明記飯店 (已結業)

朋友介紹黎呢度食晚飯 室內場好似有冷氣 喺咁熱嘅天氣去食大排檔都唔怕會熱👍🏻野食唔錯 幾夠火候幾夠味 價錢合理 水準都合格以上 同埋店員都幾nice 夜晚想同啲fd吹吓水食大排檔啤啤佢 都係唔錯選擇下次會再黎😃

好耐無黎明記食個啊媽式洋蔥豬扒飯，豬扒即炸脆卜卜，凍央咖啡味香濃唔會苦，有時啲嘢唔好單看表面，有食過就清楚個中味道😋😙😙😙😙😙😙😙😙😙😙😙😙

環境: 同事推薦嘅大排檔.去到見到都幾多人好熱鬧.都算乾淨.空調足美食:我地係食夜晚.菜嘅款式都算多.今次主要食海鮮.元貝好大隻.勁多蒜蓉粉絲. 豉汁炒聖子份量都好足.蜜焦鱔推薦!!第一次見到呢個食法.好特別.甜甜地又脆口.椒鹽鮮魷都幾新鮮.都有點咕嚕肉.雞呀呢啲經典菜.味道都ok.咕嚕肉有入口即溶感覺.我本身少食肥肉.所以覺得有啲油.如果有人本身鍾意食肯定會覺得好正味道:大排檔中出品算唔錯.如果食慣清淡嘅朋友可能會覺得濃味小小

我最近去咗位於上環熟食市場的大排檔《明記飯店》，叫咗幾款美食，包括炸子雞、蜜焦鱔、椒鹽鮮魷、咕嚕肉以及豉椒炒聖子（炒米粉墊底）等。整體而言，明記係非常值得推薦的餐廳，菜式不僅美味，而且價格也非常實惠。講下炸子雞。這道菜色是他們的招牌菜之一，炸得非常酥脆，肉質鮮嫩，非常可口。而且，它的口感不會過於油膩，表皮酥脆，內裡嫩滑，是一道非常經典的菜式。蜜焦鱔是另一道讓我震驚的菜式。鱔魚口感豐富，鮮嫩多汁，並加上蜜焦醬汁烤至微焦的外皮，口感十分特別。這道菜帶有甜味，但不會覆蓋住鱔魚的原味，非常值得一試。椒鹽鮮魷也是一道非常值得一試的菜式。鮮魷炸得香脆，椒鹽味道恰到好處，非常適合當作下酒菜或者小吃。咕嚕肉是一道非常經典的中式美食，而《明記飯店》的咕嚕肉更是一絕。豬肉肉質嫩滑，醬汁甜酸可口，是一道非常適合與白飯搭配的美食。最後，我一定要講下佢地既豉椒炒聖子米粉墊底。這是一道非常特別的菜式，將炒過的聖子和炒米粉放在餐盤底部，再淋上豉椒醬汁，讓聖子和炒米粉吸收醬汁的味道，提升整體口感和風味。這道菜色口感鮮甜豐富，搭配非常創新，是一道非常值得品嚐的菜式。餐廳的氛圍也非常舒適，讓人感到放鬆和愉悅。如果你想要品

同事介紹上環有間好吃的小菜館,果然十分美味係上環熟食中心,有冷氣,環境算比較好最好食係蜜焦鱔,師傅功力夠,唔會燶嘅同時細骨燒到可以食落肚,其他海鮮例如蟶子同扇貝都好新鮮好好味,不過海鮮要提早預訂,或者自帶椒鹽鮮魷新鮮炸起,好好食不過要小心太熱,大大份,趁熱食一流燒雞同埋糖醋骨都好好,份量足又唔會過火喉同同事一邊食一邊吹水,飲飲啤酒或者茶,老闆好好人唔會催你交枱,見到好多外國人係隔離枱,感覺唔多似香港,好輕鬆

