春夏秋冬火鍋 (已搬遷) 新店位置

突然好想打邊爐, 所以就同 2 個 friend 一齊去 "春夏秋冬火鍋". 因為我個 friend 話上次黎過幾好味...我地叫咗....四寶丸 $38.00, 鮮蝦水餃 $22.00, 鮮蝦云吞 $22.00, 炸魚皮 $22.00, 鮮豬潤 $22.00, 滑雞件 $22.00, 生魚片 $22.00, 桂花蚌 $48.00, 西生菜 $22.00, 通菜 $22.00..呢樹价錢唔係貴. 而且啲食物都好新鮮. 真係幾好...唔錯...下次可以再黎.....

多年來時常坐車行街都會行經這火煱店看到那個又高又大的招牌, 每次經過都說下次要試, 終於在這兩個月內才去了兩次! 第一次去的時候兩個人, 點了沙爹煱, 埋單四百多, 除了覺得食物很新鮮之外也沒有多大感想, 於是也沒有為這店在這裡寫上一兩個字! 但上個星期六一行六人再次光顧, 感想便很不同啦!我們這次點了一個醉雞鍋, 包埋半隻肉質嫰滑的雞都只不過是HKD68! 除此之外, 本地手切肥牛HKD98大大碟再加上其他很多不同的丸呀, 餃呀, 菜呀等等。待應在我們剛起動時捧上數碟海鮮列如蟶子、花甲、蜆等供我們選擇, 每碟HKD 55, 兩碟HKD100, 全部都是新鮮會動的。多種不同食材在同一煱內滾, 湯底越淆越濃, 味道越來越佳。我們六個人吃到捧著肚子, 結果還剩下足夠二人份量的食物, 但埋單只需一千元, 各人也大讚又好味又抵! 離開時才留意到大招牌寫著通宵營業! 其實店的下一個街口便有雀會, 門口又有直通巴到皇崗, 這家店真不可多得!

終於等到星期五又係,我和班好同事的Happy Friday 今次的目的地就是春夏秋冬火鍋,,我們一行五人到達目的地時間以是八時,門口以又數人在等枱,由於一早訂了枱,所以無雖等位就可以入坐,地方沒有期望,食物方面我們叫又聖子,肥牛,三寶丸,魚片..........等,由於人少關係所以叫了得少食物,食物方面大至上新鮮聖子還會動,有些不忍心把牠放進湯裏肥牛叫了特級肥牛和普通肥牛三寶丸彈牙,,服務員又主動落力,一切都叫幾好,但是今次Happy Friday 有些未終不捉感覺,還欠一個"孖子"未到,希望下次Happy Friday可以人齊,大家一齊開開心心食一餐.,將一星期的辛苦工作,不開心的事,化為食慾開開心心食一餐

尋日凍凍哋，男友大人話要同我打邊爐，所以book咗位放咗工大概7:00到達，當時計埋我哋都係只有三四枱客，不過唔夠半粒鏗就坐無虛席。打邊爐食材方面都算種類繁多，是晚叫咗如下:1. 麻辣拼芫茜湯底 - 麻辣湯底好咸而且唔辣，我已經不停叫人加水...都係兩個字咸爆。芫茜湯底 就普普通通啦。2. 海斑片 - 跟湯底，出奇地好有魚味，入口肥美鮮甜。3. 牛坑腩 - 一望埋去以為會好硬，要淥好耐，不過又唔係喎而且好軟熟，因為件件坑腩都有啲肥膏，所以食落好香同牛味重。4. 炸腐皮 - 一望埋去大人已然話唔掂，浸一浸啲滾湯擺落口啦，嘩~靭嘅，而且仲一啲腐皮應有嘅豆味都冇，好似用啲鮮腐皮卷埋炸咗就算咁，食落好似o趙緊軟膠片嘅感覺.... 炸腐皮都係小肥牛好。5. 炸魚皮 - 第一碟(即相中嗰碟)大人一食就話淋嘅，我就冇試啦，之後叫咗一位類似部長換過另一碟嚟，第二碟就冇淋，大人話比之前嗰碟好好多，不過我就覺得幾硬吓，一啲都唔鬆脆。6. 自製四寶丸 - 應該係牛丸、豬肉丸、鯪魚丸同疑似蝦丸，味道OK質素，略嫌唔夠彈牙。7. 豬腰 - 望落好似好大碟，不過原來切得好薄，所以食落口感不足，新鮮度都OK..

