星薈

營業中

休息中

知道男朋友鍾意食大閘蟹，依家開始當造，即刻帶佢去食。呢間餐廳內設270度落地玻璃窗，亦有露台，可以出去同維港夜景打卡。我地叫左2皇1后大閘蟹饗宴，大閘蟹饗宴$398/位，夜晚8:30之後可以$368/位就食到，好抵。茶有鐵觀音或普洱，我地揀左鐵觀音。首先黎左前菜：金磚豆腐肴肉。金磚豆腐外皮夠脆，豆腐軟滑又熱辣辣，好食。肴肉味道唔錯。蟹粉小籠包每位1隻，皮薄餡靚，一穿啲濃湯就滿瀉出黎，一定要吮晒佢。精選大閘蟹每位有3隻(2皇1后)，餐廳嚴選「黃毛金爪」高質靚蟹，大閘蟹公約重5両，大閘蟹乸約重3両半。食蟹既次序係公母公，兩種都多蟹膏，蟹公多肉，蟹乸多蟹黃，食到舐舐脷。食完會有杯薑茶俾你暖胃。家嫂臘味飯夠香口，臘腸潤腸食落唔會有好油膩既感覺。紅糟菌皇金姿偏油，有菇類、翠玉瓜、魚片。粟米鮮蝦羹略鹹，但勝在足料，大大隻蝦。精美甜品係黄金撻，入面係奶皇餡，唔錯。每人可揀陳年彫皇或橙汁。依家可以任飲花彫，男朋友勁開心，佢話味道香醇，唔會好苦，反而飲到少少甜味，好好飲甘話。餐廳話啲花彫有廿年架啦，唔怪得好飲啦。橙汁亦都有好多果肉，真材實料。

星薈 - 大閘蟹大餐最緊早上上班時也會感受到陣陣涼風，不知不覺秋天已經慢慢開始了，秋意濃厚又是大閘蟹的季節，今日到了位於尖沙咀的星薈，在店內270度無邊際的玻璃幕牆，更設有露台，欣賞維港夜景和享用大閘蟹，一大享受。大閘蟹套餐晚上6點後供應，尊享優惠價$405/位(兩位起)，原價$438/位，現在用雲閃付銀聯二維碼付款，消費淨額$500或以上，送$50現金券作下次使用。大閘蟹餐 $405/位雪燕竹笙羮超豪華的湯羮，骨膠原的雪燕加上滋補的竹笙。精選大閘蟹每位品嚐到兩皇一后、共三隻大閘蟹，隻隻都橙金黃色的外殼，有著黃毛金爪，蟹公約重五両，蟹乸約重三両半，一打開時解橙黃色的蟹膏，鮮甜無比。原隻鮑魚蝦仁有大閘蟹、雪燕，還有原隻鮑魚配蝦仁。上湯薑絲灼菜遠有著較清淡的上湯菜遠，清新一下膩口感覺。蟹粉小籠包超鮮味滿滿蟹粉的小籠包。家嫂臘味飯暖笠笠的炒臘味飯，料多飯黏、秋季食最正。陳年彫皇大閘蟹配花彫，鮮味更出。精美甜品簡單的甜點作結。

秋風起，又係食大閘蟹嘅時候！同媽咪嚟食大閘蟹套餐，$368一位(兩位起)﹐原價係$398.首先場地係唔錯嘅！佢喺大廈頂樓，所以係可以睇到270度海景嘅，仲有個露天平台，應該係畀人平時可以出去飲杯嘢吹下海風chill下咁，食中菜地方好少有咁樣嘅設計。個套餐主打有三隻大閘蟹(一個人)﹐2王1后， 佢寫係嚴選咗黃毛金爪嘅靚蟹，我都食得出佢唔係cheap 蟹， 有好多膏，同埋唔係完全冇肉只有膏嗰啲大閘蟹。個套餐仲有好多其他食物嘅，其中蟹粉小籠包真係幾好食！而且份量多，我地都食唔曬，仲打包左聽日晏晝都有得食xp 仲有佢drinks有得揀橙汁或者花雕王，而且係任飲喎！所以如果可以飲花雕嘅人，應該真係好抵！

