春水堂 (雅蘭中心)

營業中

休息中

今日同朋友嚟到旺角 雅蘭中心 春水堂。印象中係第二次嚟食🦦 咁我哋就叫咗 功夫面 半筋半肉蕃茄牛肉麵 鹽酥雞翼 同埋一杯凍珍珠奶茶 埋單 $238 少貴 不過喺旺區商場可以接受。牛肉麵係好食 合格有餘 湯底同面係好味 牛肉正常 鹽酥雞翼都出色 熱辣辣 調味好食 奶茶都好飲 偏甜 建議叫少甜會好啲 唯一敗筆係個功夫面 相比之下 佢係好淡味道 比起之前我食佢哋嘅蔥油拌麵 差極遠 我要倒朋友嘅牛肉麵湯底黎食 cry☹️ 好後悔貪新鮮試新野 整體水準 都keep到 不過係中咗伏 叫咗個功夫面🦦

即興旺角搵食無太多時間擔誤知呢間幾出名野食又啱食就黎試下呀點左~麻辣牛肉麵(半筋半肉)湯底好香屬少辣飲左啖湯算濃味既本人就幾鍾意呀~煎米糕第一次食食落好似蘿蔔羔咁煎得好香可以ENCORE呢個呀~肉躁生菜生菜好翠綠細棵細棵咁沾D肉躁有少少味道唔錯呀~蜂蜜綠茶走甜見蜂蜜本身有甜味呀就走左甜都仲留有少少蜂蜜甜幾好幾好

春水堂，相信去過台灣旅行都唔會陌生啦.在香港有去過太古城、美麗華分店，已經已經覺得食物好有水準, 餐廳環境亦乾淨簡約。今日試埋旺角呢間分店，一樣冇失望。地方闊落，同朋友傾偈，去飲番杯杯珍珠奶茶或者自己去食個午餐都好正。令我最大驚喜就係台式芋米糕，質感其實好似蘿蔔糕。師傅手勢好好，四邊都平均煎香，$28呢個價錢真係好抵食。半筋半肉牛肉麵，湯底濃郁，牛肉亦唔靭，份量亦都足夠，值得一讚。不過80幾蚊都唔係平。另外椒鹽杏鮑菇亦非常香口，呢款小食我們每次都會叫，外脆內軟，又唔會太乾。鐵觀音珍珠奶茶，入口淡淡的鐵觀音茶，珍珠係比較細粒，容易入口，正！

聖誕食得多西餐，食下台灣野先三寶牛肉麵⭐️⭐️⭐️✨🇭🇰$98個湯好濃，好香既藥材香，不過超油，油過頭。牛肚爽口入味，牛筋煙靭，可惜牛肉好難咬！牛骨濃湯牛肉麵⭐️⭐️⭐️⭐️🇭🇰$82個湯清清地，反而呢碗d牛肉好食好多黑糖老薑珍珠鮮奶茶⭐️⭐️⭐️⭐️⭐️🇭🇰$40黑糖，薑，奶茶味，三種味都岀，無互搶，配合得好好！朱古力珍珠奶茶⭐️⭐️⭐️⭐️✨🇭🇰$38朱古力味好濃！朱古力控可試！D珍珠太細粒了。鹽酥杏鮑菇⭐️⭐️✨🇭🇰$38個炸皮同個菇係可以分體，食完覺得少少埋，無下次珍珠鐵觀音雪糕吐司⭐️⭐️⭐️🇭🇰$58最岀既係個雪糕個茶味，唔太甜，茶味岀。但個吐司唔夠熱唔夠脆，對我黎講呢個位扣分。