約咗同事一行九人到上環街市明記慶生。有同事之前幫襯過，推介我哋一定要試咕嚕肉同辣酒煮花螺。可惜我哋遲咗一步辣酒煮花螺已經賣晒。唯有叫老細推介其他菜式，老闆推介我哋試蜜焦鱔(音譯，唔肯定點寫)。蜜焦鱔肥美，外脆內軟，上枱唔夠五分鐘已經俾我哋成碟清晒。而同事話必食嘅咕嚕肉真係無令人失望，甚至有啲驚喜。咕嚕肉炸得夠脆但又保留到入面嘅肉汁，再配埋個甜酸汁，送飯一流。真心同平時其他餐廳嘅咕嚕肉唔同。另外仲食咗椒鹽九肚魚，帶子蒸粉絲，黃金苦瓜，薑蔥蠔，炒蜆同鎮江骨，款款食物都好高質，食到唔記得影相。最尾同事話想試埋楊洲炒飯。炒飯夠鑊氣又足料，飯夠乾身，粒粒分明，個個都食到好滿足。希望下次再去可以試埋個花螺！

係港島區想搵一間有鑊氣小炒同朋友慢慢坐傾吓偈飲番杯😆上環熟食中心真係好選擇👍首先有冷氣係好重要😂香港真的太熱了🥵❣️豉椒炒蜆配米餅底，極力推介，因為蜆同豉椒嘅味道都入晒落個煎香左嘅米粉底，蜆係隻隻開口又無沙👍❣️辣酒煮花螺，久違了嘅味道🤤辣得來唔會太辛苦，唔係好食得辣嘅都一定食到！螺煮得岩岩好口感，食住飲番杯🍻岩哂❣️蒜蓉蒸扇貝，超大隻嘅扇貝蒸得啱啱好，配埋粉絲，簡直一絕😋❣️招牌小炒王，你都大排檔冇可能食小炒王，呢度好足料又有鑊氣👍❣️鎮江骨🐷唔會太酸啲醬汁啱啱掛晒喺每一舊嘅一字排🤩❣️菠蘿咕嚕肉🐷食嘅時候果皮仲係脆口的🤤❣️琵琶豆腐，每一舊都脹卜卜超足料😍❣️椒鹽九肚魚，食落去唔會啖啖油，食到肥美嘅魚肉🐟❣️呢到比起一般嘅熟食中心乾淨企理，又通爽，啲夥計仲好好服務👍💚💚💚💚💚

同家人落樓下食野，見到佢裝修完再開，可能換咗經手人就試試佢，老闆幾熱情，食物幾有驚喜，所以已經變咗我屋企飯堂。避風塘炒蟹，好夠味道，依個要同老細講想食佢先去買肉蟹加工，蔥蒜送飯都正。豉椒炒蟶子煎米粉我唔知原來炒蟶子有煎米粉底，屋企人話都少見，米粉餅夠外脆內軟，好岩小朋友食，亦好飽肚。啫啫通菜煲，超香口，同時爽脆！炒麵&炒飯 好夠鑊氣同夠味道，出色同場見不少外籍學生黎食飯聚餐，睇黎大家都好喜歡大牌檔飲酒既vibe!

平時返工lunch淨係黎上環街市碟頭飯，估唔到夜晚黎食大排檔咁正，有鑊氣同少見大排檔咁乾淨。個人最鍾意食係個咕嚕肉，又脆又甜。另外仲有d出面好少見既老菜式魚腸焗蛋。食緊既時候見隔離枱枱都叫炸雞，望落去層皮都係勁香勁脆，睇黎下次要試一試，支持一下有質素既大排檔。

豪食隱藏菜單熟食中心通常食鑊氣平平地午市套餐三十多元都有交易但到晚上識食梗係食隱藏菜式朋友n世前帶我試過，念念不忘到昨日自己跟朋友來，為的就是豉椒炒蟶子大大條粗過手指公6隻炒上來，成碟蟶子麵咁配料足，又有鑊氣，屋企好難整到朋友則想食蟹訂了個薑葱炒蟹，一人一隻，上菜時，見到明明是花蟹，但好似肉蟹咁飽滿，啖啖肉呢家休漁期又不是入秋，有咁嘅質素，實在驚喜店家仲留了超巨型扇貝畀我們成隻手掌咁大，舊肉都闊過可樂樽加埋啲蒜泥粉絲，吸晒啲貝鮮味最初店家以為我們是3個人，留咗三隻，但見我2個人，就替我們退一隻，計少一隻錢頂，勁後悔，早知叫佢哋蒸埋食多半舊都好之後，就即場點多2樣叫了個炸墨魚餅咬開有一粒粒墨魚，食落好過癮另外點多個椒鹽九肚魚就正常大排檔味道珠肉在前就無特別2個人，食5道海鮮，加1枝汽水，及1枝啤酒埋單先每人325元，真是熟食中心先做到呢個價打個電話去，講底預算及想食咩，~咩即日靚海鮮又可以替你搵計埋呢份心思人工比揼幾舊水食冷盤自助餐開心疫情下到小店豪食先至痛快

