春水堂 (雅蘭中心)

營業中

休息中

本身save好咗想打好評比佢因為味道比起第一次食好食咗好多但係今次帶埋屋企人去食等咗15分鐘左右有位入到去俾咗張四人枱我哋一坐低睇咗一陣餐牌就問我哋有冇興趣轉枱咁我哋話唔轉啦呢度好坐d可能個侍應就同返佢啲同事講之後就聽到一句：「有咩咁好坐姐」（態度好差咁講）我都唔係自己坐低話要轉你哋都係問有冇興趣轉唔轉枱唔洗比人鬧呀嘛決定以後唔再幫襯放返之前食嘅圖出嚟原本打咗好評但再次入到去決左比差評雖然話好食咗但呢啲態度我真係唔想比錢係到食好惡真係比佢嚇親係咁先

經常黎旺角行街食野 但次次經過春水堂都有好多人排緊隊 今次夜晚竟然無咩人排隊 決定一試 經常聽人講食台灣野一定要試下春水堂 今次終於有機會啦🍽紅燒牛肉麵(半筋半肉)牛肉嫩滑，入口即融，牛肉味濃郁，牛筋彈牙，唔會太腍，但小編唔好牛筋，食落都會覺得濟，食唔曬牛筋，如果喜歡食牛筋，應該會覺得好正。麵亦都夠彈牙，性價比合理。🍽 鐵觀音拿鐵鐵觀音味道濃郁，奶泡輕盈豐富，怕肥嘅女小編揀左少甜，茶味仲突出，正！推介度：⭐⭐⭐⭐⭐

春水堂 ｜旺角期待已久的春水堂，好多次見到門口排長龍都放棄左，今次晏少少去唔洗等好耐就入到。🍱酥炸豬排配他他醬便當 $82炸豬排好大塊份量十足，幾好味但係略乾，配菜好豐富又有菜又有菇菇，反而我就覺得最麻麻地嘅係白飯，煮得唔係幾好味。🍜半筋半肉蕃茄牛肉麵 $92蕃茄湯好濃郁，牛肉好稔又入味，麵條麵軟硬適中👍珍珠茉香奶茶 $34好有茉莉香，奶茶又滑，整體都唔錯👍📍 旺角彌敦道639號雅蘭中心1樓101-102號舖

有一日放學好夜餓住肚仔翻到屋企附近上到春水堂見無咩人排隊就決定入去試下服務員態度好好 見我一個人就安排咗我坐一個遠離煩囂既位置 我為呢位服務員的細心加分接下來我就叫了一個功夫麵 見張相好鬼吸引好快個麵就到咗香味隔住口罩都聞到用酒精消毒好手仔 我就開始享用我的晚飯了唔知點形容 只可以講麵好筋道 個sauce味道層次分明 係可以再來一碗的程度食到悶悶地 我叫咗杯紅豆鮮奶黎drink drink甜度適中 紅豆重料 奶味香濃大家可以去try try佢wo 功夫麵世一！

落單時間係 15:28 我同朋友碗麵都仲未食完（朋友碗功夫麵大約仲有4分1 多啲，我碗麵仲有啲牛筋同麵係到 ）我同朋友只係飲緊杯飲品就突然間比一個短頭髮嘅女服務員收起曬我地兩碗麵拎去倒咗佢問都冇問下我地仲要唔要就拎咗去掉 其實我地未食完 個一刻我地真係呆咗 都反應唔切我望一望個時間都係16:07落單時間到佢掉我地碗麵都係半個鐘時間，都仲未計我地等野食嘅時間我地都係食左可能大約十幾/二十分鐘就問都唔問，掉人碗麵想趕人走？睇呢度其他comment 都有講過有位女服務員態度好差，應該係同一個人試過社交平台 message 同email去反映返件事，但兩邊都完全冇回應

星期六下午茶時間，排左半個鐘到就入到啦~疫情關係，二個人都分配到窗囗卡位，坐得好舒適成日都想試，第一次來食冇令人失望，全部野都好食三寶牛肉麵 8/10 湯底好濃好好味， 三寶有牛筋牛肚牛腩， 好入味同 軟熟。 面就略為有少少糊囗，但就好輕微， 已經比其他好多地方嗰。好好多甘梅地瓜條 8/10超值 份量好夠 炸得又夠脆甘梅粉再多啲， 濃味少少就好啦 茉香綠茶 9/10好甘香嘅茶味， 一路食住地瓜條一路飲，好夠解渴👍珍珠紅茶雪糕吐司 9/10賣相一流，份量睇落唔多，但食落好飽吐司係丹麥麵包嘅味道，質地外脆內軟雪糕上面 好似 班尼迪蛋嘅係淡忌廉珍珠軟糯，雪糕茶味香濃 ❤