好耐冇食台灣嘢又唔想食得太多所以就揀咗春水堂。不過由於太鍾意食台灣嘢，最後都忍唔住叫咗個滷肉飯，麻油雞麵線，酥炸杏鮑菇，仲有四神湯添，最後加埋個珍珠奶茶，真係食得好飽。只係價錢真係有啲貴。其實有麻油雞湯麵線本來就係一個堂，但由於見到有四神湯就忍唔住再嗌多個湯。四神湯嘅味道好台灣味好地道好適合冬天飲，飲完成個人都好暖，不過如果再有更多湯類嘅選擇就更好例如苦瓜雞湯，四物湯，苦瓜排骨湯就更好了，因為春水堂是代表台灣，而這些食物也是代表台灣。

夜晚同朋友係旺角行完街，唔算食太飽又想食少少輕食同飲野，就決定試下堂食嘅春水堂。-連鎖店都有高質出品嘅台灣菜 春水堂-夜晚8點鐘左右，同朋友直入唔洗等位，座位偏逼通道較窄，不過香港鋪租貴都明白要間多幾張枱嘅，侍應服務正常水準，上菜速度正常，係叫起左甜品之後再叫上得甜品似乎漏左單，因為一催單反而又即刻拎到比我地。-1.鐵觀音珍珠奶茶3.75/5鐵觀音茶底好香唔會比奶味搶哂，奶茶亦夠滑，珍珠偏細粒但都煙韌，好推薦!唯一美中不足係似乎太濃，然後好不幸地失眠左，哈哈。2.魯肉飯3.75/5魯肉飯偏甜同瘦肉多D，係適合香港人口味一D嘅魯肉飯，唔係傳統台灣半肥瘦既魯肉飯，但係味道同汁料都調得好好，如果再多D魯肉可以撈哂成碗飯就完美。3.滷香拼盤4.25/5春水堂嘅非常多滷味嘅小食，選擇困難症兼樣樣都想試嘅我地就揀左滷香拼盤，拼盤包括有滷豬腸，牛肚，牛筋;依個拼盤非常出色，滷水汁非常入味，牛肚完全食到滷水汁嘅香甜，牛筋就都滷得非常入味而且變成啫喱入口即溶，非常值得推介!4.當歸藥膳湯3.75/5咁啱依一日天氣跌到10幾度，朋友就想飲碗湯暖一暖身，估唔到又有驚喜，藥膳湯非常足料，當歸味濃，依度用左腰果

🐒春水堂🐒📍旺角 Mong Kok🧋鐵觀音奶茶賣相：🤎🤎🤎🤎味道：🤎🤎🤎🤎少甜少冰。味道還好，但茶唔夠香。飲唔到鐵觀音既茶味。泡面算滑身，唔會好厚。麻辣牛肉湯麵🍜賣相：🤎🤎🤎味道：🤎🤎🤎牛肉唔會好韌，辣既程度係唔會令你流汗，係小小野味點綴一下。麵既份量唔算好多，不過食完都夠飽既。酥炸豬排配他他醬便當🍱賣相：🤎🤎🤎🤎味道：🤎🤎豬扒酥脆，不過太肥，口感有啲粉，而且味道偏咸，一定要配沙律醬同埋飯。份量配搭剛好，醃製蘿蔔尚可，滷蛋不過不失，但菇菌類無咩味，似用滾水烚熟完加左少許胡椒，連咸味都食唔到。有啲失望。店舖內整潔程度：👍🏻👍🏻👍🏻👍🏻員工態度：👍🏻👍🏻👍🏻👍🏻舒適程度：👍🏻👍🏻物超所值：👍🏻👍🏻(價錢尚可）呢次體驗值滿意分數係55%👏🏻👏🏻👏🏻飲品唔錯的👍🏻係食物既味道一般。#TaiwaneseStyle

