋，不是很大很大的那種，其貌不揚，但質感和味道都很好。豬皮，不是漂得白白的那種，也是樣子不討好，但味道極佳。腸粉、魚蛋和豬皮，我都給很高的分數。下次到上水來，還是要到這兒吃腸粉、魚蛋和豬皮。

細個住港島好鍾意喺小食店買燒賣腸粉，而家搬咗去將軍澳冇呢啲店。😭 今次難得嚟到上水，我朋友話帶我去食一間好出名嘅腸粉店，仲話下晝賣晒就冇即刻收工。聽到咁樣，我梗係即刻9秒9仆到去啦😂叫咗腸粉、魚蛋加燒賣，真係最後一份🤣老闆話得番半份腸粉收一半錢😂👌🏻👌🏻👌🏻照殺聽朋友講個辣椒醬好出名，擺喺到俾你自己任落。腸粉好滑，冇得頂，一定會番黎翻兜。燒賣都幾好食，魚蛋就係細細粒唔係好彈牙果種，叫埋多種類啲豐富啲啦。我哋一食完佢真係收工了☺️

上水必食老字號！一入到去呢一間餐廳，就知道佢嘅歷史悠久，入面嘅裝修睇得出係舊香港嘅風格！同埋一睇就知道佢哋唔係靠裝修吸引客人，而係靠吸引嘅價錢同埋高質嘅食物！呢度嘅腸粉，又白又滑，加埋豉油同埋花生醬，真係冇得輸！另外加咗一條廚師腸，同埋陳皮魚蛋，真係好好食，好有小時候嘅回憶！ ！

自從有一次一位上水居住的朋友帶路，吃了這家小店的腸粉之後，令我念念不忘，現在每逢到上水，都會去探一探這位老朋友(我意思是腸粉)我見D人通常都會叫套餐，有腸粉加豬皮，腸粉加魚蛋，腸粉加魚蛋加豬皮同埋魚蛋加豬皮，不過我就淨係鍾意食腸粉，所以會就咁叫腸粉。佢D醬同芝麻都係自己落的，鍾意邊D多D邊D少D都由自己決定，真係幾好。

🇭🇰 明記腸粉·上水都幾多小食 而且好多餐廳啊士多都叫明記😂😂😂·腸粉魚蛋$19佢呢度啲腸粉都幾抵食$14就有四條 而且其實佢再俾貴少少$21就會有埋豬皮添 不過我地嗰陣冇睇到😂😂😂之後佢啲腸粉真係好滑 食落口感好好 而且熱辣辣得黎唔會黐埋一舊🤤之後佢啲魚蛋雖然就細粒啲 但係真係好重陳皮味 都唔錯 不過我自己都係鍾意腸粉多啲😈😈·📍上水新康街11號地下·#rby💛#rbyeat #rby好去處#rby港式#rby上水

明記腸粉-上水嘅老字號街坊小店，由鋪面已經睇得出充滿歷史嘅痕跡，冇咩特別裝修。鋪頭比較舊式簡陋，得三四張圓枱加摺凳，但都叫做乾淨企理小食就得幾款選擇唔多，可以自由配搭腸粉、魚蛋、燒賣、豬皮、腸仔，另外仲有粥同炒麵。雖然係區內幾有名氣嘅小店，而且網上大部份評論都話好好食，但老實講味道服務環境都一般，話超好食又未至於，不過廿幾蚊黎講都算唔錯，有時行過口痕想簡簡單單食啲小食醫下肚都可以幫襯下_➤三式套餐🍡$21所謂嘅‘三式’即係有齊晒腸粉、魚蛋、豬皮嘅招牌配搭套餐，份量都唔少，廿幾蚊當早餐或者下午茶都可以腸粉夠軟夠滑，粉皮唔會太厚，卷得夠實淨，亦唔會蒸過籠淋哂痴埋一舊豬皮爽口都幾入味，陳皮魚蛋細細粒口感扎實，不過不失醬汁係腸粉嘅靈魂，唔會太稀太稠，岩岩好。另外呢度嘅醬料同芝麻一樣都係自助嘅，自己落就可以按番個人囗味，想點混醬都得，個人就鐘意落超級多嘅甜醬同麻醬，食落夠哂惹味_🍽味道指數:★★★☆☆📷環境指數:★★☆☆☆🛎服務指數:★★☆☆☆ 💰抵食指數:★★★☆☆ 😋推薦指數:★★★☆☆ 📍明記腸粉上水新康街11號地下

呢間都幾出名嘅上水老字號由鋪面已經睇得出充滿歷史嘅痕跡，冇咩特別裝修，係比較舊式本土嘅街坊小店。鋪頭簡陋狹小，得三四張圓枱加摺凳，但都叫做乾淨企理小食就得幾款選擇唔多，可以自由配搭腸粉、魚蛋、燒賣、豬皮、腸仔，另外仲有粥同炒麵。雖然係區內幾有名氣嘅小店，網上評論大部份都話好好食，但老實講味道服務環境都一般，話超好食又未至於，不過廿幾蚊黎講都算唔錯，有時行過口痕想簡簡單單食啲小食醫下肚都可以幫襯下➤三式套餐🍡$21所謂嘅‘三式’即係有齊晒腸粉、魚蛋、豬皮嘅招牌配搭套餐，份量都唔少，廿幾蚊當早餐或者下午茶都可以腸粉夠軟夠滑，粉皮唔會太厚，卷得夠實淨，亦唔會蒸過籠淋哂痴埋一舊豬皮爽口都幾入味，陳皮魚蛋細細粒口感扎實，不過不失醬汁係腸粉嘅靈魂，呢度嘅醬料同芝麻都係自助嘅，自己落就可以按番個人囗味，想點混醬都得，個人就鐘意落超級多嘅甜醬同麻醬，食落夠哂惹味