星薈

營業中

休息中

面對維多利亞港夜景，品嘗美食季節限定大閘蟹兩皇一后大閘蟹套餐公約5兩，乸約3兩煙鴨胸併青瓜青甜青瓜，開胃，煙鴨胸打開你味蕾蟹肉芙蓉羹暖暖你的胃鮮拆蟹粉小籠包率先品嘗蟹的鮮味清蒸大閘蟹蟹肉鮮甜，蟹膏滿滿，配上蟹醋鮮味增倍翡翠炒蝦球新鮮蝦球口感爽爽黑醋霜降肉酸酸甜甜肉超嫩蟲草花浸時蔬中和油膩補肺益腎窩心薑茶湯圓食大閘蟹唔少得驅寒薑茶，配q彈芝麻湯圓但最可惜服務員混亂，出餐上菜頻頻出錯。羹，小籠包上錯兩次，漏上蟹乸，服務速度超慢。結果成餐飯食咗三個鐘

又到食大閘蟹季節，我相信鴻星集團，今晚去到鴻星位於尖沙咀的星薈酒樓食大閘蟹宴。套餐好抵食，4位用先至千幾蚊，包3隻大閘蟹同埋一啲小菜，隻隻蟹（公）🦀都有成5兩重，真心抵食呀😍大閘蟹🦀唔止大隻咁簡單，隻隻都爆晒膏，而且啲膏重要好濃味，真係好好食。加上特製嘅甜醋，又有另一種風味，不過我比較喜歡原味😊煙鴨胸併青瓜 - 🥒青瓜好爽口，配上蒜蓉汁，好開胃。鮮拆蟹粉小籠包 - 小籠包🥟皮薄餡靚，入邊啲肉汁加埋蟹肉嘅鮮味，好鮮甜。蟹肉芙蓉羹 - 勁足料，啖啖都食到蟹肉，蟹嘅鮮甜味完全容入湯羹，真係想食多兩碗🍜翡翠炒蝦球 - 蝦肉🦐鮮甜，翠玉瓜又爽口，好好味呀。極品花雕醉雞 - 雞肉🐓鮮嫩，肉質香滑，加上花雕酒嘅香味，令人食唔停口。虫草花浸時蔬 - 上湯好好飲，菜心🥬吸收晒上湯嘅味道，勁好味。最後一個窩心薑茶湯圓作為甜品，為成餐咁好味嘅大閘蟹宴畫上完美的句號👍🏻👍🏻大家如果都想食到咁好味嘅大閘蟹宴，都快啲去鴻星集團嘅星薈酒樓食啦🦀👍🏻📍星薈 - 尖沙咀天文臺道8號21樓☎️ 26280282@superstargroup @starryterrace #大閘蟹 #大閘蟹專門店 #爆膏大閘蟹 #鴻星集團

雖然有啲過分，不過都係照做👉🏽👈🏽講緊乜？就係lunchtime去拆大閘蟹喇🦀今日同老公喺尖沙咀星薈每人嘆咗個盛大回歸嘅經典「兩皇一后」大閘蟹餐，雖然話係一人餐，但其實份量十足。而且環境一流，望住維港拆蟹都拆得開心啲❤️🦀蟹肉芙蓉羮用鮮蟹肉煮，加上蛋白同豆腐，非常足料，入口香滑，好好味😋🦀煙鴨胸併青瓜嘅煙鴨胸好入味，青瓜🥒夠爽口，仲有少少麻辣味添👍🏻🦀鮮拆蟹粉小籠包入面有滿滿蟹黃、蟹肉同肉汁，要一啖食晒，喺口入面爆汁先夠風味🦀重頭戲清蒸大閘蟹會分三輪上等你夠時間慢慢嘆😊每人兩皇一后，公蟹比較重，亦都有少少啫喱膏同白膏；蟹乸亦有橙色嘅硬膏，三隻都好多膏同鮮甜，超正❤️🦀翡翠炒蝦球蝦球大大隻食落超爽口，配搭翠肉瓜味道清新🦀黑醋霜降肉彈牙爽脆，因為炸過所以仲有少少脆口，加上以黑醋嚟煮，好入味🦀蟲草花浸時菜，減低油膩感甜品當然唔少得薑茶湯丸啦🥣解一解蟹寒氣暖返個胃。

