星‧68 (已結業)

不要貪平，食過最差的大閘蟹，服務包括經理令你差到無言以對！為朋友慶祝生日，帶了生日蛋糕但要收每人10元蛋糕服務費！我們一行六人60元都無所謂。吃飯完淡而無味的雞，又小又難吃的大閘，無蟹粉的蟹粉小籠包後⋯⋯叫她們上蛋糕，結果是真的是服務員拿了蛋糕上枱便走了。叫經理過來，你們不會給蛋糕碟和义嗎？不會清理枱面才上生日蛋糕嗎？答案嚇你一跳：「我退回60元給你」，真是無言以對！打著紅星集團的旗號，但食物質素和服務比我過往吃過的紅星酒家真是天淵之別。評語：失望加一肚氣

大閘蟹完全失望，兩皇一后，隻后細到哭，3両吧！而且食唔到大閘蟹應有的味道，慘過係街買90元隻的質量😑乳鴿和鷄簡直就無味道，只得一個臘味炒飯像些樣😢 由經理至侍應都唔想做嘢的態度，而且叫親什麼都找借口唔使做或遲些做，上大閘蟹時，食大閘蟹的用具都未給我們，叫她給濕紙巾，又話食完蟹先畀，再三要求才肯畀，清骨碟就是食到碟都滿哂，叫都不願意地更換，到切生日蛋糕時，收了60元切餅費，枱都唔肯執乾淨，要求才給分碟，而且講些唔好意思就走左去唔執枱，真係火都上頭，很不開心，不會再去中

又係一年一度食大閘蟹嘅時候，鴻星這間分店走新派路線，疫情我們都有叫過他的大閘蟹套餐回公司吃。今次3號風球又試一試，經app叫。原價$438一位，折了每位$351王者大閘蟹一位餐（兩皇一后）（每隻約5兩）。套餐除了大閘蟹外，還有煙燻鴨胸拼青瓜，黑松露元貝羮，酥炸廣島生蠔，椒絲腐乳菜苗，家嫂臘味飯，蟹粉小籠包及薑茶湯圓。今年的大閘蟹好似比較細隻，味道不太濃郁，可能是北海道來的，沒有大陸的味道重。鴨胸青瓜好清新配蟹子都唔錯。酥炸生蠔好香脆，生蠔好新鮮，每人都有兩隻。黑松露元貝羹，主要係飲到蘑菇湯的味道，有幾粒帶子在入邊。蟹粉小籠包勁爆汁，不錯。腐乳菜苗送到來變咗炒西蘭花，但都翠綠OK啦。臘味飯賣相同埋口味都不錯，值得一讚。最後忘記了影薑汁湯圓，有兩粒芝麻湯圓。成個餐以午飯來講都好飽。

見到呢間點心嘅位置，同埋價錢，都覺得應該唔會差得去邊。點心選擇都唔錯，食物味道也OK。但真的絕對不推薦。最初發覺有一兩隻烏蠅飛過，後來見到有侍應攞住幾籠點心向我哋嘅方向行過嚟，以為係我哋嘅點心，點知原來嗰啲係空嘅點心籠，佢哋就咁將呢啲別人吃完的點心籠，放在我們旁邊的一個餐桌上。之前嗰個客人走咗，佢哋未有時間執枱，但真的估唔到佢哋居然將更多的點心籠放在哪裏。之後就開始有兩三隻烏蠅喺嗰度飛下飛下，我真係好想嘔。啲員工一定係同個老細有仇，咁樣整佢！地下癡粒粒就唔使講，啲員工態度服務也一般。比碟輕啲嘅食物你嘅時候差唔多飛過嚟咁滯。唉。。。。

