星月樓

營業中

休息中

想話今日難得放假就帶埋屋企人出去食個下午茶，結果路過就上咗去尼間星月樓飲茶，啲員工勁親切又nice！野食又唔錯，勁中意，真係好推薦帶埋一家大細一齊食。下次都會再去！加油！

接近一年冇嚟過長沙灣，難得朋友邀約睇戲同食飯，本身諗住食譚仔三哥，點知長沙灣已結業，唯有去飲茶，星月樓下午茶價錢優惠又抵食，下午茶孖寶只需要$30，雪菜火鴨絲炆米$68一大碗，食完碗米粉都已經飽咗七成，職員服務都快趣，值得回顧

呢間酒樓之前有飲茶中午，已經越做越差，估唔到今日黎食晚餐一肚氣，首先叫左火半隻鵝啲皮燶哂啲肉（梅）的，跟住海班魚有泥味又係唔新鮮加超實啲肉，跟住佢孖寶3百x幾蚊係海班同豉油醬蝦，個蝦肉都係（梅）嘅，又係唔新鮮，雜菜煲得半煲，個咩醬骨得4-5件，其餘用竽頭搭夠，心諗啲骨好貴嗎？收我1百幾冇8件食？仲要味道都係差。成餐飯7百幾，冇樣食得一肚氣。

之前食過覺得點心精緻所以今日放假一個人來食，一個人要搭枱我預左ok既 心諗有隔板隔住都ok，去到已經好古怪 A飛係專for 1位用 B飛就係2-4， ok等左15分鐘到就有位，服務員安排左一張二人長方枱俾我！個食客原本兩位改一位 所以塞我落去坐！喂大佬，張枱一米都冇，中間又冇膠版！枱面仲有套用過既位！會唔會太過分？同茶餐廳搭枱卡位冇分別，好想知其他一位既客人係唔係會搭去一家7口果d枱，一日張枱唔夠8位都隔硬塞d客入去，唉算啦，諗住食完快走算啦，舉手搵人，我想叫茶，落order，要套新既setting呀！舉極都冇人理你架！我想講我坐216號枱，門口第一張，Receptionist你安排得呢張咁既枱俾我，你可唔可以安排埋套新既setting同茶俾我真係太嬲所以走人！唔會再來！老實講！你地班前線真係浪費曬班廚房點心師傅既心機，佢地既野好食、精緻，但因為你地operation既問題令到d客唔再來。

讚無，呢度連茶都唔好飲彈1 餐具環境都好污糟，洗極都油淋淋2 無樣點心係合格既，炸物類好油都算，仲要係凍既，蝦餃皮係爛既，麻雀椰汁糕食到魚膠味3 唔好食都算，仲要貴，唉

之前曾來過兩三次，吃過早茶也吃過下午茶，這天又來吃早茶，因為這店價廉物美，也因為環境不錯。這天點了孖寶 A，選了臘腸雞粒飯和菜苗餃。臘腸雞粒飯有臘腸兩片和大量雞肉，臘腸香雞肉滑，好吃。菜苗餃的餡料填得滿滿的，味道也不錯，可惜外皮略欠彈性。這兩個點心合起來只需$30 ，超值！另外點了春風得意腸，腸粉內包着白蘿蔔條和一點脆脆的東西，腸粉皮軟滑白蘿蔔爽口再加上脆脆，口感層次豐富，白蘿蔔清甜配上豉油，味道很好，若腸粉皮更爽彈一點就更佳。這酒樓的裝潢不俗，桌椅之間雖然距離不很寬闊，但用了美觀的圍板分隔，感覺很不錯。服務方面，侍應工作效率高，態度也算不錯。

讚1.幾闊落既2.蝦春卷炸得唔錯，唔會好油3.平，成檯都係嘢食，亦只係位位$90彈1.食物水準係幾差下，雪山叉燒包上檯只係微暖，餡料近乎空心，面果層酥皮無味；煎薄撐完全係一塊膠咁，唔脆又唔熱；粉果叫好啲，但啲餡都係好淡味2.叫人落單拎辣油，都係無人理既