我同老公都好鐘意食蟹，而家正正係食大閘蟹的季節～係尖沙咀星薈有超抵食大閘蟹餐，食過返尋味，一定要同大家分享一下！今晚我地食勁高質的黃毛金爪，係超多膏，又鮮甜，新鮮生猛～呢到大閘蟹足料👍🏻大閘蟹公大約重5両，大閘蟹乸就大約重3両半，每次大閘蟹都係兩隻兩隻咁上，保持到大閘蟹的溫熱，唔會食完一隻另一隻凍哂，好細心～爆膏 見到都流口水🤤依家仲有優惠價$368一位咋，原價要$398，每位三隻多膏爆靚2皇1后大閘蟹，仲要任飲陳年彫皇，食到超飽返屋企！埋單嗰陣話如果用云閃付銀聯二維碼比$500或以上仲有$50coupon送可以下次用！我哋今晚就係一路品嚐大閘蟹一路通過落地大玻璃窗睇維港夜景 好嘆，仲見到有客人出咗餐廳露台睇靚景影相傾計勁chill~~鮮活大閘蟹係主角，配角都好精緻架，係一間質素高的中菜廳

所謂嘅蟹餐莫名其妙 套餐有兩隻蟹一個湯兩個餸 而每碟餸好細碟 叫最貴嘅一個套餐反而比起其他套餐少一隻蟹同埋少一個糯米飯 想叫其他餸又唔可以雖然餐牌上寫有9個其他蟹粉嘅餸 但只得一個餸有得食 根本食唔飽非常之奇怪佢嘅所謂蟹餐嘅目標係做咩嘢 喺任何情形之下一定唔會再去呢個餐廳

我是一個brunch的大粉絲，當辛勤工作一週後，有什麽比一個懶洋洋+好好味+微微醉的週日更吸引？試過無數brunch，大部份都是西式，所以當知道星薈有一個中式fusion brunch時，第一時間舉手。中西合璧的食物，主打冰鎮龍蝦及鮑魚，有一點點像seafood platter。龍蝦鮑魚非常新鮮，剛好熟而且保留鮮味。既然是中西合璧，蝦餃燒賣必不可少。最令我驚喜的是最後的魚餃淮山麺，孤陋寡聞的我還是第一次食。麵煮得剛剛好，口感清脆爽口。淮山含大量蛋白質和消化酵素，一邊享受美食一邊養身。星薈位於尖沙咀中心地帶，非常方便，而且景觀一流。她有一個廣闊的陽臺，眺望維多利亞港優美景色，是180度無遮擋的打卡熱點，大家可以穿戴靚靚，瘋狂自拍。服務很貼心，當天選了free flow champagne，侍應不斷來來回回添加，肯定回本了。無獨有偶，那個週末我不斷喝Nicolas Feuillatte香檳。在香港，她可能不是家傳戶曉的名字，但原來她是法國三大暢銷香檳品牌。那天選來Nicolas Feuillatte Reserve Exclusive Brut NV，有青蘋果、薄荷和西柚的味道，非常清新。

公司晚宴去天文台8號頂樓的星薈，其實即係鴻星酒家，原本對這些公司晚宴沒有太大期望，通常都係個啲菜式，但係呢餐好有驚喜，好後悔無影多啲相，呢度有無敵大海景，但夜晚大風起來想影頭唔亂既相都有啲難講返食物，相信老細今次揀左個貴餐，除左第一道乳豬沒有特別，之後每道菜都好好味第二道係凍熟蝦同凍鮑魚（鮑魚唔細）仲有全晚最正既雞煲翅，好多翅，個雞湯好正條魚又滑，大得來火喉剛好去到最後既糖水合桃露係即磨，甜度剛好，仲有粒粒合桃攪晚宴既真係可以考慮呢度

上到嚟，計埋我地得四枱，可能多數都係做婚宴，所以有散客要點心，即蒸需時更耐。櫻花蝦脆炸柚皮，每看到柚皮我都必點。這道是我吃過最油膩和咸的一道，蝦和柚皮都吸了很多油 。花膠燉雞湯，挺快就上桌了，味道不錯的，但真的咸了。蒜炒莧菜可以，咸度還能少一更好。很久才到的蒸腸粉，蝦餃和灌湯餃。腸粉黏黏的，因為沒掃油，緊實一點，但滑度還可以。蝦餃蒸得皮都爛了，肉餡過得去而且。灌湯餃湯頭不錯，配著素翅吃都能當一道菜了，餃就不要管了。蛋白炒飯，炒得不錯，粒粒分明，就咸得不行。

今次呢間餐廳，曾經經過見到但未有機會去試！今次藉著生日飯，朋友提議去食。其中一位朋友試過推介食物唔錯，仲要有靚景添！餐廳喺大廈最高層，我地訂左19:30，早左到都可以有位，可能仲未有好多人知道，所以都唔算好多檯。出左電梯，入到餐廳就見到落地玻璃窗見到K11，再配水晶燈，好簡約！讚！未叫野食就比個環境吸引左，而且仲有個露天位置，外面放左幾張高檯，可以坐喺外面飲下野！因為佢地有個小酒吧，可以點cocktail 或有啤酒。其實間餐廳主要用黎做婚宴，環境吸引，個位置可以睇到煙花添！咁左咁耐，要講番當晚我地點左咩食物！我地有5個人，點左一個4人餐，再加左一個小食同埋一個小菜，最後仲加左2個焗西米布甸！首先到左個小食炸豆腐，炸得好靚金黃色，唔需要點汁都夠味。之後小菜陸續送到！真係每個菜都有驚喜，我地只係點左套餐，包括有個炒飯都好味，炒得好乾身，唔感到好油。整體好味！可以再值得再去。