叫咗一個烏雞螺肉蟲草湯啲燉湯幾好飲，感覺上係真材實料，煲咗好耐。另外叫咗一個竹笙上湯時蔬，啲菜都係新鮮，上堂都唔錯，感覺上唔係太味精。但係個黑椒豆豉雞肉煲味道就麻麻地，好明顯係雪藏雞，加咗大量乾蔥蒜頭，希望掩蓋唔係新鮮雞的雪藏味道，但係個味道都係麻麻地。主要都係去飲湯。環境都算闊落尤其是晚市好少人所以坐得幾舒服。

碗碟筷子都污糟，換了3次才沒有食物殘渣，而家疫情點可以咁恐怖，職員亦沒有禮貌，叫左多次先至加水，另外，做事嘅不協調，以及濫收前菜費用但沒有提供該項，結帳時提出，他不但沒有扣除該項費用，夾硬要客人拎走花生

兩個人訂左1點鐘12:50來到，等左20分鐘才有位超多人等位出品不錯👍🏻全部好夠熱！二人枱太細，唔夠位放點心本身點了一壺茶，要加多一壼水侍應回覆，係枱唔夠位放我哋堅持，兩壼放枱面，不停移位😝一件件的點心可以每件點，唔使夾份食，幾好！鳳爪，腸粉，馬拉糕，千層糕就係正常份量推介以下呢三款：燒賣大大粒，好食！原隻鮮蝦腸粉蝦好大隻腸粉滑蛋黃千層糕而家好少地方食到一籠有四件蛋黃唔算咸係好食😋⭕️全店職員戴上口罩 ⭕️進店前量度體溫✅提供放口罩膠袋

今次一家四口訂了午餐時段一時半，被安排了一張在open kitchen 旁的圓檯，坐下不久已經覺氣溫有問題，而空調系統約在室溫24，25左右，四人食到都大汗淋璃！服務員方面，如返添滾開水時，就要多翻用心留意員工的眼神接觸，或大聲呼唔該，才可以有機會招待，地上會有黐立立和點心紙，紙巾垃圾周圍都有在地上！食物質素尚好！！

今日第一次試，其他點心都ok 正常水平，佢好在有得逐粒逐粒單點蝦餃，虽然係贵左少少，但起碼岩一個人食不過個問題出左係個甜品上，楊枝甘露真係幾難食，似係將啲现成芒果汁就咁倒落去，仲要芒果肉一粒都無，可以咁的嗎…？！😧😧😧😧

新年期間朋友帶咗我黎試，前身係一間食龍蝦嘅地方。當日覺得食物質素不錯，服務態度又好，驚喜地重有半價。所以今日響同阿媽去複診之前同佢黎試吓。平日堂食點心78折。食物質素同上一次差唔多，連阿媽都讚好。椒鹽九肚魚🔅阿媽話自己唔識整，出面而家又好少見到有得食。炸得夠鬆化，入面嫩滑义燒酥🔆係我嘅favourite, 係個擺盤出左事，一大個食物盤裝住兩小件义燒酥，同相片有落差😜炸両🔆上次食過覺得好味，今次再叫依然出色，油炸鬼熱辣辣🔺灌湯餃同臘腸卷都係為阿媽而叫，（雖然我都分到一杯羮）呢度有啲點心可以逐粒叫，對我黎講係好事！不過傳統如我阿媽可能未必啱，會覺得有啲寒酸！🔺重有帶子燒賣一粒係唔覺意叫錯多嘅 😅都新鮮好味😋整餐茶其實都唔錯，不過有兩個細節可能真係需要留意一下1/預約左11:00 （開門時間）入到去完全冇人理會，bar 檯有人好忙執緊野，等左幾分鐘，唯有自己走入去坐低，先有人出現2/臨走梗係去下toilet , 唔入去由自可，不知幾後悔，又烏糟又臭又殘，點解可以容許同出面差咁遠😫😤😖希望再有下次既話會有改善