2021/ 10/31 中午12: 10 星月樓 ， 排五六人枱第一順位， 12:30 親人見到場內有一張執緊嘅六人枱， 但前枱將等左好耐的枱比左後到的所謂熟客，詢問部長， 她態度惡劣，立刻比左兩張四人枱我地， 隔住塊版， 野食左送又送好似捉棋咁== 問出面職員點解唔比大枱我地，點解明明裡面有張吉左的六人枱，佢冇回應仲好惡咁話「咁你家下要唔要丫」？原來OpenRice 上的差評是真的， 真的大開眼界！ 整體食物味道不錯 但豬手好多豬毛

之前到這兒試過下午茶，覺得點心不俗，今天就來喝早茶。很多酒樓只有星期一至五有早茶優惠，這酒樓星期六也有，驚喜！點了兩個特惠孖寶，合共四個點心，分別是：榨菜滑雞飯：榨菜、雞肉和米飯都不少，雞很滑，味道很好，米飯熱騰騰的，好吃，就只是榨菜蒸得太軟，爽脆一點更佳。香茜牛肉腸：腸粉皮很滑，裏面的牛肉放得滿滿的，味道不錯。順德鯪魚球：鯪魚球很大，可惜味道偏淡。鮮蝦翡翠餃：蝦爽口彈牙，可惜餃皮太軟。這店比較特別的是有兩輛智能餐車負責把點心由廚房送到一張大桌子，再由侍應分發點心，小孩看到這智能餐車，挺高興的。不過，這酒樓可能因為顧客太多，又人手不足，所以侍應都比較來去匆匆。其中一個侍應把我們的水壺拿去加水，遲遲卻沒有送回來，結果要問了兩三個侍應，才補上水壺。

星期日一家人去長沙灣星月樓飲茶分別在12:00和12:30叫了點心，有些13:00都未到便追問下，問了幾次，還有小籠包未到，13:17便再追侍應，那個中年女待應即時瞪大凸眼，目露凶光問我們：追夠未？我們經理已經幫你跟緊。你仲追，等吓啦。我被他的服務態度完全嚇親，枱上還有小朋友嚇到想哭，我也不同她理論，即時埋單走人。點知我埋完時候，小籠包就到，我便再告訴她我們已埋單不要了，他又再瞪起那對凸眼怒視對我們說：唔要？好恐怖，好惡！這些服務態度簡直趕客走，我們以前是星期日常來，其實食物和大部分待應都不錯，但今次見識到這個中年凸眼女待應真的嚇壞，可能她以為在房內服務小人見到，喜歡點就點！好同情這間酒樓老闆，請着這些員工，點會有好客肯再來。

是日佛誕假期，全日逛街，買、買、買！就是沒有買餸，晚上出去吃！長沙灣道星月樓，離我家只１站地鐵，但我是第１次來，４個人點了５個菜：#椒鹽大連鮑魚，１份有６隻，中等size，調味剛剛好，夠入味又不會太鹹，火候控制得宜，鮑魚入口爽脆，大力推薦！#鹽焗雞半隻，味道一般，有點過鹹。#鮮鳳梨咕嚕肉，以1/３個新鮮鳳梨擺盤，賣相已經加分！咕嚕肉多瘦少肥，合我們胃口，醬汁酸度和甜度融和，非常適合餸飯，推薦！#姬松茸遼參豆腐煲，遼參煮得不夠軟，豆腐不入味，本餐味道最差的菜，下次不會點！#鮮腐竹魚腐浸菜苗，清淡之選，平衡椒鹽和咕嚕的濃味，不錯！送的紅豆沙，有蓮子和陳皮，足料，好評！

大家小心中伏😡！事緣今日下午去荔枝角星月樓飲茶，在正價點心紙點了數款點心，吃過後才發現有另一張紫色點心紙有十多款點心做特價，其中一款雪山义燒包正價點心紙$31、但紫色特價點心紙$28，即係同一時段不同點心紙有不同價錢，咁咪叫經理來了解吓啦，以下是我跟呢個好有問題嘅經理的對話：經理說：咁點解你唔喺紫色特價點心紙點呢我説：咪就係唔知有張特價紙囉！經理說：大聲又冇禮貌夾冇理地話啲點心紙放曬喺度你要自己睇呀我說：（即刻無明🔥起）回應佢紅橙黃綠青藍紫咁多張點心紙我冇可能每樣點心逐一去對比邊款點心點落邊張點心紙平啲呀，理應酒樓電腦系統會計特價價錢嘛，冇理由將責任推卸落個客度😡！呢個咁嘅經理見我火起，就反口話佢冇講過將責任推卸落個客度，跟住就晦晦氣氣咁話得啦同你減番個價錢就走咗去！今時今日咁嘅服務態度，一句唔好意思都唔講仲要話個客自己唔睇清楚!最後埋單將雪山义燒包減回特價價錢，但返到屋企再發現原來我點嘅點心除了雪山义燒包外，還有另一款點心亦是有特價價錢，最終都係俾多咗$！其實真的不是為了區區幾元，而係原則問題，只不過想提醒酒樓你哋有咁嘅問題出現就應該作出改善而已！管理不善仲要請埋啲咁低質素嘅員工，簡