突然想食台灣野，附近就有間春水堂，初初春水堂係APM開個陣食高都覺得唔錯，咁就諗住翻兜啦。週六晏就食飯都預左要排隊，不過入坐算快，大概10分鐘左右都轉左3張台。今次叫左個鹽酥雞翼魯肉飯便當（$92）、珍珠鐵觀音奶茶（$34），同行朋友叫左個紅燒牛肉麵（$82）、鐵觀音拿鐵（$36），落單時侍應話便當要耐啲時間大概15-20分鐘，好彩最後都唔係要等好耐，只係慢個麵少少。首先講下野飲啦，雖然杯珍珠鐵觀音奶茶叫左半糖，但最後麵係好甜好似正常糖咁，不過都幾香茶味既。而個便當呢，主菜鹽酥雞翼只有3隻，都幾少既，不過有唔少配菜例如菇、菜咁，都算豐富既，而且都食既時候都熱辣辣既。不過就平平無奇，個人覺得啲配茶、菇仲偏油，比起當初初開張時食感覺好似差左。而朋友都話個牛肉麵既牛肉一般，有啲韌。連加一埋單都$268，好似可以再尋覓下其他台灣店了。

今日去睇concert之前諗住求其食啲野就算，行左入雅蘭中心一直都唔想排隊嘅春水堂，見唔洗排隊就去食下，一直都係聽人地講有幾好食，今日終於試下。麻辣牛肉麵 $82飲左淡湯底，好飲到癲左，牛味好重，而且每舊牛肉都好大舊，功足料，麵質又好彈牙，成碗食曬都差啲唔夠喉，想食叫多碗。茶香肉燥娃娃菜 $28菜就冇咩特別，肉燥係幾好食，不過就咁撈啲菜都真係勉強左啲。黃金香酥雞 $48好耐冇去過台灣，食到好有台灣嘅風味，都好大份，不過CP值唔算太高。滷香拼盤 $78好足料，兩個人食份量岩岩好，而且滷汁都好好食。珍珠奶茶 $34珍珠奶茶出名到唔洗講都知好好飲。Overall黎講，真係好食嘅，牛肉麵下次要試下唔辣嘅，可能會再有驚喜啲。

春水堂我對佢嘅印象只係手搖飲品由於好少試過堂食今日夜晚喺旺角食飯就去咗試吓其實主打都係想食鹽酥雞.首先佢係冇得拎飛嘅如果你要Walk in只能喺門口line up 等位.照常大概10至15分鐘等候時間對我來講尚算可以接受.佢有個幾好嘅地方就係佢嘅環境並唔逼夾坐落去都相對舒服.我哋一坐低兩條友好快就諗好咗食咩啦1. 功夫麵（佢話係推薦）另外加咗$12叫咗個滷蛋2. 麻油拌麵3. 滷水拼盤4. 鹽酥雞5. 熱珍珠奶茶走糖6. 鐵觀音奶茶少冰少甜.我哋嗌完之後好快就上嘢食啦首先嚟到嘅係麻油拌麵佢望落係細細條嘅麵線調味其實OK如果都係粗面嘅話個質感會更加好.我個功夫面相對來講算好啲功夫面面頭已經有包含1. 滷肉香菇粒2. 少量蔥面嘅質地幾好因為粗啲嘅關係有咬口味道尚算可以.鹽酥雞好快就黎la相對起俾我心目中嘅感覺佢外皮唔夠脆亦都冇好似台灣嘅料理咁調味比較淡係我預計之外嘅嘢因為正常食得台式嘢鹽酥雞真係必備呢個有少少失望.然後滷水拼盤隔咗好耐先到我哋特登留咗一注麵留咗好耐先至等到去佢滷水拼盤係包1. 牛肚2. 滷牛筋3. 大腸三款item來講我比較鍾意食牛肚都係果句嘢食除咗調味e 外口感真係好重要

經理服務態度非常差，不識變通，安排位子混亂，我話冇四人枱唔緊要，比張二人枱我啦，我抱住個女坐，佢話好逼嫁喎 不如分開兩張，但見吾對大家嫁，我話唔洗，二人枱就得，佢個樣好藐視，點知去到個二人位係超闊，完全夠坐，擺多張櫈都仲得，完全吾會影響其他人，又無禮貌，我舉手打算落單又無視我走左去，我諗住叫經理黎投訴，點知個經理就係佢，即刻扮死狗

