星記海鮮飯店 (一號廣場)

營業中

休息中

寫得食評都係由劣質逼出嚟。起初點了咕嚕肉、煎鹹雞同一煲海鮮炒飯。係無驚喜下連相都費事影。咕嚕肉未至於啲雜誌、youtuber 煲到咁好食，粉漿上碟時係仲脆嘅，達到基本要求，但個汁當日就偏鹹咗，輕微乸脷，山楂果香未至於好出。 比佢好食嘅多的是。 煎鹹雞就把鬼，乾柴咁，一啲都唔好食。 通常expect 鹹雞啲肉係一絲絲，呢隻雞啲肉就粉嘅，用咩貨心照啦。 成碟嘢同隔夜雞煎返熱無分别，求其堆啲蒜頭同葱係面… 後來加餸 ～$178嘅土魷蒸肉餅同$158嘅琵琶豆腐果然有驚喜， XXXX! 仲衰過街邊三餸飯同茶餐廳。 一塊又實又硬嘅起角肉餅求其加啲土魷碎係面就出品，唔講真係以為新嚟初次煮中餐嘅姐姐煮添。 其次係啲肉好大陣豬騷味，同枱啲朋友食唔落口，慘變廚餘… 琵琶豆腐又係把幾火， 賣相已經偏燶，第一啖咬落去嘅質感，完全地係街邊劣質煎釀三寶嗰舊彈牙粉糰，亦都係第一次食到咁嘅口感嘅琵琶豆腐。 送嘅蕃薯糖水就算罷了，完全溝到無味…呢間餐廳每一道菜比外面有質素嘅餐廳已經好厚面皮咁收貴 30-40%， 上菜無擺盤之餘，啲上菜碟同茶餐廳有得揮… 一間米芝蓮推介嘅飯店連茶餐廳質素都不如仲㩒住嚟搶， 不如下次係三

今次黎到中環同一班同事一起食個晚餐，就揀咗呢間自從2016年至今連續攞咗8年港澳米芝連必比登美食推薦既海鮮飯店！！餐廳食物款式好多，都係常見既港式食物，環境方面都好唔錯，乾淨得黎位置寬鬆，推薦可以一大班人黎聚一聚～ 🥰 ✨馳名鳳梨生炒骨 $188🐷生炒骨外皮非常酥脆，調味恰到好處，唔會太過於甜，而菠蘿就水分十足。係一道非常好味既配飯餸！ 😍 ✨輝哥煎鹹雞 $230🐔呢到菜用埋老闆個名做菜名，就緊係有啲料到啦，雞肉調味適中，外皮有小小既微焦，食落更添香味，面上既蔥花都增添咗層級，令到雞肉更加好味！ 😚 ✨椒鹽百福豆腐 $ 118平時豆腐就見得多，好味既就真係少，呢星記既呢道椒鹽豆腐做到外脆內嫩，炸粉唔會太厚之餘都仲有小小脆皮喺度，豆腐味道都好夠，推薦鐘意食豆腐既人一定要試試！ 🥳 ✨星記小炒王 $198講到香港嘢食就一定唔少得小炒王啦，韭菜嫩滑之餘，仲有幾舊蝦喺度🦐，味道非常濃郁，必點！ 🤤

父親節要返工唔得閒，所以一完左個project 就即刻同老豆補祝返🙉 今次帶咗佢去試星記海鮮飯店，見佢連續8年榮獲米芝蓮推介，就決定帶老豆去試下🤓.一入到去餐廳職員都好friendly同好好禮貌，知道我地係第一次嚟食都介紹啲必試菜式俾我地😲招牌椒鹽大尾魷 $178佢呢度嘅鮮魷🦑好肥美，而且佢個炸粉超薄，肉身好厚，啖啖肉，比起平時食個啲大咗一倍😲 一眨眼我地就已經清哂🤣輝哥煎鹹雞(半隻) $230連菜名都係用老闆嘅名命名，必然係佢哋嘅招牌菜之一❣️雞件煎到好香口，而且佢用薑蔥醃製，好入味但唔會好鹹😋椒鹽百福豆腐 $118豆腐炸得外皮好脆，入面嘅豆腐依然好滑，鍾意食香口嘢嘅朋友仔可以一試🤩馳名鳳梨生炒骨 $188應該係我食過最好食嘅生炒骨，生炒骨個外皮炸得好鬆脆，佢個甜酸醬調得啱啱好，熱辣辣食仲要有拔絲嘅感覺😲嚟星記唔食其他嘢，都一定要試佢呢個生炒骨🥰🥰.大家如果都想試下米芝蓮推介餐廳🌟就記得要book 枱呀，唔係可能會摸門釘🥹因為佢都好full 同埋有時會有人包場🫶🏻

