星洲餐廳 (已結業)

放學食下午茶想試呢一間好耐餐廳主打星洲食物但喇沙水準就真係好一般湯底比即食湯底田師傅都猶有不及距離價位稍高的Toastbox好遠雖然無螄蚶料都算多有蝦、有青口之類只係獅子狗卷同蟹柳都有...我情願你畀少一兩嚿海鮮只能講一分錢一分貨坐都算幾舒服而且待應都任你揀坐邊叫做稍稍加分

今日中午同爸爸去吃午餐，吃到一半時爸爸休息一會，有個中年的男侍應走來問都不問就收走碟野，爸爸叫住佢話未食完，他什麼都冇講就放下當冇事走左去... 唔好意C都唔識講...爸爸叫左咖喱牛南反，我就叫左星州炒米。咖哩個汁OK，但係牛南爸爸估佢係另外"文"，"文"到差不多才扔入D咖哩汁，入面係不入味之餘，一D咖哩"文"的的色/跡像都冇.... 星州炒米超大碟，份量好足，40絕元好抵... 不過辣左D，辣到食不到有咖哩味... 吃完爸爸先走，他於張單上攝左張一百元，到我走時就有$找數... 於是我繼續食，果個男侍應又問都不問收走D野... 到我吃不曬，叫個女待應，她見到我叫她，居然位即調頭同佢班同事傾計，搞左30秒才走過來，我好大聲說︰「唔該比個外賣盒﹗」之後她拿左比我，過左3分鐘有個女人(她是收銀，短頭髮，30幾歲左右)走來說外賣盒要收1元... 本來冇人說收$1元都算，她拿左張加左外賣盒的新單過來話要同我換。我由她換，點知換完她居然拿走左我張100元，我立即叫住佢，問︰「你係未想幫我埋埋單同找番$比我先?」她才笑笑口比番張100元我... 連唔好意思都冇說過..... 果一刻已經覺得此人誠信

星期六的下午因事在太子區活動, 出發前先醫肚, 隨便揀了"星洲餐廳".睇餐牌發覺都頗多選擇, 下午茶餐更有三十多款, 不過其實絕大部份是炒粉麵, 典型的西多雞脾薯條當然也有供應.點了干炒雞扖公仔麵 - 喜愛它炒得不太油, 夠入味, 雞扖則切成條狀(個人覺得切大件一點更好), 可惜略嫌稍欠"獲氣".另一款點了雞扖包配薯條 - 雞扖厚度OK, 味道不俗. 要讚的反而是:1. 現在不是很多地方有(好食的)雞扖包供應; 2. 個包上檯時已經(窩心地)切開了一半方便進食 (因為現在很多茶餐廳豬/雞扖包上檯時並無切開, 進食時(尢其女仕)會十分不便). 厚切薯條熱辣辣都不錯, 略嫌只得幾條太少了.三十幾蚊個下午茶算幾好, 選擇又多, 可以再來.

太子站附近的「星洲餐廳」，以東南味風味招徠。 今天在午飯時候到訪，叫了個「海南雞飯」套餐。雞件是有骨的那種，肉質好靱，差過燒味店的切雞。 有三款醬油，都算是有點星洲風味。 飯雖然有雞油味，但煮得太硬了。 而湯只是普通茶餐廳的普通青紅蘿蔔湯。這款海南雞飯太缺星洲風味，雖然$49的價錢合理，但不值得再來吃。

那天同太太下午二點幾入內!我點了快餐一個,太太點了鹹魚雞粒炒飯,過了十分鐘全上齊了,但太太對我說, 鹹魚雞粒炒飯內沒有鹹魚!!吾知係吾係無落,定係厨房無！！！整體我比七十分！！

本來諗住企係門口望隔離間酒樓有咩食,但係見到店內侍應親切地開門,心想這裡的人和食物都會有誠意啩,咁就入咗去啦.坐低睇咗一輪餐牌,由於這裡是星洲餐廳,所以最後決定叫了在膠餐牌上的海南雞二人餐,膠餐牌標價$110.例湯 -- 青紅蘿蔔湯,夠大煲,不過有點辣的.海南雞 -- 骨多過肉極之普通海鮮什菜煲 -- 個名好勁,但所謂海鮮,就只有假蟹柳一條,魷魚一塊仔,蝦仔一隻,日本魚旦幾塊而已,菜有點生.唯一較似樣的是油飯,最後飲品叫了檸檬茶,茶很澀.最後埋單要$130,跟住攞個餐牌問她,對話如下:收銀:二人海南雞餐是有兩個價錢,大餐牌是$130.我們:枱面的膠餐牌是否錯的?收銀:你們是叫大餐牌的那個.我們:我地是跟膠餐牌上叫的,跟什菜煲的.收銀跟著問另一位類似老闆的物體,他二話不說,便在單上改返$110,本來個什菜煲要加$5都不用收.心想如果我們不問,咁就無啦啦收多$20,第一唔明"點解會有兩個餐牌的收費不同",第二唔明"這裡的收錢方法",完全唔明唔明