在有冷氣情況下排隊係可以接受的，前面大約有10對情侶，即係要等10張枱，咁多人排隊，一定唔會差啦！等吧！最後，大約30分鐘就可以有枱，其實，係商場裏面排隊係幾舒服，又唔使日曬雨淋。原來裏面都幾多枱，不過大部份都係2人枱，以我所見，現場大部份都係情侶食飯。飲品先到，鐵觀音凍飲有啲苦，不過，咁既天氣，入口好舒服； 珍珠苿香奶茶無乜特別之處。排隊時，睇過openrice既post，都有啲心水叫乜野食。呢個香酥炸雞係個個都推介，試過就係無介紹錯，外表唔係脆，係酥既感覺，雞肉仲保持肉汁。呢味滷香牛筋，唔可以唔食，啲牛筋彈牙又冧，但唔係太冧，因為有時太冧既質感係好似爛哂咁，依家好有咬口但又容易咬。台式店又點可以缺少紅燒牛肉麵呢？總共有兩片牛肉同兩片牛筋，好珍貴囉！牛肉好冧，入口溶化，但牛筋就唔似之前既滷香牛筋，呢個實在太冧，又唔入味。另外，湯底太油，清楚見到一層1/4吋既紅油係面，搞到我唔敢飲湯。魯肉飯本身係好油膩同好飽肚既食品，呢度有細細碗魯肉飯實在太好了，所以試下，味道都唔錯，而且我中意佢細細碗，食完仲可以食其他野。貪心試埋個地瓜條，後悔，中伏，無甜味，食左一條有咬口既野，唔知食左乜，可以唔使

▫️紅燒牛肉麵🐂⁣ 💰82⁣↬半筋半肉的牛肉麵是🐰的最愛 湯底濃味有牛肉味 但略嫌有點油 牛筋十分軟滑 牛肉軟淋淋 麵條掛湯也有咬口 不錯⁣⁣⁣⁣▫️麻辣涼伴鴨舌🌶⁣ 💰68⁣↬ 味道雖然還是比不上每次到台北都吃的滷天淥 但夠麻 爽口 可以過過口癮⁣⁣⁣⁣▫️金沙芋泥丸💛⁣ 💰48⁣↬手工炸芋泥球入面是流沙鹹蛋黃 一咬下去爆餡 不會太油膩 一份四粒 二人分享剛好 有驚喜⁣⁣⁣⁣▫️珍珠鐵觀音奶茶🧋⁣💰34⁣↬不太喝到鐵觀音味道 細粒珍珠有咬口 但個人較喜歡大粒 更有口感⁣⁣⁣⁣▫️熱薑汁黑糖珍珠奶茶 (冬季限定)⁣ 💰37⁣↬有冰熱兩個選擇 養生的必定選熱的 薑汁不會太辣喉嚨 黑糖甜度剛好 珍珠煙韌 冬天喝這個好暖粒粒⁣⁣⁣⁣⁣⁣ᐠ ♥︎ ᐟ每次經過都見到好多人排隊 平日較少人終於試到 整體都不錯 小食有驚喜 還有珍珠奶茶甜品 下次再試 很多地區都有分店(> <*)⁣⁣⁣⁣

陪一位孤兒單太太來做體檢，檢查完我諗住請佢食個 lunch ， 她也喜歡飲珍珠奶茶，在門口見到價錢，她說太貴，我說我請客，她說 AA 吧，我答不用了，當是識個朋友，我請吧 ！平日旺角中午，座位有 8 成滿，打開餐牌，太太說九十幾蚊一個牛肉麵很貴，而且她吃不多，不想我破費，最後她見到 $28 一碗小魯肉飯，很高興點了這個，我地點了 2 碗小魯肉飯，2 杯熱珍珠奶茶少甜。 上菜時發現下單漏了一碗飯，待應都很快補回，少少過失可以接受。 魯肉飯正常，珍珠奶茶少甜但都有點太甜，珍珠都好咬口，兩味都中規中矩。 環境都中規中矩，感謝 peak hour 都沒有摧我們埋單。 這餐飯我們吃了個多小時，聽著這位太太說起她的家庭及往事， 關係密切了，她說很想介紹她女兒給我認識，多謝。 埋單 2 人百百零幾，明天太太入醫院做檢查，希望她身體健康。