今日星期5，已經一個月前約了同事這天來星記吃午餐，因為中午人都超級多，而我們只得一小時吃飯，害怕要等很久，所以同事星期3就已經book了，我們一連5個人。我公司去那兒只不過5分鐘的路程而已。我們叫了3個菜再加1個飯1個麵，不是說笑全都很好吃，廚師炒得很有鑊氣，來的時候都熱噴噴的，又很香，上菜都很快，只是那個生炒骨比較耐，而且一開始是有湯喝的，我最喜歡喝湯了，吃完飯最後還有糖水吃，感覺真的很滿足，每個人吃了大概150元

上年十二月同朋友們聚會兼慶祝聖誕人多食中菜寧舍好食最好嘅係佢地免開瓶費啱晒一班愛酒人士小菜一向都有水準今晚食咗兩樣之前未食過粉絲蟹煲超足料粉絲唔會成餅野羊腩煲見到張相都知有幾多肉佢肉下面都係肉唔會只有一堆配菜佢個炒飯 啲飯粒粒分明又夠乾身 唔會太咸又多兩樣可以下次食以前灣仔差喺個環境唔知點解個後樓梯前放檯而果張檯係無冷氣（因為後樓梯啲人出入走晒冷氣）而家由灣仔搬到中環暫時水準都keep住咁正地方仲好咗雖然價錢並唔親民不過真係食得開心 同至少夠飽🤣

這間粵式中菜館位於中環，主打正宗的粵菜小炒，店內環境寬敞舒適，適合大型聚會，建議預早訂位。平日的午市時段設有十數款午市精美小菜，亦有小菜、粉、麵及飯等等，均即叫即製非常新鮮，送老火湯或者甜品。馳名鳳梨生炒骨 - $96大大粒生炒骨外酥內嫩，薄脆的炸衣塗滿酸酸甜甜的醬汁，咬開嫩滑多汁且肉味濃郁，更有洋蔥、三色椒及菠蘿等增添清新感。柱侯炆牛腩 - $96牛腩肉汁豐富帶有嚼勁，牛筋爽滑彈牙充滿膠原蛋白，更有香甜無渣的蘿蔔，柱侯醬炆得好入味。白飯 - $16絲苗白飯一碗，軟硬適中。老火湯是日為西洋菜湯。軟腍的西洋菜加上紅蘿蔔和豬骨等配料長時間熬製而成，入口清甜清燥，好適合炎夏飲用。甜品是日為蕃薯糖水。清甜的蕃薯帶微微薑片的辛辣，更有一粒粒軟糯的蕃薯。

上年年尾嚟過一次「星記海鮮飯店」食飯，啲午市套餐都唔算貴，亦都夠質素，環境舒服，話晒都有「米芝蓮」加持，稍稍被睇高一線。而今日約咗個好弟兄聚一聚，就再次嚟到「星記」食餐晏晝。 踏出電梯門就喺餐廳，上個食評都介紹過個環境，所以，今次就唔講太多，基本上嚟講，裝修雅致，枱與枱距離無話好逼，無太大侷促嘅感覺，座上客都喺較斯文嘅上班族，嘈極有個譜。 既然嚟食午餐，目標都喺佢哋嘅「午市精美小菜」套餐，包老火湯及甜品，定價都喺$96，另收茗茶$15位及加一服務費。兩個好兄弟，喺小組拍檔，自然同撈同煲，就叫兩個都喺煲仔菜應吓景。 老火湯落好單，先嚟老火湯，每日不同，是日本來喺西洋菜，但改為「節瓜章魚煲豬骨」，其實嚟咩都無所謂，最緊要喺好飲，飲落夠老火。果然保持質素，湯味濃郁，有種好下火嘅感覺。 節瓜鮮魷鬚粉絲煲上次試過招牌嘅鳳梨生炒骨，今次就唔翻兜，試試另外啲菜式。呢個粉絲煲勝在有好多節瓜，切到條條大細一致，煮出嚟口感啱啱好，鮮魷魚鬚份量不少，而且柔韌有口感，唔會韌到好似擦紙膠咁，加埋有唔少粉絲，整體味度上屬清淡少少，但又唔會太寡。 栗子鮮淮山炆雞煲比起個粉絲煲，呢個雞煲送到嚟滋滋聲，香氣四溢，老友好