其實我著重味道多一點點呢度個景係靚既但都係行出去打下卡影下相😬鐘意打卡又鐘意食中菜 可以選擇呢度前提係價錢偏貴的🙈食物味道正常❤️服務態度好既❤️外面環境係無敵❤️

訂座了數次但一直未有機會嘗試，由於為家人慶生，想找個harbour view 歡聚，終於如願以償😌地方不算大，但一到步就給觀景震攝，且帶有宮廷裝修，還可以隨時到露台處觀景，確實不錯！我們叫了6 個餸，只有芒果蝦是較差，擺盤跟圖片完全兩回事，失望之作⋯⋯其餘食物都ok，尤其話梅豬手是高水準，入味夠冧又開胃🤤相信都會納入日常開餐名單😀

早一日成功訂位，估計晚飯時段沒太多人。不出所料， 入座時侯觀察晚飯客人不過十枱。但當中有一個小宴會，估計2-3席，不知當晚是否要招呼這個影響了整體服務。由入座，點餐到正式上菜，超過一小時以上。當你以為真係慢功出細貨？心諗等一下無妨， 但估唔到出來的食物，竟然是半涼的， 中間到底發生甚麽事？ 沒答案了...侍應們都很用心，都一直表示跟進，但無奈.....等了接近一小時的食物， 已沒有多大心機去品嚐，目的就是要填飽肚子走人。

親戚回港，一起去了天台臺道星薈食晚飯。裝潢優雅舒適、外面有個露台可以飽覽維港夜景、還看到幻彩泳香江。前菜的陳醋雲耳好開胃。好久未吃個那麼好吃的椒鹽魷魚鬚、炸得金黃酥脆、魷魚還保持柔軟。XO醬翡翠炒蝦仁 大隻爽口鮮美，配上XO醬跟蜜糖豆雲耳一起炒、惹味可口。濃湯花膠翅濃稠足料蠔皇鮑魚伴花菇 — 花菇厚肉彈滑、鮑汁鮑魚濃郁味美。招牌銅盤生煎雞 — 外層煎得香脆的雞肉夾著一層軟嫩的肉汁，雞肉非常嫩滑、做得十分出色！壽桃包 包著原個流心蛋黃，包子口感非常柔軟，趁熱辣辣即食最好。最後還送上紅豆沙作甜品～

自從這裏重建成為商業大廈之後，內裏有很多高級食肆，今晚便來到這裏，享受夜景和美食。這間食肆位於高層，可以俯瞰整個維港夜景，邊看夜景邊吃美食，是人間一樂也。椒鹽魷魚鬚，魷魚鬚外脆內軟，非常惹味，加點甜醋可以去隨意油膩。陳醋雲耳，雲耳具有通血管作用，加上陳醋，感覺健康。翡翠炒蝦仁，蝦仁爽口彈牙，四季豆爽甜可口，木耳爽脆，這個菜式在夏天非常有清新的感覺。濃湯花膠翅，花膠已經切絲，配合粗身的魚翅和濃湯的味道，已經很久沒有享用這道美味的湯𡙡了。蠔皇鮑魚扣花菇，鮑魚吸收了蠔皇的味道，煙煙靱靱，花菇非常厚身，已經很入味。招牌銅盤生煎鷄，聽經理解說，這個生煎雞是用高溫將雞件焗熟，雞件吸收了薑蔥的味道，非常有農家的風味。蒜茸炒時蔬，這個世代非常注意健康飲食，蔬菜是必點的。原個蛋黃壽桃包，這個包是即點即製，因此內裏熱騰騰，進食時小心。壽桃包內的蓮蓉非常豐富，甜度適中。蛋黃味道十足，包皮鬆軟可口。精美甜品，是日甜品是紅豆沙，沒有過甜，吃完已經滿足。

鴻星集團旗下眾多品牌，今天就來到以粵菜為本的高級食府一試宴會廳座落於大廈頂層，擁有270度戶外露台配合落地玻璃以香港天際及維多利亞港迷人景致作背景，浪漫醉人裝修豪華，以淺紫色調為主，設有型格雞尾酒吧晚上五光十色的霓虹燈伴著星空，可以一邊茗茶嘆茶一邊欣賞幻彩詠香江正推廣十二度夏日菜式，當中的蔥油清遠雞雞皮嫩滑脂肪少辣酒煮花螺肉質鮮甜爽脆，每粒花螺浸滿辣汁，人不自覺地吃完一粒又一粒主食龍蝦湯脆米泡飯湯底帶有濃濃龍蝦香味，配合泡飯和黃金脆米，口感豐富結帳時，經理送上招牌甜品楊枝甘露，十分驚喜大廳可筵開十多席，適合舉辦不同類型宴會

