春水堂 (雅蘭中心)

營業中

休息中

今日lunch time12:00周圍多人，見到一間無gum多人，走進去試台灣麵，環境尚算闊，二人又可以坐4人位及窗口位！其實幾好！可惜⋯牛筋牛腩又d不爽口感、湯味夠燶、另外白色湯跟本不夠牛湯味！唉⋯最慘麵質數口感，好差wor….為什麼麵條進入口腔內，feeling 咁粉冧冧？真係特別！本人認為台灣麵應該彈力的！客人多！叫左甜品超過20mins追左3 個服務生、真心有d嬲，甜品又不是好味道！唉⋯真心試一次已足夠

最中意飲春水堂嘅茉香奶茶，有清清茉莉花味，奶味亦配合得好好。一直有幫襯開佢嘅飲品，但堂食都係第一次。叫左招牌牛肉面，湯底好濃郁，牛肉唔韌，又彈牙。仲有便當，好大份😂男人都食唔晒，份量十足！好足料！

春水堂，一間來自台灣的台式餐廳，來到香港，味道及水準會否不如理想呢？今次到訪在雅蘭中心的分店，需要等待約十分鐘的時間才能進入用膳，入座後，我們點選了以下三個餐點：麻香烏骨雞米線濃香的烏雞味加上各種養身藥膳食材，食後感覺自己更健康滷汁排骨便當滿滿的一份便當，菜多，飯多，肉多，而且不同顏色的配搭，令到人食欲滿滿。排骨口感軟熟，容易入口，加上肉丸湯，十分享受。花生三沾小麻吉朱古力花生麻薯沾上黑芝麻及奶凍一起食用，偏甜，但口感一級棒。喜歡麻薯的人不容錯過。

上個月曾經光顧過葵芳店，喜出望外，香港竟然有如此高質素台灣風味食店！對呢個品牌極有信心。認定會再光顧。好可惜，今日光顧旺角雅蘭中心呢問分店，一試之下，將我所有對春水堂嘅良好印象完全粉碎！！食物質素差差差，鹽酥雞外觀及份量都不錯，但一試之後，就顛覆了所以感覺，雞肉竟帶甜味，鹽酥雞變成甜酥雞！！！再食鹽酥排骨便當，排骨冇入味，食味只有油炸味。便當其餘食物皆冇食味，貢丸湯只係冇味貢丸配清水。差到極致！！！以後唔會再去，亦會勸人唔好幫襯！

春水堂嘅珍奶唔洗介紹，一定係水準之作，茶香奶滑、珍珠夠煙韌。但今日純粹消磨時間、涼冷氣，仲要留肚食晚餐，所以清清地叫左杯翡翠香柚茶🥤$38。入口係有幾香嘅柚子味，但唔似用鮮柚子做，似係果d即沖用嘅柚子醬，因為我叫左走糖，但杯嘢都仲係好甜，難以想像如果唔走糖嘅結果，會唔會甜到漏🤪另一敗筆之處係春水堂嘅茶香不嬲都幾唔錯，但呢杯完全無茶味，或者係我太高期望? 呢杯其實同一般茶記飲到嘅柚子茶沒有兩樣。論環境係超舒服嘅，坐位濶落，有足夠社交距離，比起附近coffee shop，我鐘意坐呢度多d，但呢杯真係唔得，下次都係飲返珍奶穩陣d。今次食評純針對呢杯翡翠香柚茶❎

用膳時間18:00左右 人流不多 但侍應3-4個圍住傾計 每次落單等都要Fing 晒手 員工欠主動 上菜要我地自己執好啲位俾員工上菜 佢地只會將所有便當 及麵等全部放係枱面上就走左去 要我地自己分配食物 呢個價錢我會expect 多少少服務 員工圍住傾偈呢個問題十分需要改善

又到左下午茶時間😋餓餓地就去春水堂食知tea☕️🧋慢煮豬手$59夠腍又入味，好中意個醬汁，次次黎到都會點😋🧋珍珠招牌紅茶雪糕吐司$59吐司夠鬆化，就咁配黑糖已經好好味，加埋紅茶雪糕、忌廉同珍珠，多重口感😚🧋黑糖珍珠鮮奶$39嗌左個熱既，無叫少甜都ok，珍珠細細粒好煙韌😆

行過街未食過哩一間，即本試下。這段時間旺角也不用等位，真唏噓。豬手魯肉便當，有菜、有肉、有飯，每樣都份量不少。最喜歡它的菜，是暖暖的，整體食完自我感覺健康滿滿。味道剛剛好，不太重味。紫菜貢丸湯也很台灣feel。不過，最喜歡還是愛玉鐵觀音檸檬茶，檸檬味及茶味夠濃，非常好飲。愛玉已經切好小粒方便飲用。我叫了走冰、微糖，雖然比預期甜了些，但還是ok。其他人可能會覺得不甜呢! 一定會再encore呢到d茶。