公司距離上環熟食中心大約10分鐘,行快幾步就可以來到這里食到好多便宜又抵食的茶餐廳,今次又來到街市,自然就會選擇新一間未食過的茶記。豆腐火腩飯 & 無糖可樂  43元  4.5/5分菜單上都是飯麵粉類,幾乎你想叫的都有,今次剛好見到有其他食客正在品嚐大份的豆腐火腩飯,所以我就忍不住仿傚他,結果到我離開時又有另一位客人叫豆腐火腩飯,實在笑死~等了10分鐘左右就上碟,果真是超級大碟,可樂是附送的飲品,要飲茶啡再加錢。炸豆腐幾出色,火腩其實是炒過的燒肉,無咩特別,汁方面就略為淡口,但整體來說不失為合格有餘的豆腐火腩飯。這間茶記值得推介,因為午餐想吃一餐飽飯實在不易,才43元的中式飯實在難得~

有時想食下蒸水蛋， 椒鹽鮮魷， 都會去下熟食中心d大牌檔。 氣氛輕輕鬆鬆，簡單食幾碟平實小菜， 好過d連鎖集團酒樓餐廳果d又貴又難食嘅credit card 套餐。星期五的上環熟食中心8 點幾，成場爆滿好熱鬧。 通常我地都會幫親明記， 因為老板娘好nice, 野食又大大份。個粟米魚肚羹都係七十幾蚊ja. 重有3 色蒸水蛋好足料。 豆豉鯪魚油麥菜又好鬼香。 4 個人食呢一餐都覺得好飽好滿意。 埋單4百蚊，呢d小店真係好值得我地多d支持la, 香港人！

一人午餐-平價系列最近想搵一啲又平又好食既午餐，所以就行咗大概三個字時間嚟到上環市政大樓熟食中心。我認為最近嘅出入口應該係皇后大道中，係嗰個入口行上樓梯再上電梯到2樓就到。上到嚟熟食中心，先發現原來午餐時間呢度係咁熱鬧。第一間試嘅餐廳係明記飯店，叫咗個梅菜蒸鯇魚飯。因為要時間蒸嘅緣故，所以等咗大概15分鐘到先至有得食，但等待嘅過程係值得嘅，因為條魚又滑又新鮮。好多謝姐姐俾咗魚頭我，因為真係好滑。如果加汽水嘅話，就唔使加錢。如果其他飲品就需要加$7。我冇叫到汽水因為我唔飲，但我見到人哋嘅汽水都係支裝汽水（支裝汽水正好多！）最後買單只需要$37！認真平靚正!

年初四諗住同事一齊去個開年飯，見明記開左好多枱，有位，咁就試試，點知落左單等左一個鐘都未有野上。。。之前同事去冇開咁多枱，唔個係咪開多左幾枱，但唔夠人，搞到等勁耐。抬頭周圍望下，見到隔離原來枱枱都冇野食，只係俾支汽水俾你，結果飲左半枝d野都未上，只能你眼望我眼。。。催左兩次之後終於上，野食味道係不錯，都大份，但實在等太耐啦 其實做唔切建議唔好開咁多枱，等左個幾鐘都未有野食，泥到要趕頭趕命咁食，之後唔洗番工咩。。。

幾鍾意來上環街市食野，因為用平價的價錢食到高質的午餐。叫左個星洲沙，份量好大份，是傳說的‘佬’飯，男人食都應該好飽，叫左少米，上菜之後都係好大份。好足料，有蝦/火腿/椒/洋蔥等，同埋好入味，叫埋飲品都係$48。