去攞位嘅時候就話個位已經俾人坐咗，然之後安排另外一個位置，坐低嗰碟小食係食過一半，叫侍應換，叫了兩次才成功。食物正常，但侍應的服務不如一般酒樓，客人未食完就不停喺側邊執嘢，但明明後面幾台人走枱面都未執，令人莫名其妙～

是日冬至，約了朋友慶祝，吃中菜比較合適。受COVID-19第４波疫情影響，全港食肆禁晚市堂食仍然生效，我們約吃午餐，地點選在中環萬宜大廈星※68，我倆都是第１次來(前身的龍麵館，我來過１次，那次是我在 Open Rice的第１篇食評)環境：挺好的！光光亮亮，齊齊整整，餐桌距離合適，感覺舒服！菜品：朋友先來，她看過２人餐的菜，不太喜歡，決定單點#68薈萃全盒，點心併盤，５鹹１甜的組合，樣樣都好味！#大閘蟹粉小籠包，點了２件，我倆都覺得好吃！#鮑汁雞腳，燜得不夠軟，不推薦！#海參沙葛叉燒粒炒飯，好大盤，吃不完！服務：差！店面由２位女服務員負責，我們坐前面靠大門的區域，負責的女服務員，跟本不在狀態！另１位服務員態度好得多！

早前約了友人在此食lunch，結果係中伏。進入餐廳內，發現地板係十年無拖過地，黐立立到一個點係黐住我對平底鞋，要大力抽起隻腳先行到，個地下真係好污糟。我已經早一星期前就用openrice訂12：15pm，結果都係被安排坐係另一枱客嘅隔離，但係因為塊膠板面積太細，基本上隔離講嘢嘅口水係可以飛過黎我個邊，如果有食客因此中招，間餐廳就十四日唔洗開門做生意。坐低後，侍應問我飲咩茶，我話要香片，跟住佢先話無，只有三款可以揀，我心諗你一早又唔講？然後我求其叫咗四季春。之後侍應就話可以掃QR code點菜。我掃了QR code後，睇下有咩食，然後友人到了，我地便開始點菜，揀好後準備確認時，居然問我取餐時間，原來係叫外賣! 點唔到菜，唯有叫侍應，但無人理我地，等了3分鐘才有人過黎。跟住個侍應想掂我部手機，我即刻喝住佢唔好，因為我唔想之後又要消毒部手機，個侍應唯有叫我按去前頁，我依佢指示做，但都只係顯示取餐時間，侍應只好叫經理過黎，經理望了我手機後，要求影低俾佢去投訴，之後先肯死死地氣俾張點心紙，前後用了十分鐘。如果閣下唔係有兩個鐘頭食lunch，千期唔好去呢度。由於我見到隔離枱食龍蝦，所以想點，但係點

由於疫情關係，唔係好敢去餐廳坐得好耐！同事生日好想食大閘蟹，打電話去試試可唔可以外賣，估唔到真的可以外賣。我們叫了每位$405的套餐，外賣自取還有七五折，每位只是$328。每人有兩隻蟹公，一隻蟹乸，再加上其他食物，真的好飽。套餐除了大閘蟹外，還有雪燕竹笙羹，原隻鮑魚蝦仁，上湯薑絲灼菜逺，蟹粉小籠包,家嫂臘味飯，甜品及飲品。大閘蟹大約四兩重，雖然不是好大隻，但是吃三隻，也頗多肉。你還可以外賣選擇要蒸好，還是不用蒸的。除了蟹外，其他的餸菜都好新鮮，臘味糯米飯很香臘味的味道，又入味。竹笙羹亦好大碗一啲都唔小。甜品是好得意的蓮蓉包，飲品是丸茶手作的凍蜂蜜檸檬。

今天套餐有兩個燉湯:- 分別叫了菜胆燉白肺和素燉湯兩款湯，它們各有不同好味道；特別是素燉湯非常清甜。點心:-蝦餃和燒賣都好好味，蝦好爽口新鮮可惜每人只得各一隻有些不夠喉咯！