平日晚上，公司同事的慶功宴，尖沙咀區是最方便的，找一間有名氣、有環境、好味道的中菜在這區多的是，但有同事提議試新地方，吾試由自可一試便知龍與鳳。全場坐滿只得四枱客，眼見服務員和經理共有六人，他們傾計多過招呼人客。(可能我們不是名星)食物價錢中上，但出品不是相對的，對食物有要求的各位請勿花錢了。這處唯一賣点，有觀看維港景色大露台，肯定是看煙花和夜景的最佳地方，所以我理解他們上菜慢的原因，是給你時間慢慢享受美景。

自從某名人在此處擺酒，認識此處，名又好，可看星星，多浪漫，知道是鴻星集團，其實有點打折扣，水準多年來已退步，希望有異數。價錢大眾化，選擇小，小點$18，大點$30，食物一般，離差好些，但有海景，就加分。蠔皇义燒包，差，得5粒丁屎义燒碎，無义燒香，蠔皇消失，唯一包的皮，都無失望。黄橋燒餅，有芝麻都吾夠香，無葱，無洋葱，餡吾夠滿，以前好嗰隻，漲卜卜。松葉蟹拑灌湯餃$38，以為好似日本餐廳那樣，有期望，自然失望，莫講話松葉蟹味，連一般蟹味都無，鞋，有瑤柱猪肉蝦肉，不過是丁點，無味，好彩有雞湯，不希罕。蒸蘿蔔糕，蘿蔔多，粉少，但無蘿蔔香，有蘿蔔澀，臘味完全無臘味，蝦米算大隻，有味無海味鮮個隻。前菜花生咸魚仔，都保持好好味，收錢㗎。十幾人一定有位，不用訂，不用等。高级餐廳點解在大門口位，大開廚房門，看到廚房，核核突突，地濕，垃圾筒！

原本食得好好地，上菜上到一半停咗，等埋隔離遲過我點菜嗰幾圍先一齊煮。搞到停咗半個鐘。問個侍應，一邊問就一邊走，無停低同你交待。一路行一路答你跟緊跟緊，但跟黎跟去都無返黎覆你。越食越難食，食到背脊骨落。明明同老豆慶祝生日開開心心，等到無哂胃口。又話服務好，我一的都唔覺得有幾好囉！

家人生日, 帶屋企人食餐好的晚餐. 餐廳位於21樓, 一入去已經見到一個無敵海境, 如果是放煙花日子必定超正!出面還有一個露台, 影相一流. 由於當日天氣凍, 影左幾張相即刻入番室內. 6人點了海鮮餐, 份量十足. 湯,魚,蝦,蟹,蠔都有齊. 而且海鮮好新鮮能夠在尖沙咀睇住維港食飯, 加一茶介後, 埋單$1680. 平均消費每人$280, 以這個價錢我覺得絕對超值,同屋企人都好開人心. 另外, 店內有位男經理 (高高瘦瘦的)服務好細心, 食海鮮會有好多殼, 他會時常換碟. 媽媽怕凍, 因坐的位置大風他即刻調較冷氣 , 值得加分下次會再去

同同事試新野，其實想黎食好耐，係俾個view吸引。一上到去地方俾想像中細，可能間咗半邊廳的關係。午飯時間只有三枱客，只有一位侍應工作，又唔得閑接待我們，所以我們自行行入去。兩邊落地大窗，感覺很開揚。出面仲有大露枱，吸煙人士一定鍾意。午市有$75特價套餐，但我地人多，所以叫了不同點心share。食物有不同選擇，賣相又吸引，味道亦不錯，但價錢有點貴。其實各方面都很不錯，但廁所真的有點嚇人，很污糟，完全破壞了整體感覺。

已經是第二次到星薈晚飯，味道是一貫的美味，幾乎每一道菜都很有心思，很配合到每一款香檳。服務十分周到，隨時都有人在旁加酒，上菜速度合宜，而且非常有禮貌，值得加分。個景就簡直一流，180度海景，在這裡happy hour肯定可以把一天的疲倦送走。它是我最近的鍾愛，highly recommend。A quality contemporary Chinese restaurant with a fantastic view. It overlooks the whole harbour and TST east. A perfect place for happy hour.Food is of high quality and service was attentive.