星小宴

營業中

休息中

今晚帶母親大人入黃金海岸行下，晚上在星小宴吃埋晚飯才回家，點了signature 秘制香辣雞煲（1隻）$298 ，想不到是碳火雞煲，意外驚喜，小小麻辣很野味，炒得好香，越食越麻，好滋味；然後店員加湯再打邊爐，今晚乘着風在室外打邊爐感覺寫意👍火鍋配料：手工餃子🥟$68，我覺得係必叫，每日新鮮手工製作，大大隻夠飽滿。豆腐$38、雞肉香腸$42、午餐肉$46、支竹$42、本地生菜$44，配合雞煲香辣湯汁，簡簡單單都咁好味。

星小宴 (屯門)屯門青山公路1號黃金海岸商場地下R1號舖同屋企人慶祝生日，嚟到黃金海岸呢間好出名嘅炭火雞煲食晚餐！坐露天座位有啲生風吹下好chill❣️閒日露天位都非常之滿座，所以大家記得預先打電話預訂👍🏻秘製香辣雞煲一隻$298揀咗小辣，岩岩好呀！雞煲黎到啫啫聲，好香椒香，味道好濃，而且炒夠乾身，焗一焗就食得😋 份量好多！雞肉肉質非常嫩滑，雞皮夠香口，炭火煲真係特別有風味❣️食哂d雞就加湯打邊爐啦！店員加嘅唔係水，而係湯底，我哋點咗安格斯牛肉$238、鴨血$48、白菜豬肉餃$68、支竹$42、木耳$34、金菇$34、午餐肉$46同埋油麥菜$44！特別推介安格斯牛肉！佢係手切的特級安格斯牛肉！油花勁靚同大碟，而且塊塊厚切，好有牛味好高質又嫩口😋😋😋另外再推介嘅就係白菜豬肉餃，係手工包制既豬肉餃，餡料真係好多，包得好實正，不易散開，咬落去啖啖豬肉，而且因為皮夠薄，索晒湯底嘅精華！我今次已經係我第二次嚟，不過上一次係食佢d小菜為主，佢啲小菜都好出色，今次食埋佢嘅雞煲打邊爐，係高質既!!炭火既雞煲真係好有特色，望住個海景食飯真係好chill呀👍🏻

睇食評講到咁好食，所以去試下。呢度唯一嘅優點就係租到個好位，有啲view睇下。首先要講嘅唔係食物，而係服務態度。侍應盡量唔會理你，或者直接會話唔得閒住。佢要求俾個上菜位，咁冇問題嘅，同我哋講聲就得，唔使咁惡嘅。本來點咗某個小菜，佢正常落單，點知好耐未到追下啦，點知佢只係話：「冇呀」，再追問先話今日冇，就算落單果下唔記得，入單果下都會發現，咁都唔可以講聲我哋知？所有接觸過嘅員工，包括侍應、看似高級嘅員工，大概6-7個，得一個嘅態度係比較正常食物方面，見炭爐雞煲幾特別，叫咗一個，但邊爐食物太唔抵，所以只點啲小菜。雞煲：味道可以，小辣都幾辣酸辣烤魚：侍應話唔可以走辣，唯有少辣，周邊嘢有啲辣，但條魚本身就冇乜味荔枝柴燒鵝：好耐未到先發現漏單，員工話即刻整，但嚟到係微溫同「鞋」，唔好味海參帶子豆腐：普通嘅滑豆腐，唔關材料事，但竟然最好味其餘有上湯浸菜、咕嚕肉埋單$2000幾

餐廳內不是多人，有張闊少少的4人檯跟窄少少的4人檯，我們3人而小朋友受了傷打石膏，我哋想比小朋友坐得舒服啲，所以揀呢間，但侍應堅持唔比我地坐張闊少少的4人檯，說我地只有3人，又沒有明文規定3人不能坐那一張，侍應態度本身已唔好，又有大陸口音，我於是向另一侍應反映，該侍應卻以鄙視態度加上不理不睬的目光態度無視我哋，我選擇了離開星級點心的價錢卻是大排檔茶仔質素的服務態度講真茶仔大排檔的服務態度都仲好過佢完全破壞放假的心情唔會再去呢間垃圾服務態度的餐廳裝潢幾靚都無用

