星群地中海餐廳 (已結業)

同朋友1行4人去食飯，難食到要第一次上黎寫評論😅1. 侍應態度惡劣- 叫餐時要叫好耐先有侍應理，之後沒有侍應出現過。想拎隻spoon 都搵吾到人。要自己去拎。再想拎調咪料，又係搵吾到人。又係自己拎，去到拎時個侍應見到我自己拎都冇反應，到底係咪我要求太高，覺得佢會講聲唔好意思，有咩幫到你，但當然。佢望一望你，繼續做番自己野。2. 食物 - 叫左個肉醬意粉，佢個意粉下面果part 係有色的，上面加左part 冇色的意粉，再on top 加左pat 肉醬。到底係煮完覺得份量吾夠，所以再煮多一jar 加上去定係人地食完放吾好浪費再倒埋上黎。。。 味道係食得下去的，但第一碟意粉感覺已不太好。跟著仲有個南瓜帶子忌廉意大利飯 , 乾憎憎的的意大利飯，好似白飯，冇味可言。仲有帶子都係冇味。。好恐怖。好感恩我地仲有叫pizza, 係成餐飯唯一最正常，有味的pizza..(咩相都冇影，因為食物跟本吾吸引）但經過今次經驗，咁的價格。呢個餐廳永遠black list.

今日放假好想遠離繁市，想起平日較優靜黃金海岸。 即約朋友入去，看看逛逛放鬆一下。 在商場近海邊有一間對著海景地中海餐廳，餐牌由燒烤串燒丶pizza 丶牛扒及中菜，菜式十分多元化。 餐廳分為室內及戶外，戶外望著寧靜海景，吹著柔柔海風，享受優閒又浪漫晚餐。 室內樓底十分高，餐廳內有一張長吧枱，另一邊有一系列用木製成枱及櫈。 近前門旁有一個高身舞台，有位歌手在現場唱出柔和歌聲，令人有置身外國鄉村餐廳感覺，忘記煩囂。蟹肉南瓜忌廉湯 (南瓜味濃，蟹肉也算多)煙三文魚蟹肉牛油果他他(好大份，足夠兩人分享）炸闊薯條(新鮮即炸，但要等得較耐。 ）波士頓龍蝦牛柳(一隻大龍蝦加上牛柳，大大份好治癒)炭燒安格斯肉眼扒紅桑子紅莓提拉米蘇伴雪糕

同男朋友嘅朋友認識認識，係了解彼此嘅一步之一，因為男朋友嘅朋友嘅老婆生日，即使返工係觀塘，住係將軍澳都在所不惜咁入屯門，仲要係黃金海岸去食飯飯。XD好彩入去有朋友載，如果唔係六點鐘放工要8點先有到去！星群呢間餐廳店面非常開揚舒服，剛好今日係平日，人就更少，得幾檯客，我地好似包左全場咁，點餐由生日嘅朋友老婆話事。叫左夏威夷薄餅，大蝦意大利飯，魚塊配薯片，凱薩沙律，肉眼牛扒，羊鞍，同好多好多嘅串燒。大家黎到可以試下串燒，食材新鮮，再配蜜糖去炸，肉汁鎖死哂，肉又唔好烤得太老！意大利飯好creamy大大蝦放一口好鬼滿足。其他野食都不俗，而且大大份，岩哂一家大細黎食，而且店家知同檯有人生日，最後仲送左甜品俾我地食！窩心嘅餐廳有分加XD!

今日同朋友特登係外面搭車入黃金海岸過一個假期，去到附近見到呢間餐廳俾佢既裝修吸引左入去。兩個人坐底點左一個卡邦尼意粉，同埋一份西冷扒。要讚一下佢地既野食係心唔錯，卡邦尼係用高級忌廉整個種，味道好濃郁好香，意粉彈牙唔係求求其其整俾你。串燒仲要真係食到有炭爐既風味，我地坐左好耐，冇人趕，有少少唔好意思所以夜少少個陣仲叫左兩杯黑啤同串燒，員工好熱心咁過黎介紹。再講多少少呢間夜間氣氛唔錯，地方雖然係有少少舊，但唔會污糟，好有味道，夜晚仲對住個海景談心，真係賞心樂事！

因為對住個海先捒呢間垃圾餐廳，好後悔入去之前無上open rice睇食評！$188蚊嘅忌簾帶子意大利飯，凍不突止，仲要乾到炒白飯咁，完全！係完全無味！好細粒帶子仲要一開三！唔係因為好肚餓，一定唔食！個朋友要佢俾支辣椒仔加落飯度先食得入口！叫得做牛柳正常都會諗，點知大檸樂！切到刀都斷先切到兩舊出黎！痴住條肥膏完全切唔開，點食？真係勁想叫佢換過條囉！最後得條燒茄子食得下人，食得下唔係好食！食食下仲要有個人拎住支結他上台唱懷舊歌！嘈到計都傾唔到！！系黃金海岸500蚊可以食到一餐咁嘅垃圾，真係不生難忘囉！因為呢間垃圾餐廳，我先第一次上黎寫食評！我無影相係因為啲嘢差到影唔落手