疫情關係，好耐無去台灣喇，同個台灣朋友傾左陣計，就搞到好想食台灣野，於是晚餐就去左食春水堂。我自問對於台灣野唔係咁熟，問左位朋友，佢話春水堂出名兼好食，所以就揀左佢啦Order左以下嘅野食：煎米糕、牛三寶麵、豬手、珍珠奶茶首先講講個米糕，食落味似煎腸粉，不過因為佢係一粒粒，每邊都煎得金香又脆，所以好食過煎腸粉好多而且佢唔會好實，一碟16粒我一個人都可以清曬！牛三寶麵就湯底濃，牛根最突出！不過就油左D，所以飲唔曬D湯，但係係好味嘅。豬手就好驚喜，一碟四舊，舊舊厚肉！好入味，食落好似啖啖骨膠原咁，食完覺得自己皮膚好左珍珠奶茶就茶味濃，可能個人對珍珠奶茶嘅印象就係甜同唔健康，呢杯咁重茶味我反而唔係好慣。

打住台灣黎既名堂🇹🇼 亦都係台灣嘗試過佢高質既珍珠奶茶🤩念念不忘 對佢有返不少Expectation🤪 食完之後覺得比起一般港式台灣料理好DD😅 但係未算好出色 同台灣比較相距甚遠✈️⭐️ 紅燒牛肉麵 🍜喜歡佢既半筋半肉因為試到唔同口感👍🏻 牛筋紅燒得好入味而且唔會韌 🍖 牛肉反而唔算腍 湯頭紅燒係入味既🔥 但係慢慢食落去有D太膩 如果清甜D 入口舒服D🌱⭐️ 麻辣牛肉麵 🌶比起紅燒牛肉麵純粹多左辣味😅 配上牛肉食係惹味DD 但係牛肉始終牛味唔夠濃🐃 辣油顏色夠濃 但係欠缺麻辣既層次🌝⭐️ 珍珠鐵觀音奶茶 🧋果然幾有驚喜😍 用左鐵觀音所以比起一般奶茶多一份甘香 🫖 雖然唔似鮮牛奶🥛但係唔會過分甜膩 面頭一層泡沫😚好有台式感覺 珍珠有咬口 不會過甜👍🏻 整體茶味好出眾

早前係東涌分店食過，覺得牛肉麵好好食，環境好舒服，員工態度和藹親切，令人回味無窮，但係去了旺角雅蘭中心分店之後，係以後不會再去光顧了。該店員工對顧客的態度非常之唔專業，食物岀品不夠温度。令我對該店非常難忘，春水堂管理出很大的問題，員工水準參差食物都一樣參差。春水堂的加一服務費，應該刪除，因為係非常之差的服務水準。各位香港朋友如果諗住去旺角雅蘭中心分店，我建議你不如去另外一間。免得大家心情變得惡劣。

食過好多間春水堂分店，呢間個水準好唔穩定朝早11:30嚟食，冇乜人唔需要等位店員都算有禮貌每次去唔同分店我都會食同一個菜式，今次再食牛骨濃湯牛肉麵個湯底變咗勁淡好似溝咗勁多水，一啲都唔濃，個面底仲要黐實變咗一餅，個湯同埋面都唔係太熱即係唔係即刻煮出嚟嗰種熱，牛肉仲要完全冇味，好難食，簡直劣食，唔明點解咁都可以比客人食，完全唔值80幾蚊。好失望。仲叫咗杯凍茉莉奶茶同鐵觀音奶茶，竟然兩杯都比之前有進步，茶味比之前更香濃。

成年冇得飛嘅各位或多或少都會有d思鄉特別係台灣美食當然啦，台灣菜香港眾多點解食呢間？我考慮原因有三一係方便二係穩陣三係算坐得舒服dd今次叫咗紅燒半筋肉牛肉麵肉：肉味香濃，外帶一點點的藥材香氣可惜不知道是不是部位的問題肉味雖濃但口感卻一般般有點柴且硬筋：與肉相反，軟得黎又唔會太難咬濃烈的牛味淡淡散發，好評食完嘅時候個嘴黏黏地，有d張住感覺很不錯麵：有嚼勁和麵粉味的麵軟得黎又可以有嚼勁很高分湯底：飲啦！那是台灣的味道！飲品：叫咗檸檬愛玉很愛那清新的酸味個人建議飲品可以一律少甜

一位戴眼鏡嘅女店員落單，冇禮貌、冇語氣，顯得不耐煩，態度惡劣！難得出外堂食餐飯都咁受氣，真係以後唔會再嚟，亦絕對唔會建議朋友嚟！食物吹噓到幾好都冇用，咩食野嘅心情都冇曬！連茶餐廳大排檔嘅員工都唔會咁離譜！呢間餐廳對員工嘅服務要求太要求低👎🏻疫情下飲食業艱難時刻，但呢間餐廳似乎並不志在，冇心做好，真係極差嘅體驗👎🏻👎🏻👎🏻旺角區有咁多台式食肆，唔想受氣嘅請慎重考慮嚟呢間食！真係絕對唔會再嚟！