3月14日 白色情人節捉左男朋友陪我去黃金海岸🤭本身諗住入去吹下風 之後返屯門先食野但係呢間餐廳太吸引 隨住炭火既味道行唔小心講左句：兩位 唔該🫢🤭🥢炭火花雕醉雞煲（一隻）隻雞超大隻🐓🐓仲要食到新鮮雞既口感🤤🤤醉雞湯底味道好夠 好香花雕酒味 帶有少少甜用炭火既關係 個🔥唔會太猛 個鍋唔會大滾 蒸發哂啲酒啲雞好似慢煮咁 用花雕酒炆熟 入口嫩滑 再帶少少甜味係會好食到食唔停🤤🥢日本帶子‼️‼️醉雞煲必點‼️‼️呢個係職員推介 話帶子同醉雞煲好夾開初都半信半疑🤔🤔食左第一粒之後 深深愛上左😍😍帶子每粒都大過$5銀 又有厚度放落湯碌幾分鐘入口個陣鮮甜味 係會讓人上癮😍🥢手切特級安格斯牛肉上等安格斯牛肉👑👑牛味濃就必需架啦仲要爽口彈牙 好正😋😋🥢巧手韭菜餃🥟餃子大大粒 入面啲餡好豐富菜同肉既比例剛剛好 似係師傅即場包🥢原條山藥估唔到真係一條 切開幾節咁上😮碌耐左都唔怕溶晒搵唔翻🤣山藥夠粉 高質👍🏻🥢甜口娃娃菜吸哂湯底既精華 打邊爐必食🍻Asahi買一送一喎 無理由唔飲😌雞煲啤酒 人間一絕☺️☺️呢到絕對可以encore 再encore 再encore可以望住個海🏖️ 飲住啤酒🍺 嘆住雞煲🥘我地係坐到唔想走🫣本

又來到每日嘅難題今日本身去屯門諗住食炭火雞煲因為呢間嘅炭火雞煲都好似幾出名點知我哋一坐佢哋係咁sale 我哋食烤魚又點知我隻🐯👩🏼佢竟然話不如試吓地獄嘅體驗即將開始，請緊握扶手個侍應問我哋食唔食得辣，我哋話OK啦之後嚟到條魚其實都還可以嘅，但係個個醬汁底真係搞唔掂，食到中後期係苦辣，食烤魚越嚟越油就一定㗎啦，但係我隻🐯👩🏼，叫晒啲全部都吸油嘅配料，我食到一半已經要去廁所😤😤😤見到人哋隔離食雞煲真係好羨慕，好地地食乜鬼嘢烤魚😩😩😩回頭率50%（點都要返嚟試吓個雞煲）但係烤魚就真係不了膝頭不保啦今次🧎🏻🧎🏻🧎🏻

白色日情人節妹妹話約我去黃金海岸食火雞煲，心諗幾特別，就一口應承咗。原來係我睇漏咗個炭字，其實妹妹係想約我去食炭火雞煲🤣any肥，炭火雞煲又好、火雞煲都好，照殺😆位於海邊嘅餐廳佔地不少，分室內及室外區，我哋叫得炭火邊爐，就當然坐室外啦。雖然吹住海風，但因為前邊有一個爐，所以都唔會覺得凍，一件短袖都夠打😎藥膳醉雞煲- 湯甜雞嫰，唔是急凍肥雞，雞皮可以即夾即入口，無多餘肥膏黏住，正😋更欣賞餐廳會為湯底裏面嘅紅棗去核🥰對於我嚟講，呢個舉動係十級窩心呀😍😍😍鮮帶子- 淥完都無縮水‼️鮮甜爽口、有少少干貝鹹香味，可能係我呢世女食過最好食嘅帶子呀🥹手切雪花牛- 雪花紋路清晰、油脂份量適中，肉味香濃、口感爽脆😋可恨嘅係：碟牛要三催四先出現，大概係因為冇屯門人肯貢獻佢返工用嗰隻牛掛🤪山藥條- 高質美味，但建議淥耐少少🤏唔係食完條脷會痕🫣娃娃菜- 上檯嗰刻俾佢個樣嚇親：竟然幫我切晒最甜嘅菜葉😳但原來係餐廳嘅自信表現🤭齋菜框已經夠晒爽甜美味🤩韭菜餃- 略厭太咸😓總括而言，對住個海，食到高質食材，價錢又唔算太貴，真係一種享受😙但提醒大家來幫襯真係要俾啲耐性，因為地方大、員工少，落單真係有啲亂🫥上菜時間亦比較耐

