春夏秋冬火鍋 (已搬遷) 新店位置

星期五晚我們一行7人相約來這裡打邊爐,補祝A小姐生日,叫了沙爹拚清湯,一碟大手切牛肉,正,另外再叫一碟大的神戶牛肉一樣好味,西冷牛肉,個人覺得麻麻,還叫了很多食物,鱔片,九菜餃,炸魚皮,雲吞,雞件,皇帝菜,金菇,板竹,蟹子丸,墨魚丸.花枝片,貴花蚌,唐生菜,牛骨髓,粟米...全都很新鮮,叫了6枝大生力,幾鑵氣水,埋單都是9佰幾,請了生日那個都是每人166蚊.唔錯

呢間野d野食都ok ga .係續碟計.不是任飲任食的八個人食八百幾蚊. 每人才$105 . 都算抵食. (或許我們不是叫些貴價野吧)但都好滿足啊!!唔建議叫牛肉粒, 不好吃的(都係肥牛好味d )而個服務生亦很留意我們的需要.係我地未出聲.佢已經留意到.會幫我地了.很抵讚

變左大大間又光猛的春日茶餐廳, 有幾部電視, d 卡位有分2,4,6人坐ge, 裝修色彩幾繽紛

尋日我地一行五人去左呢度打邊爐, 因為我地有3個係煙民, 貪佢係地鋪, 方便行出去抽煙, 首先講環境呢度梗係多麻粒佬梨食啦, 不過我地幾個女仔都冇乜所謂既,我地叫左個鴛鴦湯底$45, 不過個湯底冇乜味, 叫左碟辣椒絲, 要$8, 跟住梗係叫特級手切肥牛啦,都幾大碟幾新鮮,$88好有肉味, 再叫左花枝片-鮮甜, 脆肉鯇-爽, 山瑚蚌好爽, 雞子幾大粒, 八爪魚剌生-麻麻啦,不過$28-冇乜要求啦, 牛利托大大件幾新鮮, 九菜餃就真係幾好食, 醉雞件有酒味不過唔係好滑,都合格既, 四寶丸就細細粒冇乜野特別, 豬潤普通啦, 西冷牛其實咪雪花牛,不過都唔錯$28不過梗係冇手切咁好食啦, 仲有叫左炸魚皮, 芝士腸, 蟹柳,金菇, 冬菇, 兩盤菜, 不過呢度d待應係咁推介我地食斑啊,賴尿蝦重,聖子咁囉, 一晚問你4次要唔要,好鬼煩, 其實個賴尿蝦$58有4大隻好抵,不過我地5個唔夠分, 又費事叫海鮮驚俾人掠, 所以冇叫到, 我地再叫左$18/5枝既藍冰,飲左10枝加埋幾鑵空水,埋單都成$750, 係冇乜食海鮮既情形下都算偏貴少少,不過d野係新鮮d既, 同埋唔限時呀嘛…