是日舊曆正日生日，由朝食到晩，行完街即興黎春夏秋冬食火鍋。未Book位，去到6:00PM，得一枱客，侍應好有禮貌招呼，比幾張枱任我選擇，最後選擇左卡位，其實都有少少迫，但2個人坐到4人枱卡位，都唔錯，算"筍"位。因為時間尚早，冇咩人，感覺好舒服。坐底左冇幾耐，姐仔走埋來介紹$100/2碟海鮮，睇過之前食評，一心都想黎試，要左碟帶子(有5隻，唔算大)，聖子(上層大隻D，下層個D細隻D)。睇下餐牌，揾唔到本來想叫的$28醉雞鍋湯底，咁其實佢都好多款湯底選擇，我地叫左:$108滋補水魚雞子湯底。$22田雞$38西泠牛(小)2個人，食左一日，個肚仲飽緊，都唔敢再叫咁多野啦。水魚湯底，先來左個湯，入邊都有杞子，黨參，北"祈"，圓肉等等。水魚分開上，好似係原隻，個頭仲係度郁郁下，有4粒雞子，望住隻水魚，諗起屋企幾隻烏龜，個心真係唔係幾好過，做咩要叫水魚，做咩咁滋陰呀。食完之後，屋企人仲話好好食，個湯底好甜，好欣賞咁喎。我就唔食牛肉的，但知道呢度好出名食牛，屋企人試左西泠牛，好味喎，牛味幾重，但唔算淋，有少少根，$38份量幾多，味道尚算唔錯。田雞，冇咩特別，冇咩味道，唔甜的。聖子，甜味，但有2,3隻

遺忘了這篇食評，幸好找回相片，因值得紀念。2009年做冬，相約老豆及弟弟去打邊爐，老豆一講就話去大家樂，大佬做節唔係又大家樂嘛？一聽到要出旺角即時妖媽拆蟹大力反抗，又嫌遠又嫌唔好食又話怕生保，最後要我地兩兄弟抬佢上的士先肯離開藍田﹗本來佢都嬲爆爆，不過出到旺角後又話都好多年無出過o黎，口硬心軟之流。地點是我食開的春夏秋冬，6:30pm時份人未滿，難得一家人食飯一於吃大佢﹗點了醉雞鍋，是日沒有特價，$68無咩所謂吧﹗份量足，雞肥美而大隻，湯底藥材味濃，雞件雖是雪藏貨但放湯後肉多亦嫩，家父也吃了很多。牛當然是吃這兒做得最好又抵食的神戶牛，一碟三個人分已很夠數，紋理靚，雪花綻放，牛肉軟滑鮮美亦夠牛味，$98的價錢可吃到這種牛，吃過很多地方也找不到﹗腐皮卷未夠鬆脆，不是即叫即炸，輕灼下口感很韌毫不鬆化，不是主打貨色﹗墨魚滑彈牙夠味，可惜份量少左0的﹗一人兩轉已食哂﹗水餃很足料，隻隻肥仔飽滿，肉味香濃，不過落完之後記住撈起，唔係散哂﹗鱔片偏韌，老豆話未食過鱔咁鬼韌，下次唔會叫﹗最後吃個生炒糯米飯結尾，炒得尚算乾身，臘味足，豉油也下得恰好，夠味好食，吃完十分暖胃﹗及後聽到老豆話呢度0的野幾好食，下

身邊有d朋友試過,大多數既評語都係唔錯!好,一於今日去會一會佢先!首先,必須要讚一讚佢既係: 個--湯--底!嘩,佢個沙嗲湯底,即使加咗幾次水,都仲夠晒杰夠晒濃!雖知道有d火煱店既沙嗲湯底,d沙嗲真係1比99架咋!加水之後,直情冇晒d沙嗲味都夠膽死架!再黎就係配料,小妹覺得最正既有以下呢幾樣:蟶子(我至愛) / 桂花蚌(真係超好味,又夠爽口) / 炸腐皮(好香好正) / 竹笙(索晒d沙嗲湯,仲正) / 貢丸 / 菇類.最麻麻既係:珊瑚蚌(好腥) / 龍蝦丸(冇乜味) / 墨魚滑(有怪味...唔知點形容,總之就唔好食)基本上都係第一次食到d唔好食既墨魚滑.至於醬料:豉油,每位10蚊,不過不失;辣椒粒,夠晒辣,唔錯唔錯;熟蒜,OK.辣椒粒 同 熟蒜每碟各8蚊.價錢: 大部份都22蚊碟,9點半後就大部份15蚊碟!評語:都幾OK,大家不妨可以去幫襯一下.