叫碗牛肉麵菜-凍既麵-冇口感肉-好難食湯底-唔夠熱另外叫咗個小食同嘢飲就不過不失有時買下嘢飲都可以考慮嘅其實初初開嘅時候都好啲點知越嚟越唔好食宜家直頭係難食希望大家唔好中伏利申：食完走左之後，越諗越唔鋸唯有寫食評發洩下所以無食物相🙏價錢又唔平真係俾錢買難受Arrrrrrrrrrrrrrrrrrrrrrrrrrrrrr!絕無下次！

旺角平日晚上都較多人，餐廳難求，呢間朋友介紹，話岩一人坐，就黎試下以前對春水堂既認知係只賣奶茶（仲要唔太多人幫襯，俾貢茶果d搶晒客），原來旺角呢間分店仲有熟食。入到餐廳非常闊落，平日晚上7pm左右，坐左4成滿，位同位之間都夠空間，一人或多人黎都會坐得舒服，亦屬於「岩傾計餐廳」。咁黎到就叫左個手工麻香麵線，望落有d細碗，但食落去都夠飽同好食。但重點個人覺得都係杯奶茶，真係幾好飲。唔夠字數，繼續講下。奶茶非常香滑，雖然大杯，但唔會飲唔晒，配住d麵黎食確實幾好。環境用上左唔先木造傢私，令我諗起牧羊少年餐館既風格，亦好岩文青。記得多年前去台北都有品嘗過春水堂，都係飲奶茶，有時實在慶幸東南亞既奶茶文化－所謂milk tea alliance，將奶茶呢樣野發揚光大。英國佬視飲茶為高尚文化，但東南亞既人將茶加入奶，頓時變得地道，茶餐廳、珍珠奶茶店，街邊小販，買圍都有得賣。

去台灣最愛到春水堂喝他們家的熱珍珠奶茶，台灣是以一壺的形式奉上。香港春水堂也開了好耐，銅鑼灣、沙田、觀塘、旺角店都試左好多次，今次係最失望既一次。食物來說，旺角店質素平平，近日再訪，質素再下降了不少。黃金香酥雞 $48香酥雞的雞肉比較乾🥲而且份量不多，炸粉也相對較厚。魯肉飯（小碗）$28肉燥不夠肥，調味一般，份量不多，但飯太多，味道平平。功夫麵 $53醬汁不能掛到麵條上，醬汁很稀，以致麵條沒有沾上味道。而且麵條心很硬，像是未完全煮軟。黃金地瓜條$33番薯條的外皮未能完全炸至酥脆，地瓜條上面灑了梅子粉，味道尚可。茶香肉燥娃娃菜 $28娃娃菜較硬，像是未煮透。味道有點奇怪，吃下去有點像灑了梅子粉那種微酸的味道，吃完後帶點回甘，味道與娃娃菜不太配合😵‍💫熱鐵觀音珍珠奶茶 $34幸好這杯珍珠奶茶水準亦未退步👍🏻茶味香濃，鐵觀音比原味珍珠奶茶更突出茶香。

小編好鍾意食台灣嘢🙌上次story同大家介紹咗春水堂嘅台式奶茶🥤係小編其中一樣至愛❤️所以今次想同大家詳細介紹吓佢嘅嘢食🥢🍜麻香烏骨雞麵線雞湯好濃郁🐥有麻油味香👃食落好開胃 幼麵嘅質感夠爽身🐷小碗魯肉飯 肉煮得入味 肥瘦恰當👌加埋肉鬆好惹味 夾埋一齊好餸飯🍚🌕金沙芋泥丸 ($48) 芋泥味好香濃 外皮夠脆又夠熱🔥質感到位👏如果芋泥再流心多啲就更佳🥛茉香奶茶 ($31) 茉莉茶味好香👃奶嘅份量落得啱啱好🥛入口芳香柔滑🍼另外小編覺得如果叫走冰少甜嘅話 奶茶個味道就岩岩好