炭火雞煲望落真係幾正🐥炭火雞煲真係好小聽 特登入屯門黃金海岸 諗住試一試！點知隔離條友仔唔知痴起邊條筋 係都要話食烤魚🐟打死都唔肯嗌雞煲 見到隔籬枱枱都係食雞煲 我真係好想食 每張枱仔裏面都有個炭爐仔🥲沸騰麻辣烤江團魚$298叫左小辣嘅烤江團魚，啲魚肉係好鮮同結實彈牙，唔會太乾🐟加上啲辣椒同啲香料成條魚既味道更加濃郁之後仲叫咗好多配菜 食完烤魚之後 用個湯底打邊爐🍲價錢唔算貴 份量都算多！本地生菜🥬$44白菜豬肉餃$68紅薯粉$20手打爽滑牛肉丸$48順德魚腐$48

之前食雞煲都喺用開電子爐同gas爐 今次好特別 用炭燒! 第一次食炭燒雞煲前排天氣又凍番少少 由其晚上好寒煲未黎既時候可以用啲炭暖下手仔🤲🏿-🎏秋葵(好大條) +魚仔 ✨✨一黎就會比2碟小食食住等秋葵我一向都好抗拒 唔鐘意滑潺潺既感覺不過風乾咗既可以放入口 雖然咬碎都會有少少黏 但可接受魚仔一樣好脆口 魚骨脆到直接食 甜甜地好味-🎏秘制香辣雞煲(半隻) 💰$188幾雞既份量好足 舊舊肉都大舊少少辣香濃惹味 ((味入面仲有大量洋蔥同京蔥 好正🤤-食完雞其實都飽飽地 所以只喺叫咗基本野去打邊爐開頭都諗用炭會唔會唔夠火力 事實證明夠既-🎏手切特級安格斯牛肉(少) 💰$238 ✨✨份量多 一半肥瘦適中 一半偏少肥肉質好嫩 有入口即溶既口感🥹-🎏鱸魚片 $108切到好薄❗️ 口感好滑身唔洗滾好耐 唔喺好快溶同爛😂-🎏午餐肉 💰$46🎏生菜 💰$44-呢到最正既位一定喺個景 坐室外除咗涼涼地好舒服外抬頭仲望到好多星星(要好天) 成個人心情同啲星星一樣勁好靚‼️餐廳近海 食完仲可以沿海旁行下散步消化

辛苦咗一星期，所以要食啲好嘢慰勞下自己！星期五晚走咗入去黃金海岸，欣賞美景，食下好西，改變下心情🥰3月份涼涼哋既天氣，叫咗個炭火雞煲暖下身🐥炭火烹調下既食物比gas 爐煮既多了一份炭燒香味，令雞肉香味更上一層樓；而且雞肉嫩，連埋燒香既雞皮食，個份油脂香好吸引，加上孜然粉既獨特味道和微微既辣好惹味🥰雞煲配料又點少得洋蔥、蔥頭和辣椒粒，令整個雞煲生色不少😋食到咁上下就加入湯或，準備「十下十下」勒～邊爐配料包括：魚皮：超脆鮮腐竹、生菜、水餃：外皮帶著淡淡既孜然粉味，裡面既菜好爽口，豬肉口感岩岩好。魚肉片：爽脆滑嫩准山：准山味濃郁，外面爽脆、裡面粉粉口感，咬落有陣芋頭香，正呀喂😘食完再係海邊行陣欣賞美景，今晚好滿足🥰