食品賣相同味道都似快餐店。成＄200嘅龍蝦帶子意大利麵連一條伴菜、和芫荽都沒有，只有一大堆意大利面+半隻小龍蝦和2隻帶子⋯乾爭爭的上枱。亞洲食品咖喱雞水準簡直差過大家樂和大快活水平、令人非常失望。2大1少埋單近500元，實在不預計食品是咁差。坐露天靠海也不覺得環境好、黑漆漆也無海景可言。只能說係租金貴、冇細心做食品可言。如果想食好嘢和用心的食物千祈唔好來呢間。從來未寫過食評，但忍唔住要告訴大家這實在係一間令人失望的餐廳

如果大家睇到我呢篇文章我真係奉勸大家五好去食。。我同我老公仔女去完沙灘玩諗住去食野，經過呢間都幾多人食，露天有又得望住海景幾舒服幾靚就決定食呢間，咁入到去就五需要等位，因為露天仲有少少位，但完全冇人理我地，冇人帶位就自己揀位坐座，但等左一兩個字係完全冇人比餐牌，佢地忙既我等下無所謂，但個個行行企企，舉手都冇人見到，比水都要叫先有杯水。。。仲要個侍應態度十分差，西口西面咁，五多想招呼客人咁，咁都算啦。。咁我就叫左沙律，意粉，扒，同埋燒烤既野食。見佢係露天燒烤都幾吸引，但一上枱好多都燶左，極度難食。。我叫個扒6成熟，切落去好似全熟咁，又難咬，個意粉完全冇汁，又冇乜味。基本上我叫咁多野食係得碟沙律係正常。到買單，著住恤衫既男人將本買單既薄一野擺落黎，都幾大聲，仲衰過啲茶餐廳。我一野望住佢，佢連sorry都無講聲，第一次去食野我連tips都無比，比錢去食野去好似要受人氣咁，呢間野仲要係西餐廳，點解都可以服務態度咁差，啲野又難食。返到屋企老公仲要肚屙，呢間野真係絕對冇下次。奉勸大家去食野就五好喇，只會害左個身體同埋會食到一肚氣。。。

話說我今日去依間餐廳食晚餐啦，初初黎到個間覺得依間餐廳吾差好似幾好，叫人落單啦舉在手有成5分鐘都無人黎落，大約8分鐘左右，終於有人黎啦！個服務員就好大聲問：「要點啲乜丫」塊面黑到呢！！我講完之後距無重複複單不得止，仲要話「你地點完啦可？」個服務員勁細聲講左句：「點就點快啲啦，阻X住曬」依個都算啦，之後先好戲，我飲杯可樂飲飲下，點解陣味咁怪，我就系到撩杯野飲睇發現有死左嘅小強-0-我當然即刻叫人黎，叫左5分鐘先有人黎?家下你鋪頭無人咩 5分鐘後先有人理下我🤗我同條友講:你自己望下杯野有啲乜野系到？距就望，距話:小姐 你杯野，無問題丫，之後就走我就好X大聲叫個服務員黎:你系味盲x左？叫你最大粒個個黎！！！！之後個經理話:有咩幫到你呢，小～姐！我話你望下杯可樂先啦 距望完話無野丫我：你系味經理丫？距：系 我：做經理做到你禁x樣？你系盲定扮吾知丫 我就撩出黎 你系味盲丫 依個咩黎丫？小強丫你話睇吾到？想吾賠喳？仲有丫你地個餐牌有禁多野吾同曬價錢同野食 你做經理系味應該有責任丫？吾識改？距：好，我賠翻杯俾你，滿意？我:吾食啦，你地依到仲衰過啲茶餐廳！(走)同大家講，依間餐廳服務態度差都算啦，連地

諗住生日食餐生日飯不過對呢間餐廳完全失望。原本之前去第一次都覺得幾好但經過今次完全改觀食物質素貴得黎仲衰過茶餐廳，對上一次去食有啲食物係幾好食，不過今次去食啲食物難食左勁多員工服務態度勁差，叫一杯水都要催幾次先有個到冷氣唔夠所以我就叫凍野飲但佢比杯熱飲我，叫佢換過杯比我但叫左幾次先有人理一理我，而且個員工對住我好不屑有一個著恤衫嘅員工係繁忙時間只係企係到乜都唔做。比咁貴嘅錢食一餐飯仲要受氣呢間野真係冇下次