又係無飯主婦出動了🤣🤣🤣難得星期六唔使返工，當然休息要休盡佢，晚飯不煮了，當然搵返間中式酒樓食返個晚飯小菜食晚飯先，當然少不了飲返碗湯水潤一潤，出街揀湯水，梗係揀番啲喺屋企煲唔到嗰啲啦。呢個白肺湯超級足料，仲有好濃郁嘅杏汁味，飲落去仲相當潤滑👍👍👍好飲到我飲咗三碗咁多🤣🤣🤣出得街食，當然要揀番啲有水準的食物，花菇玉掌既出得廳堂，有相當美味，是一個唔錯的選擇。花菇同鵝掌都炆得好琳，再加上濃郁嘅豪皇汁，食到我舔舔脷😋😋😋先鳳梨生炒骨，呢個餸超正，真係有新鮮菠蘿🍍，味道仲好鮮甜，再加埋外脆內軟嘅生炒骨，真係我食過咁多生炒骨最好味嘅一個。同外邊嗰啲生炒骨絕對冇得揮，我肯定下次去食都會嗌返呢個餸食咗咁多肉，都係要嗌返個蔬菜嚟中和下嘅，呢個餸都還可以，黑毛豬都炒得好軟熟，味道都一般啦，冇乜特別🤣西蘭花花枝片呢個餸都唔錯，西蘭花飛水之後再炒，都算吵得幾惹味，再加上啖啖又軟熟又Juicy嘅花枝片，都算得上係一個上菜。最好味都係花枝片，啖啖都係肉，味道適中👍👍👍星月樓呢間酒樓嘅餸菜都算唔錯，有機會下次可以再食

之前一早打電話黎book 左同婆婆擺壽宴，講好哂食邊個餐，打幾多台麻雀要坐咩位置都定好哂，我地就通知屋企人日期時間地點，正打算去比訂金之際打多次去確認，點知佢話已經比左個場人地！！ 有無搞錯呀？ 我地一直有用電話wtsapp 聯絡緊！ 你一句話無記錄同話比左人就算，我地已經通知哂d 親人、有小朋友又老人家，個個預左果日黎，突然間話無就令我地失哂預算！仲一句唔好意思都無！仲講話人地比左訂先過我地？ 話以比訂金優先？ 即係有錢同圍數多就大哂？咁你比人落訂時都可以同我地講句掛？ 完全唔問就比左成個場人，為左賺錢就無道義，真係祝你生意興隆呀！ 之前是常客，而家我地成家都唔會再黎幫襯！諗起都嬲

一間餐廳即使食物更好，若服務態度惡劣，都唔會想去食。家老係上環分店常客，見荔枝角有分店，就去試試。到達門口，不用等位，我地三個人，佢叫我地坐門口位一張二人枱...好在最後都轉番張四人枱俾我地。店員鋪完枱派碗碟，碟上竟然有食物渣滓，店員收走隻碟，但一直都冇再拎新碟黎。見到咁ge情況，我地緊係再洗啲餐具。洗完，想叫店員幫手拎隻大碗俾我地倒水，一位戴眼鏡ge店員好大聲咁講「我地係不設倒水服務，啲碗我地全部用熱水淥過先俾你地，你地自己去個度倒!」首先，我地唔會知你地有冇淥過啲碗碟，而你地話淥完都仲可以有食物渣滓咁拎過黎食客點有信心! 食物其實唔算差，假日午市套餐$238有三款點心、一款灼菜、粉麵飯、小食，份量都唔細，算係抵食。