化骨龍考完試 去黃金海岸放下電順便可以ℂ𝕙𝕚𝕝𝕝一ℂ𝕙𝕚𝕝𝕝😌放完電仲可以喺附近醫埋肚先返屋企今次去咗呢間⭐️星小宴 位置在海旁角落頭位置有室內外位置 不過我哋晏晝一點半去到出面無開放 如果唔係坐出面可以欣賞埋海景吹下海風 確實夠晒寫意🤍 鳳爪排骨煲仔飯 $58即叫即煲 熱辣辣 雖然份量比較少 不過呢煲煲仔飯有埋飯焦 唔錯👍🏻流心鵪鶉蛋燒賣 $43原來內有乾坤 粒鵪鶉蛋係收埋咗喺粒燒賣入面食時要小心 唔好一口就咬落去 小心粒流心鵪鶉蛋 辣親個嘴仔🫣鮮蝦長春卷 $40鮮蝦長春卷好香脆 入面仲好足料🦐蔥花炸兩腸 $36腸粉皮好滑 配上油炸鬼外軟內脆 好好味😋海南雞湯米線🍜 $68雞湯底清甜 海南雞嫩滑米線唔會太淋 整體唔錯👍🏻椒鹽鮮魷魚鬚🦑 $68唔會太厚炸粉 魷魚鬚炸得好香脆乾炒牛肉布拉河粉 $98唔係平時食開粗身嘅河粉 幼身嘅布拉河粉食落比平時食開既河粉更滑 牛肉份量都幾多唔會太油膩 係味道偏淡 配上辣椒醬 會更好味遠年陳皮牛肉球 $40陳皮牛肉味未算突出 勝在夠大粒蟲草花濃湯鮮竹卷 $40鮮竹卷同樣餡料豐富 配上蟲草花濃湯腐竹皮食落更入味😋筍尖蝦餃皇 $43蝦餃皮唔會太厚 蝦肉新鮮夠彈

吃過了各式各樣噱頭的火鍋，媽媽還是鍾情星小宴炭火雞煲，媽媽認為炭火雞煲是最道地的吃法，炭火能原汁原味呈現出雞煲與火鍋食材的風味，而且吃完炭火雞煲後倒入雞湯便可變成火鍋，一煲兩食，挺飽足的。秘製香辣雞煲先以炭火加熱拌炒，香氣爆裂，極具侵略性的花椒香襲來。秘製香辣雞煲香辣入味，非調味粉調出來的辣，是真材實料的花椒，洋蔥，辣椒，蒜頭等辛香料穿插其中，辣度適中，香麻鮮美，不會死辣帶層次，雞肉口感鮮嫩又帶彈性，忍不住一塊接一塊吃起來。吃得差不多的話，可以請店員為我們加湯，店員所加的是雞湯，加入雞湯後，秘製香辣雞煲瞬間變成香辣雞湯，與吃秘製香辣雞煲又有著不同的感受，我們可以開始涮煮火鍋了。香辣雞湯無敵適合涮肉，幾乎不用沾醬吃，光是香辣滋味已足夠，手切特級安格斯牛肉肉色相當漂亮，稍微涮個幾秒，手切特級安格斯牛肉變得彈牙極致，完全不會乾柴，且嚐得到牛肉的新鮮肉味。白菜豬肉餃顆顆完整漂亮，每一顆看起來都很可口，飽滿的白菜豬肉餃十分扎實，一口咬下先是白菜的菜甜味，咀嚼到後面豬肉鮮甜的湯汁及肉香慢慢釋出，白菜豬肉餃不沾任何醬料都好吃。我們大魚大肉之餘，也要來點高纖的蔬菜中和一下，於是我點了一份本地生菜。本地