本人一家四口兩大兩小，等位時服務生一開口便話冇位，經理就話入面冇位得出面一張枱，冇BB椅，你們睇下坐不坐啦！冇辨法之下咪坐外面。野食來到，等咗陣都未有餐具，好難先叫到服務員攞餐具，揮手幾次都冇服務員應，以為有得好好食，點知閃電有雷，老公都叫人比定把大傘，服務員就放在枱旁便走了，我老公就自己把大傘提起放到枱中位置，真的下雨了，仲要好大雨又大風，D人好似走難咁，細仔嚇到大哭了，D雨都落到食物到，我只好先打開自己的雨傘擋住，服務員出來叫人入室內坐，可適座位不夠，個經理只話冇位並沒有再理我們走了，有一位服務員拿著大傘站在遠處話同我地入去避雨，另外一位服務員唔知企係到仲咩⋯⋯老公發現對面有張枱的雨傘比較大，就先用自己的雨傘送大囡過去，跟著等了會都只係話室內沒位，D食物飲品都有雨水，但我們最後都決定把食物飲品搬到另一張枱快D食完快D走，最可笑的是兩位服務員都只有站在原地一點也沒有幫忙。本人從來沒有寫評，但今次真的不寫不得。

天氣好,朋友們便即興去了黃金海岸看日落, 這裡有很多餐廳. 很多人也喜歡到這裡坐在露天餐廳看出面風景及欣賞日落. 我們便隨意挑選了一間坐下來喝啤酒, 坐晚了便順便吃晚餐.唯一這餐廳令人失望是, 當晚點的食物也不夠熱,可以說是凍的. 職員說是餐廳焗爐有點問題.但這裡是食地中海燒烤,所以其他要廚房出的食物就真係.... 沒有下次. 如果大家想吃吃燒烤喝喝啤酒,我想這店應該是不錯.

昨晚同朋友去食,,,同各人講既一樣..無人理所以兩個人自己搵位坐,,,坐左都十分鐘見到服務的確好忙,,所以都唔好意思叫佢地清理,,,好啦最後就叫左以下食物1)海鮮意大利飯,,比我想象中好,忌廉好?勁帶子同蝦都好大隻,,推介2)煙三文魚墨西哥卷,,,卷內有蕃茄生菜同三文魚..可接受3)x肉腸pizza,,唔識點講,,不過好食既,,餅底好似食麵包咁,,都可以...另外叫左兩杯飲品..整體食左$6xx,,,都可以再去,,但唔好要求有服務,,

零服務，suppose管理的阿姐只是呼呼渴渴，一個亂字! 後生的非常有禮貌和熱誠，值得一讚。 歺具，湯，飲品差不多全部要自助，去到counter阿姐又唔比你攞。簡直大笑話!

復活節假，想去遠少少行下，過左黎黃金海岸，想搵野食，發現呢度啲餐廳變左好多，想食嘅泰國菜唔見左，於是揀食地中海，地中海喺度都好耐了。餐包幾軟熟，唔落牛油都夠味，湯真是一般，紅湯水稀稀，不過有些少蔬菜粒，白湯太濃稠，味道有點假。香蒜蟹醬蜆肉天使麵$118: 味道係可以嘅，香蒜香草味幾夠，仲有少少洋蔥，蜆肉都有少少鮮味，但衰在太油，同埋唔覺有蟹醬，天使麵份量足夠飽。辣肉腸pizza$115: 薄嘅餅底我地buy，個邊有少少脆，芝士半溶又夠多，幾惹味，辣肉腸係主材料，少少辣都不錯。跟餐可免費選紅豆冰，紅豆煮到淋，份量唔算好多，奶味唔夠，只有甜，又水稀稀咁。因為我地1點前黎到，未算最多人時間，都算有人招呼同合理時間上菜，餐廳環境幾好，戶外感覺開揚又睇住遊艇食野幾relax，但野食真係一般。

由屋企行山到大欖轉車回黃金海岸放輕鬆，本來打算嘆一杯食啲小食hea吓，但入座時已經接近黃昏6點，趕得上下午茶，來個墨西哥餅卷個醬汁令墨西哥卷明明只得雞肉但有煙三文魚味道，好特別，有蕃茄同菜好清新，略嫌餅皮靭了點。闊薯條海鮮籃內容頗豐富，蠔、帶子、魚柳、蝦同春卷各一件，炸物夠香脆，薯條不是條～形狀扁闊，配一大杯啤酒兩人分享夠恰當入夜BBQ開檔被茄子同洋蔥吸引，價錢亦唔貴，一試無妨味道欠奉只有原汁原味，可以食出蔬菜本身甜味，不過坐室外除左要吸二手煙外，茄子皮燒得好濃，燈光不足下要食得份外小心。