中環寸土寸金，想吃到高品質的粵菜分分鐘人均過千，像星記這種平民百姓也能消費得起的粤菜，連續八年拎到米之蓮推介，$100 內的午市套餐連糖水，真的是打工仔的福祉，而且能在中環找到中菜+老字號有時候也覺得是一種奢侈，希望它越做越長青～叫了二份主打唔落味精了午市小菜套餐+白飯兩客+茶+ 糖水，柱侯炆牛腩和野菌響鈴扒菜苗全碟勁多牛腩，少少牛筋腩，配菜不多，但食得出高壓炆煮左好勁，牛腩勁入味，蘿白也是紋煮到勁深色勁淋甜！真材實料！ 野菌響鈴扒菜苗上枱時有少少失望，菜苗私下變了白菜仔，不過全碟也好味，大份，而且無落味精，健健康康一餐作為午餐挺不錯，再以清甜滋潤的糖水作結，有精力繼續上班了💪🏻

終於有機會嚟呢間米芝蓮食府試下，佢個位好方便好易搵馳名鳳梨生少骨 - 好有鑊氣，甜酸度啱啱好，皮脆肉嫩，鳳梨鮮甜，洋蔥同三色椒亦炒得好香，係好高質嘅生炒骨香芋蒸鮮肉餅 - 肉餅蒸得好軟腍，豬肉味好香，芋頭亦新鮮，味道好夾食物份量足，賣相吸引，白飯粒粒分明紅蘿蔔湯好清甜，飲得出真材實料糖水嘅料有雪耳、杞子、龍眼肉等，清甜滋潤午餐嚟講選擇算多酒樓好光猛同乾淨，枱同枱之間距離好夠，座位亦闊落，服務亦周到，又抵食，名乎其實嘅米芝蓮食府

朋友推薦米芝蓮餐廳一於搵日lunch試試佢午市精美小菜包括老火湯/甜品 $96勁足料老火湯，今日係西洋菜湯，飲落完全無味精，仲好清甜味，值頭想飲多碗湯馳名鳳梨生炒骨夏天開胃餸，豬肉肥瘦適中，加甜酸醬、彩椒，賣相令人垂涎三尺。生炒骨即點即炸，上菜時新鮮熱辣，醬汁黏稠係每一件生炒骨上，同時唔會失去脆度，每一啖食落口都保持外脆內軟既口感，配搭白飯一流👍🏻柱候炆牛腩柱侯蘿蔔炆牛腩，牛腩炆得好軟腍，配上白蘿蔔入晒味，啖啖柱侯香味，送白飯正呀😋甜品雪耳糖水三棗茶，滋陰養顏，令人心都甜埋

近排都喺中環返工,每日食晏都係公司附近搵嘢食,無意中發現一間中菜館無論味道同價錢都好吸引,原來仲係咪芝蓮推介。星記海鮮飯店,地址係擺花街1至7號1號廣場2樓,餐廳地方非常闊落座位空間感亦都好足夠,裝修得整潔光猛。先黎個老火湯,紅蘿蔔豬骨,味道清甜,飲得出冇加味精又香又好味。沙嗲粉絲肥牛煲,粉絲肥牛煲分量好多,肥牛肉質嫩滑,牛肉味香濃,配上沙爹醬令到牛肉嘅更加突出,加咗粉絲同金菇食落去更加有口感,用嚟配白飯真係一流,食落去又唔會太鹹味道剛剛好,最少食兩碗飯🤣🤣。蔥爆蝦醬豬下青,味道好香,蝦醬令到豬肉味道更有層次帶少少鹹香,豆腐卜吸收曬啲精華,入口味道香濃,豬肉半肥瘦食落去好有口感,果然係米芝蓮推介,每一個小菜都做得好出色。食完飯餐廳送咗兩碗糖水,雪耳糖水有清潤又消滯,飲完成個人潤一潤,又好味又正。