今晚放工山長水遠來到黃金海岸為的只是一嚐著名的炭火雞煲在淡鹽味海風下吃雞煲真的別有一番風情我們二人點了秘制香辣雞煲職員先放上燒紅的炭再放上雞煲雞煲滋滋作響散發陣陣炭香雞肉有脾有胸肉質很嫩滑味道香辣惹味愈食愈上癮吃完雞煲就加湯再打邊爐點了手切安格斯牛肉小份份量也多牛肉在滾湯涮十秒就可以食用牛肉呈淺紅色肉質非常細嫩加入米線吸收湯汁天加滋味無窮另外點了韮菜餃西生菜等兩個人撐著肚子埋單悠悠的炭香味在海風中慢慢消散

之前聽有炭爐雞煲、邊爐，已經想試。一早訂定枱，坐户外環境幾靚，地方大。另外再叫左一隻扁皮鴨，$499。 送飲品扁皮鴨油脂分布啱啱好，都幾新鮮。份量亦都合適。另外呢度扁皮鴨嘅配料都幾新穎，除咗基本嘅醬料，仲會有啲平時見唔到嘅可以配搭，當然襯唔襯就見仁見智。呢度嘅扁皮鴨包住嘅皮係黃色嘅，有啲粗糙，同平時食開白色嘅唔同，個人就唔係好識欣賞，所以仲係覺得整體差咁啲。不過份量就好夠，平時喺第二度食，可能好快就用晒啲皮。同台有人唔食得好辣，所以雞煲叫了香辣（少辣）半隻雞，$188。唔係好惹味，入唔到味咁，可能因為少辣左？另外唔係確確實實的半隻雞，因為見到有好幾隻雞翼，總體嚟講好一般。總之好多地方小店都好食過佢。之後打邊爐，唔係好得，唔知落完水定湯，食落完全冇味。打邊爐配料款式好少，價錢相對較高，一份蔬菜份量都好少，但價錢都要40幾蚊。手切牛肉，偏肥。因為牛肉得一款，選擇有限，如果有多幾款肉選擇會更好。重點係再碌落去啲湯度，完全好似白烚牛肉咁，肉質都唔多得，總之大失所望。埋單千幾蚊，扁皮鴨還可以，雞煲就不了。

今日入嚟黃金海岸接老公收工，順便食埋晚餐先一齊返屋企❤️嚟呢度梗係要搵間有view嘅餐廳食飯順便嚟個久違嘅二人世界🤭1️⃣脆脆秋葵➕黃花魚干有驚喜❣️脆卜卜而且無太多調味完全喺好天然嘅咸香味🤣送啤酒🍻一流❤️如果可以送多兜就好啦🤤2️⃣炭火雞煲1隻-小辣 $298🐓啲雞肉超滑超嫩❣️雖然個底無太多香料但味道都好香濃❤️岩哂我呢啲唔想太重口味嘅朋友仔👋而且用炭火比起爐更有風味又唔會好快燶底🤤最緊要喺有個海景對著🤭真喺加哂分❣️3️⃣手切特級安格斯牛肉(細) $238刀工唔錯👍🏻每片嘅厚度都差唔多❣️最緊要肥瘦適中🤤每片我哋都係淥十零秒👍🏻塊塊都入口即溶🤭牛味濃郁❣️4️⃣手打韭菜餃 $68本身就好鍾意食韭菜餃❣️但佢呢個韭菜餃比較特別係用蝦加韭菜🤤蝦肉超大粒仲要爽口😆最估唔到喺同韭菜又幾夾❤️5️⃣生菜 $44幾新鮮喎😆無咩爛咗嘅6️⃣米線 $20果然食雞煲都係要食啲粉😝啖啖都是雞煲味❣️7️⃣麻辣黑雞腳 $58呢個鍾意食辣嘅朋友仔唔好錯過👍🏻雞腳爽口彈牙❣️酸酸甜甜又有啲辣好開胃🤭