友人打算明年拉埋天窗，都開始要物色心儀場地，今晚佢叫我陪上黎呢度”睇場”。場內無咩中間柱位，間格幾四正，裝潢得幾優雅中帶點型格。仲有室外位置，景觀相當開揚，用黎做戶外證婚一定唔會失禮。友人睇睇下話不如係度食埋飯，可以體驗埋食物同服務得唔得嘛! OKOK…….無問題，横掂佢有個二人套餐。先黎凍盤小食有陳醋雲耳，酸甜味道又有口感，係幾惹人胃口嘅。椒鹽魷魚，熱辣香脆，椒鹽味唔會過濃，香口嘢梗岩食。食緊前菜小食之際，呢客濃湯花膠翅就出場啦湯食類熱度都幾緊要，呢客就做到。就係細個去飲宴時嘅熟識味道，只欠D紅醋配食 (哈哈..)，偶爾食到花膠絲同翅，豐富了口感小菜一XO醬翡翠炒蝦仁，食材顏色配搭吸引，有爽口蝦仁，健康清新嘅雲耳，脆口翠玉瓜及紅黃甜椒，以惹味XO醬快炒，唔錯。小菜二有招牌銅盤生煎鷄，煮好時再以錫紙包住，增加神秘感打開時已經聞到好香薑蔥味，細看原來有薑蔥同菇碎粒，鷄件無骨啖啖肉，煎到外面微金黃色，入口仲係滑同唔乾，送飯一流。小菜三有蒜茸炒時蔬，簡簡單單有條蒜香味嘅菜心，香甜無渣。最後出場……………蠔皇鮑魚扣花菇，每人有各款食材一份個蠔皇汁絶對為呢客菜式加分，味道調教得岩岩好，鮑魚應該係

最近有個朋友旅行嚟香港玩幾日，我呢個做小導遊嘅就搵咗間酒樓，帶佢試下我哋嘅中餐啦。呢間酒樓可以飽覽維港景色，又可以順便比佢欣賞埋幻彩詠香江，酒樓有室內同室外座位，不過呢啲天氣，相信無咩人會坐室外😅 拍蒜青瓜酸酸辣辣🥒，加咗蒜頭同麻油，味道醒胃，作為餐前小食非常之適合。 百味豆腐表面炸到金黃色，外脆內軟，口感好滑。 海老汁龍蝦🦞：龍蝦新鮮彈牙，加埋海老汁，味道更鮮甜。份量適中，每人一細份，食完唔會太飽食唔到其他嘢。 腐乳菌翡翠炒帶子：蜜糖豆飽滿，炒得油光翠綠，帶子好大粒，口感柔軟。 清蒸海星斑🐟：蒸嘅時間恰到好處，魚肉新鮮嫩滑，加埋啲蒸魚豉油鮮味更上一層樓。 炸子雞皮脆肉嫩🐔，食落有鹹香，非常juicy。 羊肚菌杞子浸菜苗🥬：啱啱食完啲濃味嘅餸菜，清清哋食番個菜苗，白菜苗吸收晒上湯汁精華，份外鮮美👍。 甜品係壽包，大大個，啲蓮蓉餡唔會太甜，仲有原個鹹蛋黃添！ 紅豆沙有好香陳皮味，煲到起晒沙。