去得中環，當然要搵間優質食府，食個午餐都唔例外，我哋今日就鎖定咗呢間星記海鮮飯店。餐廳內已經掛滿晒米芝蓮各項殊榮，一睇就知有幾猛料。我哋嚟到一刻時間尚早，不過轉眼間已經座無虛席，而且食客普遍都係年輕一輩。先嚟個冇味精老火湯，唔算多湯渣，係見到有紅蘿蔔同瘦肉，味道真材實料又唔會過鹹，而且完全冇落味精。小菜套餐$96一份，包括老火湯及甜品，款式有好多選擇，我哋首先就揀咗金沙豆腐蝦粒。成碟小菜呈鮮黃色，鹹蛋味鹹淡得宜，豆腐係用上比較結實嘅板豆腐，加有少少蔥花，送飯一流。 而佢嘅蝦粒係用大蝦再切粒，所以每啖非常爽口彈牙，配合埋鹹蛋黃同豆腐真係一流。另一個小菜都係揀咗配白飯一流嘅鹹魚蓉雞粒茄子煲，入面真係食到有一絲絲嘅鹹魚蓉，另外仲落咗有薑粒，連埋醬汁非常惹味。而且佢嘅茄子仲係每條保留紫色，真係大廚級嘅水準。佢嘅雞粒其實係雞件，每件都非常鮮嫩，比起一般嘅魚香茄子煲再添加一份味道。食呢兩款小菜當然要配個白飯，原本諗住一碗大家開心share，但因為實在太好味，所以我哋再追加一碗。佢嘅鐵觀音都好香，飲得出係上等嘅茶葉沖泡而成。最後嘅糖水先係最精彩嘅一環，有齊雪耳、紅棗、桂圓、蓮子、百合、杞子等等，非常

前幾日同朋友聚會，選址左有米芝蓮認證既中環中菜館，食物好有水準，服務亦非常好。呢間中菜館由2016年已經找犬一米芝蓮推介，當日晚飯時間已經爆晒人，想去食既朋友記得要提早訂位了！一場黎到當然要試佢既拿手小菜鳳梨生炒骨，生炒骨香口，特別係佢地調配既甜酸醬汁，比出面食到既唔同，非常有水準！第二樣拿手水菜椒鹽大尾魷，一樣都係好好食，魷魚大大塊，大人細路都食唔停口！第三樣煎咸雞，雞肉滑嫩，煎得剛剛好，送飯食一流！最後額外試左小炒皇，都一樣炒得唔錯！

今日約咗朋友喺中環食飯，朋友選擇這間中菜館，很出名，原來是米芝蓮推介的，餐館環境整潔，而且老闆也很友善招呼客人。餐館煲的中式湯，唔單止熱辣辣，仲非常夠火候，而且很好味，飲完沒有口渴的感覺，每日新鮮煲製，很有質素，香港人最鍾意飲嘅湯午餐有好多唔同種類嘅款式可以選擇，我今日揀咗招牌生炒咕嚕骨，這個餸菜我很喜歡食，咕嚕骨表面酸汁，酸酸甜甜，吃一口咕嚕肉表面卜卜脆，肉質爽口，菠蘿用上新鮮的，酸甜清新，非常出色，而且加上青椒和菠蘿一齊炒，顏色鮮艷，而且很好味，配埋白飯一齊食，飯都食得特別多鮮濃魚湯浸䱽魚，這道菜很出色，魚湯加上粉絲，奶白色的魚湯和粉絲一齊食，好好味，魚湯鮮甜，粉絲吸收魚湯的精華，這道菜很有心思，䱽魚魚肉鮮嫩，入口魚肉甘香，這道菜非常好食。絲苗白飯，入口軟硬適中，有口感， 這兩道菜用來送飯食，冇得彈。這間中菜館中午時段坐滿晒人，可以證明餐館本身有相當的質素，一定會有下次。

朋友推薦我一訪位於中環擺花街嘅星記，最初唔知其特別之處，原來係連續七年榮獲米芝蓮必比登推介，失覺了。雖然星記係一間細小的中菜館，但店員服務殷勤，人情味滿滿，試咗佢哋推介嘅椒鹽大尾魷，馳名鳳梨生炒骨。由於午市套餐包埋老火湯，店員火速送上蓮藕湯，對於呢啲長期冇住家飯食嘅我，搵番家嘅感覺！先講講椒鹽大尾魷，有別於一般鮮魷，大尾魷價格偏高，質感彈牙，食得出係新鮮貨，聽店員講食材係每朝拎貨，再加上唔死鹹嘅椒鹽，薄薄的脆槳，真係好好味！另一道推介菜式馳名鳳梨生炒骨，粉槳唔厚身，個醬汁酸酸甜甜恰到好處，豬肉肥瘦適中，一啲都唔鞋！小棠菜炒上海年糕就正常啦！朋友叫咗欖菜肉鬆炒涼瓜，我唔好涼瓜都試咗啖，都可以接受呀！黑椒荷蘭豆龍鬚絲粉絲煲，惹味之餘，粉絲乾濕度適中。成餐飯以一碗紅棗雪耳糖水做結尾，住家菜感覺番曬嚟呢！