2010年1月1日 新年聚餐約埋d舊同事一齊打邊爐, 有人提議食春夏秋冬火鍋.反正未食過, 咁就試下啦, 睇食評都唔差.食物質素幾好, d湯低亦不錯, 價錢相對便宜.湯低:鴛鴦 - 味一般, / 咸菜豬肚(夠晒足料) - 味道剛好.食物: 手切本地牛 - 有肉味又夠鮮金菇 / 豆苗 / 炸魚皮 / 枝竹 / 西洋菜 + 雜菜 / 墨魚滑 / 手打丸 / 花枝 / 貴妃 普遍食物質素不錯.海鮮: - 唔知係咪假期, 做緊$100兩碟, 我地叫左碟帶子同聖子- 兩種都夠新鮮.叫到成台野,當然又係食唔晒, 最後埋單每人百三. 真係低到爛.最好係唔會比人趕走, 一路食一路睇電視, 正!!!出面食咩小肥羊呀果D真係食唔到咁既價錢...下次再黎可以試埋其他海鮮

I think it's little expensive, all the hot pot one dish need $20-$30but the foods are fresh, tastes good Service ok....No nedd for waitingCommendable is the type of seafood here quite a lot, you can ordering before you go to choicethe seafood....ensure the seafood are fresh !!

22/OCT舊同學約了MS一同食晚飯，同學D發板，選擇了太子區的春夏秋冬。大家已有一段日子沒見面了，有些同學繼續學業，另一些便出外工作去了~而聽講MS已沒有教書，轉做老本行了！妹子來到時他們已經開了位點好食物了，2大煲分別是麻辣清湯鴛鴦鍋和醉雞鍋，由於妹子吃不得麻辣，便坐在醉雞鍋那邊~食物是逐碟逐碟點的，我們大多點的都是大眾食物，肥牛~鱔片~金菇~豆苗~炸魚皮~丸類~枝竹~芝士腸~雲吞~餃類~墨魚滑~魚腐~牛骨髓…多到妹子都記不起吃過甚麼了，熟了便吃進肚子裡…飲品都是汽水和啤酒，而妹子喝zero coke便可以了~男士的進食量真的很驚人，共合refill了3 round才夠，哈哈…不過當晚妹子實力也不弱，吃了勁多食物~怕肥？差唔幾喇！肥牛不算太肥，只不過顏色方面一碟鮮紅~一碟暗紅，便可看出新鮮與否！另外其他食物也不錯，底下墊了勁多菜絲，減少了叫其他菜類，一舉兩得！不過MS話齋豆苗一定要點~吃到尾聲的時候，有一邊火鍋滾到燶了！拿拿淋熄電磁爐~而另一個不知是否開得太久關係？竟然壞了！？好在關了後重新開啟沒有問題，大家吃得心滿意足！店子裡合共2層，我們坐在樓上，枱與枱之間是可以說得上毫無空位

又去打邊爐！正！今次早去，去到全場只得我地一枱。所以好靜，唔會嘈到街市咁。叫咗勁多野食，最後要打包。要了蕃茄豬骨湯，Dtomato好快就煮到溶晒。豬骨好味，又有粟米。第一次叫海鮮，估唔到係咁正。$98有花甲同細蟶子。蟶子打邊爐一流，易熟，爽口，又鮮味。花甲都幾好，大大隻，不過會比較韌。黑柏葉大大塊，又爽口。醉牛肉酒味不濃，不過牛肉就好嫩滑，亦無肥牛咁肥。下面仲有大堆大豆芽。D手打肉丸就係每次都會叫，每次都咁好食，無肥肉，又打得夠彈牙。雲吞水餃就反而肥少少，好多肥肉。醉雞件都係唔夠酒味，不過雞好嫩滑，無雪味。春秋打邊爐真係好正，又平食物款式又多，海鮮又正！打邊爐不二之選。