星薈尖沙咀天文臺道8號21樓21/F, 8 Observatory Road, Tsim Sha Tsui母親節, 都會同媽媽去吃頓好的, 搬出來住後很小回家, 小見面。作為老人家心願也是簡單, 見刑仔女吃一餐飯, 記得關心他們, 答謝一下他們的付出與犧牲。經理推薦了2人餐, 岩曬愛吃海鮮的母親 $1288 2 位, 不怕海鮮時價計會超出隕算先來個小食拼, 百味豆腐-手拍蒜蓉青瓜,豆腐外脆內嫩，拍青瓜個汁調得好，酸甜開胃一隻海老汁龍蝦，開邊每人半人流，好多肉食，肉質紮實虎乳菌翡翠炒帶子, 帶子彈牙厚肉, 簡單勾了個薄薄玻璃茨清蒸海星斑, 原條上, 蒸得剛好肉嫩唔會老, 加上蔥絲同熱油豉油,簡單不需花巧已好味, 海鮮新鮮清蒸最能呈現原汁原味半隻脆皮炸子雞, 雞皮油迫到出來, 很薄脆, 而雞肉長時間醃製過, 可以食得出鹹香滋味洋眶菌杞子浸菜苗, 湯有菌香, 是有日白菜仔蛋黃壽桃包, 我同媽媽都鐘意食, 蓮蓉好滑仲有甜品糖水送Outdoor 個境超開揚，一絕#香港必食 #茶樓 #yumcha #hkfoodn#hkrestaurant #hkfoodie #cuisine #foodpo

今日同朋友試咗依家位於尖沙咀嘅星薈～ 呢到風景非常之靚 夜晚望住咁靚嘅景真係好chill❤️侍應亦都十分專業，態度非常良好❤️首先小食係百味豆腐 同埋拍蒜青瓜🥒豆腐炸得外脆內軟 青瓜鮮甜爽口 非常開胃係一個好好嘅小食然後送上海老汁龍蝦龍蝦大大隻 賣相一流 蝦肉非常彈牙 配上海老汁 忍唔住係咁食！腐乳菌翡翠炒帶子 帶子非常鮮甜 再加上四季豆 有鑊氣 炒得好好清蒸海星班新鮮嘅魚果然係唔同啲！ 魚肉非常香同滑溜 配上豉油 令到鮮味再上一層脆皮炸子雞食到呢度已經開始飽飽地，但係見到咁靚嘅雞又忍唔住繼續食 😁羊肚菌杞子浸菜苗食返清清地嘅蔬菜 菜苗非常鮮嫩 加上杞子湯底 非常健康 養生又好食甜品係綠豆沙 同埋原個蛋黃壽桃包 蛋黃鹹香味非常香 流心蛋黃加上幼滑蓮蓉 好滿足嘅一餐！

尖沙咀一向都好多美食原來天文臺道附近有一間餐廳都唔錯星薈 亦是婚宴場地，佢哋仲有戶外露台，頭盤百味豆腐，拍蒜青瓜炸豆腐外皮香脆，內裡滑滑的，好味！青瓜十分醒胃，用來做開胃菜一流海蛯汁龍蝦龍蝦開邊，每人有半隻，大大隻又厚肉龍蝦新鮮彈牙，師傅調味嘅醬汁都10分出色虎乳菌翡翠炒帶子大大粒帶子十分鮮味，旁邊仲有啲爽脆嘅荷蘭豆清蒸游水東星斑一條靚嘅蒸魚真係一餐飯嘅重點！東星斑是各種星斑中最為名貴的，肉質鮮嫩可口～脆皮炸子雞炸子雞係我經常點既菜因為喜歡佢夠香口！，雞皮夠脆薄，真心好食！

約咗屋企人食飯，都係食返中菜，圍埋一齊坐，食得熱鬧啲。椒鹽魷魚鬚·陳醋雲耳首先嚟個前菜，雲耳爽爽咁，加上微酸嘅陳醋，又香又開胃。椒鹽魷魚鬚夠晒香口，脆脆咁好滋味😋翡翠炒蝦仁蝦仁大大隻，好爽口👍🏻加埋蜜糖豆，紅色黃色燈籠椒，爽爽甜甜，炒得幾有鑊氣😋濃湯花膠翅幾足料，好多花膠條，仲有啲翅頭魚唇，雖然溝咗啲大素翅，但係整體唔錯，湯頭好濃郁😋蠔皇鮑魚扣花菇鮑魚煮得好入味，爽得嚟又稔又滑😋花菇夠晒厚肉，一樣又爽又滑👍🏻招牌銅盤生煎雞呢個雞熱辣辣，拎上枱嘅時候雞皮嘅油脂仲滾燙到起泡泡。雞肉好香而且爽嫩，吸收晒墊底嘅薑粒、紫洋蔥、雜菇嘅香味😋蒜蓉炒時蔬食完咁多餸，清清地食返個炒菜，菜芯都炒得幾有鑊氣。最後食埋大大個嘅原個蛋黃蓮蓉壽桃包同埋紅豆沙，超級滿足嘅甜品😋