朋友說很喜歡春水堂，就過來一起吃，以解台灣相思之苦繼續疫情關係，不用等就有很多位這裡環境舒適，空間足夠御品三寶牛肉麵湯很鮮甜而且有淡淡藥材味，牛肚爽，牛根煙韌 有膠質，菜新鮮，牛肉夠淋，如果瘦肉小d會更加好黃金香酥雞炸得不會太乾，正常發揮珍珠紅豆鮮奶茶淡淡茶味，珍珠細細粒而且很Q彈，紅豆容混入奶茶入面，飲落去感覺像木糠布丁上面的木糠 但紅豆味珍珠鐵觀音奶茶同上 淡淡茶味，不過朋友說茶味不夠濃，仍然是好飲

日日WFH，終放有一日請假出旺角，做完野就首選台灣野台灣野一定係㨂牛肉麵可能耐無食，所以覺得幾好食湯夠濃，牛肉有唔肥既，但都唔會「鞋」牛筋有2條，所以食完成碗都唔會好「溜」不過有蕃茄係貴$10，我就係唔聽話唔睇人地推薦可能我冇預佢個蕃茄係全生，所以我覺得可以真係食推薦既紅燒牛肉麵就可以12:00pm 準時入座，午市都多人，都見到 8成滿座（有封到一D位）但卡位夠大

喺旺角行街行到攰想搵個地方坐下，見到春水堂諗住入去買杯嘢飲下，然後見到佢個甜品Menu都幾吸引，搞到我都有少少肚餓🤣珍珠鐵觀音雪糕吐司 $58依個甜品好似係香港分店先有，作為一個次次嚟親春水堂都要飲珍珠鐵觀音奶茶嘅小粉絲，梗係要試吓啦！雪糕好好味，充滿鐵觀音茶味，茶味幾重，唔會話太甜，配搭埋蜜糖吐司同埋粒粒珍珠，諗唔到又幾夾喎，果然有驚喜(⁎⁍̴̛ᴗ⁍̴̛⁎)

就跟台灣的食物一樣，永遠好吃抱持著台灣一向的風味，牛肉麵不同的款色都很好珍珠奶茶就跟外面的差不多，沒有特別好吃其他的台灣小菜也不錯，但沒有做到很特別的台灣風味。整個餐廳因為乾淨，服務態度良好，保持著台灣的一向水準。

已經好耐冇得去旅行🥲間唔中都會想食下台灣嘢，扮自己真係去咗台灣食台灣人整嘅牛肉麵🥲老實講，本身對連鎖嘅餐廳冇乜太大嘅期望，只要佢係正常發揮，我就會覺得OK🙂而春水堂就做得到呢樣嘢啦👍🏻➼ 紅燒牛肉麵（半筋半肉）湯底雖然好深色，但唔算濃味🤔肉嘅份量適中，牛肉同牛筋都算係正常發揮，不過不失。整體嚟講，過下口癮都OK嘅😙

全身想旅行！好掛住台灣之選！好好味！好治癒呀！難得今日經過唔駛排隊，個當歸藥膳湯好香濃，同台灣一樣原盎上，夠熱好暖胃！大力推薦！魯肉飯價錢唔貴，比好多台式小店起碼平一半，味道不過不失啦！珍珠奶茶都好味，當然珍珠跟台灣本店比口感還是有分別，無台灣咁Q, 量多但硬左少少，不過都有8成似，作為台灣控已經好滿足架喇！整間店的店員服務態度都幾親切，落單同食物上枱ok 快，又無限時間，值得支持再幫襯多幾次解鄉愁！

-記得第一次接觸春水堂就係喺台北機場，當時飲佢哋嘅鐵觀音珍珠奶茶感覺是驚為天人😂🧋自此就鐘意咗春水堂❤️-旺角嘅春水堂都係我隔一段時間就會去，尤其依家冇得周圍飛，當止吓鄉愁😮‍💨💔-鐵觀音珍珠奶茶：每次去我都一定飲❣️茶味濃，喜歡佢哋嘅奶味唔會過重，可以好好品嚐到茶味🤎🧋 個人覺得叫少甜仲正🥰-紅燒牛肉麵：半筋半肉嘅牛肉麵，牛筋炆得好稔👍🏻湯底香濃，唔會油膩，加埋酸菜食一流，而且佢哋嘅麵條好索湯，十分推介👍🏻-珍珠鐵觀音雪糕吐司：香港分店限定嘅餐點🤍嗯…就真的是雪糕和蜜糖吐司嘅組合，雪糕係好食，滿滿嘅鐵觀音茶味☕️不過配上吐司，個人口味覺得唔太搭😂 可以嘅我寧願單買雪糕就滿足❣️