未轉秋已經急不及待食火鍋, 人少少都不損食火鍋的決心。選此店的原因很簡單, 不想食大集團的火鍋店, 於openrice 見到評語不錯, 地點又方便, 所以成為09年第一 round 火鍋。湯底是味菜豬肚, 食物有牛坑腩、雞子、貴花蚌、餃子等。 味菜豬肚的材料十足, 爽口豬肚加味菜的味道已經足夠, 喝了一啖湯都覺得似老火湯。第一次用牛坑腩來火鍋, 平常用肥牛多。 其實, 自己少吃牛, 但覺得牛坑腩很稔, 牛味十足, 是吃牛的人另一選擇。 雞子、餃子不似大集團的細細碟, 每碟份量十足, 多人吃會較好。 唯一不太好是貴花蚌。見其他人食海鮮, 相信海鮮是這兒的 selling point, 不過, 今次人太少了, 留待人多再試吧!這兒的日本啤價錢合理, 一邊打邊爐一邊喝 beer, 人生一大樂事也!

呢晚收工相約友人在老尖飲野，點知咁岩得咁橋為食二人組在另一區等位打邊爐，搞到我又心癮起，於是決定一齊去春夏秋冬﹗一行五人，為食二人組唔係成日來，所以唔記得叫呢度最抵食既醉雞鍋，叫左個沙爹鴛鴦湯底，老實說味道麻麻，唔夠濃又無特色，似十足0個0的任飲任食場既味道﹗下次千其唔好制﹗要了鮮蝦、又有墨魚滑、手打丸、芝士丸、神戶牛及菜等﹗蝦夠新鮮，食時仲會郁味道亦鮮甜﹔蟹籽墨魚膠夠彈牙，不過好似唔多夠味，淡左少少﹗打邊爐其實唔應該吃芝士丸，根本就唔MATCH，芝士丸都係去食串燒時有少少燶燶地先好味﹗主角當然係來吃牛啦﹗神戶牛水準依然腍滑又有肉香，唔洗蘸豉油都已十分之好味﹗帶子打邊爐總是覺得韌了點﹔最後加多個手切牛，今次比之前幾次來吃的更腍，肥瘦均稱味覺大享受，幾個牛魔王最後當然滿足而歸啦﹗

同朋友舊地重遊, 對上次來已是很多年之前的事, 環境裝修和從前的都沒變, 只是多了份殘舊感. 在這裡火鍋料選擇可不少, 左一張, 右一張, 一時間有點兒花多眼亂, 但兩個人可容納到的實在不多, 最後也點回平常慣吃開的看見有醉雞鍋只賣$28, 價錢絕對十分吸引, 但在大熱天時對這鍋有點兒卻步, 就要個清熱的湯底要了芫茜皮蛋, 湯底味算香濃, 而個人喜愛的皮蛋也不少壹級手切牛肉($68) - 牛味濃郁, 肉質亦夠香, 雖肥膏不多, 但入口卻無渣, 而價錢份量亦可用大件夾抵食來形容花膠件($58) - 價錢這麼平當然不會是什麼高檔貨色, 但花膠原筒的上, 厚肉之餘也沒半點腥味, 算很不錯的了 鮮雞子($38) - 粒粒飽滿, 鮮甜之餘咬開那種香味忍不住一粒接一粒的吃下美國桶蠔($98) - 肉厚甘甜, 除蠔味濃外, 咬開蠔汁也四溢, 一碟共有五大隻, 個人包辦了三隻後總少不免有點漏, 但那滿足感卻很令人回味象拔蚌($198) - 雖只是例牌但也滿滿的蓋滿整碟, 鮮甜新鮮爽脆, 以這價算物有所值

豬骨煲$68雞子$38四寶丸$38牛肉粒$58鯇魚$15鵝腸$15蟹籽墨魚滑$48鮮蝦$38象拔蚌$88手切神户牛$98鮑魚仔$148桶蚝$98鮮炸腐皮卷$22酸梅湯 Jar $18 x 2醬油費$10 x 3蒜$8辣椒$8加一合共$939.00知道呢間嘢好耐，同事食過話好食，好似過咗9:30 會平啲豬骨煲好正，湯好甜，豬骨同粟米又多，好食過大角咀嗰幾間牛肉粒好有肉味，份量多，好食過手切神户牛，個神户牛冇肉味鯇魚有觧味，不過小心骨鵝腸有油香，好滑口象拔蚌冇想像中好食，反而鮑魚仔好好味，有觧甜味桶蚝大大隻唔腥腐皮卷炸得鬆脆，淨食燙湯都好味酸梅湯唔過甜，好易入口，係咁添飲