聽講有間新餐廳係太子開左，於是同老友特意前來幫親下先。奇怪 ，係一個旺區、星期六、晚上七點半黃金嘅時間，竟然得2成滿，第一個感覺係 : 掂5掂架 ?雖然叫星洲餐廳，但佢嘅路線係似椰X閣風格 ~我地二人點了Set 來Share 椰香星洲咖哩牛根腩飯先講呢個飯，個汁做得幾香，送飯一流。而牛腩就一般了，得5件而仲有d”鞋”，大X樂做得出色d lu。點解咁大dou餸得一件牛根架??黑椒炸豬手跟飯賣相幾得，外皮炸到好脆好香口，而豬手肉亦都幾入味，配上黑椒汁更好味。呢個唔錯喎 個例中湯就普通吧了，似味精湯多啲~~ 杯凍O茶就真係唔掂啦，可能用錯茶，味道甚怪的，飲唔哂都收工lu 咁嘅Quality with 咁嘅Price有d 唔合理，偏貴! 整體得個炸豬手飯okay，其他真的麻麻地lu… 一次足夠。

此店是有馬來食品的茶餐廳，我食過下午茶鐵板餐超平靚正，有湯，有熱飲，兩塊大大的豬扒，加大碟意粉( 可選擇炒飯或薯菜)，還有黑椒汁，蒜蓉汁揀，熱熱的鐵板放在面前才由侍應淋上汁，超香呀，份量不會因為茶餐而少，忌廉湯做得很好，味道好過旺角花x餐廳，意粉亦做得很好，本身已有調味，不會淡口，就算不加汁也有味道，煮得恰到剛好，彈牙，不會＂林林＂的，下午茶來說超有水準，俾起某扒王更要好而本人亦食過馬來喇唦豬扒湯麵，好味，個湯有杰杰的喇唦漿汁，好辣辣的，很多配料，很地道，開業了幾個月啦，三十多元的下午茶餐超抵呀，而鐵板餐則貴少少$38-hk ，兩時半食，絕對飽到九時…

今日 d 羅宋湯，太多油、只有喊味...... 叫左一份西冷牛扒、焗肉醬意粉，一杯凍奶茶少甜、一杯熱奶茶。1) 塊西冷牛扒太喊，跟d 飯好似生米2) 焗意粉，d 意粉唔知係咪焗過龍，硬硬地，好似好怪。 3) 杯冷奶茶少甜，甜到流 ..................... 唉但係兩個人都食左八十幾

今晚同男友搵晚餐食, 偶然間見到呢間餐廳, 個樣有點懷舊,就即管試試勒!!1. 羅宋湯--味道咸了小小 2. 海南雞套餐-- D雞幾滑3.咖喱牛筋腩飯-- 唔錯, 咖喱味好濃

聖誕節已是上年的事了，不過想起來當晚的聖誕節晚餐都幾豐富，而且不貴！本著聖誕節要是西餐的執著，選了這間在太子的星洲餐廳，叫了兩個鐵板餐。先來餐湯和餐包，紅湯白湯都好味，紅湯還有很多料，餐包也軟熟熱辣。跟餐沙律 - 雖然是普通的雜果沙律，不過味道不錯，而且夠份量~鐵板法國鴛鴦扒配蒜蓉汁 $68 - 配菜有悉心的擺放，令人一見已經印象非常好！雞扒和牛扒大大塊，味道都不錯。鐵板珍寶美式雜扒配洋蔥汁 $68 - 有豬扒、牛扒、雞扒、珍寶腸和火腿，份量和味道都同樣令人滿意，珍寶腸就稍微鹹一點。還有暖暖餐飲熱檸茶能在聖誕節晚上，食到這麼豐富而且價格相宜的晚餐，真的很不錯！

馬來西亞咖哩是我咖哩中的最愛，工作地點附近新開的星洲餐廳，試菜當然是咖哩吧！上菜前，先講講匙羹，分開湯匙及普通匙，一般茶餐廳的話，給你一隻萬用匙就算了，星洲餐廳給兩隻匙羹，服務比茶餐廳高級一點，加分。先來餐湯，及......餐飲？噢！午飯時間始終改不了先上餐飲的貪方便壞習慣，扣分！湯方面，忌廉湯不會水汪汪，也不會啖而無味，加分。咖哩是飯跟餸分開上的，這樣咖哩的多少可以由我來控制，加分。咖哩有加椰汁，夠香，又多汁，雞扒份量足夠，再加分。服務方面......我一向不太明白，一般馬來亞餐廳的服務，通常都不會怎麼好禮貌的服務，服務員年紀也不小，笑容不多，態度好像 "求求其其" 的，星洲餐廳也不會例外，這個是馬來亞餐廳的特色嗎?

開完會，又是下午茶的時間才吃飯，走進了這間茶餐廳，似乎是新開張的。下午茶既餐牌，全都是供應飯麵，好像沒有西多士、熱狗等小食，還是有另一張餐牌呢? 不打緊，反正正想食飯，就要海南雞飯作下午茶。一碟的上，海南雞甚至是脾位，算係咁。雞肉嫩滑，當然雞味是欠奉的了，但也不能要求太多，我認為可以收貨的。然而，油飯就未合心水，不香。醬汁只得一小碟，是薑蓉溝埋酸汁，不正宗，但味道總算不太難吃。茶餐包一杯飲品，要了熱咖啡，上檯時幾香，可是味道不太對辦，有點酸的。